សៀវភៅជីវិត

30/08/2025

ដំណឹងល្អសម្រាប់មិត្តអ្នកអានដែលតែងតែរង់ចាំ 😊💚

28/08/2025

“ #ប៉ារបស់ខ្ញុំ”

មានរឿងខ្លះខ្ញុំពិតជាចង់និយាយប្រាប់គាត់ណាស់។ ខ្ញុំចង់ឱបគាត់ណាស់ ចង់ប្រាប់ថា នឹកគាត់ណាស់ ប្រាប់គាត់ថា ខ្ញុំពិតជាចង់ត្រលប់ទៅនៅពេលដែលខ្ញុំមានគាត់ណាស់ តែវាមិនដូចជាអ្វីដែលខ្ញុំគិត។ ហេតុអ្វីពុកចាកចេញ? ហេតុអ្វីក៏ទេវតាមិនអាចផ្ដល់ឱកាសសុំត្រឹមតែឃើញគាត់ម្ដងទៀតក៏បាន។ ហេតុអ្វី? ដប់ឆ្នាំជាងយូរណាស់មែនទេ សម្រាប់អ្នកតែវាថ្មីនៅឡើយសម្រាប់បេះដូងខ្ញុំ។ ខ្ញុំមានអារម្មណ៍ឯកាណាស់នៅពេលដែលខ្ញុំបានឃើញ បុរសម្នាក់កំពុងតែឌុបក្មេងចេញពីសាលា ខ្ញុំចេះតែគិតថា ចុះបើពុកខ្ញុំមានវត្តមាននៅទីនេះ តើខ្ញុំនឹងដូចក្មេងម្នាក់នោះទេ គឺវាប្រៀបបីជាព្រះនាងតូច ដែលមានមនុស្សជាទីស្រឡាញ់ និង ត្រូវការបំផុតនៅក្បែរនោះ។

អ្វីៗគ្រប់យ៉ាងវាគ្រាន់តែជាការស្រមៃ ព្រោះតែការពិត គាត់បានចាកចេញហើយ ចាកចេញឆ្ងាយ ឆ្ងាយរហូតដល់មិនអាចត្រលប់បាន ឆ្ងាយរាប់គីឡូរហូតដល់ខ្ញុំមិនអាចទៅរកគាត់បាន។
ខ្ញុំតូចចិត្តដែលគ្មានគាត់តែខ្ញុំត្រូវតែទទួលយកការពិតថា គាត់បានចាកចេញហើយ។ គាត់ទៅបានសុខហើយៗខ្ញុំត្រូវតែរស់នៅឱ្យល្អ កុំឱ្យគាត់បារម្ភនឹងក្មេងស្រីដូចជាខ្ញុំ ...។ ខ្ញុំជាព្រះនាងតូចរបស់គាត់ បើទោះជាគាត់លែងមានវត្តមាននៅលើលោកមួយនេះក៏ដោយ។
“មានឱកាសចូរនៅជាមួយមនុស្សជាទីស្រឡាញ់ឱ្យច្រើន ព្រោះថ្ងៃស្អែកអាចមានរឿងជាច្រើនកើតឡើង"

អត្ថបទ: ប្រិយមិត្តអ្នកអាន

22/08/2025

21/08/2025

“ #ជីវិតមួយនេះ”

បើយើងស្វែងយល់ពីជីវិតរបស់យើង យើងអាចនឹងរីករាយជាជាងអង្គុយកើតទុក្ខ មិនសុខចិត្តនឹងរឿងដែលជីវិតយើងមិនទាន់បានជួប...។ ជីវិតមួយនេះនៅមានបទពិសោធជីវិតជាច្រើនដែលយើងគួរតែស្វែងយល់ ហើយយើងក៏អាចនឹងរីករាយដែលខ្លួនឯងបានសាកហើយភ្លក់រសជាតិជីវិតមួយនេះ សមដូចជាពាក្យបុរាណមួយពោលថា " ឮគេនិយាយ១០០ដងក៏មិនស្មើបាន ឃើញម្ដងឡើយ" ប្រៀបដូចជាជីវិត បើមិនសាកខ្លួនឯងផង យើងមិននឹងដឹងទេថាជីវិត ជួបរឿងជូរចត់អ្វីខ្លះ សប្បាយអ្វីខ្លះ រំភើបចិត្តប៉ុនណា...។

ជីវិតមួយនេះមានបទពិសោធច្រើនណាស់ដើម្បីស្វែងយល់ កុំទៅអង្គុយកើតទុក្ខច្រើនពេកអី។ ព្រោះមិនបានអីហើយ ចេះតែបន្ទាសថាជីវិតមួយនេះតូចចង្អៀត តាមពិតទៅមិនមែនទេ ជីវិតមួយនេះពិតជារីករាយ បើយើងចេះរស់នៅជាមួយវា ...។

អត្ថបទ៖ សៀវភៅជីវិត

02/08/2025

ស្នាដៃប្រលោមលោក «កំណត់ហេតុពណ៌ស្វាយ» ក៏មានលក់នៅបណ្ណាគារចំណារដែរ ចំណារ/ Chamnār Bookstore 💜🤍

01/08/2025

" #ដំណើរ"

ការមានក្តីស្រមៃគឺយ៉ាងហោចណាស់ធ្វើឱ្យយើងដឹងពីគោលបំណង ហើយជីវិតយើងរស់ដោយមានក្តីសង្ឃឹម។ ក្តីសុបិន និងគោលដៅគឺជាអ្នកដាស់យើងឱ្យភ្ញាក់ពីដំណេករាល់ព្រឹកយ៉ាងមានថាមពល។ ទោះបីអ្នកខ្លះ ត្រូវតែក្រោកតាំងពីម៉ោង ៤ឬ៥ព្រឹកក៏ដោយ ក៏ពួកគេពេញចិត្ត ហើយធ្វើការណ៍នោះប្រកបដោយថាមពល។

31/07/2025

" #ឥន្រ្ទរាជ"

ឥន្រ្ទរាជ គឺរស់នៅជាមួយម្ដាយតែ ២ នាក់។ ឥន្រ្ទរាជ គឺជាក្មេងប្រុសម្នាក់ដែលស្រឡាញ់ទឹកភ្លៀង នឹងមានលក្ខណៈខុសគេតាំងពីតូចមកម្លេះ ដោយតែងតែរីករាយជាមួយនឹងទឹកភ្លៀងជានិច្ច ទោះបីការភ្លៀងធ្លាក់ខ្លះ លាយលំនឹងផ្គររន្ទះខ្លាំងប៉ុណ្ណា។ រាជមានមិត្តសម្លាញ់ ៣នាក់ ដែលមានឈ្មោះថា សក្តិ និង ទេវី ពួកគេតែងតែចែករំលែកចំណេះដឹងគ្នា និង ជួយគ្នាទៅវិញទៅមកនៅពេលនរណាម្នាក់មានទុក្ខ។ នៅថ្ងៃមួយឥន្រ្ទរាជ បានធ្វើឱ្យមិត្តភក្ដិនៅសាលារៀន និង លោកគ្រូអ្នកគ្រូទាំងអស់មានភាពភ្ញាក់ផ្អើលយ៉ាងខ្លាំង ដែលផ្គររន្ទះមិនអាចធ្វើអ្វីឥន្រ្ទរាជបានឡើយ ខណៈពេលដែលអ្នកកំលោះនេះនៅកណ្ដាលភ្លៀងខ្លាំងមួយ។ រឿងនេះបានល្បីរន្ទរពេញសាលារៀន។

ក្រៅពីថាមពលពិសេសដែលរាជមាន បានធ្វើឱ្យផ្អើលដឹងដល់ឋាននរកដែលស្ដេចឋាននរកបានដឹងថា មានមនុស្សពាក់កណ្ដាព្រះម្នាក់ដែលរស់នៅលើភពផែនដី បានដឹងរឿងទាក់ទងពី “ព្រះខ័ឌ្គរាជ្យ” ដែលស្ដេចខ្មោចនោះប៉ងរកជាយូរមកហើយក្រោយពីបានបាត់ទៅក្នុងកំឡុងពេលសង្រ្គាមជាមួយស្ដេចឋានសួគ៌ ដែលស្ដេចឋានសួគ៌បានបង្កើតដែនសីមាការពារ កុំឱ្យពពួកក្រៅពីព្រះនៅឋានសួគ៌ចូលមកបាន។ ដូចនេះ ស្ដេចខ្មៅក៏សម្រេចចិត្តឱ្យបរិវារបានតាមមកឆាឆៅនឹងរាជ ដោយដឹងថារាជជាកូនពាក់កណ្ដាលព្រះនិងមនុស្ស។ ស្ដេចខ្មោចបានចាប់ម្ដាយរបស់រាជ ដោយស្តេចខ្មៅត្រូវឱ្យរាជយកព្រះខ័ឌ្គរាជ្យជាថ្នូរនឹងការដោះដូរម្តាយរបស់គេមកវិញ។

30/07/2025

"រលកបោកខ្សាច់"

សាច់រឿងដកស្រង់...
[...]
បុស្សិបារលីងរលោងទឹកភ្នែក ងាកមកលត់ជង្គង់សន្សឹមៗ ចំពោះមុខលោកណារ៉េត៖
- លោកប៉ាមួយខែដែលកូនមករស់នៅជាមួយ ប៉ាកូនមានក្ដីសុខណាស់ព្រោះតែសេចក្ដី
ករុណារបស់លោកប៉ាចំពោះកូនដែលតាំងពីតូចដល់ធំកូនមិនដែលបានទទួលទេ! តែប៉ុណ្ណឹងកូនក៏ពេញចិត្តណាស់ទៅហើយ! តែកូនក៏សុំលាលោកប៉ាត្រលប់ទៅថ្ងៃនេះវិញដែរ! កុំឱ្យលោកប៉ាមានទំនាស់ក្នុងគ្រួសារដោយសារតែកូនធ្វើអ្វី!
[...]

29/07/2025

"មនុស្សខ្មៅ"

ពេល​ដែល​មនុស្សយើង បាត់បង់​នូវ​ទំនុកចិត្ត​លើ​ខ្លួនឯង​ហើយ យើង​នឹង​បណ្តែតបណ្តោយ ទៅតាម​ការ​អូសទាញ​របស់​អ្នកដទៃ រួច​ធ្វើអ្វី​ដែល​មិនមែន​ជាគោល​ដៅ​ជីវិត។ បាត់​បង់​អ្វី​ៗ យើង​អាច​បាត់​បាន ប៉ុន្តែ​បើ​បាត់បង់​នូវ​ភាព​ជឿជាក់ មិន​ងាយ​មាន​អ្នកណា​អាច​ជួយស្រោចស្រង់​ក្រៅតែ​ពី​ខ្លួន​យើង​បាន​ឡើយ។ ពេលខ្លះ​យើង​ត្រូវ​ចំណាយពេល​វេលា​នៃ​ជីវិត​ដ៏​មានតម្លៃ ទៅ​ធ្វើ​តែ​រឿង​ដែល​គ្មាន​ប្រយោជន៍ ហើយ​បែរជា​ស្តី​បន្ទោស​កត្តា​ផ្សេង​ៗទៅវិញ។ គប្បី​រៀន​រស់នៅ​ប្រឈម​នឹង​បញ្ហា កុំ​ទាន់​បញ្ឈប់ និង​បោះបង់​ខ្លួនឯង ត្រឹមតែ​ការយល់ឃើញ ឬបានឮ​អ្នក​ផ្សេង​គេ​និយាយ​អ្វី​មិនល្អ។

ចូរ​កំណត់ និង​ស្វែងរក​គោលដៅ​នៃ​ជីវិត ដោយ​ផ្តើម​គិត​ឱ្យ​ធំ ហើយ​ធ្វើអ្វី​ដែល​អ្នកដទៃ​គិតថា​មិន​អាច ជាពិសេស​ត្រូវ​ជឿជាក់​លើ​ខ្លួនឯង។ សូម​ចាំ​ថា យើង​មិន​អាច​ឃាត់ និង​បិទមាត់​មិន​ឱ្យ​គេ​រិះគន់​បាន​នោះ​ទេ ប៉ុន្តែ​យើង​អាច​បិទ​ការ​គិត​របស់​ខ្លួន ដោយ​ផ្តោត​ទៅលើ​អ្វី​ដែល​កំពុង​ធ្វើ ហើយ​ត្រូវតែ​ធ្វើ​ឱ្យ​អស់ពី​លទ្ធភាព​៕

28/07/2025

" #សម្បត្តិធម្មជាតិនៃប្រទេសកម្ពុជា"

ថ្វីបើសត្វដំរីមានជើងធំៗមាន មាឌធំ ទម្ងន់ធ្ងន់លើសលប់ក៏ពិតមែន ប៉ុន្ដែការធ្វើដំណើរ របស់ វាមាន​របៀបដូចជាថ្នមៗខ្លាំងណាស់ ដោយមានការបញ្ចេញស្នូរ ឬសម្រិបតិចតួចបំផុតនៅលើដី (ព្រះធរណី)ស្ទើរតែស្ដាប់ពុំឮសូរសោះតែម្ដង គឺទាំងការធ្វើដំណើរនៅតាមផ្លូវ ឬវាលធម្មតា និងទាំងការធ្វើដំណើរនៅក្នុងព្រៃ(គឺអាចឮសម្រិបប៉ះទង្គិចមែកឈើដូចខ្យល់បក់បះប៉ុណ្ណោះឯង) នេះគឺជាគុណសម្បត្តិដ៏ពិសេសរបស់វាវិញ។

នៅលើអវៈយវៈជើងដំរីនេះ បុព្វបុរសខ្មែរតាំងពីបុរាណមកតែងនិយាយប្រដូចថា «ដំរីជើងក្រោយ» ឃ្លានេះចង់និយាយថាប្រជាជន (ឬសមាជិកគ្រួសារ ឬក្រុម ឬបក្ខពួក) គ្រប់គ្នាចាំតែដើរតាម ឬធ្វើត្រាប់តាមញ្ជាពីអ្នកនាំផ្លូវ គឺអ្នកជាំធំនោះឯងដែលប្រជាជនខ្មែរទូទៅចាត់ទុកអ្នកដឹកនាំថាជា«ដំរីជើងមុខ»។

ជាធម្មតាការរស់នៅរបស់ដំរីទាំងក្នុងព្រៃធម្មជាតិ ឬនៅតាមវាល ទោះបីជាពួកវារស់នៅជាហ្វូង ឬក្រុមសមាជិករបស់វា ឬពួកវាមានគ្នីគ្នាច្រើនយ៉ាងណាក៏ដោយក៏ពួកវាតែងតែដើរតាមពីក្រោយដំរីជាមេហ្វូង ឬមេខ្យល់ ឬជាមេក្រុមរបស់វានោះជានិច្ច ត្រង់នេះក៏មានសុភាសិតខ្មែរបុរាណមួយឃ្លាពោលថា «ដំរីមួយហ្វូងគន្លងតែមួយ»។

27/07/2025

" #នភាល័យ ភាគ៣"

"បើថ្ងៃនេះក្លាយជាថ្ងៃម្សិលមិញហើយ គ្រប់យ៉ាងនឹងក្លាយជាអតីតកាល ហើយជីវិតអាចនៅសល់ត្រឹមតែការចងចាំប៉ុណ្ណោះ។”

26/07/2025

" #សំឡេងខ្សឹប"

ស្មារតីនៃការប្រកួតមិនមែនដើម្បីតែឈ្នះនោះទេ។បើយើងតាំងចិត្តប្រកួត យើងត្រូវក្លាហានទទួលយកលទ្ធផលដែលអាចឈ្នះ ឬចាញ់។ អ្នកណាក៏ចង់ឈ្នះ តែមិនមែនគ្រប់គ្នាសុទ្ធតែអាចឈ្នះ ហើយក៏មិនចេះតែឈ្នះរហូតទេ។ ភាពជោគជ័យក៏មិនដែលកើតមានចំពោះមនុស្សដែលមិនធ្លាប់ជួបបរាជ័យសោះនោះដែរ។
បរាជ័យមានអ្វីគួរឱ្យខ្លាចទៅ បើយើងនៅមិនទាន់បានសម្រេចគោលដៅផងនោះ? បើគ្រាន់តែខ្លាចចាញ់ ហើយមិនហ៊ានចូលប្រកួត ធ្វើម៉េចយើងមានថ្ងៃឈ្នះទៅ? តាំងចិត្តជាអ្នកកីឡា ហ៊ានប្រាថ្នា ហ៊ានសាកល្បង ប្រឹងពុះពារមិនរាថយ។