សៀវភៅជីវិត

17/06/2025

17/06/2025

បាត់បង់នាង ទើបខ្ញុំដឹងថា ខ្លួនឯងអាត្មានិយមណាស់។ នៅតាមផ្លូវទៅរកក្ដីស្រមៃរបស់ខ្ញុំ គឺតែងតែមាននាង តែតាមផ្លូវទៅកាន់ក្ដីស្រមៃរបស់នាង នាងមិនដែលមានខ្ញុំកំដរឡើយ ព្រោះខ្ញុំប្រើពេលអស់ហើយសម្រាប់ខ្លួនឯង។ 🩵✨

16/06/2025

ទោះខ្ញុំដើរយឺតជាងគេ ប៉ុន្តែខ្ញុំមិនបានឈប់ដើរទេ ពីព្រោះខ្ញុំមានក្តីស្រមៃដែលត្រូវសម្រេច!

16/06/2025

“នាងជាផ្កាយ ទោះអ្នកដទៃមើលមិនឃើញ តែនាងមានពន្លឺរួចទៅហើយ” ✨💚

14/06/2025

ម៉ែមិនបានចង់រៀបការទេ គាត់គិតថាគាត់នៅក្មេងនៅឡេីយ ហេីយមិនបានត្រៀមខ្លួនដើម្បីក្លាយជាប្រពន្ធគេដែរ ប៉ុន្តែគាត់មិនបានសម្តែងការមិនយល់ព្រមដោយបេីកចំហនោះឡេីយ បានត្រឹមតែគិតក្នុងចិត្ត។​ ការមានប្តីហើយមានកូន ជាការរំពឹងទុករបស់សង្គមខ្មែរទៅលេីស្រ្តី ហើយរឿងទាំងនេះមិនជាប្រធានបទសម្រាប់ត្រូវពិភាក្សានោះទេ។
នៅក្នុងក្រសែភ្នែកនៃក្រុមគ្រួសារនិងអ្នកជិតខាងម៉ែ ស្រ្តីដែលមានអាយុ២១ឆ្នាំ គឺល្មមដល់ពេលគិតគូររៀបការហើយ។ 🩶✨

13/06/2025

ការពុះពារដើម្បីទៅដល់ក្ដីស្រមៃ ការរៀនទទួលស្គាល់កំហុស និងការផ្ដល់នូវការអភ័យទោស។ ដោយការឆ្លងកាត់នូវបញ្ហា ជីវិតនឹងទទួលបាននូវបទពិសោធ។ ដោយមានកម្លាំងជំរុញចិត្ត យើងនឹងមានថាមពលក្នុងការពុះពារ។ មានការពុះពារអត់ធ្មត់ គោលដៅឆ្ងាយយ៉ាងណាក៏គង់តែអាចទៅដល់។ ដោយសារតែការទទួលស្គាល់កំហុស ទើបយើងមានឱកាសដើម្បីកែប្រែ និងដោយសារតែយើងព្រមអភ័យទោស ទើបជីវិតអាចចាប់ផ្ដើមថ្ងៃថ្មីដោយស្នាមញញឹម។ ✨🫶🏼🩵

12/06/2025

~ សាច់រឿងដកស្រង់…

មិត្តរួមថ្នាក់ខ្លះទៀតគេហៅខ្ញុំថា “មីជជុះ”។ វាក៏ជាឈ្មោះពីរោះដែរ ភាគច្រើនគេហៅទៅតាមអ្វីដែលគេមើលឃើញ។ ដំបូងឡើយវាបានធ្វើឱ្យខ្ញុំនឹកអន់ចិត្តហើយខឹងនឹងពួកគេ តែមិនអាចធ្វើអ្វីបាន គឺបានត្រឹមតែយំតាមរបៀបក្មេង។ ខ្ញុំបានយករឿងនេះទៅប្រាប់ម៉ែ ហើយម៉ែក៏បានទូន្មានខ្ញុំយ៉ាងច្រើន។ ម៉ែប្រាប់ថា ‘’កុំយំណាកូន! ហើយកុំទៅខឹងគុំកួននឹងពួកគេអី’’។ ម៉ែប្រដៅពួកយើងមិនឱ្យយកអ្នកណាជាសត្រូវរបស់យើងទេ។ ម៉ែថាឱ្យពួកយើងមកពីដើម្បីចេះដឹង រៀនស្គាល់ពីតម្លៃរបស់ខ្លួន ហើយចេះគោរពឱ្យតម្លៃអ្នកឯទៀតដូចដែលយើងគោរព និងឱ្យតម្លៃខ្លួនឯង។

12/06/2025

«ពិសស្នេហ៍កុលាបមុតធ្លុះជ្រួតជ្រាបពេញបេះដូងបងហើយ។ អូនចង់ប្រើពេលវេលាយ៉ាងខ្លី ប្រើសម្ដីតែប៉ុន្មានឃ្លាមកកាត់ផ្ដាច់ស្នេហ៍យើងពុំមែនជាការងាយឡើយ»

11/06/2025

«ម៉ែជាមនុស្សតែម្នាក់គត់ដែលការពារ​ និងតែងតែនៅខាងខ្ញុំរហូត ពេលនេះសូម្បីតែម៉ែក៏បោះបង់ខ្ញុំដែរ។ វាពិតជាពិបាកណាស់» ✨🌻

10/06/2025

“កំណត់ហេតុពណ៌ស្វាយ ភាគ ១”

“វាឈឺចាប់បំផុតពេលដែលមនុស្សដែលយើងស្គាល់ច្បាស់ជាងអ្នកណាទាំងអស់ បែរជាមិនស្គាល់យើងសូម្បីបន្ដិច!”

10/06/2025

" #បើអ្នកអស់ចិត្ត”

បើអ្នកអស់ចិត្តហើយ ហេតុអ្វីមិនដោះលែងខ្ញុំឱ្យមានសេរីភាព ចាំបាច់អីមានអ្នកទីបីលួចលាក់ពីក្រោយខ្នង? វាឆ្ងាញ់ វាឡូវណាស់មែនទេ ដែលមានអ្នកលួចលាក់បែបនេះ? បើសេចក្តីស្នេហាមានតែការឈ្លោះប្រកែកគ្នា មិនដែលយល់ចិត្តគ្នាបែបនេះ មានតែការកុហក មិនស្មោះត្រង់ សូមដោះលែងគ្នាទៅ វាប្រសើរជាង។
ខ្ញុំធ្លាប់គិតថា បើអត់ពីអ្នកទៅ តើខ្ញុំរស់ម្តេចទៅ? ប៉ុន្តែពេលនេះ មានអ្នកខ្ញុំមានតែការឈឺចាប់។ ខ្ញុំសុខចិត្តរស់ម្នាក់ឯង ប្រសើរជាងរស់ជាមួយមនុស្សដែលមានសេចក្តីស្មោះត្រង់មកឱ្យខ្ញុំ។ ចិត្តអ្នកមិនចេះស្កប់ស្រាប់យើង ដូច្នេះមានតែទៅរកអ្នកដែលមានចិត្តស្រដៀងនឹងអ្នកទេ ទើបស័ក្តិសម។

អត្ថបទ៖ សៀវភៅជីវិត

10/06/2025

~ សាច់រឿងដកស្រង់…

[…]
‘’អូននៅចាំយប់ដែលយើងជួបគ្នាក្នុងពិធីជប់លៀងលោកវណ្ណៈភក្ដីបានទេ? ទោះជាអូនមិនចាំថាបងជាអ្នកណា! តែក្រសែភ្នែកដែលអូនសម្លឹងមកបងនៅយប់នោះ ធ្វើឱ្យបងដឹងថាអូនក៏មានអារម្មណ៍ចម្លែក ខុសពីធម្មតាដែរ!’’ គេនិយាយទាំងសម្លឹងខ្ញុំយ៉ាងមុត ‘’ពេលនោះសច្ចៈរិទ្ធប្រញាប់នាំអូនចេញពីពិធី ព្រោះតែអ្វី? ព្រោះតែគេខ្លាចអូនដឹងការពិតការពិត! ការពិតដែលគេហើយនិងពុករបស់អូននាំគ្នាលុបបំបាត់ ហើយលាបការពិតថ្មីមួយដែលគេប្រឌិតឡើងដោយខ្លួនឯង!
‘’មានហេតុផលអីដែរលោកពុកត្រូវធ្វើបែបនេះ? គាត់ធ្វើអ៊ីចឹងដើម្បីអ្វីទៅ?’’
‘’ដើម្បីបំបែកយើងទាំងពីរនាក់! គេរៀបក្រឡាបានល្អណាស់! ឆក់ឱកាសពេលដែលអូនបាត់ការចងចាំ ចាប់អូនឱ្យរៀបការ! ព្រោះកាលណាអូនក្លាយជាប្រពន្ធរបស់សច្ចៈរិទ្ធហើយ ទោះជាចងចាំឡើងវិញ ក៏បកក្រោយលែងបានដែរ!’’ វេហាស៍ដកដង្ហើមធំបន្តិចទើបនិយាយបន្ត ‘’ពីដំបូងបងស្មានថា អូនគេចមុខពីបង ព្រោះតែបំណងកាត់ចិត្ត ហើយព្រមរៀបការតាមឪពុក! ទើបតែថ្ងៃនេះទើបបងដឹងច្បាស់ ថាអូនបាត់ការចងចាំ! មិនមែនអូនចង់បំភ្លេចបងទេ’’
[…]