11/04/2026
😢 😭 😔 🥀 🖤 💔 🙏
NAKON ERETA TEUBE MA NATIM,
AIO BWANAAN TE BOTAKI NI KANAKOBWANA MA KAREKE RONGORONGO (BPA) N RAINANOANGA AO N REITA TE RAWAWATA ARE KO A TAONAKI IAI MA NATIM AO TE UTU AE E BWANIN, NI BUAN TE NATI, TE TIBU, TE MWAANE, TE KARO AO TE KAINNABA AE E RANG N TANGIRAKI IROURA MA NGKAMI, AE TEUBE RAURENTI.
TEUBE RAURENTI BON TE TIA MWAKURI AE E RANG N TAARENA AO N RANG NI MWAATAI N ANA MWAKURI BWA TE INTINIA NGAIA AO N RANG N TATAURAOI N TAAINAKO NI KARAOI MWIOKOANA ARE E KATABEAKI IAI I NANON TE TAI TEUANA MA TEUANA. BON TE MWAANE NABA AE E RANG NI KORAKORA IROUNA TE TAOTAONAKI N NANO, TE KARINERINE, TE AKOI AO TE MOMOANGARE N TAAINAKO.
AIKAI TABEUA RONGORONGON TEUBE RAURENTI:
E MOANA MWAKURINA N TE BOTAKI NI KANAKOBWANA AO KAREKE RONGORONGO BWA TE TEMPORARY ENGINEER NGAIA N 31 N OKITOBWA 2005. I MWIN KORON 6 NAMWAKAINA AO E A KAMATOAAKI NAKON NAKOANA AE TE TRAINEE TECHNICIAN.
14 NI MAATI 2012 AO E A MANGA KARIKIRAKEAKI BWA TE SENIOR TECHNICIAN NGAIA, I MWIN NORAN ANA KONABWAI AE E RANG N TAMAROA.
IBUKIN RIANAKON ANA KONABWAI AO E A MANGA ANGANAKI TE NAKOA ARE I AONA RIKI, AE TE ENGINEER SUPERVISOR N 6 N TIANUARE 2017.
N 2019 AO E A KAMWAINGAKI TEUBE NAKO KIRITIMATI, BWA E NA TARARUAA MWAANGAN BPA IKEKEI, ARE E A RIKI BWA TE BRANCH MANAGER NGAIA, I NANON TE MAAN AE 6 TE RIRIKI.
IBUKIN RIANAKON ANA KONABWAI TEUBE, AO E A KAOKAKI MAI KIRITIMATI BWA E NA KABONGANA ANA TAARENA MA ANA KONABWAI NI BUOKA TE KAMBWANA, AO N REITAA-NAKO TIBWANGANA AE TE ENGINEER SUPERVISOR NI KAROKOA TE TAI ARE E A KAEKAA IAI WETEANA MAI IROUN ANA TIA KAMAIU, N 10 N EBERI 2026.
E A TIA NI KABANEA KORAKORANA TEUBE RAURENTI NI MWAKURI I NANON TE BOTAKI NI KANAKOBWANA AO KAREKE RONGORONGO I NANON TE MAAN AE E RIAON 20 TE RIRIKI. BUANA MAI I RARIKIRA N TE TAI AEI, E BON RIKI BWA TE TOARAA TEUANA, RIKI N ANA ITERA TE KAMBWANA AE TE TECHNICAL.
KO BATI N RABWA TEUBE NI KINAAKIM AO RIKI TE TANEIAI AO TE REITAKI ARE TI A TIA N REITAKI IAI MA NGKOE I NANON TE MAAN AE E RIAON 20 TE RIRIKI INANON ARA KAMBWANA AE TE BPA. AO AI BON ARA KAKAITAU NAKON KAINNABAM AE NEI ERETA IBUKIN ANA BOUTOKA NAKOIM N AANGA AIKA A BATI.
KO NA MWANANGA MA TE TEKERAOI TEUBE RAURENTI AO A NA TIKU KATEIM N TATAONAKI N NANO, NI KARINERINE, MOMOA AOMATA AO BANNAM AIKA A RARAOI NI KABANE BWA BANNA NI KATOTO AO NI KAKAIRI AE E TAMAROA NAKOIRA, AO N RIKI BWA URURINGAM IROURA, NGAIRA RAOM NI MWAKURI AKE A TIKU I MWIM.
ARA TATARO NAKON ATUARA AE E MWAAKA BWA A NA ANGANAKI AM UTU AO RIKI BUUM MA NATIM, TE KABEBETEAKI AO TE RAU I NANON AIA TAI N RAWAWATA AIO.
MAI IROUN TE CHAIRMAN AO BOARD OF DIRECTORS, CEO AO STAFF NI KABANE N TE BOTAKI NI KANAKOBWANA AO KAREKE RONGORONGO.
👉 🥀 🖤 🙏 😔
