Vision Nepal TV (2026)

08/06/2026

कालापानीकी एक महिला दिप गुन्जियालले भिडिओ मार्फत सन्देश दिदै सबैभन्दा पहिँला प्रधानमन्त्री बालेन शाहले कालापानी क्षेत्रको भ्र,मण गरेर यहाँका जनताको वास्तविक दु:ख बुझ्न आग्रह गरेकी छिन् !

हाल उनी क्यानडामा बस्दै आएकी गुन्जियालले सबैभन्दा पहिँला नेपाल-पट्टिबाट कालापानी सम्म सडक सन्जाल जोड्न र टिङ्कर, छाङ्गरु,गुन्जी,नाबी र कुटिका जनतासँग आ,त्मियता बढाउन आ,ग्रह गरेकी हुन् । यहाँका जनता सबै कुरामा इन्डियाको भरनपरी धर नपाउने भएकाले पहिँला जनका आवश्यकता पूरा गर्न अ,पिल गरेकी छिन्!

07/06/2026

आगामी फिफा विश्वकप २०२६ को प्रत्यक्ष प्रसारण डिशहोमको डीटीएच प्रविधिमा केवल एचडी सेट-टप बक्स भएका ग्राहकले मात्र हेर्न पाउने भएका छन् ।

07/06/2026

विश्वकै महँगो 'गुच्छी च्याउ' को व्यावसायिक खेती सफल: नेपालका पहाडी भेगमा पनि उच्च सम्भावना

~~ संसारकै सबैभन्दा महँगो र दुर्लभ मानिने 'गुच्छी च्याउ' (Morel Mushroom) को व्यावसायिक खेतीमा छिमेकी मुलुक भारतको उत्तराखण्डका एक युवाले ठूलो सफलता हात पारेका छन्। उत्तराखण्डको पौडी जिल्लास्थित फल्दाकोट गाउँका नवीन पटवालले नेट हाउस भित्र विशेष प्रविधिको प्रयोग गरी यसको सफल उत्पादन गरेका हुन्। प्रतिकिलो २५ हजार देखि ४० हजार भारतीय रुपैयाँसम्म बिक्री हुने यो च्याउको सफल खेतीले हिमाली र पहाडी भेगका किसानहरूका लागि आम्दानीको नयाँ ढोका खोलिदिएको छ।

सामान्यतया हिमालको फेद र जंगलहरूमा प्राकृतिक रूपमा मात्र पाइने गुच्छी च्याउलाई व्यावसायिक रूपमा उमार्न निकै चुनौतीपूर्ण मानिन्छ। नवीन पटवालले करिब १०० वर्गमिटरको सानो क्षेत्रमा ९० देखि ९५ दिनको अवधिमा यसको उत्पादन लिन सफल भएका छन्। ५ देखि १५ डिग्री सेल्सियसको तापक्रममा फस्टाउने यो च्याउका लागि उत्तराखण्डको जलवायु उपयुक्त भए जस्तै नेपालको कर्णाली र सुदूरपश्चिमका उच्च पहाडी जिल्लाहरूमा पनि यसको प्रचुर सम्भावना देखिएको छ। नेपालका डोल्पा, जुम्ला, मुगु र हुम्ला जस्ता जिल्लाहरूमा वर्षौँदेखि जंगलबाट यो च्याउ संकलन गरी निर्यात गरिँदै आएको भए पनि व्यावसायिक खेतीको प्रयास भने अझै व्यापक हुन सकेको छैन।

विशेषज्ञहरूका अनुसार गुच्छी च्याउको खेतीका लागि नेपालको भौगोलिक र मौसमी अवस्था उत्तराखण्डसँग मिल्दोजुल्दो छ। यहाँका किसानहरूले पनि नेट हाउस र तापक्रम नियन्त्रण गर्ने प्रविधि अपनाउने हो भने थोरै लगानी र सानो जमिनबाटै लाखौँ रुपैयाँ आम्दानी गर्न सक्छन्। यो च्याउ औषधीय गुणले भरिपूर्ण हुनुका साथै घाममा सुकाउँदा यसमा भिटामिन-डीको मात्रा निकै बढ्ने वैज्ञानिकहरूको भनाइ छ। विश्व बजारमा यसको माग अत्यधिक रहेकाले उचित तालिम र प्रविधि भित्र्याउन सके नेपालका लागि यो एक उत्कृष्ट वैदेशिक मुद्रा आर्जन गर्ने स्रोत बन्न सक्छ।

वैदेशिक रोजगारीका लागि युवाहरू गाउँ छाडेर सहर र विदेश पलायन भइरहेको वर्तमान अवस्थामा गुच्छी जस्ता उच्च मूल्यवान कृषि उपजको व्यावसायिक खेती नेपालमा पनि सुरु गर्न आवश्यक देखिन्छ। उत्तराखण्डको यो सफल परीक्षणले नेपाली कृषि क्षेत्रमा पनि नयाँ उत्साह थपेको छ। यदि सरकार र सम्बन्धित निकायले यस्ता उच्च पहाडी बालीको अनुसन्धान र खेतीमा प्रोत्साहन गर्ने हो भने, दुर्गम क्षेत्रका किसानको जीवनस्तर उकास्नुका साथै पहाडी भेगको बसाइँसराइ रोक्न यसले कोसेढुङ्गाको काम गर्ने अपेक्षा गरिएको छ।

07/06/2026

सरकारले हटाउँदैछ दुई दिने सार्वजनिक बिदा ? मन्त्रिपरिषद्बाट निर्णय हुने तयारी

काठमाडौं । सरकारले हाल लागू रहेको हप्ताको दुई दिने सार्वजनिक बिदा व्यवस्था हटाउने तयारी गरेको छ। गृहमन्त्रालय स्रोतका अनुसार दुई दिने बिदा अपेक्षाअनुसार प्रभावकारी नभएको निष्कर्षसहित यसलाई पुनरावलोकन गर्ने तयारी गरिएको हो।

स्रोतका अनुसार अब बस्ने मन्त्रिपरिषद् बैठकले औपचारिक निर्णय गरेपछि शनिबार र आइतबार दिइँदै आएको दुई दिने बिदा व्यवस्था अन्त्य हुन सक्नेछ।

प्रधानमन्त्री बालेन शाह नेतृत्वको सरकारले गत चैत २२ गते पेट्रोलियम पदार्थको खपत घटाउने उद्देश्यसहित हप्तामा दुई दिन सार्वजनिक बिदा दिने निर्णय गरेको थियो। उक्त निर्णय लागू भएपछि सरकारी कार्यालय, विद्यालय तथा विभिन्न सार्वजनिक निकायमा शनिबार र आइतबार बिदा दिइँदै आएको छ।

तर, कार्यान्वयनको केही महिनामै दुई दिने बिदा अपेक्षाअनुसार प्रभावकारी नभएको तथा व्यवहारिक कठिनाइ सिर्जना गरेको भन्दै विभिन्न क्षेत्रबाट आलोचना हुँदै आएको थियो। सेवा प्रवाह, प्रशासनिक कामकाज तथा आर्थिक गतिविधिमा समेत असर परेको गुनासोहरू सार्वजनिक भएका थिए।

सरकारले अब पुरानै व्यवस्था अनुसार सातामा एक दिन मात्र सार्वजनिक बिदा कायम गर्ने तयारी गरेको बताइएको छ। यद्यपि अन्तिम निर्णय भने मन्त्रिपरिषद् बैठकबाट हुने जनाइएको छ।

07/06/2026

विवादित आरोपबाट क्लिन चिट पाएपछि सुधन गुरुङ पुनः गृहमन्त्री बन्ने बाटो खुलेको छ। अवैध साझेदारीको आरोपमा गठित छानबिन समितिले कुनै प्रमाण नभेटिएको भन्दै प्रधानमन्त्रीलाई प्रतिवेदन बुझाएको छ।

वैशाखमा राजीनामा दिएका उनी अब छिट्टै सिंहदरबार फर्किने बलियो सम्भावना छ। तर विपक्षीले यसलाई ‘सरकारी बचाउ’ भन्दै विरोध सुरु गरेका छन्। गुरुङको यो कमब्याकले राजनीतिमा कस्तो तरंग ल्याउँछ, त्यो हेर्न रोचक हुनेछ।

06/06/2026

घरभित्रै असुरक्षित राष्ट्रसेवक देशको रक्षा गर्ने कसम खाएर नेपाली सेनामा कार्यरत रहेकी ईश्वरी भुजेल को जीवन आफ्नै श्रीमान् "नेपाली ब्रो" (कुमार थापा मगर) को क्रू’र आक्रमणका कारण अकालमै समाप्त भयो।यो घटनाले सम्पूर्ण नेपाली समाज स्तब्ध बनाएको छ।

वर्दीको सम्मान: देशको सुरक्षाका लागि अहोरात्र खटिने एक महिला सैनिकले घरभित्रै असुरक्षित भएर ज्या’न गुमाउनु पर्यो, जुन अत्यन्तै बिडम्बनापूर्ण र हृद’यविदारक छ।अकालमा राष्ट्रको सेवामा समर्पित एउटा वीर र कयौँ सपनाहरू बोकेकी महिलालाई घरेलु हिं’साको क्रू’र रूपले हामीबाट सधैँका लागि खोसेर लग्यो।

06/06/2026

सरकारले युरेनियम र थोरियमजस्ता रेडियोधर्मी खनिजको खोज, अन्वेषण र उत्खननको विशेष अधिकार सरकारी स्वामित्वका कम्पनीलाई मात्र दिने व्यवस्था सहित नयाँ खानी विधेयक अघि बढाएको छ।

चार दशक पुरानो खानी तथा खनिज ऐन लाई प्रतिस्थापन गर्ने प्रस्ताव गरिएको यो विधेयकले अवैध उत्खनन, लाइसेन्स होल्डिङ (लाइसेन्स लिएर काम नगर्ने प्रवृत्ति) र वातावरणीय क्षति विरुद्ध कडा कानुनी व्यवस्था ल्याएको छ।

विधेयकअनुसार अनधिकृत रूपमा युरेनियम उत्खनन वा कारोबार गरेमा १० लाख रुपैयाँसम्म जरिवाना र १० वर्षसम्म कैद सजाय हुन सक्ने प्रावधान प्रस्ताव गरिएको छ।

यससँगै सरकारले रोयल्टी दर बढाउने, खानी सञ्चालनका लागि थप कडा अनुमति प्रणाली लागू गर्ने तथा ढुंगा, गिट्टी, बालुवा जस्ता निर्माण सामग्रीको व्यवस्थापनमा स्थानीय तहको अधिकार र भूमिका थप बलियो बनाउने योजना पनि अघि सारेको छ।

06/06/2026

प्रधानमन्त्री बालेन शाहको आदेशपछि प्रहरी महानिरीक्षकले गुण्डागर्दीविरुद्ध थप निर्मम रूपमा प्रस्तुत हुन प्रहरीलाई निर्देशन दिएका छन्।

गृहमन्त्रीको जिम्मेवारी समेत आफैंले लिएका बालेनले आज आईजीपी बोलाएर विगतमा गुण्डा हुँ भन्नेजतिको कानून मार्फत सर्वनाश गर्नुस् भनेका थिए ।

त्यसपछि भर्चुअल बैठकमार्फत उनले आईजीपीले आपराधिक गतिविधि रोकथाम, ला`गुऔषध नियन्त्रण र सीमामा शून्य सहनशीलता अपनाउन आग्रह गरे।महानिरीक्षकले सूचना संकलनलाई प्राथमिकता दिँदै प्रभावकारी परिचालनमार्फत शान्ति सुव्यवस्था कायम गर्नुपर्ने बताए।

05/06/2026

वालेन्द्र शाह नेतृत्वको सरकारले बनाएको सम्पत्ति छानबिन आयोगले अहिलेका प्रधानमन्त्री र मन्त्रीहरूकै सम्पत्ति छानबिन नगर्ने भएको छ।

05/06/2026

सिरहामा माध्यमिक शिक्षा परीक्षा (एसईई) मा चिट चोर्न प्रयोग गरिएको आरोपमा बरामद गरिएका ४९६ वटा मोबाइल फोन र पाँच वटा स्मार्टवाच नष्ट गरिएको छ ।

गत चैतमा सम्पन्न एसईई परीक्षाका क्रममा जिल्लाका विभिन्न परीक्षा केन्द्रबाट सात वटा आइफोन, ४८९ वटा विभिन्न कम्पनीका एन्ड्रोइड मोबाइल र पाँच वटा स्मार्टवाच बरामद गरिएको थियो। ती उपकरण परीक्षा सञ्चालन निर्देशिका विपरीत प्रयोग भएको भन्दै हिजो नष्ट गरिएको हो।

Vision Nepal TV

08/06/2026

07/06/2026

07/06/2026

07/06/2026

07/06/2026

06/06/2026

06/06/2026

06/06/2026

05/06/2026

05/06/2026

Address

Telephone

Website

Alerts

Contact The Business

Shortcuts

Share