https://www.facebook.com/112746216900866/

Norng NaRin-ណារិន, 174 Washington Street APT 2B, Gwangju (2025)

23/09/2025

ព្យុះរ៉ាហ្គាសា បានវិវត្តខ្លួនទៅជាព្យុះសង្ឃរា មានឥទ្ធិពលខ្លាំងលើរបបខ្យល់មូសុងនិរតីហើយបក់លើសមុទ្ទអាន់ដាម៉ាន់ ឈូងសមុទ្ទថៃ អាងទន្លេមេគង្គ សមុទ្ទចិនខាងត្បូង និងកម្ពុជា។ គន្លងផ្លូវដើររបស់ព្យុះនេះ ពុំមានឥទ្ធិពលខ្លាំងមកលើប្រទេសយើងទ្បើយ ប៉ុន្តែបង្កឱ្យកម្ពុជាមានភ្លៀងធ្លាក់លាយទ្បំផ្គររន្ទះ និងខ្យល់កន្ត្រាក់ ចាប់ពីថ្ងៃនេះ ដល់ថ្ងៃទី២៥ ខែកញ្ញា ឆ្នាំ២០២៥...។

17/09/2025

យោងតាមតួលេខពីអាជ្ញាធរខេត្តបន្ទាយមានជ័យ, ពលរដ្ឋខ្មែរ ព្រះសង្ឃ ទាហាន និងប៉ូលិសយ៉ាងហោច ២៣ នាក់ បានរងរបួសធ្ងន់ស្រាល អំឡុងពេលទាហានថៃបានបាញ់ឧស្ម័នបង្ហូរទឹកភ្នែកចំពាមកៅស៊ូ មកលើប្រជាពលរដ្ឋកម្ពុជា ខណៈកងទ័ពថៃព្យាយាមរំលោភបំពានមកលើកម្ពុជាដោយប្រើប្រាស់កម្លាំងរាយបន្លាលួសលើទឹកដី និងទ្រព្យសម្បត្តិ ដែលពលរដ្ឋខ្មែរបានរស់នៅ និងអាស្រ័យផលតាំងពីយូរលង់ណាស់មកហើយ។

ប្រភពពី៖ ក្រសួងព័ត៌មាន 17,09,25

07/09/2025

ប្រទេសកម្ពុជា ក៏នឹងមើលឃើញបាតុភូតដ៏កម្រ ចន្ទ្រគ្រាសពេញវង់ ដែលគេហៅថា «ព្រះចន្ទឈាម» Blood Moon Lunar Eclipse ផងដែរនៅរាត្រីថ្ងៃអាទិត្យទី៧ខែកញ្ញាឆ្នាំ២០២៥ ស្អែកនេះ

យោងតាមគេហទំព័រ Space, បាតុភូតនេះកើតឡើងនៅពេល ផែនដីធ្វើដំណើរទៅស្ថិតនៅចន្លោះព្រះអាទិត្យនិងព្រះចន្ទ ដោយបាំងស្រមោលរបស់វាទាំងស្រុងទៅលើព្រះចន្ទ។

ក្នុងអំឡុងពេលចន្ទ្រគ្រាសពេញវង់ ព្រះចន្ទនឹងមើលទៅមានពណ៌ក្រហម ឬពណ៌លឿងទុំ ដែលធ្វើឲ្យវាត្រូវបានគេហៅថា Blood Moon ឬ ព្រះចន្ទឈាម។

សម្រាប់ព្រឹត្តិការណ៍នេះ កម្ពុជាក៏អាចមើលឃើញដែរនៅថ្ងៃស្អែក ពោលគឺអាចកើតឡើងចន្លោះម៉ោង១១:៣០នាទីយប់ ដល់ម៉ោង៣ព្រឹក ឈានចូលថ្ងៃចន្ទ។

16/08/2025

ឈឺចាប់ណាស់ ឱ ប្រាសាទព្រះវិហារ 😭 នេះជាភស្តុតាងដែលសៀមកម្ទេចប្រាសាទព្រះវិហារ របស់កម្ពុជា
Where's the justice for Preah Vihear Temple?

30/07/2025

BREAKING: រញ្ជួយដីកក្រើកធរណីវាយប្រហារឧបទ្វីបរុស្ស៊ី ជប៉ុនព្រមានពីរលកស៊ូណាមិ កម្ពស់ ៣ម៉ែត្រ

គ្រោះរញ្ជួយដីកម្រិតធ្ងន់ ៨.៧រ៉ិចទ័របានវាយប្រហារលើតំបន់ឧបទ្វីប Kamchatka ស្ថិតនៅចុងបូព៌ាបំផុតនៃប្រទេសរុស្ស៉ី នៅថ្ងៃពុធ ទី៣០ ខែកក្កដា ដោយបង្កឱ្យមានការព្រមានពីរលកស៊ូណាមិពីសំណាក់ទីភ្នាក់ងារឧតុនិយមជប៉ុន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។
ទីភ្នាក់ងារឧតុនិយមជប៉ុន បានឱ្យដឹងថាគ្រោះរញ្ជួយដីខាងលើបានកើតឡើងនៅម៉ោង ៨៖២៥នាទីព្រឹក (ម៉ោងក្នុងតំបន់)។ ដោយឡែក បើតាមទូរទស្សន៍ជប៉ុន NHK គ្រោះរញ្ជួយដីនេះស្ថិតនៅចម្ងាយ២៥០គីឡូម៉ែត្រពីកោះ Hokkaido ស្ថិតនៅចុងភាគខាងជើងបំផុតនៃប្រទេសជប៉ុន និងបានបង្កឱ្យមានរលកស៊ូណាមិ កម្ពស់៣ទៅ៤ម៉ែត្រ នៅតាមផ្នែកខ្លះនៃឧបទ្វីប Kamchatka របស់រុស្ស៉ី។

28/07/2025

ដំណឺងបន្ទាន់! ភាគីទាំងពីរ កម្ពុជា-ថៃ សម្រេចទទួលយកបទឈប់បាញ់បន្ទាន់ និងគ្មានលក្ខណ្ឌ នៅម៉ោង០០៖០០អាធ្រាត ថ្ងៃទី២៨ ខែកក្កដា ឆ្នាំ២០២៥
The two sides, Cambodia and Thailand, agreed to an immediate and unconditional ceasefire at 00:00 Midnight on July 28, 2025.

ប្រភព៖ AKP

28/07/2025

កិច្ចចរចាបទឈប់បាញ់រវាងកម្ពុជា និងថៃ នារសៀលនេះ ក្រោមការសម្របសម្រួលរបស់ម៉ាឡេស៊ី ដោយមានការចូលរួមពីតំណាងចិន និងសហរដ្ឋអាមេរិក

(ភ្នំពេញ)៖ នាវេលាម៉ោង២រសៀល ថ្ងៃទី២៨ ខែកក្កដា ឆ្នាំ២០២៥នេះ សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចាប់ផ្តើមជួបចរចាជាមួយ នាយករដ្ឋមន្រ្តីស្តីទីថៃ លោក Phumtham Wechayachai នៅប្រទេសម៉ាឡេស៊ី។

27/07/2025

កងទ័ពសៀម កំពុងបង្កសង្គ្រាមលើជនស៊ីវិលកម្ពុជាយ៉ាងសាហាវឃោឃៅបំផុត ដោយបាញ់ផ្លោងចូលក្រុងសំរោង ឆេះលំនៅឋាន និងបង្កឱ្យប្រជាជនកម្ពុជារបួស នៅថ្ងៃទី២៧ ខែកក្កដា ឆ្នាំ២០២៥

July 27, 2025 --- Take a look as the Thai army brutally targets innocent civilians on a residential area in Samrong City, Oddor Meanchey, Cambodia. Video shows smoke can be seen from burning houses, buildings and some infrastructures.

27/07/2025

BREAKING: ទាហានឈ្លានពានសៀម កាន់តែគឃ្លើនឡើង និងបន្តវាយវាយប្រហារចូលមូលដ្ឋានជនស៉ីវិលកម្ពុជា ដោយទម្លាក់គ្រាប់បែកឆេះផ្ទះពលរដ្ឋនៅសង្កាត់សំរោង ក្រុងសំរោង និងខូចខាតផ្ទះនៅស្រុកបន្ទាយអំពិល។

ប្រភព៖ FRESH NEWS 27.07.25

27/07/2025

គួរឱ្យសោកស្ដាយ! ប្រាសាទព្រះវិហារ ដែលជាសម្បត្តិបេតិកភណ្ឌពិភពលោក ចុះក្នុងបញ្ជីរបស់អង្គការយូណេស្កូ ត្រូវបានទាហានថៃបាញ់ បណ្ដាលឲ្យបាក់បែកមួយចំណែក។
27,07,25

27/07/2025

ថៃផ្គើនដាក់អាម៉េរិក បដិសេធនឹងចិន កុហកប្រធានអាស៊ាន បន្តបាញ់គ្រាប់ផ្លោងមកលើកម្ពុជា ឥរិយាបថនេះបញ្ជាក់ថា ថៃមិនទុកមហាអំណាចអាម៉េរិក-ចិនក្នុងកែវភ្នែក និងមិនអើពើនឹងសម្តីប្រធានអាស៊ាន ទាំងដែលថៃក៏ជាសមាជិកអាស៊ានដែរនោះ

រាជធានីភ្នំពេញ៖ អាម៉េរិក សុំឱ្យឈប់បាញ់គ្នា ថៃនៅតែបន្តបាញ់មកលើកម្ពុជា ខណៈកម្ពុជា ត្រូវបន្តការពារខ្លួន។ ចិន ចង់ធ្វើអាជ្ញាកណ្តាលជួយសម្របសម្រួលឱ្យឈប់ប្រយុទ្ធជាមួយកម្ពុជា តែថៃ ថាមិនចាំបាច់ទេ។ ប្រធានអាស៊ាន សុំឱ្យឈប់បាញ់គ្នា ថៃឆ្លើយថាយល់ព្រម តែជាក់ស្តែង នៅតែទម្លាក់គ្រាប់លើកម្ពុជា។

សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងលោក ភូមិថាំ វេជ្យៈឆ័យ នាយករដ្ឋមន្រ្តីស្តីទីថៃ ប្រាប់ប្រធានាធិបតីមហាអំណាចអាម៉េរិក លោក ដូណាល់ ត្រាំ ក្នុងកិច្ចសន្ទនាតាមទូរសព្ទដូចគ្នាថា កម្ពុជា-ថៃ ចង់បានបទឈប់បាញ់ និងសន្តិភាព។ លោក ដូណាល់ ត្រាំ ក៏បានស្នើពីរឿងនេះដែរ គឺសូមឱ្យកម្ពុជា-ថៃ ឈប់ប្រយុទ្ធគ្នា។ មេដឹកនាំមហាអំណាចរូបនេះ បានពិភាក្សាតាមទូរសព្ទជាមួយមេដឹកនាំកម្ពុជា-ថៃ ម្នាក់ម្តងៗ នៅពាក់កណ្តាលយប់ថ្ងៃទី២៦ ខែកក្កដា ឆ្នាំ២០២៥ (ម៉ោងនៅកម្ពុជា)។

ប៉ុន្តែ ចំពោះភាគីថៃឯណោះ គ្រាន់តែលោក ភូមិថាំ ទម្លាក់ទូរសព្ទចុះភ្លាមក្រោយចប់កិច្ចសន្ទនាជាមួយលោកត្រាំ កងទ័ពថៃ ក៏ចាប់ផ្តើមបន្តបាញ់ប្រហារគ្រាប់ផ្លោងមកលើកម្ពុជាតែម្តង តាំងម៉ោង២យប់ថ្ងៃទី២៧កក្កដា រហូតមកដល់ភ្លឺ ក៏នៅតែបន្តបាញ់។ ការបន្តបាញ់ប្រហារលើកម្ពុជាបែបនេះ បង្ហាញថា ថៃ ក្បត់ពាក្យសន្យារបស់ខ្លួនផង ហើយក៏មិនធ្វើតាមការអំពាវនាវរបស់ប្រធានាធិបតីអាម៉េរិកផង។

មិនត្រឹមតែមិនធ្វើតាមការអំពាវនាវរបស់មហាអំណាចអាម៉េរិកនោះទេ ថៃ ថែមទាំងរុញច្រានមហាយក្សចិន ចេញមិនឱ្យចូលមកសម្រុះសម្រួលថែមទៀត។ ពេលផ្ទុះអាវុធជាមួយគ្នាដំបូងៗ ចិន តាមរយៈអ្នកនាំពាក្យការបរទេសខ្លួន បានផ្ញើសារតាមបណ្តាញសារព័ត៌មានមកកាន់កម្ពុជា-ថៃ ថាត្រៀមខ្លួនដើរតួនាទីជួយលើកកម្ពស់សន្តិភាព និងជួយសម្របសម្រួលកិច្ចចរចា ដើម្បីបន្ថយភាពតានតឹងរវាងកម្ពុជា-ថៃ។ កម្ពុជា ប្រកាសស្វាគមន៍សុឆន្ទៈរបស់ចិន តែថៃមិនព្រមទទួលឡើយ។ ថៃឆ្លើយថាមិនត្រូវការបរទេស ឬប្រទេសទី៣ចូលខ្លួនមកសម្របសម្រួលនោះទេ។

លើសពីនេះ ថៃ ក៏មិនព្រមស្តាប់ប្រធានអាស៊ានថែមទៀត។ និយាយមួយបែបទៀតថា ថៃ កុហកប្រធានអាស៊ាន។ នៅល្ងាចថ្ងៃទី២៤កក្កដា លោក អានវ៉ា អ៊ីប្រាហ៊ីម នាយករដ្ឋមន្រ្តីម៉ាឡេស៊ី ហើយក៏ជាប្រធានប្តូរវេនអាស៊ានសម្រាប់ឆ្នាំ២០២៥នេះផងនោះ បានទាក់ទងតាមទូរសព្ទទៅកាន់នាយករដ្ឋមន្រ្តីកម្ពុជា និងនាយករដ្ឋមន្រ្តីស្តីទីថៃ ដោយស្នើឱ្យមេដឹកនាំប្រទេសទាំងនេះ ទទួលយកបទឈប់បាញ់។ មេដឹកនាំកម្ពុជា-ថៃ សុទ្ធតែឆ្លើយយល់ព្រមទទួលយកសំណើរបស់ប្រធានអាស៊ាន ដោយសន្យាឈប់បាញ់គ្នា ចាប់ម៉ោង១២យប់ថ្ងៃទី២៤កក្កដាទៅ។ ប៉ុន្តែ សន្យាគ្រាន់តែជាសន្យា សកម្មភាពបាញ់ប្រហារជាក់ស្តែងដែលផ្តើមដោយទាហានថៃ នៅតែបន្តដដែល។

ឥរិយាបថខាងលើ បញ្ជាក់ថា ថៃមិនទុកមហាអំណាចអាម៉េរិក-ចិនក្នុងកែវភ្នែក និងមិនអើពើនឹងសម្តីប្រធានអាស៊ាន ទាំងដែលថៃក៏ជាសមាជិកអាស៊ានដែរនោះ។ លោក អេនតូនីញ៉ូ ហ្គូតេរេស (António Guterres) ប្រមុខអង្គការសហប្រជាជាតិ (UN) រួមទាំងក្រុមប្រឹក្សាសន្តិសុខអង្គការសហប្រជាជាតិ (UNSC) បានស្នើឱ្យកម្ពុជា-ថៃ ឈប់ប្រើអាវុធដាក់គ្នា ហើយងាកមកដោះស្រាយជម្លោះដោយសន្តិវិធី។ បញ្ហាស្ថិតលើភាគីថៃ ថាឈប់បាញ់ ឬមិនឈប់។

ក្រសួងការពារជាតិកម្ពុជា ប្រកាសប្រាប់ប្រជាជនខ្លួន និងអន្តរជាតិថា ថៃ ចាប់ផ្តើមបើកការបាញ់ប្រហារមកលើកម្ពុជាមុន តាំងពីព្រឹកថ្ងៃទី២៤កក្កដា កម្ពុជា គ្មានជម្រើសអ្វីក្រៅពីការបាញ់តដៃវិញឡើយ ដើម្បីការពារខ្លួន និងការពារទឹកដី។ ថ្វីបើប្រជាជនកម្ពុជារាប់ម៉ឺននាក់តាមព្រំដែនបានភៀសខ្លួនចេញក៏ដោយ ប៉ុន្តែ អ្នកនាំពាក្យក្រសួងការពារជាតិកម្ពុជា អះអាងដដែលៗថា កងទ័ពកម្ពុជា បន្តប្រយុទ្ធយ៉ាងអង់អាចក្លាហាន រហូតមកដល់ពេលនេះ គ្មានតំបន់ណាមួយរបស់កម្ពុជា ត្រូវបានកងទ័ពថៃចូលមកកាន់កាប់បានឡើយ៕ អត្ថបទ៖ SBM NEWS

Norng NaRin-ណារិន

23/09/2025

17/09/2025

07/09/2025

16/08/2025

30/07/2025

28/07/2025

28/07/2025

27/07/2025

27/07/2025

27/07/2025

27/07/2025

Address

Website

Alerts

Shortcuts

Share

Category