KOSAL page

12/10/2023

តើអ្នកដឹងទេ អ្វីនឹងកើតឡើងបន្ទាប់ពីអ្នកបានស្លាប់?

២ឬ៣ម៉ោងក្រោយ អ្នករាល់គ្នានឹងឈប់យំ

គ្រួសាររបស់អ្នកនឹងរវល់រៀបចំបុណ្យ ហៅលោកហៅអាចារ្យ ហៅតុចិន

ចៅៗរបស់អ្នករត់លេង

ក្មេងប្រុសស្រី ប្រហែលកំពុងសុំអាខោនហ្វេសបុកគ្នាទាំងទឹកមុខញញឹម

អ្នកខ្លះប្រហែលនាំគ្នាផឹកស៊ី មុនចូលដេក

អ្នកជិតខាងអ្នក កំពុងតែខឹងព្រោះធ្វើរោងបុណ្យមុខផ្ទះ ឬមានសំលេងរំខាន

បងប្អូនសាច់ញាតិខ្លះនឹងខលមកកូនៗអ្នក ប្រាប់ពួកគេរវល់មិនបានមកចូលរួម

ថ្ងៃបន្ទាប់សាច់ញាតិខ្លះក៏មិនបាននៅ ហើយអ្នកខ្លះក៏រអ៊ូថាម្ហូបមិនឆ្ញាញ់

បងប្អូននៅឆ្ងាយៗ ប្រហែលជាមានគំរោងដើរលេងបន្ទាប់ពីមកចូលរួមបុណ្យរបស់អ្នក

សាច់ញាតិខ្លះក៏រអ៊ូថា មកបុណ្យខាតចេះខាតចុះ ព្រោះតែមកបុណ្យរបស់អ្នក

មនុស្សអ៊ូអរក៏កាន់តែស្ងាត់ទៅ

ថ្ងៃបន្ទាប់ប្រហែលមានគេខលមកអ្នក ដោយមិនដឹងថាអ្នកស្លាប់

កន្លែងការងាររបស់អ្នក ក៏មានអ្នកជំនួស

១អាទិត្យក្រោយមក មិត្តក្នុងហ្វេសបុកខ្លះក៏ឆែកមើលអាខោនអ្នក ព្រោះចង់ដឹងថាអ្នកមុនស្លាប់ មាននិយាយអីអត់ ឬស្លាប់ដោយសារអី

ប៉ុន្មានថ្ងៃមកទៀត កូនៗរបស់អ្នកនឹងរវល់ដើរទិញអីវ៉ាន់សំរាប់ទុក ព្រោះគេមិនបានធ្វើការដោយសារដាក់ច្បាប់ប្រញាប់មកធ្វើបុណ្យ

សាច់ញាតិ បងប្អូននឹងសួរថា តើអ្នកមានសល់ដីឬផ្ទះអិខ្លះអត់

មិនយូរទេ បងប្អូនកូនក្មួយអ្នក នឹងវិលទៅរកជីវិតដូចដើម ដោយគ្មានអ្នក គេមិនខ្វល៉ថាអ្នកបានធ្វើអីខ្លះកាលនៅរស់ទេ

វាកើតឡើងយ៉ាងងាយ ហើយលឿនទៀតផង

អ្នកនៅត្រូវគេបំភ្លេច ឈ្មោះរបស់អ្នកមានតែនៅលើចេតិយ៍

ហើយនៅថ្ងៃគំរប់ខួប១ឆ្នាំនៅការស្លាប់របស់អ្នក គេនឹងធ្វើបុណ្យយ៉ាងអាធ័កអាធោម

តែមួយពព្រិចភ្នែក១ឆ្នាំបានកន្លងផុតទៅ ប្រហែលជាអត់មានអ្នករំលឹកឈ្មោះអ្នកផងមិនដឹង

អ្នករាប់អាននឹងអ្នកមានច្រើន តែប្រហែលមានតែ២ឬ៣នាក់ទេ ដែលនៅរំលឹកពីអ្នក

អ្នកប្រហែលជារស់ឋានណាមួយ បើការចាប់ជាតិជាការពិត

មិនចឹងទេ អ្នកសល់តែផេះ១ចាន

មនុស្សគ្រប់គ្នាងាយភ្លេចអ្នកណាស់

ហើយចឹងរាល់ថ្ងៃនេះតើអ្នកខំដើម្បីអ្វី ប្រឹងដើម្បីអ្នកណា​?

ស្ទើតែមួយជីវិតរបស់អ្នក អ្នកគិតពីមនុស្សគ្រប់គ្នា ខ្វល់ខ្វាយពីសំដីមនុស្សគ្រប់គ្នា

ហើយចឹងកាលរស់នៅរបស់អ្នក សំរាប់តែបំពេញចិត្តអ្នកដទៃចឹងមែនទេ?

គ្មានប្រយោជន៏សោះហើយ

ជីវិតកើតមកមានតែ ១ រស់នៅអោយពេញលេញ

រៀបរៀង និង បកប្រែដោយ : Piseth Dee
Credit : Author Unknown
Photo Credit : Freepik

25/04/2022

11/04/2022

04/03/2022

សារដាស់តឿន

នៅពេលដែលអ្នកបានគេងនៅលើគ្រែនេះហើយ អ្វីក៏អ្នកមិនខ្លាចទៀតដែរ តែផ្ទុយទៅវិញ អ្នកណាៗក៏ខ្លាចអ្នកដែរ។

- បងប្អូនសាច់ញាតិខ្លាចអ្នកទៅខ្ចីលុយ
- ឪពុកម្តាយខ្លាចអ្នកព្យាបាលមិនជា
- ប្តី/ប្រពន្ធ ខ្លាចអ្នកនាំទុក្ខដល់ខ្លួនគេ
- ថៅកែខ្លាចអ្នកគ្មានលទ្ធភាពធ្វើការឲ្យគេទៀត ក៏ប្រញាប់រកមនុស្សថ្មីជំនួស។
- ពេទ្យខ្លាចអ្នកគ្មានលទ្ធភាពបង់ថ្លៃព្យាបាលបន្ត តែងមើលទឹកលុយរបស់អ្នករួចហើយបានព្យាបាល។

នៅពេលនោះ ភាពអំនួត និងភាពឆេវឆាវរបស់អ្នកគឺបានបាត់អស់ហើយ!

ដូច្នេះ អ្នកត្រូវតែរៀនចេះមើលថែខ្លួនឯង ក្រៅពីសុខភាព អ្វីៗគឺមិនមែនជារបស់អ្នកទេ!

កាត់បន្ថយការខឹងច្រើន ធ្វើចិត្តឱ្យសប្បាយ បើអ្នកបាត់បង់សុខភាពហើយ តើអ្នកឈ្នះបានពិភពលោកទាំងមូលមានន័យអ្វី?

ជឿទៅបើអ្នកគេងលើគ្រែនេះ គ្មានអ្នកណាល្អជាងគ្រួសារយើងទេ។ ចូរបង្កើតក្តីស្រឡាញ់ក្នុងគ្រួសារឲ្យបានច្រើនប្រសើរជាងការស្វែងរកការសប្បាយនៅខាងក្រៅជាមួយកែវស្រា ....។

ប្រភពfacebook

06/02/2022

ក្មេងដែលធំធាត់ដោយការវ៉ៃដំ _ គឺទន់ខ្សោយ
ក្មេងដែលធំធាត់ដោយការទម្រើស _ គឺរឹងរូស
ក្មេងដែលធំធាត់ដោយការបង្ខំ _ គឺលេចធ្លោ
ក្មេងដែលធំធាត់ដោយការជេរ _ គឺមិនស្តាប់បង្គាប់
ក្មេងដែលធំធាត់ដោយការថ្នមជ្រុល _ គឺខ្ជិល
ក្មេងដែលធំធាត់ដោយការលួងអង្វរ _ គឺលាក់ពុត
ក្មេងដែលធំធាត់ដោយការលំបាក _ គឺដឹងក្តី
ក្មេងដែលធំធាត់ដោយការលុតដំ _ គឺរឹងមាំ
ក្មេងដែលធំធាត់ដោយការអបរំ _ គឺប្រកាន់ខ្ជាប់ប្រពៃណី
ក្មេងដែលធំធាត់ដោយការខំប្រឹងប្រែង _ គឺជោគជ័យ
ក្មេងដែលធំធាត់ដោយការជម្នះឧបសគ្គ _ គឺក្លាហាន
ក្មេងដែលធំធាត់ដោយការសរសើរ _គឺជឿជាក់លើខ្លួនឯង!

បើចង់កែប្រែជំនាន់ក្រោយ គឺត្រូវផ្តើមចេញពីអ្នកខ្លួនឯង

17/04/2021

18/03/2021

ការទៅជារៀងរហូត ... ❤️❤️

បុរសវ័យក្មេងដែលស្លាប់ដោយសារងាប់ខួរក្បាលទាំងស្រុង គាត់បរិច្ចាគសរីរាង្គទាំងអស់របស់គាត់។
វេជ្ជបណ្ឌិតជាង ១៥០ នាក់មន្ទីរពេទ្យ ១០៨ បានរៀបចំតុចំនួន ១២ សម្រាប់ប្រមូលសរីរាង្គនិងប្តូរសរីរាង្គសម្រាប់អ្នកជំងឺ ៦ នាក់។ វេជ្ជបណ្ឌិតបានផ្តល់សួតពីរដល់អ្នកជំងឺដែលមានជំងឺស្ទះសួត។ ការប្តូរថ្លើមសម្រាប់អ្នកជំងឺដែលមានជំងឺខ្សោយថ្លើមធ្ងន់ធ្ងរ។ តម្រងនោមពីរត្រូវបានប្តូរទៅអ្នកជំងឺពីរនាក់ដែលមានជំងឺខ្សោយតំរងនោមរ៉ាំរ៉ៃដំណាក់កាលចុងក្រោយ។ កំភួនដៃចំនួន ២ ត្រូវបានប្តូរទៅអ្នកជំងឺម្នាក់ដែលបានបាត់បង់កំភួនដៃទាំងពីរដោយសារគ្រោះថ្នាក់ផ្ទុះជាតិរំសេវ។

ការប្តូរសរីរាង្គទាំងនេះត្រូវបានធ្វើឡើងនៅមន្ទីរពេទ្យកណ្តាលយោធា ១០៨។ បេះដូងត្រូវបានប្តូរទៅអ្នកជំងឺដែលមានជំងឺរលាកសាច់ដុំបេះដូងរ៉ាំរ៉សដំណាក់កាលចុងក្រោយដែលបានធ្វើនៅមន្ទីរពេទ្យមិត្តភាពវៀតឌុក…

មនុស្សម្នាក់បានស្លាប់ប៉ុន្តែបាននាំជីវិតថ្មីដល់មនុស្ស ៦ នាក់ផ្សេងទៀត។

អ្នកឃើញតែងតែមានវិធីជាច្រើនដើម្បីធ្វើឱ្យជីវិតមានអត្ថន័យ ... មិនថាពេលណាឬពេលវេលានៃជីវិតនោះទេ!

📲 អ្នកអាចតម្លើងអេប Owlebook តាមលីង៖ http://onelink.to/n55a4j

ប្រភព​: Vnexpress

07/02/2021

#តើការបន្តោងសេរ៉ូមមានវីតាមីន ជាការចាំបាច់ដែរឬទេ?
Is intravenous vitamin infusion beneficial?
នៅក្នុងប្រទេសជាច្រើន ការយកទឹកសេរ៉ូមដែលគេលាយថ្នាំវីតាមីនឲ្យមានពណ៌លឿងៗ បន្តោងតាមសរសៃឈាមវ៉ែនរបស់អ្នកជំងឺ មានប្រជាប្រីយភាពយ៉ាងខ្លាំងក្នុងចំណោមអតិថិជនខ្លះដែលមិនសូវយល់ដឹងនិងក្នុងចំណោមគ្រូពេទ្យខ្លះដែលមិនសូវខ្វល់អំពីក្រមសីលធម៌វិជ្ជាជីវ:។
មិនទាន់មានភស្តុតាងណាបង្ហាញឲ្យឃើញ អំពីផលប្រយោជន៍នៃការបញ្ចូលវីតាមីន តាមការបន្តោងទឹកសេរ៉ូមនៅឡើយ។ ផ្ទុយទៅវិញ មានភ័ស្តុតាងជាច្រើនអំពីគ្រោះថ្នាក់ដែលវាបានបង្ក។
តើមានហានិភ័យអ្វីខ្លះដែលអាចកើតឡើង ជាមួយនឹងការបន្តោងទឹកសេរ៉ូមដែលមានលាយវីតាមីន ដោយគ្មានការចាំបាច់?
អ្នកស្រីវេជ្ជបណ្ឌិត Sophie Medlin ដែលធ្លាប់ធ្វើការជាអ្នកជំនាញផ្នែកអាហាររូបត្ថម្ភនិងជាសាស្ត្រាចារ្យផ្នែកអាហាររូបត្ថម្ភនិងរបបអាហារនៅសាកលវិទ្យាល័យ King's College London បាននិយាយថា “តាមក្បួនវេជ្ជសាស្ត្រ យើងមិនត្រូវបញ្ចូលអ្វីតាមសរសៃឈាមឡើយបើមិនមានការចាំបាច់បំផុត”។ វាមិនមានការចាំបាច់ក្នុងការផ្តល់សារជាតិបំប៉នតាមសរសៃឈាមក្នុងករណីណាក៏ដោយ ក្រៅពីករណីនៃការវះកាត់ពោះវៀន ព្រោះវាមានហានិភ័យខ្ពស់។
ជាទូទៅ តាមក្បួនវេជ្ជសាស្ត្រ មុននឹងចាក់ថ្នាំអ្វីមួយបញ្ចូលតាមសរសៃឈាម គេត្រូវស្វែងយល់ប្រវត្តិវេជ្ជសាស្រ្តរបស់អ្នកជំងឺយ៉ាងហ្មត់ចត់បំផុត។
ការបញ្ចូលវីតាមីនតាមទឹកសេរ៉ូម ធ្វើឱ្យថ្លើមនិងតម្រងនោមស្ថិតក្រោមភាពតានតឹង ហើយការធ្វើរបៀបនេះដោយមិនបានពិនិត្យដំណើរការនៃមុខងារថ្លើមនិងមុខងារតំរងនោមជាមុន ត្រូវបានហាមឃាត់ដោយវិទ្យាស្ថានជាតិសម្រាប់ការព្យាបាលល្អឥតខ្ចោះ (NICE) នៅចក្រភពអង់គ្លេស។
នៅពេលដែលអ្នកដាក់អ្វីមួយចូលទៅក្នុងខ្លួនរបស់គេតាមសរសៃឈាម អ្នកត្រូវដឹងថាអ្នកកំពុងតែធ្វើឲ្យគេ ប្រឈមនឹងហានិភ័យនៃការឆ្លងមេរោគពីកន្លែងដែលវាត្រូវបានបញ្ចូលទៅក្នុងចរន្តឈាម។ បើពោះវៀនរបស់គេនៅល្អសោះ ហេតុអ្វីបានជាអ្នកមិនឲ្យពោះវៀនរបស់គេដ៏ល្អឥតខ្ចោះធ្វើការស្រូបយកវីតាមីននិងសារធាតុរ៉ែដែលគេត្រូវការ ហើយបែរជាធ្វើឲ្យគេប្រឈមជាមួយនឹងហានិភ័យនៃការឆ្លងមេរោគទៅវិញ?
ម្យ៉ាងទៀត តាមរយ:ការបញ្ចូលទឹកសេរ៉ូមបន្តិចម្ដងៗ មនុស្សអាចមិនដឹងខ្លួនទេថាខ្លួនគេទទួលបានបរិមាណសារធាតុចិញ្ចឹមច្រើនហួសហើយ ដែលអាចមានផលប៉ះពាល់ដល់សុខភាព ជាពិសេសចំពោះអ្នកដែលបានបន្តោងសេរ៉ូមមានវីតាមីន ជាទៀងទាត់និងញឹកញាប់។
ការបញ្ចូលវីតាមីនក្នុងចរន្តឈាម តាមរបៀបបន្តោងសេរ៉ូម ធ្វើឲ្យវាត្រូវបានបញ្ចេញចោលវិញតាមតម្រងនោមអស់យ៉ាងហោចណាស់ 90%។ គឺថា ផលប្រយោជន៍ពិតប្រាករបស់វាមានតិចតួចណាស់ ឯហានិភ័យវិញគឺធំធេងជាងផលប្រយោជន៍យ៉ាងខ្លាំង។
ដូច្នេះវាហាក់ដូចជា អ្នកកំពុងផលិតទឹកនោមឲ្យអ្នកជំងឺ ដោយតម្លៃថ្លៃ និងប្រកបដោយហានិភ័យខ្ពស់។
មនុស្សត្រូវការវីតាមីនក្នុងបរិមាណតិចតួចប៉ុណ្ណោះ ហើយមានតែក្នុងករណីកង្វះវីតាមីនទេ ដែលគេពិចារណាទទួលទានវាបន្ថែម។
តើអ្នកណាខ្លះត្រូវការវីតាមីនបន្ថែម?
មនុស្សមួយចំនួនដែលមានហានិភ័យនៃកង្វះវីតាមីនគួរប្រើថ្នាំគ្រាប់វីតាមីនបន្ថែមគឺ:
* ស្ត្រីដែលមានផ្ទៃពោះ និងស្ត្រីដែលបំបៅកូនដោយទឹកដោះម្តាយ គួរតែប្រើថ្នាំគ្រាប់វីតាមីន D បន្ថែម។
* ស្ត្រីដែលកំពុងព្យាយាមមានផ្ទៃពោះ និងស្ត្រីក្នុងអំឡុងពេល 12 សប្តាហ៍ដំបូងនៃការមានផ្ទៃពោះ ត្រូវបានគេណែនាំឱ្យប្រើថ្នាំគ្រាប់អាស៊ីតហ្វូលិកដែលបន្ថយហានិភ័យនៃការខូចបំពង់សរសៃប្រសាទរបស់ទារកៗ ដូចជា Spina bifida។
* មនុស្សដែលមានអាយុលើសពី 65 ឆ្នាំ គួរលេបបន្ថែមវីតាមីន D។
* មនុស្សដែលមានស្បែកខ្មៅ និងមនុស្សដែលមិនសូវត្រូវពន្លឺព្រះអាទិត្យ គួរលេបថ្នាំវីតាមីន D បន្ថែម។
* គ្រប់កុមារទាំងអស់ដែលមានអាយុពី 6 ខែដល់ 5 ឆ្នាំ គួរតែទទួលបានវីតាមីនបន្ថែមដែលមានវីតាមីន A, C និង D។
* មនុស្សខ្លះទៀត ដែលមានស្ថានភាពវេជ្ជសាស្ដ្រមិនល្អ គួរលេបថ្នាំគ្រាប់វីតាមីនបន្ថែមតាមការចាំបាច់ តែគេត្រូវដឹងថាគេអាចទទួលបានវីតាមីនយ៉ាងល្អតាមរយៈរបបអាហារ៕
By:Dr.Long chhun