01/08/2025
၂ရက်နေ့ ၇လပိုင်း ၂၀၂၅ခုနှစ်မှာ
ဖိလစ်ပိုင်နိုင်ငံတွင် ဖိလစ်ပိုင်ကလေးတွေကို ပညာသင်ကြားနိုင်ရေး ကူညီပေးနေတဲ့ အသက်၅၅နှစ်အရွယ် ကိုရီးယားလူမျိုး YouTuber တစ်ယောက်ကို ကလေးသူငယ်ညှင်းပမ်းနှိပ်စက်မှု၊ လိင်ပိုင်းဆိုင်ရာ ခြိမ်းခြောက်ရယူမှု၊ လူကုန်ကူးမှု၊ အဓမ္မမှု အစရှိတဲ့ ပြစ်မှုတွေနဲ့အတူ ဖမ်းဆီးလိုက်ပါတယ်..
အကြောင်းအရင်းကတော့ အသက်၁၃နှစ်အရွယ် ဖိလစ်ပိုင်ကလေးတစ်ဦး ကလေးမွေးဖွားရာမှ စခဲ့တာပါ.. ကလေးအဖေကတော့ အဖမ်းခံရသူ ကိုရီးယားလူမျိုးပါ.. သူကတော့ သူ့ကိုယ်သူ ပြစ်မှုကျူးလွန်သူလို့ မထင်တဲ့အပြင် ကလေးကိုလဲ သူတို့နှစ်ယောက်ရဲ့ အချစ်သက်သေလေးပါဆိုပြီး ပြောဆိုနေပါတယ်.. ပုံမှန် သမီးရည်းစားအတွဲ ကလေးရသလိုပေါ့..
သတင်းဌာနတွေက ကောင်မလေးအိမ်ကို သွားရောက်မေးမြန်းရာမှာတော့ ကလေးထိန်းနေတဲ့ ကောင်မလေးရဲ့ အုပ်ထိန်းသူ အမေဖြစ်သူနဲ့ အရင်တွေ့ဆုံခဲ့ပြီး သူ့အနေနဲ့ သူ့သမီးနဲ့ ကိုရီးယားလူမျိုးတို့ရဲ့ ဆက်ဆံရေးကို ခွင့်ပြုခဲ့တာမျိုးမဟုတ်ပေမယ့် ကိုယ်ဝန်ရှိပြီး ဗိုက်ပူလာမှ သိရှိခဲ့ရပြီး ဘယ်လိုမှ မတတ်နိုင်တဲ့အခြေအနေမို့ ဒီတိုင်းကြည့်နေခဲ့ရပါတယ်လို့ ဖြေဆိုခဲ့ပါတယ်.. နောက်ပြီး ကလေးကြည့်ဖို့လာတဲ့ သမီးဖြစ်သူနဲ့ အင်တာဗျူးခဲ့ရမှာလဲ ပုံမှန်အခြေအနေလိုပဲ ဖြေဆိုခဲ့ပါတယ်..
ဒီကိုရီးယားလူမျိုးဟာ ဆင်းရဲပြီး ပညာမသင်နိုင်တဲ့ ဖိလစ်ပိုင်ကလေးတွေကို ပညာသင်ပေးနိုင်ဖို့ ရည်ရွယ်ချက်နဲ့ ကျောင်းထောင်ပြီး YouTube ရိုက်ကူးရေးမှ ရရှိတဲ့ အကျိုးအမြတ်နဲ့ အလှူငွေတွေကို ကလေးတွေရဲ့ ပညာရေးမှာ ပြန်လည်သုံးစွဲပေးနေတဲ့သူပါ..သူ့ Channel ကိုကြည့်ပြီး သူ့ကို ယုံကြည်လေးစားလို့ လှူဒါန်းနေတဲ့ အလှူရှင်တွေလဲရှိသလို တစ်ဖက်မှာလဲ အင်မတန် အံ့သြသင့်လက်ခံနိုင်ဖွယ်မရှိတဲ့ လှူဒါန်းမှုတွေလဲရှိနေပါတယ်..
အဲဒါကတော့ ကလေးသူငယ် လိင်ပိုင်းဆိုင်ရာ အမြတ်ထုတ်မှုပါ.. ကျူးလွန်သူတွေကို သူတို့လှူချင်တဲ့ကလေးကို ရွေးချယ်ချိတ်ဆက်စေပြီး video call နဲ့ အမူအရာတွေ လုပ်ပြခိုင်းတာ၊ အတွင်းခံတွေပြခိုင်းတာ၊ private part ခန္တာကိုယ်အစိတ်အပိုင်းတွေပြခိုင်းတာ စသဖြင့် ခိုင်းစေပြီး မုန့်ဖိုး၊ ထောက်ပံ့ငွေ စသဖြင့် ပေးပါတယ်.. ကလေးတွေကတော့ မုန့်ဖိုးလိုချင်တော့ ခိုင်းသမျှလုပ်ပါတယ်.. ကလေးတွေကလိုလိုလားလားလုပ်တာ ဘယ်သူမှအတင်းအကျပ်မခိုင်းဘူးဆိုပေမယ့် ဒါဟာ ဥပဒေနဲ့ငြိစွန်းတဲ့ ပြစ်မှုကျူးလွန်တာမလို့ အရေးယူလို့ရပါတယ်..
Channel တည်ထောင်သူဟာ ဒီလို ပရဟိတအလုပ်တွေမလုပ်ခင်က သူ့ YouTube Channel မှာ တင်ထားခဲ့ဖူးတဲ့ ကြည့်ရှုသူနှုန်း တော်တော်များများရထားတဲ့ ဖိလစ်ပိုင် မိန်းကလေးငယ်ငယ်လေးတွေနဲ့ တွေ့ဖို့နည်းလမ်းဆိုတဲ့ ဗီဒီယိုအကြောင်းပါ တစ်ဆက်ထဲ လူပြောများနေတာပါ.. မိန်းကလေးငယ်ငယ်လေးတွေကို အများကြီးစုနိုင်ဖို့ မိဘတွေပါ ကြည်ကြည်ဖြူဖြူခွင့်ပြုအောင် စာသင်ပေးမယ်၊ မုန်ဖိုးပေးမယ်ဆိုတာနဲ့ မြှားခေါ်တာလို့ ထင်ကြေးပေးတဲ့သူတွေလဲရှိပါတယ်..
ပရဟိတလုပ်ရင်းနဲ့က လမ်းမှားသွားတာလား.. အစထဲက မဟုတ်တာလုပ်ဖို့ ပရဟိတနဲ့ cover ယူတာလား..
လက်ရှိမှာတော့ ကလေးတွေနဲ့ ရေတူတူချိုးတာတွေ.. ကိစ္စအချို့ကို မြင်တွေ့သိခဲ့တဲ့ ကလေးမျက်မြင်သက်သေတွေနဲ့မလို့ အဖမ်းခံရပြီး ကျောင်းကိုလဲ ပိတ်လိုက်ပါပြီ.. YouTube Channel ကတော့ run နေတုန်းမလို့ စောင့်ကြည့်နေပါတယ်..
မြန်မာမှာလဲ အဲ့လိုတွေ ရှိနေတယ်နော် ပရဟိတဘန်းပြပြီး အမြတ်ထုတ်မှုတွေ သတိကြီးကြီးထားကြပါ..
