Saya Do Than

Saya Do Than Daniel Ministry-Myanmar (Founder)
DM-Book (Publishing )
Mercy Baptist Church-Yangon (Pastor)
Motto: Θεός (Theos), ἦθος (ēthos) σοφία (sophia)

18/09/2026

လိုအပ်ရင် လိုအပ်သလို
သီချင်းလဲ ရုတ်တရက် ထဆိုတတ်ပါသည်။ ✌️😍❤️

Pasian Zahtakna sungah kisel thu thum (Hiden Treasure in fearing God) Pasian pen it ding leh ngaih ding ahi hi. Tua I it...
18/09/2026

Pasian Zahtakna sungah kisel thu thum (Hiden Treasure in fearing God)

Pasian pen it ding leh ngaih ding ahi hi. Tua I it leh ngaih Pasian pen zahtak bawl ding zong kisam hi. Zahtak bawlna sungah ama thumanna pen kisam mahmah hi. Pasian a it, a ngai mi khat in Amah a zahtak kul in, a thu amang kul hi. Pasian it lo, ngailo mipa khat in Pasian zahtak, ama thumang ngeilo ding hi. Pasian zahtahna sungah kiselsim thu thum hi: thu theihna (knowledge), thulehla khinkhai dimdiam theihna (discerment), teltheihna/ theih sinsenna (understanding) cihte ahi hi.

Pasian a zahtak mipa khat in thu theihna (a sia leh a pha, gamtat leh gamtatloh ding, Pasian deih maw, deihloh, Pasian zia maw, zialo cihte) nei hamtang ding hi. Tua a thu theihte pen khinkhai dimdiam in Pasian deihna tawh kituakte khentel thei ding hi. Tua bangin a thu theihte, khentel a, a theitel sinsen mipa pen mipil, miciim ahi hi.

Pasian pen a mawkmawk in kizahtak suk gawp thei pah sesa lo sam hi. Ama hoihna limlak kan in, I zon khin, I theih khit ciangin ama hoihna kitel leh kithei pan hi. Tua khitteh amah ki-it kingai thei pan a, a thu zong kimang zo pan hi. Pasian zahtak nuam ihihleh thadah theih omlo hi. Mipilte thadah cih bang omlo hi. Pasian a zahtak mite haigamtat, gamtat, phengtat, zulhtat cih bangte omlo hi.

Pasian zahtakna pen koi cih zon ding ihhiam cih ciangin “Ngun, ahih kei leh a kiseel sum manpha zon bangin, hahkatin pilna zong in. Tua hileh, T**A zahtakna thu na thei dinga, Pasian na thei tel ding hi. Bang hang hiam cih leh pilna a pia pa pen T**A hi a, amah pen pilna le siamna a hilh pa ahi hi.”PAUNAK‬ ‭2‬:‭4‬-‭6‬ ‭TBR17‬‬


17/09/2026

ဒီလိုကျတော့လည်း နေလို့မှ မကောင်းပါ။ 😍😍

Zeisu Na To taktak mah ahi hiam? Zawnna leh gentheihna pen Pasian’ mit’na hi peuhmah lo hi cih phawk ding kisam hi. Pasi...
17/09/2026

Zeisu Na To taktak mah ahi hiam?

Zawnna leh gentheihna pen Pasian’ mit’na hi peuhmah lo hi cih phawk ding kisam hi. Pasian’ tate ihih hangin nuamsa, hau kei pah ding cih zong hilo hi. Pasian’ hong piak thuphate limtak kemlo, zeklo, khollo leh zangmang ihih manin kizawng ahi hi. Pasian in tampi tak kem dingin hong muanlo aive maw? Cihtakna nei nailo kaive maw? ci-in eilehei kipuahphat ding ahi hi.

Ei zawnna leh gentheihna pen Pasian mawhsak ding hilo hi. Kha mit’na danin eilehei kimawk hehpih loh ding kisam hi. Bill Gate in a genna ah “Leitungah bangmah neilo in na suah pen ahi ding mah hi a, nang khialhna hilo hi. Ahi zongin bangmah neilo in leitung na nusiat leh tua pen nang mawhna hi” ci-in gen hi. Leitungah i nu’ gil sung pan i suahma na ngawn in sumlehpaai tawh a kizom khin mihingte ihi hi. Sumlehpaai cih pen mihingte tawh a kipaikan den tawntung ding leitungvan khat hi a, mihingte i nuntakna sungah tua sumte omkeileh bangmah kisem theilo hi.
​
Sumlehpaai in leitung mihingte adingin a thupi leh amannei mahmah leitungvan khat ahi hi. Sumlehpaai pen kimu, kilen, kizong, kizeek, kikeem kha hamhang hi. Sumlehpaai tawh kipelh ding mihing leitungah omlo hi. Tua hi-in sumlehpaai pen Pasian deihna tawh kituak in koi cih muh ding, koicih zeek ding, koihcih kep ding, koicih khol ding, koi cih pungsak ding cih pilna leh siamna kihilh ding thupi mahmah hi.



16/09/2026

သူငယ်ချင်း တစ်ယောက်ရရှိပါ၏။ ကျေးဇူးတင်ပါသည်။

T**a Zahtakna (The Fear of The Lord) Pasian pen Kha Pasian, kimu theilo, kilawng theilo hi napi amah biakpiak ding pen d...
16/09/2026

T**a Zahtakna (The Fear of The Lord)

Pasian pen Kha Pasian, kimu theilo, kilawng theilo hi napi amah biakpiak ding pen deih sese hi. Zahtak ding zong lunggulh lailai hi. A kimu theilo, kilawng theilo khat pen koici biak ding? Koicih zahtak bawl mawk peuhmah tazen ding?. A kimu theilo, a kilawng theilo khat pen zahtak theih ziauh ding pen hamsa veve hi. A kimu thei khat hileh bel vaisiang ziau hi.

A kimu theilo Kha Pasian pen a kimu theilo lungsim/lungtang tawh kizom masak kul hi. A kimu theilo nih hong kituah khit ciangin Pasian mimal hihnate kitel in Pasian ziate, tatdan leh deihdante kitel thei pan hi. Tua bangin Pasian tatzia, deihdan tawh amah a zahtak mi khat in, a kimu thei, Zahtak ding a kilawmte zahtak thei, It ding kilawmte it thei, sep ding a kilawm a phate bawl thei in a siate peel thei hi.

Pasian in ama kammal bute sungah
Amah zahtakna in "Thu theihna, thulehla khinkhai dimdiam theihna" kipatna (Paunak 1:7) ci hi. Tua bang mite pen mipil ahkl miciim, mitei ci hi. Pasian thu theihna gil mahmah innkuan pen innkuan nuam, thulehla a khinkhai dimdiam thei kipawlna pen kipawlna cidam, a khangto kipawlna ahi hi.


Makai Nuam Mipa Khat ka hihleh Kawlgam ah Kachin, Karen leh Zomi te pen Pasian’ thu-um (Khristian) ci in kiciamteh cih p...
15/09/2026

Makai Nuam Mipa Khat ka hihleh

Kawlgam ah Kachin, Karen leh Zomi te pen Pasian’ thu-um (Khristian) ci in kiciamteh cih pen mikim theih thu khat ahi hi. Tuate vaipuak lian pen in Pasian ading NAHOIH sem ding ahi hi (Efesa 2:8-10). Pasian Kumpi gam keek ding a hong kiteel khaici cilehang zong kikhial lo ding. Zeisu in a genna ah “Note kiang a man takpi kong cihin ah, buhhum tang khat leilak ah kia a a muat phot keileh amah kia om den ding hi. Ahi zongin, a muat leh buhtang tampi a gah hi. John 12:24

Khaicii cih pen lei ah kituh ding (muat ding) ahi hi. Tua pan gah tampi gah khia ding zong hilai hi. Tuapen Khristian pianzia dingte sungah a zungpi ahi hi. Kawlgam pen ki-ukna hoihlo hi, zawng hi, galkapte khut sungah om hi, amau deih dandan in a paipai hi. Pasian in zong phal hi kha ding hi. Tua gam ah Ei sep dingin, tuate kawmkal ah bangci nuntak ding cih ahi hi. Nahoih koi cibang in sem ding cih lampi zon ding ahi hi.

Lai Siangtho sungah etteh theih ding, Pasian in Esther, Daniel, Ezra leh Nehemiah cihte tangthu Ama kammal Lai Siangtho sungah na koih sak hi. Tua laibute i sim ciang amau zong saltang, ukcipna nuai ah nungta, mite silna himah tale uh, a teenna uh kumpite na mah sem, haitawi, galkap mang sem, cihbang in om uh hi. Thulehla khinkhai dimdiam theihna pen ciimna hi a, pilna zong ahi hi. Tua bang mite tampi tak i gam in kisam hi.

Gam makai, pawlpi, kipawlna, beh leh innkuan lutangpi dingte pen Pasian zahtahte mah neih ding, zon ding, teel ding thupi mahmah hi. Pasian azahtak lo peuh mah in “Theih Theihna, thulehla khinkhai dimdiam theihna hong neilo pah ding hi.” Angsung khual, Aituam phattuamna, sum deihluatna, Sialehpha, thuhoih leh thuhoihlo, sep ding leh seploh ding, theithei lo, khinkhai dimdiam theilo in tagawp ding uh hi. Tua bang makai neih pen kisum mahmah hi.

A kimu theilo a om, Pasian a zahtaklo mipa khat in, a kimu thei a om, mite hong zahtak peuhmah lo ding hi. Theih theihna a neilo mipa khat in midangte phat tuam nading hong geel ngeilo ding hi. Thulehla a khinkhai dimdiam theilo mipa khat in mi tampi takte phat tuam nading geel zolo ding hi. Makai ahi nuam mipa khat ihihleh Pasian i zahtak kul a, tua pan theih theihna leh khinkhai dimdiam theihna om thei pan hi. Pasian zahtak lopi khat i hihleh makai zong ut sese kullo hi.


14/09/2026

မင်းသမီးလေးကို ဒီလိုနေရာတွေမှာ
ဖေဖေနှင့်မေမေ ခြေရာ ကျန်ခဲ့တယ်လို့ ပုံပြင်လေးလို ပြောပြတာပေါ့!


Pasian Hopihna Aw Neem (Matthew 11:28) Pasian hopihna aw neem pen ei tapidawte ading in I nuntakna ah I kalsuanzawh nadi...
14/09/2026

Pasian Hopihna Aw Neem
(Matthew 11:28)

Pasian hopihna aw neem pen ei tapidawte ading in I nuntakna ah I kalsuanzawh nading a kisam THA tawh kibang hi. Tuabek hilo in, nuntakna ah lampi maan tawh kalsuan theih nading, I kung d**g I pai nading, I tai nading lampi ah I GPS (lamkaai) tawh zong kibang hi. Pasian hopihna aw neem zalo, ngah lo hilehang hih leitungah kimangthang in, leitungah kitum kiaukiau ding hi.

Pasian hopihna aw neem i ngah ciangin LUNGNOPNA i sungah hong om hi. Tua hopihna AW NEEM in nuntakna hong lumsak hi. Tua AW NEEM in cilehsa tawh kisai nusiat dingte hong nusia zo sak hi. Lamkhial i hihleh zong lam maan ah hong kha hi. Pasian hopihna aw neem pen a zate ading in manpha a, ahi zongin mipawl khatte ading in hai huai hiau mawk dih zen thei hi.

Noah in zong Pasian hopihna aw neem a zak ciangin Paidildel in mualtung ah tenbawpi lam sese mawk hi. Tuhun bang hileh Zato ah kilak menghen kici ding hi. Ahi zong in Noah in T**a aw neem za khin ahih manin tua bangin a sem ngam zong ahi hi. Mihingte zialehtong tawh kilehbulh taleh sem ngam, bawl ngam leh maizuum ngam hi.

Pasian hopihna aw nisim i zak keileh lam kimang thei hi, i kung lam kitailo thei hi, alehlam ah kitai thei mawk hi. I (focus) zong kimangngilh thei hi. I delhlo ding nate kidelh thei gige hi. Tua teng hakkol tawh pua in kikeukeu thei hi.
T**a hopihna nisim in kisam hi hang.


Address

Seoul

Opening Hours

Monday 09:00 - 17:00
Saturday 09:00 - 17:00

Telephone

+821046723588

Website

Alerts

Be the first to know and let us send you an email when Saya Do Than posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Saya Do Than:

Shortcuts

Share

Category