25/07/2025
सन्तान जन्माउने धेरै हुन्छन्, तर हुर्काउने साहस भने विरलैको हातमा हुन्छ ❤️नाताले होइन, ममताले मातृत्व दिएको त्यो कर्म आज पनि जीवित छ ❤️स्वस्तिकाकी भगवान रूपी आमा शर्मिला श्रेष्ठ 🙏
भेट र बिछोड जीवनको नियम हो, तर के त्यो पनि बाआमा हुन् जसले आफ्नै सन्तानलाई स्वार्थ र खुसीको पछि लागेर बाटैमा छाडिदिए? त्यो पनि ६ वर्षीया अबोध बालिका—न त दोष थियो उसमा, न त विकल्प।
तर भनिन्छ, जसको कोही हुँदैन, उसलाई भगवानले हेर्छन्।
त्यही भगवान बनेर आउनुभयो धुलिखेलको सिद्धार्थ बालगृहकी शर्मिला श्रेष्ठ।
नाताले होइन, ममताले मातृत्व दिएको त्यो कर्म आज पनि जीवित छ।
स्वस्तिका ६ वर्षमा जब बालगृह पुगिन्, उनीसँग आँसु थिए, डर थियो, खाली भविष्य थियो।
शर्मिला सँग भेट हुँदा आँसु मेटिए, संस्कार फले, शिक्षा टाँसियो—र आज उनी १८ वर्षकी युवती बनेर उज्यालो भविष्यको सपना देखिरहेकी छन्।
शर्मिला श्रेष्ठजस्तो महान व्यक्तिले स्वस्तिका मात्रै होइन स्वस्तिकाजस्तै सयौं नानीहरूलाई माया, संरक्षण र आश्रय दिँदै आउनुभएको छ।
शब्दले तौलिन नसक्ने यो मातृत्वको अगाडि हाम्रो नमन—हृदयदेखि, श्रद्धाले, नम्रताले।🙏❤️🌸
