25/07/2025
⊹ 𝗻𝗲𝘄 𝗽𝗼𝘀𝘁 🌷 ⊹
𝗛𝗶𝗶𝗶𝗶 !!
⊹ يا هلا بصيف البنات الحالم ! في كل يوم راح نعيش مغامرة جديدة : شوية ذكريات ، وصفات ، نصائح ، أو حتى فكرة بتخلي الصيف ألذ 🪄🍨✨
جاهزات للإنطلاق ؟.... أنا جاهزة 🤍 ⊹
أحمم أحمم 🎤 كيفكم إن شاء الله تكونوا بألف خير سو اليوم عاد جيتكم بالسلسلة الأولى في حسابي اللي بإذن الله حنستمر فيها 🪄
و اللي هي سلسلة الـ 𝗦𝘂𝗺𝗺𝗲𝗿 𝗚𝗹𝗼𝘄 و بدون ما نكثر كلام خلينا نبدأ بـ
𝗮𝗯𝗿𝗮𝗿'𝘀 𝘀𝘂𝗻𝗻𝘆 𝗷𝗼𝘂𝗿𝗻𝗮𝗹 : 𝗘𝗽𝗶𝘀𝗼𝗱𝗲 𝗼𝗻𝗲 𖢷 🔥
—————
𝘀𝘂𝗯𝗷𝗲𝗰𝘁 : 𝗵𝗼𝘄 𝘄𝗲 𝗰𝗮𝗻 𝗯𝗿𝗲𝗮𝗸 𝗯𝗮𝗱 𝗵𝗮𝗯𝗶𝘁𝘀 & 𝘀𝘁𝗮𝗿𝘁 𝗳𝗿𝗲𝘀𝗵 🌈🪄
يا صباح النعنع المنعنش! 🌺 اليوم اول حلقة من سلسلة 𝗮𝗯𝗿𝗮𝗿'𝘀 𝘀𝘂𝗻𝗻𝘆 𝗷𝗼𝘂𝗿𝗻𝗮𝗹 و قبل ما نبدأ خلوني اقولكم على سر يخليني مرة فرحانة في الصيف 🌞 : لازم اشرب لي عصير منعش زي عصير الليمون و النعناع كل ما الشمس تطلع! [ وانتو ايش هو المشروب اللي بيروق عليكم يومكم الحار؟ شاركوني أسراركم المنعشة في التعليقات 🪄!! ]
و كمان لاتنسو دعاء السفر لأن البوست اليوم طويل صح 🙂🪄
—————
🌺 𝗶𝗻𝘁𝗿𝗼 !!
[ العادات السيئة تتعب الجسم والعقل، وغالبًا نتمسك فيها من غير وعي أو بسبب الفراغ والملل.
للتخلص منها، لازم أول شي نحدد العادة ونكتبها، ثم نستبدلها بعادة بسيطة إيجابية مثل النوم المبكر أو تخصيص وقت للقراءة أو الرياضة ]
𖧵 ف زي ما قريتي في المقدمة اول شي صحصحي على نفسك يبت و جيبي ورقة وقلم و اكتبي ورايا اول خطوة عشان تتخلصي من العادات السيئة و تبدأي من جديد هو انك تكوني محددة هدفك بوضووح يعني تكوني عارفة انتي ايش قاعدة تسوي.
بعدها لازم تكوني صريحة مع نفسك و تحصري العادات السيئة اللي عندك و اللي تبغي تتخلصي منها و تحطي قدامها عادة جيدة تبغى تكسبيها بدل هاذي العادة 🪄
—————
𖧵 أمثلة على العادات السيئة + كيف نتخلص منها :-
° الجلوس على الجوال لفترات طويلة >> هاذي اول عادة الصراحة لازم نتخلص منها لأنه من وراها تصير عندنا عادات سيئة اكتر و عشان كذا لازم نقلل وقت الجوال تدريجيا يوميا على الأقل ربع ساعة لحد ما نلاقي نفسنا اصلا ما نستخدمه غير ساعتين [ لازم تبدأي بالتدريج عشان مرة واحدة حتحسي نفسك مو قادرة بس صدقيني حيجيب نتيجة] ٬ طيب حتقولولي أبرار نحن نتفق معك في هاذي النقطة بس إيش نسوي في وقت الفراغ و خصوصي انه نحن في عطلة؟ حقولكم اصبروا بس شفيكم قاعدين تسبقو الأحداث! 🙂
كل شي فوقته حلو و اصلا الحلقة التانية حتكون عن أشياء تسويها في وقت فراغك! 🎀
° الأكل الغير صحي >> لازم نقلل الأكل الغير صحي لأنه إذا ما أثر علينا الأن حيأثر علينا مستقبلاً، يعني عالأقل في البداية ابدأو بوجبة وحدة خلوها صحية و قللو الأكل الجاهز بعدها شوي شوي حتلاقو نفسكم بعد شوية وقت انه اغلب اكلكم صار صحي 🥗
° إهمال النفس >> إذا انتي كـ بنت ما اهتميتي بنفسك طيب مين يهتم بنفسه؟! 🙂
فوقي على نفسك و ابدأي و لو بشي بسيط زي العناية بالبشرة أو الشعر أو حتى تطوري مهاراتك ، هواياتك [ ترا العناية ما تحتاج فلوس و تقدري تستعملي الأشياء اللي متوفرة عندك و اهمها النت بس بحدود ]
° السهر >> السهر أكبر عدو لنا لأنه اول شي يضر صحتنا و يلخبط وقتتا و يخلينا دايماً متأخرين فلازم كمان نتخلص من هاذي العادة تماماً عشان نقدر نتقدم في حياتنا
° الكسل >> الكسل و السهر الصراحة انا اعتبرهم أتنين ما يتفارقون لأن السهر يجيب الكسل فعشان نتخلص من الكسل لازم أول شي نتخلص من السهر + و لما تبغي تسوي شي زي مثلا واجبات او حتى شغل بالبيت لا تقعدي تفكري فيه بس قومي كذا مرة وحدة و سوي لنفسك سبراااايز 😂 و كذا فجأ بيختفي الكسل فوقتها
° التسويف >> التسويف من أسوأ العادات على الإطلاق و عشان تتخلصي منه لازم تبدأي بالتدريج و تقسمي مهامك لمهام صغيرة جدا يعني مثلا بدل ما تقولي : ( حأذاكر ) قولي : ( حأفتح الكتاب خمس دقايق ) و كمان اعملي تحدي الدقيقتين يعني اي شي تقدري تسويه في دقيقتين سويه على طول، و كمان جدولي كل شي حتى لو كان بسيط لأن الوقت يخليكي تلتزمي و في الأخير كافئي نفسك بعد كل إنجاز حتى لو كان بسيط بشي انتي تحبيه
° السلبية + التشاؤم >> السلبية و التشاؤم و التسويف مرتبطين ببعض و عشان تتخلصي منهم في شوية أشياء سويها و حتشوفي فرق مرة كبير مع الوقت :
بدّلي الأفكار يعني مثلاً كل مرة تفكري "ما رح أنجح"، اسألي: "ليش ما أنجح؟ وش الدليل؟" و دايماً خلي حواليك ناس إيجابيين الكلام الإيجابي يعدي.
خليكي دايماً ممتنة لأي شي بسيط يوميًا حتى لو كان كوب شاي دافئ أو ضحكة من أختك
و كمان وقفي انك تقارني نفسك بالناس قارني نفسك بينك الآن و قبل
و كمان تحركي و امشي أو حتى سوي أي نشاط بسيط يرفع مزاجك ويحرّك الطاقة و كمان خلي عندك هدف واضح حتى لو صغير جدًا، بس يكون لك هدف 📌
—————
و بـــــسس والله هاذا كان كل شي لحلقة اليوم إن شاء الله تكونوا تستفيدون منه و إذا عجبكم لازم تفاعل حلو زيكم عشان تحمسوني و إذا اول مرة تشوفيني لا تنسو الفولو يمكن ما تشوفيني مرة ثانية و خذي لفة بحسابي يمكن يفيدك 🌷🪄
𝗽𝗿𝗲𝗽𝗮𝗿𝗮𝘁𝗶𝗼𝗻 ❟ 𝘀𝘁𝘆𝗹𝗶𝗻𝗴 ❟ 𝘄𝗿𝗶𝘁𝗶𝗻𝗴 = 𝗮𝗯𝗿𝗮𝗿 [ 𝗞𝗜𝗠 𝗟𝗢𝗡𝗔 ]
#سلسلة
