https://www.facebook.com/235880929601343/

SKY Entertainment, Seoul (2026)

24/12/2025

တနေ့နေ့မှာတော့
ကိုယ့်စေတနာကိုအလွယ်တကူနားလည်မဲ့သူ
ကိုယ့်မေတ္တာတွေအပေါ်တန်ဖိုးထားမဲ့သူ

ကိုယ့်ချစ်ခြင်းမေတ္တာအပေါ်မစော်ကားမဲ့သူ
ကိုယ့်တန်ဖိုးကိုနားလည်မဲ့သူ
ကိုယ့်ကြိုးစားနေတဲ့အရာတွေအပေါ် လေးစားတဲ့လူ

ကိုယ့်ရဲ့အချိန်တွေကိုတန်ဖိုးထားမဲ့လူ
ကိုယ့်ရဲအားနည်းချက်တွေ ချို့ယွင်းချက်တွေအတွက်
ယုံကြည်စိတ်ချစွာပြောပြထားလို့ရမဲ့လူ

အရာရာအပေါ် သဘောထားပြည့်ဝပေးနိုင်မဲ့လူ
သစ္စာတရားကိုလေးစားတန်ဖိုးထားမဲ့လူ
အချည်အနှောင်ကင်းပီး လွတ်လပ်စွာရှင်သန်နေတဲ့သူ

(အဟောင်းတွေအတွက် နောက်ပြန်မကြည့်တတ်တဲ့လူ)
ကိုယ့်စကားတွေ လုပ်ရပ်တွေကနေတဆင့်
ကိုယ့်ရဲ့ချစ်ခြင်းမေတ္တာကိုအလွယ်တကူနားလည်မဲ့လူ

ဒီလိုလူလေးနဲ့တော့ ဘဝရဲ့အချိုးတကွေ့မှာ
ပျော်ပျော်ရွှင်ရွှင်နဲ့ ဆုံစည်းချင်ပါသေးတယ်

21/12/2025

သူများဆီက မေတ္တာလိုချင်ရင်

ကိုယ်က နွေးထွေးပေးဖို့မမေ့ပါနဲ့။

သူများဆီက ဂရုစိုက်မှု့လိုချင်ရင်

ကိုယ်လည်း ကြင်နာဖို့မမေ့ပါနဲ့။

သူများဆီက

ချိုသာတဲ့စကားသံတွေကြားချင်ရင်

ကိုယ်လည်း ချိုချိုသာသာပြောဖို့မမေ့ပါနဲ့။

သူများဆီက

နှုတ်ဆက်တာကိုလိုချင်ရင်

ကိုယ်လည်း ပြုံးပြဖို့မမေ့ပါနဲ့။

သူများဆီက

အကူအညီကိုလိုချင်ရင်

ကိုယ်က ကျေးဇူးမမေ့ပါနဲ့။

မမေ့ပါနဲ့

အရာရာတိုင်းဟာ အသွားအပြန်ရှိပါတယ်။

သူများဆီက လိုချင်ရင်

ကိုယ်ကလည်း ပေးဖို့မမေ့ပါနဲ့။

ကိုယ်ကမပေးချင်ဘဲ

သူများဆီက မမျှော်လင့်ပါနဲ့။

တစ်ဦးကမေတ္တာ တစ်ဦးကစေတနာပါ

မေတ္တာဟာ ရောင်ပြန်၊ဟပ်ပါတယ်။🍃🍃

21/12/2025

ခါးနာတာ၊ ညောင်းညာတာတွေဟာ နောက် ၅ နှစ်နေရင် ကုသမှုခံယူရမယ့် ဝေဒနာတွေ ဖြစ်မလာစေဖို့ ဒီနေ့ကစပြီး ကိုယ့်ခန္ဓာကိုယ်ကို ဂရုစိုက်ကြရအောင်။ ခါးရိုးနဲ့ ကျောရိုးကို သက်သောင့်သက်သာဖြစ်စေမယ့် အကြောဆန့်နည်းလေးတွေက သင့်ကို အများကြီး အထောက်အကူပြုမှာပါ။
ဒီလေ့ကျင့်ခန်းလုပ်တဲ့အခါ အဓိကမှတ်ထားရမှာက -
• နေလို့ကောင်းသွားတယ်၊ ပေါ့ပါးသွားတယ် ဆိုရင်တော့ သင်လုပ်တာ မှန်ကန်ပါတယ်။
• တအားကြီး အတင်းလုပ်ရတယ် ဒါမှမဟုတ် နာကျင်လာတယ် ဆိုရင်တော့ ချက်ချင်းရပ်လိုက်ပါ။
မိမိခန္ဓာကိုယ်ရဲ့ အခြေအနေကို နားထောင်ပြီး ပုံမှန်လေး အကြောဆန့်ပေးခြင်းဖြင့် အသက်အရွယ်ရလာတဲ့အခါမှာလည်း သန်စွမ်းဖျတ်လတ်တဲ့ ကျောရိုးပိုင်ရှင်လေးတွေ ဖြစ်နိုင်ကြပါစေရှင်။ 💪✨

Credit

21/12/2025

ဒီမနက်ခင်း လင်းပြန်ပြီ
ဒီမနက် နေအထွက်ကို မြင်ခွင့်ရပေမဲ့
ဒီညနေ နေဝင်ဆည်းဆာကို မြင်ရခွင့် မသေချာတာမို့
ဖြတ်သန်းရမယ့် ကိုယ်ရတဲ့ အချိန်လေးမှာ
စိတ်ဓါတ်လည်း မကျစေချင်သလို
မပျော်ရွှင်ရတဲ့ ဘဝလည်း မပိုင်ဆိုင်စေချင်ဘူး

ဟိုးငယ်ငယ်ကလေးဘဝက
လူတွေ ပြည့်စုံ ချမ်းသာလာတဲ့အခါ
ပျော်ရပြီလို့ ထင်ခဲ့တာ
အဲ့ဒီအချိန် ကိုယ်တွေဘဝက
စားချိန်တန် မစားရ
စားရပေမဲ့ မလောက်ငှ

မိုးရွာရင် ယို
လေလာရင် လန်
ဝါးထရံကြားက ဘဝတွေ
မကျန်းမာတဲ့အခါ
ဈေးဆိုင်က ဆေး အကြွေးပြေး
မသက်သာ ရမ်းကု ဆီ အကြွေးထိုးရတဲ့ ဘဝမို့
ငွေကြေးချမ်းသာခြင်းဟာ ပြည့်စုံခြင်းပဲလို့ ထင်မိခဲ့တာ အမှန်ပါ

အရွယ်ရောက်လာတော့
ငွေကြေးဟာ ချမ်းသာခြင်း တစ်ဝက်ထက် ပိုပြီး မပိုင်ဆိုးနိုင်ပါဘူး
ငွေနဲ့ဝယ်လို့မရတဲ့ အရာတွေ လိုအပ်လာတာနဲ့အမျှ
ပိုက်ဆံတွေ လက်ထဲရှိပြီး
မပျော်ရတဲ့ ဘဝတွေ မဟုတ်တောင်
မပျော်ရတဲ့ နေ့တွေ အများကြီးပဲ

အထူးသဖြင့်
ပစ္စည်းတစ်ခု ပိုင်ဆိုင်ရတာခြင်းတူရင်တောင်
ငွေမရှိသူက ၂ သိန်းလောက်တန်တဲ့ဖုန်း ပိုင်ဆိုင်ရချိန်
(၁) ပတ် (၁၀) ရက်မက ပျော်ရပေမဲ့
ငွေရှိသူအတွက်က ဘာမဟုတ်တဲ့ အရာတစ်ခုလိုပဲ
တစ်ခါတလေတော့ ပြည့်စုံကြွယ်ဝခြင်းဟာ
ပျော်ရွှင်ခြင်းနဲ့လည်း ဝေးကောင်းဝေးတတ်တယ် ဆိုတာ အချို့ ဥပမာတွေက သိလာရတယ်

ဘုရားဟောတရားလို
သတ္တဝါဖြစ်လာကတည်းက
ဒုက္ခချည်းပဲမို့
ချမ်းသာခြင်းကို အားမကျနဲ့
သူ့မှာလည်း ဒုက္ခနဲ့
ဆင်းရဲခြင်းမှာလည်း မသိမ်ငယ်နဲ့
သူ့မှာလည်း ပျော်ရွှင်ရတာတွေ ရှိနိုင်ပါရဲ့

အဓိကက
ဆင်းရဲသည် ဖြစ်စေ
ချမ်းသာသည်ဖြစ်စေ
ပူပန်သောကတွေ နည်းနိုင်သမျှ နည်းမှသာ
တကယ်အေးချမ်းတဲ့ ဘဝ ရနိုင်မှာပဲလေ

ကိုယ့်ကို ပူစေတယ်လို့ ထင်တဲ့ အရာတွေ
စွန့်ခွာသင့်တာလည်း စွန့်ခွာဖို့ လိုသလို
လိုချင်စိတ်တွေ အရမ်းမများမှ
နေပျော်တဲ့ဘဝ ရနိုင်လိမ့်မယ်

ဒါ့ကြောင့်
မဖြစ်မနေ ဖြတ်သန်းရမယ့်
ဘယ်လောက်ကြာမလဲ မသိတဲ့ အချိန်တွေမှာ
ရောင့်ရဲတတ်သောဘဝနဲ့
ကိုယ်ရနေတဲ့ ဘဝလေးကို တတ်နိုင်သမျှ ဒဏ်ရာကင်းအောင်
စိတ်ရှင်းရှင်းနဲ့ နေတတ်ဖို့ ကြိုးစားပါ ...။

21/12/2025

လူတိုင်းရဲ့ဘဝတွေက FB ပေါ်မှာလို
အမြဲတမ်းပျော်စရာကောင်းနေတာတော့
မဟုတ်ပါဘူး။

ဘယ်သူမှတော့ ကိုယ့်ရဲ့ အိမ်ထောင်ရေး ၊
လူမှုရေး၊ စီးပွါးရေး ပြဿနာတွေကို
ထုတ်မပြချင်ကြပါဘူး။

ဓာတ်ပုံတွေ ဆယ်ပုံလောက်ရိုက်ရင်တောင်
အကောင်းဆုံး အလှဆုံးလို့
ထင်ရတဲ့ပုံတွေကိုပဲ ရွေးပြီး
ပို့စ်တင်သလိုပေါ့။

ကျွန်တော်အပါအဝင်လူအများစုက
ကိုယ်ပြချင်တဲ့ဘဝရဲ့
အစိတ်အပိုင်းလေးတွေကိုပဲ
Fb မှာကွက်ပြီးပြနေကြတာပါ။

အဲဒီလို ပြချင်တာလေးတွေပဲ
ကွက်ပြီးထုတ်ပြနေတာတွေကိုကြည့်ပြီး
သူတို့ဘဝတွေက အေးချမ်းလိုက်တာ ..
သာယာလိုက်ကြတာ . .
ချမ်းသာလိုက်ကြတာ ဆိုပြီး
စိတ်ဓာတ်မကျပါနဲ့။

အပြင်ကလက်ရှိဘဝတွေ နဲ့
FB မှာပြနေတဲ့ ဘဝတွေက တူတာတွေလည်း
ရှိတတ်ပေမယ့် မတူညီတာတွေလည်း
အများကြီးပါ။

အားလုံးကိုမဆိုလိုပါဘူး။
တချို့ကိုပြောတာပါ။

ကျွန်တော့အသိ တစ်ယောက် ဆိုရင်
သူ့ရဲ့ လစဥ် ဝင်ငွေ က သိန်း
(၁၅၀၀) ရှိတယ်။

အကောင်းစား အိမ်နဲ့ အကောင်းစား ကားနဲ့
စားလိုက်ရင်လည်း အဆင့်မြင့်
ဟိုတယ်ကြီးတွေမှာပေါ့။

လူတွေကလည်း သူ့ကို ရိုသေကြတယ် ၊
လေးစားကြတယ်၊ ချစ်ခင်ကြတယ်။

ဒါပေမယ့် အလုပ်တွေလုပ်နေရင်းနဲ့ကို
သူ့စက်ရုံရဲ့ ထွက်ငွေက တစ်လ တစ်လ
ကို သိန်း (၁၈၀၀) လောက် ဖြစ်နေတယ်။

စီမံခန့်ခွဲမှု ညံ့လို့ ပဲပြောပြော
ဘာပဲပဲပြောပြော သူ့မှာ ကြိုးစားနေရင်းနဲ့ကို
လစဥ် သိန်း (၁၅၀၀) ဝင်နေပေမယ့်
လတိုင်း သိန်း (၃၀၀) အိတ်စိုက်နေရတယ်။

လူတွေက FB ပေါ်မှာသူတင်နေတဲ့
ပို့စ်တွေကိုကြည့်ပြီး သူ့ဘဝကြီးက
သာယာလိုက်တာ။ အဆင်ပြေလိုက်တာ ။

သူ့လို ဘဝမျိုးရရင် ဘယ်လောက်
ကောင်းမလဲလို့ အားကျ နေကြပေမယ့်
သူကတော့ အကြွေးကင်းပြီး လစဥ်
သိန်း(၃၀၀) လောက်မဆုံးရှုံးဘဲ
ခေါင်းအေးအေးနဲ့ အိပ်နေကြတဲ့
သာမန်ဘဝတွေကို ပြန်ပြီးအားကျနေတာပေါ့။

လူ့ဘဝက ရှပ်ထွေးပါတယ်။
မြင်သမျှကို မယုံပါနဲ့။ လူတွေက သူတို့
မြင်စေချင်တာတွေပဲ ထုတ်ပြနေကြတာပါ။

ဘေးပတ်ဝန်းကျင်က ကိုယ့်ကို
မြင်စေချင်တာလေးတွေပဲ ထုတ်ပြနေတာကို
အားမကျပါနဲ့။ လိုက်မယှဥ်ပါနဲ့။

လူတိုင်းမှာ ပြဿနာရှိပါတယ်။
ထုတ်မပြကြတာပါ။

အဲဒါကို ငါ့မှာပဲ ဒီပြသနာတွေရှိနေတယ်လို့
မတွေးပါနဲ့။ အားလုံး သူ့ပြဿနာနဲ့သူပါ။

အားလျော့အောင်ပြောတာမဟုတ်ဘူး။
ပြဿနာဆိုတဲ့ အမျိုးကလည်း တစ်ခုပြီးရင်
နောက်တစ်ခုက ပေါ်လာနေတာမျိုးပါ။

ပြဿနာမရှိတဲ့ လူဆိုတာလလည်းမရှိပါဘူး။ သမ္မတကနေ လယ်သမားထိ
ပြဿနာရှိကြပါတယ်။

ပြဿနာရှိတိုင်းသာ စိတ်ညစ်ရမယ်ဆို
ဘယ်တော့မှာပျော်ရမှာ မဟုတ်ပါဘူး။
ပြဿနာရှိလည်းပျော်အောင်
နေတတ်ဖို့သာ ကြိုးစားပါ။

Dancing with the problems ပေါ့။

ကိုယ့်ဘဝ ကို ပျော်အောင်နေတတ်ဖို့က
အရေးကြီးဆုံးပါ။

လက်ရှိကြုံနေတဲ့ ပြဿနာတွေကို
ဖြေရှင်းရင်းနဲ့ ဘဝကို နေ့တိုင်း
ပျော်ပျော်ရွှင်ရွှင် ကျန်းကျန်းမာမာ
ဖြတ်သန်းနိုင်ကြပါစေ ညီကိုမောင်နှမတို့

Credit

21/12/2025

ဘဝမှာ ကံဇာတာတွေ ကောင်းချင်ရင်
၁။မနက် မျက်နှာသစ်တဲ့အခါ သရဏဂုံကို ရွတ်ဆိုပါ။
( မျက်နှာအကြည်ဓာတ်လေး ရစေပါတယ် )
၂။သွားတိုက်တဲ့အခါ ဂုဏ်တော်ပွါးများပါ။
( ကိုယ့်ရဲ့ ကောင်းတဲ့အကြံအစည်
အပြောအဆို မှန်သမျှ အောင်မြင်စေပါတယ် )
၃။သတိရရင် ရသလို မေတ္တသုတ် ရွတ်ပါ။
( မေတ္တာပေးတဲ့သူနား မေတ္တာပြန်ပေးသူတွေနဲ့
လုံခြုံ နွေးထွေးစေပါတယ် )
၄။တစ်နေ့( ၂ )ကြိမ် အနည်းဆုံး သောက်တော်ရေ ကပ်လှူပါ။
( "၇"ရက် သားသမီးများ အေးချမ်းသလို
ကိုယ့်ဘဝလဲ အေးချမ်းပါတယ် )
၅။တစ်နေ့ တစ်ကြိမ် မဟာသမယသုတ် ရွတ်ဖြစ်အောင် ရွတ်ပါ။
( နတ်တို့ ချစ်ခင် စောင့်ရှောက်ပါတယ် )
၆။တစ်နေ့ တစ်ကြိမ် ပဋ္ဌာန်းရွတ်ဖတ် ပူဇော်ပါ။
( အကျိုးကျေးဇူး ဧကန်ထူးပါတယ် )
၇။တစ်နေ့ တစ်ကြိမ် ခင်ပွန်းကြီး( ၁ဝ )ပါးကို ဝန်ချတောင်းပန်
ရှိခိုးပါ။
( အပြစ်မှန်သမျှ ဆင်ခြင်မိစေပါတယ် )
၈။ငါးပါးသီလကို လုံခြုံအောင် အတတ်နိုင်ဆုံး စောင့်ထိန်းပါ။
( သီလအကျိုးကြောင့် လူ့တန်ဖိုး မြင့်တက်လာပါတယ် )
၉။မိဘကျေးဇူးကို အထူးသိတတ်ပါ။
( ရောက်ရာအရပ်မှာ လူချစ်လူခင် ပေါပြီး
ကူညီစောင်မသူတွေနဲ့ တွေ့ရပါလိမ့်မယ် )
၁ဝ။စိတ်ကောင်းရှိစွာ နေထိုင်ပါ။
( စိတ်နောက်ရင် ဘဝက နောက်ပါတယ် )
၁၁။နေ့စဉ် ကုသိုလ် ပညာ ဥစ္စာထဲက တစ်ခုခုရဖို့ ကြိုးစားပါ။
( လူဖြစ်ရတဲ့ အခိုက်အတန့်မှာ လူဖြစ်ရကျိုး နပ်စေပါတယ် )
၁၂။တစ်နေ့ကို အနည်းဆုံး ( ၁၅ )မိနစ်ခန့် တရားထိုင်ပါ။
( သံသရာဝဋ်ဆင်းရဲမှ လွတ်မြောက်နိုင်ပါတယ် ။
မူယင်း ရေးသားသူအား လေးစားစွာဖြင့်
ပြန်လည် မျှဝေပါသည်။

19/12/2025

🤫🤫

17/12/2025

" ရင့်ကျက်စွာ အိုမင်းစပြုခြင်း "
ချစ်ခြင်းမရှိ မုန်းခြင်းလည်းမရှိပါ
လူတော် တော်များများကို
ဥပေက္ခာ ပြုတတ်လာပြီ။

ကဲ့ရဲ ပြစ်တင် ရှုတ်ချ အတင်းပြော
ခံရလည်း မသိကျိုးနွံ
ဂရုမစိုက် နေတတ်လာပြီ။

ကိုယ် အသေအချာ သိတဲ့ကိစ္စကို
ကိုယ်ရှေ့လာ တလွဲပြောလဲ
ခေါင်းတဆတ်ဆတ် ညှိတ်တတ်နေပြီ။

စကားနိုင်လု ငြင်းခုံနေရတဲ့ စကားဝိုင်းတွေလဲ ရှောင်ရှားတတ်လာပြီ။

အရင်ကလို ဒေါသထွက်စရာကိစ္စကြုံလည်း
အတော်အသင့်တော့
ထိန်းထိန်းသိမ်းသိမ်းနေတတ်လာပြီ။

ပျော်စရာဝမ်းနည်းစရာတွေ ကြုံလာလည်း
အရင်ကထက် တည်ငြိမ်စွာ ရင်ဆိုင်နိုင်ပြီ။

စိတ်ရှုပ် စိတ်ပျက် အလိုမကျမှုတွေကိုလည်း အလွယ်တကူ ဖြေဖျောက်မေ့ပြစ် တတ်လာပြီ။

16/12/2025

" သူဌေးဖြစ်ဖို့ ဆန္ဒမစောပါနဲ့ "

ခရမ်းချဉ်သီး ပွဲစားတစ်ယောက်
ပြောခဲ့ဖူးတဲ့ စကားလေးကို သွားသတိရမိတယ်။ ငါ့မှာ ပိုက်ဆံ သိန်းသုံးရာရှိရင် ငါ သိန်းနှစ်ရာပဲ ထုတ်ရင်းတယ်။ တစ်ရာက မတော်တဆ ရှုံးသွားခဲ့ရင် ပြန်ရင်းဖို့ အရင်းအနှီးအနေနဲ့ ချန်ထားတယ်။

ငါ့ဂိုဒေါင်က ကုန်ချိန် ခြောက်သောင်းဆန့်ရင် လေးသောင်းပဲထည့်တယ်။ နှစ်သောင်းက ကြိုက်စျေးရရင် ထပ်ထည့်ဖို့ ချန်ထားတယ်။

ဘာကြောင့်လဲဆိုတော့ ငါက ဆင်းရဲသားဘဝက နေတက်လာတာ။ ငါ့မှာရှိသမျှပုံအောပြီး လုပ်လိုက်လို့ မတော်တဆ ရှုံးသွားခဲ့ရင် ဆင်းရဲတဲ့ဘဝကို ငါပြန်ရောက်သွားမှာ ကြောက်တယ်တဲ့။

သူပြောတဲ့စကားနဲ့ ကျနော့ အဖေပြောတဲ့ စကားနဲ့ သွားတူနေတယ်။

ငါ့သား အလုပ် လုပ်ရင် ရေကာတာစီမံကိန်းနဲ့ လုပ်ရတယ်ကွ။ ရေကာတာ စီမံကိန်းဆိုတာက ကုန်ထမ်းသမား တစ်ယောက်ဟာ အချိန်သုံးဆယ်ကို ထမ်းနိုင်တဲ့အားရှိရင် အချိန်နှစ်ဆယ်ပဲ ထမ်းသင့်တယ်။

ဘာကြောင့်လဲဆိုတော့ မတော်တဆ ချော်လဲရင် ကိုယ့်ကိုယ်ကို ပြန်ထောက်နိုင်ဖို့ အားကျန်နေသေးတယ်။ အချိန်သုံးဆယ် နိုင်တဲ့လူက အချိန်သုံးဆယ်ဝိတ်ကြီးကို ထမ်းထားလို့ မတော်တဆ ချော်လဲလို့ကတော့ သွားပြီ။ ပြန်ထနိုင်ဖို့ မလွယ်တော့ဘူး။

ကျနော် မြင်ရသလောက်လဲ အလုပ် လုပ်ရင် ပရမ်းပတာ သူဌေးဖြစ်ခွေးဖြစ် ရှိသမျှပုံအောပြီး လုပ်တဲ့လူတွေ ပြုတ်သွားကြတာများတယ်။ စေ့စေ့စပ်စပ်နဲ့ ချင့်ချင့်ချိန်ချိန် လုပ်တဲ့လူတွေပဲ အောင်မြင်သွားကြတာ များတယ်။

အရမ်းကြီး မအောင်မြင်ရင်တောင်မှ အမှားနည်းတယ်ပေါ့ဗျာ။

စစ်မှန်တဲ့ အောင်မြင်မှု့ဆိုတာက နေ့ချင်းညချင်း ဝုန်းကနဲ လုပ်လို့ရတဲ့ အရာမဟုတ်ပါဘူး။ တစ်ဆင့်ခြင်းတစ်ဆင့် ဖြည်းဖြည်းချင်း တည်ဆောက်ယူရတဲ့ အရာပါ။

ဘာကြောင့် ဒီစကားပြောရလဲဆိုတော့ ကျနော်တို့လို လူငယ်တွေတော်တော်များများက အရမ်းအောင်မြင်ချင်ကြတယ်။

အဲဒီမှာ ဆန္ဒတွေစော လောဘတွေကြီးပြီး အမှားတွေကို လုပ်မိတော့တာပါပဲ။ အမှန်က ခေါင်းအေးအေးထားပြီး တည်တည်ငြိမ်ငြိမ် ချင့်ချင့်ချိန်ချိန်လေးနဲ့ ကိုယ့်ရည်မှန်းချက်ပန်းတိုင်ကို ချီတက်ရင် ပန်းတိုင်ကို မုချမသွေရောက်ပါတယ်။

ပျာယာမခပ်ဖို့ လောဘမကြီးဖို့
ဆန္ဒတွေ မစောဖို့တော့ လိုပါတယ်

credit to own writer

16/12/2025

လူဖြစ်တဲ့ အတွက် စိတ်ဓာတ်ကျတဲ့အချိန်တွေရှိမယ်။
လမ်းပျောက်တဲ့ အချိန်တွေရှိမယ်။

ချစ်ရတဲ့ သူတွေဆုံးရှုံးလိုက်ရတဲ့ အချိန်တွေရှိမယ်။
စီးပွါးရေးတွေ ဆုံးရှုံးသွား တဲ့ အချိန်တွေရှိမယ်။

သစ္စာဖောက်ခံရတဲ့ အချိန်တွေရှိမယ်။
အရာအားလုံး ဆုံးရှုံး သွားတဲ့ အချိန်တွေ ရှိမယ်။

ထုတ်ပြောတာနဲ့ မပြောတာပဲ ကွာတယ်။
ကြုံတာတော့ တစ်ခုမဟုတ် တစ်ခု ကြုံကြရမှာပဲ။

ကြုံလာခဲ့ရင် ဝမ်းနည်းပက်လက်ဖြစ်လို့ရတယ်။
ဒါပေမယ့် ဝမ်းနည်းလျှက် ရှေ့ဆက်နေရမယ်။
လုပ်စရာရှိတာလုပ်ရင်း ရှေ့ဆက်နေရမယ်။

အတိတ်ထဲမှာ တဝဲလည်လည် ဖြစ်နေတဲ့သူတွေက
အောင်မြင်ဖို့ခက်တယ်။

အတိတ်ကို ထားခဲ့ပြီး ပစ္စုပန်ကို အာရုံစိုက်တဲ့သူတွေကပဲ
အောင်မြင်သွားကြတာပါ။

Credit

16/12/2025

" သာမန်မိန်းကလေးနဲ့
အသိဉာဏ်ရှိတဲ့မိန်းကလေး "
~~~~~~~~~~~~~~~~~

သာမန် မိန်းကလေးက
လူတွေရဲ့ Personal ကို
စိတ်ဝင်စားတယ် ။

ဉာဏ်ရှိတဲ့ မိန်းကလေး က
လူတွေရဲ့ Activities ကို
စိတ်ဝင်စားတယ် ။

သာမန် မိန်းကလေးက
ဘဝကို အဆင်းလှပမှုနဲ့
တန်ဆာဆင်တယ် ။

ဉာဏ်ရှိတဲ့ မိန်းကလေးက
အရည်အချင်းလှပမှု နဲ့
တန်ဆာဆင်တယ် ။

သာမန် မိန်းကလေးက
လူတစ်ဦးရဲ့ဆိုးကွက်ကို
အပြစ်ရှာပြီး ကဲ့ရဲ့တယ် ။

ဉာဏ်ရှိတဲ့ မိန်းကလေးက
လူတစ်ဦးရဲ့ ကောင်းကွက်ကို
ကြည့်ပြီး အတုယူတယ် ။

သာမန်မိန်းကလေးက
ချစ်သူရဲ့အတိတ်ကိုကြည့်ပြီး
ပြဿနာရှာတယ် ါ

ဉာဏ်ရှိတဲ့ မိန်းကလေးက
ချစ်သူရဲ့ အတိတ်ကိုသင်ခန်းစာယူ
ပစ္စုပ္ပန်မှာ အကောင်းဆုံး
နားလည်ယုံကြည်မှုနဲ့
လှပတဲ့အနာဂတ်ကို ပုံဖော်တယ် ။

သာမန်မိန်းကလေးက
အမျိုးသမီးတစ်ဦးရဲ့
လည်ပင်းက ဆွဲသီးကို
စိတ်ဝင်စားတယ် ။

ဉာဏ်ရှိတဲ့ မိန်းကလေး က
အမျိုးသမီးတစ်ဦးရဲ့နူးညံ့တဲ့
မိခင်စိတ်ကို စိတ်ဝင်စားတယ် ။

သာမန် မိန်းကလေးက
အတင်းပြောရမှ အိပ်ပျော်တယ် ။

ဉာဏ်ရှိတဲ့ မိန်းကလေးက
ကုသိုလ်နဲ့ တစ်နေ့တာကို
ဖြတ်သန်းရမှ အိပ်ပျော်တယ် ။

သာမန် မိန်းကလေးက
ကိုယ်နဲ့အဆင်မပြေတဲ့ မိတ်ဆွေကို
ပြဿနာအဟောင်းတွေနဲ့ စခန်းသွားတယ် ။

ဉာဏ်ရှိတဲ့ မိန်းကလေးက
ကိုယ့်အကျိုးကို ကြည့်ပေးတတ်တဲ့
မိတ်ဆွေကောင်းကိုရှာပြီး
ဘဝရဲ့ တက်လမ်းကိုရှာတယ် ။

သာမန် မိန်းကလေးရဲ့
ယဉ်ကျေးမှုက
အဝတ်အစားလို့ သတ်မှတ်တယ် ။

ဉာဏ်ရှိတဲ့ မိန်းကလေးက
ယဉ်ကျေးမှုကို အရှက်တရားနဲ့
လူတွေကို အရိုအသေပေးမှုလို့
သတ်မှတ်တယ် ။

သာမန် မိန်းကလေးက
ရယူခြင်းနဲ့ ပျော်ရွှင်တယ် ။

ဉာဏ်ရှိတဲ့ မိန်းကလေးက
ပေးဆပ်ခြင်းနဲ့ ကြည်နူးတယ် ။

သာမန် မိန်းကလေးက
စကားကို မျက်စိတစ်မှိတ်လေး
ကြည့်ပြီးပြောတယ် ။

ဉာဏ်ရှိတဲ့ မိန်းကလေးက
စကားကို ရေရှည်ကြည့်ပြီးပြောတယ် ။

သာမန် မိန်းကလေးက
ကျေးဇူးစကား တောင်းပန်စကား
ပြောဖို့ဝန်လေးတယ် ။

ဉာဏ်ရှိတဲ့ မိန်းကလေးက
ချီးမွမ်းစကား
အားပေးတဲ့စကားပြောဖို့ ပေါ့ပါးတယ် ။

သာမန် မိန်းကလေးက
ခင်ပွန်းရဲ့အိတ်ကပ်
အပိန်အဖောင်းကိုပဲကြည့်တယ် ။

ဉာဏ်ရှိတဲ့ မိန်းကလေးက
ခင်ပွန်းရဲ့ ချွေးစက်တွေကိုကြည့်တယ် ။

သာမန် မိန်းကလေးက
သားသမီးကို
တော်အောင် ဦးစားပေး ဆုံးမတယ် ။

ဉာဏ်ရှိတဲ့ မိန်းကလေးက
သားသမီးကို စိတ်ကောင်းရှိဖို့
ဦးစားပေးလမ်းညွှန်တယ် ။

သာမန် မိန်းကလေးက
အလှကို ရွှေနဲ့တန်ဆာဆင်တယ် ။

ဉာဏ်ရှိတဲ့ မိန်းကလေးက
ကျန်းမာတဲ့ ခန္ဓာကိုယ်
စိတ်ရင်းဖြူစင်မှုနဲ့ တန်ဆာဆင်တယ် ။

သာမန် မိန်းကလေးက
ဒီစာကို မဖတ်ပဲကျော်သွားမယ် ။

ဉာဏ်ရှိတဲ့ မိန်းကလေးက
ဒီစာဖတ်ပြီးတော့
မိမိစိတ်ကို ပြန်လည်သုံးသပ်နေမိလိမ့်မယ် ။

Credit

16/12/2025

🤨🤨

SKY Entertainment

24/12/2025

21/12/2025

21/12/2025

21/12/2025

21/12/2025

21/12/2025

19/12/2025

17/12/2025

16/12/2025

16/12/2025

16/12/2025

16/12/2025

Address

Website

Alerts

Shortcuts

Share

Category