HanMong Bridge (2026)

18/03/2025

📢 ⚠️Өмнөд Жолла мужид шүлхий өвчин тархаж байгаа бөгөөд энэ удаагийн вирус нь 2021 онд Монголд дэгдсэн вирустэй төстэй болох нь тогтоогджээ.
Одоогоор Ённам, Муаны үхрийн аж ахуйнууд халдвар авсан боловч хоорондоо шууд холбоотой эсэх нь тодорхойгүй байна.

Мужийн захиргаа халдварын тархалтыг зогсоохын тулд 10 км бүсэд вакцинжуулалт хийж, гуравдугаар сарын 22-ны дотор бүх сум, хотуудад вакцинжуулалтыг дуусгахаар төлөвлөж байна.

Шүлхий өвчин 5 газарт бүртгэгдэж, 10 хот, дүүрэгт аюулын түвшин "ноцтой" шатанд хүрсэн тул 15 малын захыг түр хугацаанд хааж, бүх мал тээврийн хэрэгслийг халдваргүйжүүлэхийг шаардаж байна.

Мужийн удирдлагууд шүлхийн тарахаас сэргийлэхийн тулд бүх арга хэмжээг авах болно гэж мэдэгджээ.

Эх сурвалж: Nocut news https://www.nocutnews.co.kr/news/6309180?utm_source=naver&utm_medium=article&utm_campaign=20250317033553

17/03/2025

Монгол-Солонгос хамтарсан "Өмнөдийг зорих замд" (On the way to South, 남으로 가는 길) кино 4-р сарын 2-нд БНСУ-д нээлтээ хийнэ.
Уг киног Hulegu Pictures, Tulgatan Pictures болон Солонгосын Kortop Media хамтран бүтээж, зураг авалт нэг жилийн турш үргэлжилжээ. Монгол, Солонгосын уран бүтээлчид, жүжигчид, найруулагчид, эвлүүлэгчид зэрэг олон арван мэргэжлийн уран бүтээлчид хамтран ажилласнаар хоёр улсын соёлын хамтын ажиллагааны шинэ хуудас нээгдсэн гэж үзэж байна.

киноны зураг авалт Монгол орны үзэсгэлэнт байгаль бүхий Өмнөговь аймгийн Ноён сум, Сэврэй сум зэрэг өвөрмөц байршлуудад хийгдсэн бөгөөд Монголын гайхамшигтай байгаль, соёлыг дэлгэцнээ мөнхөлж чаджээ. Түүнчлэн, Монголчуудын энэрэнгүй сэтгэл, Хойд, Өмнөд Солонгосын эмгэнэлт түүх, хилийн цэргүүдийн эр зориг зэрэг сэдвийг хөндсөн нь энэ киног хоёр орны харилцааны түүхэн утга бүхий бүтээл болгож байна.

Киноны Монгол хэл дээрх дууны (OST) хувьд YouTube-ийн TV сувгаар сонсох боломжтой.

Энэхүү бүтээл нь 2005 онд болсон бодит үйл явдлаас сэдэвлэсэн бөгөөд тухайн явдлын бодит хүн кино нээлтийн ёслолд оролцож, тухайн үеийн үйл явдлын талаар дурсамжаа хуваалцан, Монгол болон Солонгос жүжигчдэд талархлаа илэрхийлжээ.

Кинонд Монголын алдартай жүжигчид болох С.Сарантуяа, Г.Эрхэмбаяр, Д.Энхбаяр нар дүр бүтээсэн бол Солонгосын талаас Пак Гван Хён, О Су Жон, Чой Жүн Ён, Квон Нам Хи тэргүүтэй нийт 9 жүжигчин оролцсон байна.

Продюсер энэ төслийн талаар “Хоёр улсын уран бүтээлчдийн хамтын ажиллагааны гайхалтай жишээ” хэмээн онцолж, “Солонгос уран бүтээлчидтэй хамтран ажилласнаар шинэ боломжууд нээгдэж, соёлын солилцооны эхлэл тавигдлаа” хэмээн онцолжээ. Мөн “ кино нь Монгол-Солонгосын соёл, урлагийн хамтын ажиллагааны гарааны цэг болох болно” гэдгийг онцлон дурджээ.

Драмын ертөнцөд кинонд Кү Ган Жэ, кинонд Пак Тэ Жүн гэх дүрүүдээрээ Монгол үзэгчдийн дунд алдартай болсон Солонгос жүжигчин Чой Жүн Ён киноны тухай сэтгэгдлээ хуваалцлаа.

Тэрээр “Энэ кинонд тоглох нь миний хувьд маш онцгой туршлага байлаа. Ялангуяа Монголын үзэсгэлэнт байгальд зураг авалт хийсэн нь мартагдашгүй мөч байсан. Мөн Монголын авьяаслаг уран бүтээлчидтэй хамтран ажилласан нь надад үнэтэй боломж байлаа. Цаашид Монгол-Солонгос уран бүтээлчдийн хамтын ажиллагаа илүү өргөжинө гэдэгт итгэж байна” хэмээн сэтгэгдлээ хуваалцсан байна.

Эх сурвалж: БНСУ-ын Олон улсын соёлын солилцоог дэмжих хүрээлэн https://kofice.or.kr/c30correspondent/c30_correspondent_02_view.asp?seq=24279

Киноны трейлер үзэх: https://www.youtube.com/watch?v=lT47UbulZCA

14/03/2025

Зүүн Хойд Азийн жендэрийн тэгш байдлын №1 улс – Монгол! 🇲🇳🔥
🗓️ 3-р сарын 8-нд Олон улсын эмэгтэйчүүдийн өдөр тохиосон. Энэ өдрийг тохиолдуулан Дэлхийн эдийн засгийн форум (WEF)-ын "Дэлхийн жендэрийн ялгааны тайлан"-г судлаад үзтэл...

💡 Зүүн Хойд Азид жендэрийн тэгш байдлын индекс хамгийн өндөртэй улс нь МОНГОЛ! 🇲🇳

📊 Монгол vs. Солонгос (WEF тайлан)
✅ Эдийн засаг дахь жендэрийн тэгш байдал:
🔹 Монгол – 43-р байр
🔹 Солонгос – 112-р байр (69 байрны зөрүү 😮)

✅ Эмэгтэй удирдах албан тушаалтны эзлэх хувь:
🔹 Монгол – 41.95% (дэлхийд 31-р байр)
🔹 Солонгос – 16.31%

🤔 Яагаад Монголын эмэгтэйчүүдийн нийгэм дэх байр суурь илүү хүчтэй вэ?
🔸 Түүхэн уламжлал – Чингис хааны үед эмэгтэйчүүд улс удирдаж, шийдвэр гаргах чухал үүрэгтэй байсан.
🔸 Нүүдэлчин соёл – Гэр бүлийн бүтэц нь эрэгтэй, эмэгтэй хүмүүсийн хамтын оролцоог дэмждэг.
🔸 Социализмын үеийн бодлого – Эмэгтэйчүүдийн боловсрол, ажил эрхлэлтийг дэмжсэн.
🔸 Өнөөгийн бодит байдал – Дээд боловсрол эзэмшиж буй эмэгтэйчүүдийн тоо эрчүүдээс өндөр.

💪 Монголын эмэгтэй манлайлагчдын төлөөлөл – Чинбат Номин 🇲🇳
🏨 2008 – Монголын анхны 5 одтой зочид буудал "Тэрэлж"-ийг байгуулсан.
📺 2011 – "Монгол ТВ"-г үүсгэн байгуулж, CEO-аар ажилласан.
👩‍💼 2021 – Соёл, Аялал жуулчлал, Спорт, Залуучуудын сайд болсон.

🔥 Эмэгтэйчүүд бол Монголын эдийн засгийн хөдөлгөгч хүч! 💯

❌ Солонгост жендэрийн тэгш байдлын асуудал 🏢
⚠️ Компаниудын шилэн тааз – Эмэгтэй удирдах албан тушаалтан ердөө 16%
⚠️ Жендэрийн цалингийн ялгаа – OECD-гийн хэмжээнд хамгийн өндөр түвшинд байна.

👀 Дүгнэлт: Монголын жишээнээс суралцах уу?
✅ Монгол улс эдийн засгийн салбарт эмэгтэйчүүдийн оролцоогоороо Зүүн Хойд Азид тэргүүлж байна.
✅ Солонгос улс компаниуд дахь "шилэн тааз"-ыг эвдэх, жендэрийн тэгш байдлыг сайжруулах бодлого хэрэгжүүлэх шаардлагатай.
✅ Эмэгтэй манлайллыг дэмжих нь зөвхөн жендэрийн асуудал биш, улсын хөгжилд оруулж буй том хувь нэмэр юм! 🚀

📢 Таны бодол? Монголын эмэгтэйчүүдийн манлайлал хэрхэн цаашид өсөх вэ? 🤔💬 #МонголЭмэгтэйчүүд #ЖендэрийнТэгшЭрх #МонголМанлайлал 💙🔥

Эх сурвалж: Donga ilbu 동아일보
https://www.donga.com/news/Society/article/all/20250313/131180217/1

13/03/2025

БНСУ-ын эмч нар Монголд элэг шилжүүлэн суулгах мэс заслыг амжилттай нутагшуулж, 300 хүний амийг аварлаа.

Монгол Улс дэлхийд элэгний хорт хавдрын нас баралтаар тэргүүлдэг ч, өмнө нь элэг шилжүүлэн суулгах боломжгүй байсан тул өвчтөнүүдээ гадаадад эмчлүүлэхээс өөр аргагүй байв. Гэвч Солонгосын эмч нарын дэмжлэгтэйгээр 300 гаруй хүний амийг аврах элэг шилжүүлэн суулгах мэс заслыг амжилттай гүйцэтгэжээ.

15 жилийн хамтын ажиллагааны үр дүнд Сөүлийн Асан эмнэлэг Монгол Улсын Засгийн газрын хүсэлтийн дагуу 2009 оноос хойш Улаанбаатар хотын Монгол Улсын нэгдүгээр төв эмнэлэгт элэг шилжүүлэн суулгах технологийг зааж сургаж ирсэн бөгөөд 2024 оны 3-р сарын 13-нд тус эмнэлэг нэгтгэсэн 300 дахь амжилттай мэс заслаа хийж, элэг шилжүүлэн суулгах бүрэн бие даасан чадавхтай болжээ.

2024 оны 2-р сарын 22-нд Монгол Улсын нэгдүгээр төв эмнэлэг анх удаа донорын элгийг дурангийн аргаар тайрч авах хүнд мэс заслыг амжилттай гүйцэтгэсэн байна. Энэ мэс засалд Сөүлийн Асан эмнэлгийн элэг шилжүүлэн суулгах тасгийн профессорууд болох Жон Дон Хван (정동환), Кан Ү Хён (강우형) нар оролцсон бөгөөд 41 настай эх Энхмэндэд, 25 настай хүү Галбадрахын элгийг амжилттай шилжүүлэн суулгажээ.

Сөүлийн Асан эмнэлэг нь 2010 оноос эхлэн 192 монгол эмч, сувилагчийг Солонгост урьж дадлагажуулсан бол 2011 оноос хойш 19 удаа 214 Солонгос эмчийг Монголд илгээж, хамтарсан мэс засал хийж, системийг хөгжүүлсэн.

Энэ бүх ажлын үр дүнд Монгол Улсын нэгдүгээр төв эмнэлэг нь одоо бусад эмнэлгүүдэд элэг шилжүүлэн суулгах мэс заслын арга технологийг зааж чадах түвшинд хүрчээ. Сөүлийн Асан эмнэлэг элэг шилжүүлэн суулгах эмнэлгийн дэд бүтцийг хөгжүүлэхэд шаардлагатай тоног төхөөрөмжийг Монголд хандивлаж, бүх сургалт, дадлага, систем нэвтрүүлэх ажлын зардлыг хариуцсан.

Асан эмнэлгийн элэг шилжүүлэн суулгах мэс заслын багийн ахлах профессор И Сын Гю:
“2009 онд бид Монголын Засгийн газартай хамтран ажиллах гэрээ байгуулж байх үед Монгол Улс элэгний хавдрын нас баралтаар дэлхийд тэргүүлж байсан ч, элэг шилжүүлэн суулгах эмчилгээ хийх боломжгүй байсан. Өнөөдөр Монголд 300 гаруй хүн элэг шилжүүлэн суулгах мэс заслаар амьдрал бэлэглүүлсэн гэдгийг сонсоход сэтгэл хөдөлж байна.”

Профессор Жон Дон Хван:
“Энэхүү төсөл зөвхөн элэг шилжүүлэн суулгах хагалгааны техникийг заахаас гадна, Сөүлийн Асан эмнэлгийн элэгний мэс заслын цогц системийг Монголд нутагшуулах томоохон амжилт боллоо. Би Монголд анхны амьд донортой элэг шилжүүлэн суулгах мэс засалд оролцож байсан. Харин одоо Монгол анх удаа донорын элгийг дурангийн аргаар тайрч авах хагалгааг амжилттай хийлээ. Цаашдаа ч энэ технологийг Монголд улам бүр хөгжүүлэхэд дэмжлэг үзүүлнэ.”

Энэхүү төсөл нь Монгол Улсад элэг шилжүүлэн суулгах мэс заслыг бие даан хийх боломж бүрдүүлж, олон хүний амийг аварсан томоохон амжилт болж байна. 🎗👏

13/03/2025

"When Life Gives You Tangerines" буюу "폭싹 속았수다" драмын ачаар Жэжү дэлхий дахинаа алдаршина.

2025 оны 3-р сарын 13-ны өдөр Жэжү муж болон Жэжү Контент Хөгжлийн Сангаас мэдээлснээр, Жэжү мужийн байршил олгох төслийн хүрээнд дэмжлэг үзүүлсэн "When Life Gives You Tangerines" драма Жэжүгийн алдартай газруудад зураг авалтаа хийжээ. Үүнд Жэжү Мугвана (제주목관아), Сонсан Ильчулбон (성산일출봉), Гимнён далайн эрэг (김녕해변), Орадун дахь цэцэгсийн талбай (오라동 메밀꽃밭) зэрэг газрууд багтсан байна.

Жэжү муж нь 2022 оны сүүлээс эхлэн 1 жил 2 сарын турш зураг авалтын байршил бэлтгэх зэрэг захиргааны ажлуудыг зохион байгуулж, продакшн болох Pan Entertainment-д 50 сая воны санхүүжилт үзүүлсэн байна.

Драма цацагдсаны дараа Жэжү мужийн албан ёсны YouTube суваг "Бид гялалзах Жэжү TV", Жэжү аялал жуулчлалын портал "Visit Jeju", мөн 1200 гаруй гадна зарын самбар, автобусны буудлуудад тус бүтээлийг сурталчилж эхэлжээ.

Жэжү мужийн удирдлагууд энэхүү драмын амжилтаар дамжуулан сүүлийн жилүүдэд буурсан аялал жуулчлалын салбарыг сэргээхийг хүлээж байна.

Энэхүү бүтээл нь 7-ны өдөр 190 гаруй улсад нэгэн зэрэг цацагдсаны дараа, Amazon компанийн эзэмшдэг IMDb (Интернет кино мэдээллийн сан)-д 9.0 оноо авсан бөгөөд FlixPatrol сайтад дэлхийн TV шоуны ангилалд 6-р байранд бичигджээ.

Жэжү муж нь өмнө нь байршлын дэмжлэгийн хөтөлбөр хэрэгжүүлж, Жэжүд зураг авсан олон кино, телевизийн бүтээлүүдийг дэмжсэн. Үүнд 'Welcome to Samdali', 'Island', 'Sad Tropics' зэрэг кино, драмууд багтана.

Жэжү мужийн Соёл, Спорт, Боловсролын газрын дарга Ким Ян Бо:
"Энэхүү бүтээлийн тусламжтайгаар Жэжүгийн соёлын үнэт зүйлс болон байгалийн үзэсгэлэн дэлхий дахинаа түгэхийг бид хүлээж байна" гэжээ.

Эх сурвалж: https://www.news1.kr/local/jeju/5717801

11/03/2025

Бусан хотод тэжээлгүй болж туйлдсан 5 Монгол тас шувуу эмчилгээ хийлгэсний дараа төрөлх нутаг руугаа буцав.

Гённам мужийн Госон хотын захиргаа өвлийн тас шувууны экологийн аяллын хөтөлбөрөө дуусгасны дараа байгалийн нөхөн сэргээх зорилгоор тас шувуудыг буцаан тавьсан тухай 10-ны өдөр мэдээлэв.

Госон хотын захиргааны мэдээлснээр, Бусан хотод өлсгөлөнд нэрвэгдсэн 5 тас шувуу олдсон байна.

Монгол таснууд жил бүрийн 10-р сараас эхлэн өвлийг давахын тулд урд зүг рүү нүүдэллэдэг. Тэд бусад махчин шувуудтай харьцуулахад ан хийхгүй, зөвхөн үхсэн амьтдаар хооллодог тул тэжээлийн хомсдол, өлсгөлөнд өртөх нь элбэг байдаг.

Үүний улмаас Бусан хотын Саха дүүрэгт байрлах Нактонган хөндийн Эко төв тас шувуудыг аварч, Госон дахь "тас шувууны хоолны газар"-т хүргэсэн байна.

Эдгээр тас шувууд одоо хүртэл Госонд үлдэж буй 100 гаруй тас шувуутай хамт Монгол руу буцах төлөвтэй байна.

Госон хотын захиргаа тас шувуудын судалгааны ажлын хүрээнд 3 тасанд GPS хяналтын төхөөрөмж, үлдсэн 2 тасанд далавчны тэмдэг (wing tag) байрлуулж, нүүдлийн маршрутыг судлах юм.

Госон хотын захирагч И Сан Гын: "Аврагдсан тас шувуудыг Монголд эргэн нисэх боломжтой болгосонд баяртай байна. Цаашид бид экологийн аялал жуулчлал болон байгаль хамгааллын олон талт үйл ажиллагааг үргэлжлүүлнэ" гэж онцоллоо.

Эх сурвалж: News1
https://www.news1.kr/local/busan-gyeongnam/5713879

11/03/2025

Монгол гаралтай И Гын Хви, БНСУ-ын сагсан бөмбөгийн шигшээ багийн мөрөөдлөө биелүүлэв.
Монгол гаралтай сагсан бөмбөгч И Гын Хви (27 настай, Болдсүх) 2025 оны 2-р сард БНСУ-ын шигшээ багийн тамирчнаар сонгогдож мөрөөдлөө биелүүлэв. Тэрээр 2009 онд 11 настайдаа ээжийн хамт Солонгост ирсэн бөгөөд багаасаа эхлэн БНСУ-ын шигшээ багт орохыг мөрөөдөж байсан. Гэвч Солонгосын иргэншилгүй учраас олон улсын тэмцээн, улсын аварга шалгаруулах тэмцээнд оролцох боломжгүй байв. 2018 онд их сургуулийн хоёрдугаар курст байхдаа БНСУ-ын иргэншилтэй болж, 2023 онд Юниверсиадын наадамд оролцсон нь түүнд шигшээ багийн гишүүн болох боломжийг нээж өгсөн.

Тэрээр Пусан KCC багийн шилдэг шидэгчээр (шүүтэр) тоглож, 3-онооны шидэлтийн амжилтаараа (43.8%) лигийн тэргүүн байр эзэлж байна. БНСУ-ын шигшээ багийн дасгалжуулагч Ан Жүн Хо түүнийг "маш найдвартай гурван онооны шидэгч" гэж үнэлжээ.

И Гын Хви 2026 онд чөлөөт агент (FA) болох бөгөөд "Өөрийн үнэ цэнийг ойлгож, намайг үнэлэх багт очиж, карьераа амжилтад хүргэхийг хүсэж байна" гэж ярив. Мөн "Ээждээ далай харагддаг байшин бэлэглэх" мөрөөдөлтэй бөгөөд дүүгийнхээ сургалтын төлбөрийг хариуцдаг. Түүний ээж Чанвон хотод Монгол хоолны ресторан ажиллуулдаг.

Түүний Солонгос нэрний утга болох "Үндсээс гэрэлтэх" хэмээх утга агуулгатай адил И Гын Хви Солонгосын сагсан бөмбөгийн ертөнцөд гялалзаж байна.

Эх сурвалж: https://www.hani.co.kr/

11/03/2025

Монгол ах дүү уран бүтээлчид Дэгү хотын Omok Gallery-д үзэсгэлэн гаргалаа

Монголын ах дүү уран бүтээлчид болох зураач Эрдэн-Очир болон гэрэл зурагчин Эрдэнэбулган нарын уран бүтээлийн үзэсгэлэн 3-р сарын 5-наас 28-ныг хүртэл БНСУ-ын Дэгү хотын Omok Gallery-д зохион байгуулагдаж байна.

Эрдэн-Очир нь Монголын уудам тал нутгийн байгаль, нүүдэлчдийн соёлыг дүрсэлсэн өвөрмөц хэв маягтай уран зураг туурвидаг. Тэрээр нүүдэлчдийн ахуй амьдрал, хүний байгальтай харилцах холбоог орчин үеийн урлагийн хэлээр дүрслэн харуулдаг.

Эрдэнэбулган нь гэрэл зурагчин бөгөөд Монголын уламжлалт амьдралын хэв маяг, гайхамшигт байгаль, ан амьтдын дүр төрхийг гэрэл зургийн хальсанд буулгадаг. Энэ удаагийн үзэсгэлэнд тэрээр Говийн элсэн манхан, тал нутагт бэлчиж буй мал амьтдын 25 бүтээлээ дэлгэн тавьжээ.

Энэхүү үзэсгэлэн нь Монголын байгаль, нүүдэлчдийн ахуйг Солонгосын үзэгчдэд танилцуулах чухал үйл явдал болж байна. Үзэсгэлэн 3-р сарын 28-ныг хүртэл үргэлжилнэ.

Эх сурвалж: Кёнбук Илбо (https://www.kyongbuk.co.kr)

11/03/2025

БНСУ-ын Жүдо холбоо нь Монголын Жүдо бөхийн холбоотой жүдо бөхийн техникийн солилцооны гэрээ байгуулсан тухай 2-р сарын 27-ны өдөр мэдээллээ.

БНСУ-ын Жүдо холбооны ерөнхийлөгч Чо Ён Чоль нь 24-ний өдөр Улаанбаатар хотноо айлчилж, Монголын Жүдо бөхийн холбооны ерөнхийлөгч Халтмаа Баттулгатай БНСУ-Монголын жүдо бөхийн техникийн солилцооны гэрээг байгуулсан байна.

БНСУ-ын Жүдо холбооноос "Энэхүү гэрээний хүрээнд хоёр улс бие биенийхээ оронд зохион байгуулагдах жүдо бөхийн тэмцээнд ирээдүйн шилдэг тамирчдаа илгээж, дэмжлэг үзүүлэхээр тохиролцлоо" гэж мэдээлжээ.

Эх сурвалж: Yonhap news

HanMong Bridge

18/03/2025

17/03/2025

14/03/2025

13/03/2025

13/03/2025

11/03/2025

11/03/2025

11/03/2025

11/03/2025

Address

Website

Alerts

Shortcuts

Share

Listing takedown request