02/09/2026
गोप्य भिडियो रेकर्डिङ रोक्न Meta ले AI चस्मामा थप सुरक्षा व्यवस्था ल्यायो
Meta ले आफ्ना AI Smart Glasses मार्फत मानिसहरूको जानकारीबिना गोप्य रूपमा भिडियो रेकर्ड गर्ने सम्भावना कम गर्न नयाँ सुरक्षा अपडेट लागू गर्न थालेको छ।
Meta का AI चस्मामा फोटो वा भिडियो खिच्दा अगाडिको भागमा रहेको सेतो LED बत्ती बल्छ। यसको उद्देश्य वरपरका मानिसलाई भिडियो वा फोटो रेकर्ड भइरहेको जानकारी दिनु हो।
यसअघि LED छोपिएको अवस्थामा रेकर्डिङ सुरु गर्न नमिल्ने व्यवस्था थियो। तर केही प्रयोगकर्ताले पहिले रेकर्डिङ सुरु गरेर त्यसपछि LED बत्ती छोपेर गोप्य रूपमा भिडियो खिच्न सक्ने कमजोरी देखिएको थियो।
🔹 नयाँ अपडेटपछि के हुन्छ?
• रेकर्डिङ भइरहेको बेला LED बत्ती छोपिएमा क्यामेरा स्वतः बन्द हुनेछ।
• LED लाई भौतिक रूपमा बिगार्ने वा निष्क्रिय बनाउने प्रयास भएमा पनि क्यामेरा बन्द हुन सक्छ।
• यसले मानिसहरूको जानकारीबिना फोटो वा भिडियो खिच्ने कार्यलाई कठिन बनाउनेछ।
• Meta ले AI चस्माको गोपनीयता र सुरक्षा प्रणालीलाई थप सुधार गर्दै जाने जनाएको छ।
AI Smart Glasses को प्रयोग बढ्दै जाँदा व्यक्तिगत गोपनीयता र सहमति (Privacy & Consent) सम्बन्धी चिन्ता पनि बढिरहेको छ।
