25/12/2025
បងប្អូនកាន់សាសនាហិណ្ឌូនៅទូទាំងពិភពលោក កំពុងមានកំហឹងដែលថៃនិយាយថា ព្រះវិស្ណុជារូបតាំងលម្អ មិនមែនសម្រាប់គោរពបូជា តាមរយះរូបខាងក្រោមនេះអាចសរបញ្ជាក់ថាខ្មែរ គោរពបូជាព្រះវិស្ណុ តាំងតែពីសម័យមហានគរ រហូតមកដល់បច្ចុប្បន្ន។
ព្រះវិស្ណុជាអទិទេពមួយអង្គតំណាងអោយសភាវៈល្អ។ នៅក្នុងវប្បធម៌ខ្មែរព្រះវិស្ណុមានព្រះនាមជាច្រើនទៀតដូចជា ព្រះនរាយណ៍ ព្រះហរិ ព្រះភគវន្ត ព្រះអនន្ត។ ក្នុងវប្បធម៌ខ្មែរ ជាទូទៅប្រជាជនយើងបានស្គាល់និងនិយមហៅព្រះវិស្ណុថា ព្រះនរាយណ៍ ច្រើនជាងព្រះនាមផ្សេងៗទៀត ដូចដែលបានរៀបរាប់ខាងដើម។ ព្រះវិស្ណុទ្រង់មានសត្វគ្រុឌជាជំនិះ ព្រះអង្គតែងគង់លើសត្វគ្រុឌជានិច្ច នៅពេលដែលព្រះអង្គទ្រង់យាងទៅណាមកណា ឬក៏ពេលចេញទៅធ្វើសឹកសង្គ្រាមជាមួយក្រុមអសុរៈយក្ស ដែលជាតំណាងឲ្យភាវៈអាក្រក់ផ្សេងៗ។ ព្រះវិស្ណុមានតួនាទីក្នុងការបង្កើតលោក និងថែរក្សាលោក នៅពេលមានភាវៈអាក្រក់មករុកគួនធ្វើឲ្យ បាត់ភាពសុខសាន្តនៅលើលោក ព្រះវិស្ណុទ្រង់តែងតែយាងចុះមកលើផែនដី ឬប្រើប្រាស់ចំណែកណាមួយ នៃរាងកាយរបស់ព្រះអង្គឲ្យមកចាប់កំណើតនៅលើលោក ជាសត្វជាមនុស្សឬពាក់កណ្ដាល ជាសត្វពាក់កណ្ដាល ជាមនុស្សមកកម្ចាត់អំពើអាក្រក់ទាំងនោះ។ សត្វ ឬមនុស្សដែលព្រះវិស្ណុបានចាប់កំណើតដោយមាន រូបរាងខុសពីសភាពដើមចុះមកជួយកម្ចាត់អំពើអាក្រក់នៅលើផែនដី មានឈ្មោះថា អវតា ដែលជាទូទៅប្រជាជនខ្មែរយើងនិយមហៅថា នរាយណ៍ បែងភាគ ឬ នរាយណ៍អវតារ។ នៅក្នុងគម្ពីបុរាណរបស់លិទ្ធិព្រហ្មសាសនា និកាយវិស្ណុ និយមបានរៀបរាប់នូវរឿងនិទានដ៏អស្ចារ្យ ដែលជាទូទៅ គឺលើកសសើរអំពីសង្គ្រាម និងជ័យជំនះនៃអវតាទាំងដប់របស់ព្រះវិស្ណុទៅលើភាវៈអាក្រក់ផ្សេងៗ ដែលជាគុណបំណាច់របស់ព្រះអង្គ ក្នុងព្រះរាជបេសកកម្មថែរក្សាលោក។
