26/05/2026
ထိခိုက်သေဆုံးတဲ့ ဆောက်လုပ်ရေး လုပ်သားတွေထဲ မြန်မာလူမျိူး ပါမပါ စုံစမ်းဆဲ......🥺
၁၉၆၆ ခုနှစ်တွင် တည်ဆောက်ခဲ့သော ဆိုးလ်မြို့ရှိ “ဆောဆိုမွန် အမြင့်ကုန်းကျော်လမ်းတံတား” သည် အိုဟောင်းလာမှုကြောင့် ယခုနှစ်စပိုင်းမှ စတင်ပြီး ကုန်းကျော်တံတား ဖျက်သိမ်းမှု လုပ်ငန်းကို လုပ်ဆောင်ခဲ့ပါတယ်။ ဖျက်သိမ်းစဉ် ကာလအတွင်းမှာလည်း ကြံ့ခိုင်မှု လျော့နည်းမှုကြောင့် လုံခြုံရေးပြဿနာများ ဆက်တိုက် ဖြစ်ပွားနေခဲ့ပြီး ၂၀၂၆ ခုနှစ် မေလ ၂၆ ရက်နေ့တွင် ဖျက်သိမ်းရေးလုပ်ငန်းလုပ်ဆောင်နေစဉ်အတွင်း တံတားအစိတ်အပိုင်း တခုပြိုကျသွားခဲ့တယ်။
ဒီအဖြစ်အပျက်ကြောင့် လူ ၆ ဦး ထိခိုက်ခဲ့ပြီး၊ ထိုအထဲမှ ၃ ဦး သေဆုံးခဲ့ပါတယ်။သေဆုံးသူများမှာ ဖျက်သိမ်းရေးလုပ်ငန်းတွင် ပါဝင်လုပ်ကိုင်နေသော ၅၀ နှစ်နှင့် ၆၀ နှစ်အရွယ် အမျိုးသားများဖြစ်ကြောင်း သိရသည်။ ပြိုကျချိန်တွင် အလုပ်သမား ၁၂ ဦးရှိခဲ့သော်လည်း ၆ ဦးက အချိန်မီ ထွက်ပြေးနိုင်ခဲ့တယ်။
မတော်တဆမှုမတိုင်မီ နံနက်ပိုင်းတွင် တံတားအပေါ်ပိုင်း ၂.၉ စင်တီမီတာခန့် နိမ့်ကျသွားသည့် အန္တရာယ်လက္ခဏာတွေ့ရှိခဲ့ပြီး လုံခြုံရေးစစ်ဆေးနေစဉ် အခုလို ပြိုကျမှု ဖြစ်ပွားခဲ့ခြင်းဖြစ်ကြောင်း၊
လက်ရှိတွင် မီးသတ်တပ်ဖွဲ့ဝင်များနှင့် ရဲတပ်ဖွဲ့ဝင်များက ကယ်ဆယ်ရေးနှင့် လုံခြုံရေးထိန်းချုပ်မှုများ ဆောင်ရွက်နေပြီး၊ ဆိုးလ်မြို့တော်အစိုးရက ယင်းနေရာတွင် ကြာမြင့်တဲ့ ကုန်းကျော်တံတားကို ဖျက်သိမ်းကာ အသစ်တမံ ပြန်လည် တည်ဆောက်ရေး စီမံကိန်းအား၂၀၂၈ ခုနှစ်အထိ ရေးဆွဲထားခဲ့ကြောင်း တင်ပြထားပါတယ်။
အထက်ပါအကြောင်းအရာမှာ ကိုရီးယားသတင်းဌာန
မှ တင်ပြမှုအား adminမှ မြန်မာဘာသာပြန်ဆိုထားခြင်းဖြစ်ပါတယ်။
#
