29/06/2026
कुवेतमा सगरमाथा दिवस :
कुवेतस्थित नेपाली राजदूतावासको आयोजनामा आइतबार क्राउन प्लाजा होटलमा सगरमाथा दिवस विशेष कार्यक्रमका साथ मनाइएको छ।
कार्यक्रममा कुवेतस्थित विभिन्न देशका दूतावासका राजदूत तथा कूटनीतिक प्रतिनिधिहरू, कुवेती अधिकारीहरू, नेपाली समुदायका प्रतिनिधिहरू तथा अन्य विशिष्ट अतिथिहरूको सहभागिता रहेको थियो।
कार्यक्रममा विश्वको सर्वोच्च शिखर सगरमाथाको ऐतिहासिक महत्व, नेपालको प्राकृतिक सम्पदा, पर्वतारोहण पर्यटन तथा वातावरण संरक्षणका विषयमा चर्चा गरिएको थियो। साथै, सगरमाथाले विश्वसामु नेपालको पहिचान र गौरवलाई स्थापित गरेको उल्लेख गर्दै यसको संरक्षणमा सबैको साझा दायित्व रहेकोमा जोड दिइएको थियो।
नेपाली राजदूतावासले सगरमाथा दिवसको अवसरमा नेपालको पर्यटन प्रवर्द्धन, सांस्कृतिक पहिचान र अन्तर्राष्ट्रिय मित्रतालाई अझ सुदृढ बनाउने उद्देश्यले कार्यक्रम आयोजना गरेको जनाएको छ।
Photo: Nirem Productions Pvt Ltd
