QAZAQ REPORT (2025)

18/03/2025

Владимир Зеленский Трамп пен Путиннің әңгімесіне реакция білдірді. Оның сөздерін Reuters және AFP агенттіктері келтіреді:

🔹 Украина президенті энергетикалық инфрақұрылымға атысты 30 күнге тоқтатуды қолдайды, бірақ бұл туралы АҚШ-тан қосымша мәлімет алғысы келеді;
🔹 Киевтің серіктестері оған әскери көмекті тоқтатпайды. Путиннің Украинаға көмекті тоқтату туралы талабы оны әлсіретуге бағытталған;
🔹 Украина ұзақ мерзімді, тұрақты және әділ бейбітшілікке алып келетін кез келген ұсынысты қолдайды;
🔹 Украина Ресейдің Сумы облысы шекарасында күштерін шоғырландырып жатқанын байқап отыр. Сонымен қатар, Зеленскийдің айтуынша, Ресей Қарулы Күштері Харьков және Запорожье бағыттарында шабуылға дайындалуда, бұл Украинаға барынша қысым жасауға бағытталған;
🔹 Украина Қарулы Күштері Курск облысының аумағында әскери әрекеттерін жалғастырады;
🔹 Украинасыз Украина туралы келіссөздер ешқандай нәтиже бермейді;
🔹 Ресей тарапынан шынайы “игі ниет белгісі” барлық украиналық “соғыс тұтқындарын” босату болар еді;
🔹 Қосымша шарттарсыз немесе ішінара шарттармен атысты тоқтату жақсы нәтиже және бейбітшілікке қадам болар еді;
🔹 Путин жариялаған шарттар Ресейдің соғысты аяқтауға “дайын емес” екенін көрсетеді.

https://t.me/qazaqreport

18/03/2025

⚡️Трамп пен Путиннің әңгімесінің қорытындысы бойынша Ақ үй ынтымақтастық пен реттеу ниеті туралы мәлімдеді. «АҚШ пен Ресей арасындағы екіжақты қарым-қатынастардың үлкен әлеуеті бар және олар экономикалық та, геосаяси да кең перспективаларды қамтиды».

⚡️АҚШ пен Ресей реттеу мәселелерін талқылауға дереу кіріседі.
Энергетикалық инфрақұрылымға шабуылдарды, Қара теңіздегі шабуылдарды тоқтату, кейін толық атысты тоқтату жоспарлануда.
«Бүгін президент Трамп пен президент Путин Украинадағы бейбітшілік пен атысты тоқтатудың маңыздылығы туралы сөйлесті. Екі көшбасшы бұл қақтығыс тұрақты бейбітшілікпен аяқталуы керек деген пікірге келді. Олар сондай-ақ АҚШ пен Ресей арасындағы екіжақты қарым-қатынастарды жақсарту қажеттілігін атап өтті. Украина мен Ресей осы соғысқа жұмсап жатқан қан мен қаражат өз халықтарының қажеттіліктеріне жұмсалғаны дұрыс болар еді».

Бұл қақтығыс ешқашан басталмауы керек еді және шынайы әрі адал бейбіт бастамалар арқылы әлдеқашан аяқталуы тиіс болатын. Көшбасшылар бейбітшілікке апаратын жол ең алдымен энергетика мен инфрақұрылымға қатысты атысты тоқтатудан басталып, Қара теңіздегі теңіз келісімі мен толық атысты тоқтату туралы техникалық келіссөздермен жалғасатынын атап өтті. Бұл келіссөздер Таяу Шығыста дереу басталады.

Көшбасшылар Таяу Шығысты болашақ қақтығыстардың алдын алу үшін ынтымақтастық жасайтын аймақ ретінде қарастырды. Сондай-ақ, олар стратегиялық қарулардың таралуын тоқтату қажеттігін талқылады және олардың кеңінен қолданылуын қамтамасыз ету үшін басқа елдермен бірлесе әрекет ететін болады. Екі елдің көшбасшылары Иранның Израильді жою қабілетіне ешқашан ие болмауы керектігімен келісті.

АҚШ пен Ресей арасындағы екіжақты қарым-қатынастарды жақсартумен байланысты болашақ үлкен перспективаларға ие деген пікірге екі ел басшылары келісті. Бұл бейбітшілікке қол жеткізгеннен кейін ірі экономикалық келісімдерді және геосаяси тұрақтылықты қамтиды».

https://t.me/qazaqreport

18/03/2025

Трамп пен Путиннің әңгімесі екі жарым сағатқа созылды.
Келіссөздердің нәтижесі туралы бірінші болып Кремль хабарлады.

Нақты ештеңе жоқ. Қызығушылық, пікір алмасу, ынтымақтастық және тағы басқалар.

❗️Алайда, Путин энергетикалық нысандарға шабуыл жасалмайтынын 30 күнге уәде етті.

❗️Путин Украинаға қару-жарақ жеткізуді тоқтатуды және мобилизацияны доғаруды талап етеді.

▪️19 наурызда тұтқындар алмасу өтеді. 175 адам 175 адамға, қосымша Ресей Украинаға 23 ауыр жаралыны қайтарады.

https://t.me/qazaqreport

10/02/2023

🔴Түркияда үйінді астынан Қазақстанның екі азаматының денесі табылды

Құтқарушылар Қазақстан азаматтары Әділ Қадырбеков мен Мирболат Құрмашевтың денесін қираған ғимарат астынан алып шықты. Марқұмдар Astana Hub технопаркінде жұмыс істеген.

Бүгін Мирболат Құрмашевтың түркиялық әріптесі Құбылай Кескиннің де денесі үйінді астынан табылғаны белгілі болды.

Түркияда жер сілкінген кезде Қазақстанның үш азаматы жоғалған еді. Құтқарушылар 2 күн бұрын Хатай провинциясында қираған үй астынан қазақстандық Сәбина Мамадиярованы аман алып шыққан.

Отандастарымыздың туыстары мен жақындарына қайғырып көңіл айтамыз.
https://t.me/qazaqreport

08/02/2023

🛑Президент Түркияға көмек ретінде 1 млн доллар бөлуді тапсырды

Мемлекет басшысы Үкіметке жойқын жер сілкінісі салдарынан зардап шеккен Түркия Республикасына шұғыл көмек ретінде 1 миллион доллар бөлуді тапсырды, деп хабарлайды Egemen.kz Ақордаға сілтеме жасап.

Сонымен қатар Қазақстанның өкілетті органдары түрік тарапымен бірлесіп, зілзаланың зардабын жою үшін қосымша көмек көрсету мәселесін қарастырып жатыр.

https://t.me/qazaqreport

08/02/2023

🛑 Өткен тәулікте 91 адамнан коронавирус анықталды

Денсаулық сақтау министрлігінің мәліметінше, өткен тәулікте 91 адам коронавирус ринфекциясын жұқтырған, деп хабарлайды Egemen.kz.

Бүгінгі жағдай бойынша, 1 543 адам коронавирус инфекциясынан емделіп жатыр, олардың ішінде 121 пациент стационарда, 1 422 науқас амбулаториялық деңгейде.

КВИ+, КВИ- шалдыққандардың арасында 7 адамның жағдайы ауыр.

https://t.me/qazaqreport

07/02/2023

🛑Түркияда ұлттық аза тұту күні жарияланды

Түркия елі жер сілкінісіне байланысты аза тұту күнін жариялады. Ол 12 ақпанға дейін жалғасады, деп хабарлайды Egemen.kz.

Айта кетейік, 6 ақпан күні Түркияның оңтүстік-шығысындағы Каһраманмараш провинциясының Пазарджык ауданындағы провинцияда магнитудасы 7,4 баллдық жер сілкінісі болды.

Сонымен қатар Мемлекет басшысы Қасым-Жомарт Тоқаев Үкіметке Түркияның оңтүстік-шығысында болған жойқын жер сілкінісінің салдарын еңсеруде шұғыл көмек көрсетуді тапсырған еді.

Соңғы ақпарат бойынша, Түркия мен Сириядағы жер сілкінісінен кем дегенде 3,5 мың адам қайтыс болды.

https://t.me/qazaqreport

07/02/2023

🛑Қазақстан мен Қытай шекарасында жер сілкінді

Қазақстан мен Қытай шекарасында магнитудасы 4,7 балдық жер сілкінісі тіркелді, деп хабарлайды Egemen.kz.

Төтенше жағдайлар министрлігінің «СОМЭ» сейсмикалық стансалар желісі 7 ақпанда Астана уақытымен таңғы сағат 8:45-те жер сілкінісін тіркеді. Жер сілкінісінің ошағы Алматыдан солтүстік-шығысқа қарай 375 шақырым жерде Қытай аумағында орналасқан.

Жер сілкінісінің энергетикалық класы - 11,2 және MPV магнитудасы - 4,7 болды.

Оқиғаның тереңдігі 15 шақырымды құрады, сезілуі туралы дерек жоқ.

https://t.me/qazaqreport

07/02/2023

🛑Түркия мен Сириядағы құрбандар саны 3500 адамнан асты

Соңғы мәліметтер бойынша, Түркия мен Сириядағы жер сілкінісінен кем дегенде 3,5 мың адам қайтыс болды, деп хабарлайды Egemen.kz.

Түркия билігінің мәліметінше, 2900-ден астам адам қаза тапқан. 15 мыңнан астам адам жарақат алды. Мыңдаған адамдар үйінділердің астында қалды. Аязды ауа райы күрделі жағдайды одан әрі нашарлатып отыр.

Сирия билігі хабарлағандай, кем дегенде 1400 адам қайтыс болды. Зардап шеккендер туралы деректер әлі хабарланған жоқ.

Түркия мен Сириядағы ірі жер сілкіністері 6 ақпан күні таңертең болған. Магнитудасы 7,8 баллды құрады. Қос ел тұрғындары кем дегенде тағы 10 жер сілкінісін сезген.

https://t.me/qazaqreport

06/02/2023

🛑Жеңілдетілген автонесиеге барлық өтінім 18 секундта берілді - Өнеркәсіпті дамыту қоры

Өнеркәсіпті дамыту қоры жеңілдетілген автонесие алуға 18 секундта 761 өтініш берілгенін айтты, деп хабарлайды Stan.kz ақпарат агенттігі.

"Платформа іске қосылған алғашқы 18 секундта 761 қазақстандық өз өтініштерін тіркеді. Бірінші минутта сайтқа кірушілер саны 125 000 адамды құрады", - делінген хабарламада.

Ведомство мәліметінше, лимитке жеткеннен кейін өтінімдерді қабылдау автоматты түрде аяқталып, "өтініш беру" функциясы істен шыққан.

"Өтініш беру процесінде кейбір пайдаланушылар көлік өндірушісін таңдай алмады, бұл өтінім лимитіне жетуге байланысты болған", - деді қор өкілдері.

📍Еске салайық, келесі өтінімдерді қабылдау қазақстандықтарға наурызда қолжетімді болады. Бағдарлама жаңалықтарын қордың ресми сайтынан және әлеуметтік желілердегі парақшаларынан білуге болады.

https://t.me/qazaqreport

06/02/2023

🛑Қасым-Жомарт Тоқаев Түркияға шұғыл көмек көрсетуді тапсырды

Президент Қасым-Жомарт Тоқаев Үкіметке Түркияның оңтүстік-шығысында болған жойқын жер сілкінісінің салдарын еңсеруде шұғыл көмек көрсетуді тапсырды, -деп хабарлайды Zakon.kz.

Сыртқы істер министрлігі мен Төтенше жағдайлар министрлігі түрік билігімен байланыс орнатты. Жақын арада Түркия Үкіметінің өтініші бойынша зардап шеккен өңірлерге қазақстандық құтқарушылар мен дәрігерлер ұшады, делінген Ақорда таратқан ресми ақпаратта.

6 ақпан күні таңертең Түркия мен Сирияда күшті жер сілкінісі болды. Салдарынан қаза тапқандар саны 500 адамнан асты: оның ішінде 230-дан астам сириялық және кем дегенде 280 түрік азаматы бар.

📌ҚР президенті Қасым-Жомарт Тоқаев Түркияның оңтүстік-шығысында көптеген адам шығынына әкеп соқтырған жер сілкінісіне байланысты осы елдің Президентіне көңіл айту жеделхатын жолдады.

https://t.me/qazaqreport

QAZAQ REPORT

18/03/2025

18/03/2025

18/03/2025

10/02/2023

08/02/2023

08/02/2023

07/02/2023

07/02/2023

07/02/2023

06/02/2023

06/02/2023

Address

Telephone

Website

Alerts

Contact The Business

Shortcuts

Share