ТВК-6

26/02/2026

Президент тапсырмаларын іске асыру: Цифрландыру және жасанды интеллект жылы

Қазақстанда Цифрландыру және жасанды интеллект жылы аясындағы ауқымды жұмыстар басталды. Бұл – Қасым-Жомарт Тоқаев тапсырмасы. Іс-шаралар жоспарын Олжас Бектенов бекітті.

Жоспар 8 бағыт пен 100 негізгі іс-шараны қамтиды.

🔹 Стратегиялық бағыттар:
– «Digital Qazaqstan» стратегиясын әзірлеу
– IT-компанияларға салықтық жеңілдіктер
– ЖИ, деректер және киберқауіпсіздік бойынша заңнаманы жаңарту

🔹 Адами капитал:
AI-SANA бастамасы арқылы мектептерде, ЖОО-ларда және ересектерге арналған ЖИ-білім беру кеңейтіледі.
450 мыңнан астам оқушы мен педагог цифрлық дағдылармен қамтылады.

🔹 GovTech моделі:
– Мемқызметтердің 50-і ЖИ арқылы көрсетіледі
– Қызмет сапасы 75%-ға артады
– Мемлекеттік органдардың 80%-ы цифрлық жұмыс орнына көшеді

🔹 Инфрақұрылым және 5G:
– 20 ірі қала 100% 5G желісімен қамтылады
– Азаматтардың 99%-ы жоғары жылдамдықты интернетке қол жеткізеді

🔹 Салаларды цифрландыру:
Энергетика, ауыл шаруашылығы, құрылыс, қаржы және логистика салаларына ЖИ енгізіледі.
Ауыл шаруашылығында өнімділік 10%-ға артады.

🔹 Жаңа экономика:
– Пилотсыз индустрияны дамыту
– Криптоиндустрияны реттеу
– Отандық спутниктерді орбитаға шығару

📍 Жылдың ресми ашылуы наурыз айында Alem.AI алаңында өтеді.

Бұл бастама Қазақстанның цифрлық болашағын қалыптастыруға бағытталған маңызды қадам болмақ.

#Цифрландыру #ЖасандыИнтеллект #Қазақстан

26/02/2026

Абай гарнизонының әскери қызметшілерінің балалары «Балдауренге» аттанды.

Абай гарнизоны бойынша Балдаурен лагеріне (Балқаш қаласы) алғашқы лекпен гарнизонның 20-ға жуық әскери қызметшісінің баласы жіберілді. Кестеге сәйкес Қонаев қаласындағы лагерьге де жолдамалар қарастырылған.
Биыл Шығыс өңірлік қолбасшылығы бойынша шамамен 300 әскери қызметшінің баласы сауықтыру демалысымен қамтылатын болады.
Бағдарламаға 5 және 9-сынып оқушылары қатысуда. Іріктеу барысында көпбалалы және толық емес отбасылардың балаларына басымдық берілді. Бұл – әскери қызметшілердің отбасыларына көрсетіліп отырған әлеуметтік қолдаудың нақты көрінісі.

Аталған бастамаға қатысты пікір білдірген Ақмарал Ахметжанова – Шығыс өңірлік қолбасшылығы әскери қызметшілердің отбасы мүшелерімен жұмыс жүргізуді ұйымдастыру қызметінің жетекшісі – балалардың демалысын мазмұнды әрі қауіпсіз ұйымдастыру басты назарда екенін атап өтті. Оның айтуынша, «Балдаурен» лагерлеріндегі тәрбиелік-танымдық бағдарламалар балалардың жеке тұлға болып қалыптасуына, патриоттық рухын нығайтуына және жаңа достар табуына мүмкіндік береді.
Айта кетейік, «Балдаурен» сауықтыру орталықтарында балалардың демалысы жоспарға сәйкес кезең-кезеңімен жалғасатын болады.

Абай өңірлік гарнизонының баспасөз қызметі

26/02/2026

Абай облысының әкімі Берік Уәли Paradigm Shift компаниясының өкілдерімен кездесу өткізді.

Кездесу барысында өңірде білім беру саласындағы цифрлық шешімдерді дамытуға бағытталған «Qazaq Digital Mektebi» жобасын іске асыру мәселелері талқыланды.
Компания өкілдері жобаның негізгі бағыттары мен жасанды интеллект технологияларына негізделген білім беру платформасының мүмкіндіктерін таныстырды.
Ұсынылып отырған жүйе оқу үдерісін басқарудың негізгі құралдарын, цифрлық оқулықтарды, оқушылар мен педагогтарға арналған AI-ассистенттерді, білім сапасын бақылау тетіктерін, сондай-ақ білім беру контентінің маркетплейсін қамтиды.
Алмас Утегулов — Paradigm Shift компаниясының басқарушы директоры өңірдің білім беру саласындағы әлеуетінің жоғары екенін атап өтіп, жобаны облыстағы шағын жинақты мектептерде жүзеге асыру ниеті бар екенін жеткізді.
Өңір басшысы білім беру жүйесін цифрландыру және жасанды интеллект технологияларын енгізу облыстың дамуының маңызды бағыты екенін атап өтті, сондай-ақ кездесу барысында айтылған барлық ұсыныстар назарға алынатынын айтты.

Аким области Абай Берик Уали провел встречу с представителями компании Paradigm Shift. В ходе встречи были обсуждены вопросы реализации в регионе проекта «Qazaq Digital Mektebi», направленного на развитие цифровых решений в сфере образования. Представители компании презентовали ключевые направления проекта и возможности образовательной платформы, основанной на технологиях искусственного интеллекта. Предлагаемая система включает базовые инструменты управления учебным процессом, цифровые учебники, AI-ассистентов для учеников и педагогов, механизмы контроля качества обучения, а также маркетплейс образовательного контента. Управляющий директор компании Paradigm Shift Алмас Утегулов отметил высокий потенциал региона в сфере образования и сообщил о намерении реализовать проект в малокомплектных школах области. Глава региона подчеркнул, что цифровизация системы образования и внедрение технологий искусственного интеллекта являются важным направлением развития области, и отметил, что все озвученные в ходе встречи предложения будут приняты во внимание.

26/02/2026

17/02/2026

Семейлік зияткерлер Дәулет Мұқаевпен жүздесті.

Семей қаласындағы жаратылыстану-математика бағытындағы Назарбаев Зияткерлік мектебінде тағлымды кеш өтті. Мектеп мұғалімдері мен оқушылары «Жаныңда жүр жақсы адам» жобасы аясында ҚР Парламенті Мәжілісінің депутаты, белгілі экономист Дәулет Мұқаевпен кездесті.

Шараның өтуіне мектеп жатақханасының ұжымы ұйытқы болды. Ұйымдастырушылардың айтуынша, кездесудің басты мақсаты – жас ұрпаққа азаматтық жауапкершілікті, белсенді өмірлік ұстаным мен еңбекқорлықтың маңызын түсіндіру. Кездесу басталмас бұрын депутат мектеп пен жатақхананың тыныс-тіршілігімен танысып, оқушылардың ғылыми жобаларын тамашалады. Зияткерлер өз зерттеулері туралы толық мағлұмат беріп, бағыттары мен жетістіктері жайлы баяндады. Дәулет Мұқаев жобалардың өзектілігін атап өтіп, тың бастамаларға сәттілік тіледі.

Мәжіліс залында өрбіген жүздесу еркін әңгіме, ашық ойдың алаңына айналды. Халық қалаулысы сөз арасында жастықтың жалынын біліммен ұштастыру, ғылымға бет бұрып, көкірек көзін ашу – әр зияткердің басты мұраты екенін тебірене жеткізді.

Кездесу соңында «Асқар тау» әкелер клубының жетекшісі қонағымызға ақ тілегін айтып, құрмет ретінде шапан жапты. Зияткерлер әннен шашу шашып, өнерлі оқушыларымыздың кездесу барысында қолынан шыққан қонақтың портреті салынған суреті естелікке тарту етілді.

17/02/2026

Шығармашылық ырғағындағы демалыс күні – әскерлерге арналған. Жексенбіде Абай гарнизонының 28738 әскери бөлімінің мәдениет орталығында әскерлердің бос уақытын тиімді ұйымдастыру мақсатында әскери-патриоттық орталық өнерпаздарының қатысуымен концерттік бағдарлама өтті.

Кеш барысында өнерпаздар патриоттық және лирикалық әндерді орындап, көрермендерге жанды билерді көрсетті. Мағыналы концерт әскери қызметшілердің көңіл-күйін көтеріп, рухани серпіліс берді. Әскери қызметшілерді әсіресе Отанға деген сүйіспеншілікті дәріптейтін әндер қатты тәнті етті.

Іс-шара соңында әскерлер өнерпаздарға алғыстарын айтып, мұндай мәдени кездесулердің тәрбиелік мәні зор екенін атап өтті. Осындай игі шаралар әскерлер арасындағы бірлікті нығайтып, оларға әскери қызметке адалдық сезімін береді.

Абай өңірлік гарнизонының баспасөз қызметі.

В воскресенье для эффективной организации досуга солдат, в культурном центре воинской части 28738 Абайского гарнизона прошла концертная программа с участием артистов военно-патриотического центра.
В ходе вечера артисты исполнили патриотические и лирические песни и представили публике зажигательные танцы. Содержательный концерт поднял настроение военнослужащим срочной службы и дал духовный импульс. Особенно впечатлили солдат песни, прославляющие любовь к Родине.

В завершение мероприятия военнослужащие поблагодарили артистов и отметили, что такие культурные встречи имеют большое воспитательное значение. Такие добрые мероприятия укрепят единство солдат и укрепят их приверженность воинской службе.

Пресс-служба Абайского регионального гарнизона