Aina media

Aina media Contact information, map and directions, contact form, opening hours, services, ratings, photos, videos and announcements from Aina media, Media/News Company, Shymkent.

20/05/2026

ТҮЛКІБАСТА КӘРІЗ СУЫ АШЫҚ ЖЕРГЕ ТӨГІЛІП ЖАТЫР: САНИТАРЛЫҚ ТАЛАП ҚАЙДА? Лас су ашық-шашық жатқандықтан бұл тек экологиялық мәселе емес, адам денсаулығына тікелей қатер. Себебі мұндай кәріз қалдықтары уақыт өте келе топыраққа сіңіп, жер асты суларына араласуы әбден мүмкін. Ал жер асты суы — көптеген ауыл тұрғындары пайдаланып отырған тіршілік көзі.

18/05/2026

Шымкентте тұрғын үй кезегінде тұрған 100-ге жуық азамат наразылық білдірді. Бұған Отбасы банк арқылы 710 жалдамалы пәтер берілетіні жөніндегі хабарлама себеп болған. 1414 нөмірінен СМС алған тұрғындар «көптен күткен баспанамыз бұйыратын болды» деп қуанып, жаппай жауапты басқармаға барған.
Алайда, тұрғындардың айтуынша, үміт ақталмаған. Жылдар бойы пәтер кезегінде тұрған азаматтар тағы да баспанасыз қалғандарын айтады. Наразы топ үй бөлу барысында түрлі қателіктер мен сәйкессіздіктер кеткенін алға тартуда. Қазір наразы азаматтар тұрғын үй бөлу жүйесінің ашық әрі әділ жүргізілуін талап етіп отыр.

09/05/2026

МЕМЛЕКЕТКЕ 1 млрд. 400 млн. ЗАЛАЛ келтірген МЕДИЦИНАЛЫҚ КОЛЛЕДЖ ДАУЫ.
Шымкенттегі медициналық колледжге қатысты елді елең еткізген даулы іс тергеліп, сотқа жетті.
Алдын ала мәлімет бойынша, білім ордасында студенттерге берілуі тиіс Гранттар мен Шәкіртақылар заңсыз жымқырылып, мемлекетке 1 миллиард теңгеден аса шығын келтірілген.
Бұл мәселені алғаш болып заңгер әрі қоғам белсендісі
Aigul Orynbek көтерген еді. Ол студенттердің болашағына бөлінген қаржының күмәнді жолмен рәсімделіп, талан-таражға түскенін ашық айтып, кінәлілерді жауапқа тартуды талап еткен.
Студенттердің ақысына қол сұғып, миллиардтарды қолды еткендердің шындығы сот отырысында анықталмақ. Бұл мәселе біздің редакциямыздың назарында болмақ!

08/05/2026

Шымкентте жердің жыры бітпей тұр! Әкімдіктің табалдырығын тоздырдық деген тұрғындар наразылықтарын білдірді!

06/05/2026

Тұрғынан келген бейнежазба

04/05/2026

ЖЕТІСАЙДАҒЫ №72 МЕКТЕПТЕГІ ЖАҒДАЙ: ҰСТАЗДАР ҚАУЫМЫ АШЫҚ МӘЛІМДЕМЕ ЖАСАДЫ
Түркістан облысы, Жетісай ауданындағы №72 жалпы білім беретін мектептің педагогтары білім ордасында қалыптасқан ахуалға байланысты Қазақстан Республикасының Президенті Қасым-Жомарт Тоқаев пен Оқу-ағарту министрі Жұлдыз Сүлейменова атына ашық хат жолдады.
Ұжым өкілдерінің мәліметінше, соңғы уақытта оқу процесін ұйымдастыру мен басқару бағытында бірқатар тексеру және талдау жұмыстары жүргізілген. Соның нәтижесінде тәртіптік сипаттағы бірқатар шешімдер қабылданғаны айтылады.
Сондай-ақ, мектепті басқару, кадрлық тағайындаулар және уақытша басшылық ету мәселелеріне қатысты рәсімдік сипаттағы сұрақтардың туындағаны атап өтілді.
Педагогтар бұл процестердің қалай жүзеге асырылғаны мен оның құқықтық негіздерін нақтылап алу қажеттігін алға тартады.
Осыған орай, ұжым мына мәселелер бойынша ресми түсінік беруді сұрайды: – жүргізілген тексеру және зерделеу жұмыстарының заңды тәртібі; – қабылданған шешімдердің қолданыстағы заңнамаға сәйкестігі; – білім беру ұйымын уақытша басқару механизмдері; – кадрлық шешімдердің ішкі мүмкіндіктермен үйлесімділігі.
Ұстаздар бұл үндеудің мақсаты қандай да бір тұлғаны айыптау емес, тек білім беру саласындағы басқару шешімдерінің ашықтығы мен заңдылығына қатысты нақты жауап алу екенін жеткізді.
📍 Қоғам тарапынан аталған мәселеге байланысты құзырлы органдардың ресми ұстанымы күтілуде.

01/05/2026

Түркістан облысына қарасты Сарыағаш ауданында 200-ден астам адам жұмыссыз қалуы мүмкін. Осылай деп жан-айтайын жеткізген "Рауан" ЖШС-нің қызметкерлері арнамыздан араша сұрады. Олардың айтуынша бұл дауға ауыл азаматтарының үздіксіз арыз-шағымы себеп дейді.

01/05/2026

Сарыағаш ауданында әлеуметтік маңызы бар мәселе ушығып тұр. “Рауан” ЖШС-нің 250-ден астам қызметкері жұмыссыз қалу қаупіне тап болғанын айтып, арнамыздан көмек сұрады.
Қызметкерлердің сөзінше, жағдайдың бұлай шиеленісуіне ауыл тұрғындары мен кәсіпкер арасындағы ұзаққа созылған түсінбеушілік себеп болған. Атап айтқанда, ауыл азаматтары мен белсенділері елді мекендегі жалғыз су көзіне иелік өтуіне қарсылық білдіріп, тиісті органдарға бірнеше мәрте шағым түсірген.
Осының салдарынан мердігер мекеменің жұмысы тоқтап, ондаған емес, жүздеген адамның табысынан айырылу қаупі туындап отыр.
Қазіргі таңда дау өршіп, қоғамдық резонансқа айналған бұл мәселеге облыс әкімдігі мен жергілікті атқарушы органдар араласып, тараптарды татуластыру және нақты шешім табу жолдарын қарастыруда.

30/04/2026

Әлеуметтік желіде журналист Арай Есенбекке қатысты бейнежазба тарады.
Видео әлеуметтік желіден алынды.

27/04/2026

Жанпеисов қамаудан шықты Шымкентте 4 тәулікке әкімшілік қамауға алынған Беибарс Раимбеков бүгін бостандыққа шықты.

Айта кетсек, оқиға барысы бұған дейін бірнеше рет қаралған. Алғашында Абай аудандық полиция басқармасының арызы негізінде өткен сот отырысында Бейбарыс Раимбековке қатысты Әкімшілік құқық бұзушылық туралы кодекстің 667-бабы бойынша іс құрамының жоқтығы анықталып, өндіріс қысқартылған болатын.
Алайда, келесі күні Әл-Фараби аудандық полиция басқармасының арызы негізінде дәл осы баппен қайта қаралған істе сот Раимбековті кінәлі деп танып, оны 4 тәулікке әкімшілік қамауға алу туралы шешім шығарған болатын.

Осылайша, екі түрлі сот шешімі қоғамда бірқатар сұрақ тудырып отыр.

26/04/2026

Асханадағы былық. Ата-аналар №143 мектеп асханасындағы біраз былықтың бетін ашып, бар шындықты жайып салды

Address

Shymkent

Website

Alerts

Be the first to know and let us send you an email when Aina media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category