CMG FM93

CMG FM93 CMG FM93 中国国际广播电台万象调频台

ແຈ້ງປັບລາຄານໍ້າມັນເຊື້ອໄຟທຸກປະເພດ​ ກົມການຄ້າພາຍໃນ ກະຊວງ ອຸດສະຫະກຳ​ ແລະ ການຄ້າ​ ໄດ້ອອກແຈ້ງການເລກທີ​ 1006/ກຄພນ, ລົງວັ...
10/06/2026

ແຈ້ງປັບລາຄານໍ້າມັນເຊື້ອໄຟທຸກປະເພດ​
ກົມການຄ້າພາຍໃນ ກະຊວງ ອຸດສະຫະກຳ​ ແລະ ການຄ້າ​ ໄດ້ອອກແຈ້ງການເລກທີ​ 1006/ກຄພນ, ລົງວັນທີ 10 ມິຖຸນາ 2026, ກ່ຽວກັບການປັບປ່ຽນລາຄານ້ຳມັນເຊື້ອໄຟ ໃນຂອບເຂດທົ່ວປະເທດ,​ ເຊິ່ງຈະເລີ່ມປະຕິບັດແຕ່ເວລາ​ 6 ໂມງເຊົ້າ​ ຂອງວັນທີ​ 11 ມິຖຸນາ​ 2026 ນີ້
ລາຄານໍ້າມັນແອັດຊັງ ປັບຂຶ້ນ + 270​​​​​​ ກີບ/ລິດ, ນໍ້າມັນກາຊວນ ປັບລົງ - 800 ກີບ/ລິດ

ນວ ມີສູນສອບເສັງຈົບຊັ້ນມ4ລວມ30 ສູນ,ນັກສອບເສັງ12ພັນກວ່າຄົນ ວັນທີ 10 ມິຖຸນາ 2026 , ທ່ານ ນາງ ດາລາວອນ ກິດຕິພັນ ຮອງລັດຖະມົນ...
10/06/2026

ນວ ມີສູນສອບເສັງຈົບຊັ້ນມ4ລວມ30 ສູນ,ນັກສອບເສັງ12ພັນກວ່າຄົນ
ວັນທີ 10 ມິຖຸນາ 2026 , ທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ (ສສກ) ໄດ້ເຄື່ອນໄຫວຕິດຕາມ ແລະ ຊີ້ນຳການສອບເສັງຈົບຊັ້ນມັດທະຍົມສຶກສາຕອນຕົ້ນ (ມ.4) ປະຈຳສົກຮຽນ 2025-2026 ຢູ່ບັນດາສູນສອບເສັງໃນຂອບເຂດນະຄອນຫຼວງວຽງຈັນ ເປັນຕົ້ນແມ່ນ ສູນສອບເສັງ ມສ ສາລະຄຳ, ມສ ເຄເອັນຊີ (KNC) ເມືອງຫາດຊາຍຟອງ ແລະ ໂຮງຮຽນມັດທະຍົມຕອນປາຍສົງ ໂສກປ່າຫຼວງ ເມືອງສີສັດຕະນາກ.
ໃນໂອກາດຢ້ຽມຢາມ, ທ່ານ ຮອງລັດຖະມົນຕີ ໄດ້ຮັບຟັງການລາຍງານສະພາບລວມ ຊຶ່ງເຫັນວ່າ ດ້ານສະຖານທີ່, ຄວາມເປັນລະບຽບຮຽບຮ້ອຍ ແລະ ລະບຽບວິໄນ, ເຮັດໃຫ້ບັນຍາກາດການສອບເສັງເຕັມໄປດ້ວຍຄວາມສະຫງົບ ແລະ ມີຄວາມຮັບຜິດຊອບສູງ. ທ່ານຮອງລັດຖະມົນຕີໄດ້ຊີ້ນຳໃຫ້ຄະນະກຳມະການຮັກສາຄວາມປອດໄພ ແລະ ກຳມະການຍາມຫ້ອງສອບເສັງ ປະຕິບັດໜ້າທີ່ຕາມຄຳສັ່ງຂອງຂັ້ນເທິງຢ່າງເຄັ່ງຄັດ.
ຂໍ້ມູນສະຖິຕິການສອບເສັງ ມ.4 ຢູ່ນະຄອນຫຼວງວຽງຈັນ ມີສູນສອບເສັງທັງໝົດ 30 ສູນ, ມີນັກສອບເສັງທັງໝົດ 12,616 ຄົນ (ຍິງ 6,303 ຄົນ). ສະເພາະ 3 ສູນທີ່ລົງຕິດຕາມ: (ມສ ສາລະຄຳ, ມສ ເຄເອັນຊີ ແລະ ມ.ປາຍສົງ ໂສກປ່າຫຼວງ) ມີນັກຮຽນເຂົ້າຮ່ວມສອບເສັງທັງໝົດ 1,262 ຄົນ (ຍິງ 559 ຄົນ). ການສອບເສັງຈົບຊັ້ນ ມ.4 ໃນສົກຮຽນ 2025-2026 ນີ້ ແມ່ນຈະດຳເນີນໄປເປັນເວລາ 3 ວັນເຕັມ ຄືວັນທີ 10-12 ມິຖຸນາ 2026.
ຂ່າວ:ຂປລ

ທ່ານທູດ ຟາງ ຫົງ: ການຢ້ຽມຢາມຈີນຂອງສະຫາຍ ທອງລຸນ ສີສຸລິດ ມີຄວາມໝາຍຄວາມສຳຄັນອັນຍິ່ງໃຫຍ່ ວັນທີ 10 ມິຖຸນານີ້, ທ່ານນາງ ຟ່າ...
10/06/2026

ທ່ານທູດ ຟາງ ຫົງ: ການຢ້ຽມຢາມຈີນຂອງສະຫາຍ ທອງລຸນ ສີສຸລິດ ມີຄວາມໝາຍຄວາມສຳຄັນອັນຍິ່ງໃຫຍ່
ວັນທີ 10 ມິຖຸນານີ້, ທ່ານນາງ ຟ່າງ ຫົງ ເອກອັກຄະລັດຖະທູດຈີນປະຈໍາລາວໄດ້ຕອບຄໍາຖາມຕໍ່ສື່ມວນຊົນລາວ-ຈີນໃນເວທີຖະແຫຼງຂ່າວຕໍ່ກັບການຢ້ຽມຢາມ ສປ ຈີນ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ໂດຍຖືວ່າການຢ້ຽມຢາມຄັ້ງນີ້ ບໍ່ພຽງແຕ່ເປັນການຮັດແໜ້ນໄມຕີຈິດມິດຕະພາບເທົ່ານັ້ນ ແຕ່ຍັງເປັນການເປີດສາກໄຂປະຫວັດສາດໜ້າໃໝ່ຂອງການພົວພັນສອງຊາດ. ທ່ານທູດຈີນໄດ້ສະຫຼຸບຕີລາຄາຄວາມໝາຍສຳຄັນຂອງການຢ້ຽມຢາມຄັ້ງນີ້ອອກເປັນ 3 ດ້ານທີ່ສໍາຄັນ.
ດ້ານທີໜຶ່ງ,ນີ້ແມ່ນການຢ້ຽມຢາມແຫ່ງມິດຕະພາບ ທີ່ສືບສານສາຍສຳພັນ ແລະ ສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈກັນຢ່າງຈະແຈ້ງ. ທ່າມກາງສະພາບການຂອງໂລກທີ່ພວມຜັນແປໄປຢ່າງໄວວາ ແລະປະເຊີນກັບສິ່ງທ້າທາຍຮອບດ້ານ, ການພົບປະກັນຂອງຜູ້ນຳສູງສຸດສອງພັກ-ສອງລັດ ໃນໂອກາດກ້າວເຂົ້າສູ່ການສະເຫຼີມສະຫຼອງວັນສ້າງຕັ້ງສາຍພົວພັນການທູດຄົບຮອບ 65 ປີ ແມ່ນມີຄວາມສຳຄັນຍິ່ງ. ການປະກາດຍົກລະດັບສາຍພົວພັນເປັນ "ຄູ່ຮ່ວມຊາຕາກຳລາວ-ຈີນ ທີ່ເຂັ້ມແຂງໜຽວແໜ້ນໃນທຸກສະພາບການຂອງຍຸກໃໝ່" ແມ່ນການກຳນົດຍຸດທະສາດໃໝ່ ທີ່ຊຸກຍູ້ໃຫ້ມິດຕະພາບທີ່ເປັນມູນເຊື້ອ ກ້າວຂຶ້ນສູ່ລະດັບສູງສຸດ ເຊິ່ງນັບເປັນໝາກຜົນປະຫວັດສາດອັນຍິ່ງໃຫຍ່ຂອງການຢ້ຽມຢາມຄັ້ງນີ້.
ດ້ານທີສອງ, ການຢ້ຽມຢາມແຫ່ງການແລກປ່ຽນທີ່ລົງເລິກການຖອດຖອນບົດຮຽນ ແລະ ເພີ່ມທະວີຄວາມຮັບຮູ້ຄືກັນ.ທ່ານທູດໄດ້ຕີລາຄາສູງຕໍ່ຄວາມເອົາໃຈໃສ່ຂອງຝ່າຍລາວ ໃນການຖອດຖອນບົດຮຽນດ້ານການບໍລິຫານພັກ ແລະຄຸ້ມຄອງລັດ. ການທີ່ສະຫາຍ ທອງລຸນ ສີສຸລິດ ລົງທັດສະນະສຶກສາຢູ່ແຂວງເຈີ້ຈຽງເພື່ອສຶກສາ "ຍຸດທະສາດ 88", ໂຄງການ "ພັນແລະໝື່ນ" (ການສ້າງສາຊົນນະບົດ) ແລະແນວຄິດ "ພູຂຽວແລະນ້ຳໃສ ກໍຄືພູເງິນແລະ ພູຄໍາ" ຂອງສະຫາຍ ສີຈິ້ນຜິງ, ຕະຫຼອດຈົນການກັບຄືນໄປຢ້ຽມຢາມໂຮງຮຽນພັກສູນກາງຈີນ ທີ່ສະຫາຍທອງລຸນສີສຸລິດເຄີຍສຶກສາເມື່ອ 26 ປີກ່ອນນັ້ນ, ສະແດງໃຫ້ເຫັນວ່າ ການຢ້ຽມຢາມຄັ້ງນີ້ກ້າວຂ້າມກອບຂອງການທູດທົ່ວໄປ ແຕ່ກາຍເປັນການລົງເລິກພຶດຕິກຳຕົວຈິງ ໃນການຮຽນຮູ້ເຊິ່ງກັນແລະກັນ ເພື່ອສ້າງສາສັງຄົມນິຍົມ.
ດ້ານທີສາມ, ການຢ້ຽມຢາມແຫ່ງການຮ່ວມມືທີ່ລົງເລິກການຮ່ວມມື ແລະຮ່ວມກັນສະແຫວງຫາການພັດທະນາ. ໃນດ້ານການຮ່ວມມື, ເຫັນວ່າການຢ້ຽມຢາມຄັ້ງນີ້ໄດ້ບັນລຸຂໍ້ຕົກລົງທີ່ສຳຄັນໃນການຊຸກຍູ້ການຫັນເປັນທັນສະໄໝ. ສະຫາຍ ສີຈິ້ນຜິງ ໄດ້ເນັ້ນໜັກເຖິງການໝູນໃຊ້ທ່າແຮງຂອງເສັ້ນທາງລົດໄຟ ລາວ-ຈີນ ໂດຍສະເພາະການຊຸກຍູ້ວຽກງານກວດກາ “ປະຕູດຽວ, ຄັ້ງດຽວ”ແລະ ການເລັ່ງລັດເຊື່ອມຕໍ່ທາງລົດໄຟ ຈີນ-ລາວ-ໄທ. ພ້ອມດຽວກັນນັ້ນ, ນອກຈາກການຮ່ວມມືດັ້ງເດີມເຊັ່ນ: ກະສິກຳ ແລະ ໄຟຟ້າແລ້ວ, ສອງຝ່າຍຍັງໄດ້ຂະຫຍາຍການຮ່ວມມືໄປສູ່ຂົງເຂດໃໝ່ ຄື ປັນຍາປະດິດ (AI) ແລະ ເສດຖະກິດດິຈິຕອນ ເພື່ອຊຸກຍູ້ການສ້າງຄູ່ຮ່ວມຊາຕາກຳໃນຍຸກໃໝ່ ໃຫ້ກ້າວໄປສູ່ມາດຕະຖານທີ່ສູງຂຶ້ນກວ່າເກົ່າ.

ທູດຈີນປະຈຳລາວຖະແຫຼງຂ່າວຜົນສຳເລັດການຢ້ຽມຢາມຈີນຂອງສະຫາຍທອງລຸນ ສີສຸລິດ ຕໍ່ສື່ມວນຊົນລາວ ວັນທີ 10 ມິຖຸນານີ້, ທ່ານນາງ ຟາ...
10/06/2026

ທູດຈີນປະຈຳລາວຖະແຫຼງຂ່າວຜົນສຳເລັດການຢ້ຽມຢາມຈີນຂອງສະຫາຍທອງລຸນ ສີສຸລິດ ຕໍ່ສື່ມວນຊົນລາວ
ວັນທີ 10 ມິຖຸນານີ້, ທ່ານນາງ ຟາງ ຫົງ ເອກອັກຄະລັດຖະທູດຈີນປະຈໍາລາວໄດ້ຖະແຫຼງຂ່າວຕໍ່ສື່ມວນຊົນລາວ-ຈີນ ກ່ຽວກັບຜົນສຳເລັດການຢ້ຽມຢາມລັດຖະກິດທີ່ ສປ ຈີນ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ໃນລະຫວ່າງວັນທີ 2 ຫາ 6 ມິຖຸນາຜ່ານມາ.
ທ່ານທູດຈີນກ່າວວ່າ: ການຢ້ຽມຢາມລັດຖະກິດທີ່ ສປ ຈີນ ຂອງສະຫາຍປະທານປະເທດ ທອງລຸນ ສີສຸລິດ ປະສົບຜົນສຳເລັດຢ່າງຈົບງາມ ໂດຍໄດ້ພົບປະກັບການນຳຂັ້ນສູງສຸດຂອງຈີນ ແລະ ຢ້ຽມຊົມສະຖານທີ່ສຳຄັນຕ່າງໆ. ສອງຝ່າຍໄດ້ປະກາດຍົກລະດັບສາຍພົວພັນເປັນຄູ່ຮ່ວມຊາຕາກຳໃນຍຸກໃໝ່ ພ້ອມທັງລົງນາມເອກະສານການຮ່ວມມືເຖິງ 32 ສະບັບ ເຊິ່ງຖືເປັນຂີດໝາຍປະຫວັດສາດອັນສຳຄັນຂອງທັງສອງຊາດ.
ໃນໂອກາດນີ້, ສື່ມວນຊົນລາວໄດ້ຖາມທ່ານທູດຈີນຫຼາຍຫົວຂໍ້ທີ່ໜ້າສົນໃຈ ແລະມີຄວາມໝາຍເລິກເຊິ່ງເຊັ່ນ: ການເຄື່ອນໄຫວຂອງສະຫາຍທອງລຸນ ສີສຸລິດ ຄັ້ງນີ້ແມ່ນການເດີນທາງອອກຕ່າງປະເທດຄັ້ງທຳອິດ ພາຍຫຼັງທີ່ໄດ້ຮັບການເລືອກຕັ້ງເປັນເລຂາທິການໃຫຍ່,ປະທານປະເທດລາວອີກສະໄໝ, ຝ່າຍຈີນຕີລາຄາແນວໃດຕໍ່ການຢ້ຽມຢາມທີ່ສໍາຄັນຄັ້ງນີ້?, ສະຫາຍ ທອງລຸນ ສີສຸລິດ ເລືອກແຂວງເຈີ້ຈ່ຽງເປັນຈຸດທໍາອິດ ແລະໄດ້ໄປຢ້ຽມຢາມບໍລິສັດ Alibaba, ບໍລິສັດເທັກໂນໂລຊີ Yun Shen Chu ແລະເມືອງອັນຈີ ສິ່ງນີ້ໄດ້ສ້າງຄວາມປະທັບໃຈອັນເລິກເຊິ່ງແນວໃດໃຫ້ແກ່ຝ່າຍລາວ?, ຖະແຫຼງການຮ່ວມວ່າດ້ວຍການສ້າງຄູ່ຮ່ວມຊາຕາກຳຈີນ-ລາວທີ່ເຂັ້ມແຂງ ໜຽວແໜ້ນໃນທຸກສະພາບການຂອງຍຸກໃໝ່"ມີຈຸດເດັ່ນອັນສຳຄັນແນວໃດ?, ຝ່າຍຈີນຄິດເຫັນແນວໃດຕໍ່ຄວາມໝາຍສຳຄັນຂອງກົນໄກການສົນທະນາຍຸດທະສາດການຕ່າງປະເທດ, ການປ້ອງກັນຊາດ ແລະການປ້ອງກັນຄວາມສະຫງົບ "3+3" ຄືແນວໃດ?.
ຕໍ່ຄຳຖາມຂອງສື່ມວນຊົນລາວ,ທ່ານທູດຈີນໄດ້ຕອບຄໍາຖາມຢ່າງກົງໄປກົງມາເຊັ່ນ:ໃນດ້ານການເມືອງ ແລະ ການພັດທະນາ ແມ່ນສອງຝ່າຍໄດ້ຍົກລະດັບການພົວພັນເປັນຄູ່ຮ່ວມຊາຕາກຳຈີນ-ລາວທີ່ເຂັ້ມແຂງໜຽວແໜ້ນໃນທຸກສະພາບການຂອງຍຸກໃໝ່, ຖອດຖອນບົດຮຽນການສ້າງຄວາມທັນສະໄໝຈາກຈີນ ແລະວາງແຜນການຮ່ວມມືຢ່າງເປັນລະບົບ. ໃນດ້ານຄວາມໝັ້ນຄົງ ແມ່ນສ້າງກົນໄກການສົນທະນາ "3+3" ເພື່ອຮ່ວມກັນປົກປ້ອງລະບອບການເມືອງ ແລະປາບປາມອາດຊະຍາກຳຂ້າມຊາດຢ່າງເດັດຂາດ ແລະດ້ານຜົນປະໂຫຍດປະຊາຊົນ ແມ່ນເນັ້ນການນຳເອົາຜົນປະໂຫຍດຕົວຈິງມາສູ່ຄົນລາວຜ່ານການສ້າງວຽກເຮັດງານທຳ, ການເພີ່ມທຶນການສຶກສາ ແລະການຍົກລະດັບການບໍລິການສາທາລະນະ.

ຈັດກອງປະຊຸມເວທີປຶກສາຫາລືການປະດິດສ້າງສື່ມວນຊົນທົ່ວໂລກຄັ້ງທີ 5 ຢູ່ນະຄອນຈຸ່ງກິ່ງ ວັນທີ 10 ມິຖຸນານີ້,ກອງປະຊຸມເວທີປຶກສາຫາລ...
10/06/2026

ຈັດກອງປະຊຸມເວທີປຶກສາຫາລືການປະດິດສ້າງສື່ມວນຊົນທົ່ວໂລກຄັ້ງທີ 5 ຢູ່ນະຄອນຈຸ່ງກິ່ງ

ວັນທີ 10 ມິຖຸນານີ້,ກອງປະຊຸມເວທີປຶກສາຫາລືການປະດິດສ້າງສື່ມວນຊົນທົ່ວໂລກຄັ້ງທີ 5 ໄດ້ຈັດຂຶ້ນຢູ່ນະຄອນຈຸ່ງກິ່ງຂອງຈີນ.
ຜູ້ເຂົ້າຮ່ວມປະຊຸມເຫັນວ່າ:ເວທີປຶກສາຫາລືການປະດິດສ້າງສື່ມວນຊົນທົ່ວໂລກໄດ້ກາຍເປັນເວທີສຳຄັນສຳລັບສື່ມວນຊົນຈາກປະເທດຕ່າງໆໄດ້ລົງເລິກແລກປ່ຽນຄວາມຄິດຄວາມເຫັນ ແລະ ຖອດຖອນບົດຮຽນເຊິ່ງກັນແລະກັນ.ການປະຕິວັດທາງວິທະຍາສາດ-ເຕັນໂນໂລຊີ ແລະ ການປ່ຽນແປງດ້ານອຸດສາຫະກຳຮອບໃໝ່ທີ່ຖືປັນຍາປະດິດເປັນຕົວແທນນັ້ນ ກຳລັງຊຸກຍູ້ໃຫ້ເກີດມີຮູບການຜະລິດ,ວິຖີຊີວິດ,ຮູບແບບການຮ່ຳຮຽນ ແລະຮູບແບບການເຮັດວຽກແບບໃໝ່.ຈີນກຳລັງປະຕິບັດໂຄງການ “ປັນຍາປະດິດ+” ເພື່ອສະໜອງໂອກາດໃໝ່ ແລະ ເປີດພື້ນທີ່ໃໝ່ໃຫ້ແກ່ການພັດທະນາ ແລະ ການຮ່ວມມື ລະຫວ່າງຈີນ ກັບ ທົ່ວໂລກ.
ພ້ອມກັນນັ້ນ,ຜູ້ເຂົ້າຮ່ວມປະຊຸມກ່າວວ່າ:ປັນຍາປະດິດໄດ້ສ້າງຜົນສະທ້ອນຢ່າງຮອບດ້ານ ແລະ ເລິກເຊິ່ງຕໍ່ສະຖານະພາບຂອງສື່ມວນຊົນ ແລະ ສະພາບແວດລ້ອມຄວາມຄິດເຫັນສາທາລະນະ.ຕ້ອງຊຸກຍູ້ໃຫ້ປັນຍາປະດິດເສີມສ້າງຄວາມສາມາດຢ່າງຮອບດ້ານໃຫ້ຂົງເຂດຕ່າງໆ ເຊັ່ນ:ການລາຍງານຂ່າວ,ການເຜີຍແຜ່ວັດທະນະທຳ ແລະ ການບໍລິການສາທາລະນະເປັນຕົ້ນ,ເລັ່ງລັດຊຸກຍູ້ການປ່ຽນແປງສື່ມວນຊົນຜ່ານການພັດທະນາທີ່ມີການປະດິດສ້າງ.
ກອງປະຊຸມເວທີປຶກສາຫາລືຄັ້ງນີ້ ຈັດຂຶ້ນໂດຍການຮ່ວມມືລະຫວ່າງ ວິທະຍຸໂທລະພາບສູນກາງຈີນ ຫຼື CMG ແລະ ອົງການປົກຄອງນະຄອນຈຸ່ງກິ່ງ.

ຊາວເນັດທົ່ວໂລກມີຄວາມເຫັນຕໍ່ຍຸກສື່ອັດສະລິຍະແນວໃດ ເນື່ອງໃນໂອກາດທີ່ວິທະຍຸໂທລະພາບສູນກາງຈີນ ຫຼື CMG ຈັດກອງປະຊຸມເວທີປຶກສາຫາ...
10/06/2026

ຊາວເນັດທົ່ວໂລກມີຄວາມເຫັນຕໍ່ຍຸກສື່ອັດສະລິຍະແນວໃດ

ເນື່ອງໃນໂອກາດທີ່ວິທະຍຸໂທລະພາບສູນກາງຈີນ ຫຼື CMG ຈັດກອງປະຊຸມເວທີປຶກສາຫາລືການປະດິດສ້າງສື່ມວນຊົນທົ່ວໂລກຄັ້ງທີ 5,ໂທລະພາບສາກົນຈີນ ຫຼື CGTN ໄດ້ຈັດການສຳຫຼວດຄວາມຄິດເຫັນຂອງຊາວເນັດທົ່ວໂລກ,ຜູ້ຕອບແບບສອບຖາມເຫັນວ່າ ປັນຍາປະດິດໄດ້ເສີມຂະຫຍາຍບົດບາດໃນການຊຸກຍູ້ນັບມື້ນັບສຳຄັນຕໍ່ການປ່ຽນແປງກຳລັງການຜະລິດຄັ້ງໃໝ່ຂອງສື່ມວນຊົນ.
ໃນການສຳຫຼວດ,ຜູ້ຕອບແບບສອບຖາມ 78,2% ເຫັນວ່າວິທີລາຍງານຂ່າວໃນຍຸກສື່ອັດສະລິຍະໄດ້ເກີດມີການປ່ຽນແປງຢ່າງເລິກເຊິ່ງ.
ນອກນີ້,ຜູ້ຕອບແບບສອບຖາມ 71,7% ເຫັນວ່າ,ບົດບາດໃນດ້ານການສືບທອດອະລິຍະທຳ ແລະ ການເຜີຍແຜ່ວັດທະນະທຳຂອງສື່ມວນຊົນໃນຍຸກອັດສະລິຍະຈະຍົກສູງຂຶ້ນຕື່ມອີກ,ການສື່ສານຂ້າມພາສາ ແລະ ຂ້າມວັດທະນະທຳທີ່ບໍ່ມີສິ່ງກີດຂວາງ,ການປົກປັກຮັກສາພາສາ ແລະ ວັດທະນະທຳທ້ອງຖິ່ນທີ່ໃກ້ຈະສູນພັນ ການປັບປ່ຽນມໍລະດົກວັດທະນະທຳໃຫ້ເປັນດີຈີຕອນ ແລະ ການເລົ່າເລື່ອງດ້ວຍຮູບແບບອັດສະລິຍະຖືກຈັດເປັນ 3 ບົດບາດທຳອິດທີ່ຄວາມຫວັງ.
ພ້ອມກັນນັ້ນ,ຜູ້ຕອບແບບສອບຖາມກໍ່ມີທ່າທີລະມັດລະວັງຕໍ່ຄວາມສ່ຽງທີ່ອາດຈະເກີດຂຶ້ນຈາກເຕັກໂນໂລຊີປັນຍາປະດິດຕໍ່ສື່ມວນຊົນ.ໃນນັ້ນ,ຄວາມຖືກຕ້ອງຂອງຂໍ້ມູນຂ່າວສານ,ປັນຍາປະດິດອາດຈະເລັ່ງລັດໃຫ້ຄວາມສາມາດການປະດິດສ້າງຂອງມວນມະນຸດຊຸດໂຊມລົງ ລວມເຖິງການໃຊ້ຂໍ້ມູນສ່ວນຕົວໃນທາງທີ່ຜິດຖືກຈັດຢູ່ 3 ຄວາມກັງວົນອັນດັບຕົ້ນ.
ຜູ້ຕອບແບບສອບຖາມ 95,9% ມີຄວາມເຫັນຄວນຈຳແນກ ແລະ ໃສ່ເຄື່ອງໝາຍຢ່າງຈະແຈ້ງຕໍ່ຜະລິດຕະພັນສື່ທີ່ຜະລິດດ້ວຍເຕັກໂລໂລຊີປັນຍາປະດິດ, 92% ຮຽກຮ້ອງໃຫ້ສື່ມວນຊົນປັບປຸງກົນໄກການສຳຫຼວດຄືນຕໍ່ເນື້ອໃນທີ່ຜະລິດດ້ວຍປັນຍາປະດິດ, 91,1% ຮຽກຮ້ອງໃຫ້ມີກົດໝາຍ ແລະ ລະບຽບການເພື່ອກຳນົດລະບຽບແບບແຜນໃນການນຳໃຊ້ປັນຍາປະດິດໃນສື່ມວນຊົນ ເພື່ອຮັບປະກັນສະພາບແວດລ້ອມສື່ມວນຊົນທີ່ປອດໃສ ແລະ ຫຼາກຫຼາຍ.ນອກນີ້,ຍັງມີຜູ້ຕອບແບບສອບຖາມ 77,4% ເຫັນວ່າ,ການເພີ່ມທະວີການຮ່ວມມືສາກົນລະຫວ່າງສື່ມວນຊົນຈະມີຜົນດີໃນການຊ່ວຍກັນຮັບມືກັບສິ່ງທ້າທາຍໃນຍຸກປັນຍາປະດິດ ແລະເປັນແນວທາງໃນການສ້າງສະພາບແວດລ້ອມສື່ມວນຊົນທົ່ວໂລກທີ່ໝັ້ນໜຽວກວ່າເກົ່າ.

ສະຫາຍທອງລຸນ ສີສຸລິດ ຮ່ວມປູກຕົ້ນໄມ້ຢູ່ນະຄອນປາກເຊ ໃນໂອກາດເດີນທາງມາເຄື່ອນໄຫວວຽກງານຢູ່ແຂວງຈໍາປາສັກໃນວັນທີ 10 ມິຖຸນາ 2026,...
10/06/2026

ສະຫາຍທອງລຸນ ສີສຸລິດ ຮ່ວມປູກຕົ້ນໄມ້ຢູ່ນະຄອນປາກເຊ
ໃນໂອກາດເດີນທາງມາເຄື່ອນໄຫວວຽກງານຢູ່ແຂວງຈໍາປາສັກໃນວັນທີ 10 ມິຖຸນາ 2026, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ໄດ້ຮ່ວມປູກຕົ້ນໄມ້ ຢູ່ສະໜາມແດງ ບ້ານ ໂພນກຸງ ນະຄອນປາກເຊ ເພື່ອເປັນການປຸກລະດົມ ຂົນຂວາຍໃຫ້ທົ່ວ ປວງຊົນ ເຂົ້າຮ່ວມໃນການຄຸ້ມຄອງ, ປົກປັກ ຮັກສາ ແລະ ພັດທະນາປ່າໄມ້, ສິ່ງແວດລ້ອມທໍາມະຊາດ ໃຫ້ມີຄວາມອຸດົມສົມບູນ, ຕາມທິດສີຂຽວ ແລະ ຍືນຍົງ, ທັງເປັນການປູກຈິດສຳນຶກໃຫ້ແກ່ອະນຸຊົນ ແລະ ເຍົາວະຊົນຂອງຊາດ ກໍຄື ລູກຫລານຜູ້ເກີດໃໝ່ໃຫຍ່ລຸນ ໃຫ້ມີສະ ຕິຕື່ນຕົວຮັກ, ຫວງແຫນ ປ່າ ໄມ້ ແລະ ຊັບພະຍາກອນປ່າໄມ້.
ເຂົ້າຮວ່ມປູກ ຕົ້ນໄມ້ຄັ້ງນີ້ຍັງມີສະຫາຍ ອາລຸນໄຊ ສູນນະລາດ ກໍາມະການສູນກາງພັກ, ເລຂາພັກແຂວງ, ປະທານ ສະພາປະຊາຊົນແຂວງ ພ້ອມດ້ວຍຮອງເລຂາພັກແຂວງ, ປະທານຄະນະກໍາມະການປົກຄອງແຂວງ, ຄະນະປະຈຳ ພັກແຂວງ.ພາຍໃນງານຍັງໄດ້ມອບຂອງຂວັນໃຫ້ແກ່ນ້ອງນ້ອຍນັກຮຽນ ຕື່ມອີກ.
ຂ່າວ, ຂປລ

ເປີດບັ້ນສອບເສັງຈົບຊັ້ນ ມ.4 ແລະ ມ.7 ທົ່ວປະເທດ ວັນທີ 10 ມິຖຸນານີ້, ກະຊວງສຶກສາທິການ ແລະ ກິລາ (ສສກ) ໄດ້ເປີດບັ້ນສອບເສັງຈົ...
10/06/2026

ເປີດບັ້ນສອບເສັງຈົບຊັ້ນ ມ.4 ແລະ ມ.7 ທົ່ວປະເທດ
ວັນທີ 10 ມິຖຸນານີ້, ກະຊວງສຶກສາທິການ ແລະ ກິລາ (ສສກ) ໄດ້ເປີດບັ້ນສອບເສັງຈົບຊັ້ນມັດທະຍົມສຶກສາຕອນຕົ້ນ (ມ.4) ແລະ ຕອນປາຍ (ມ.7) ເອກະພາບທົ່ວປະເທດ ປະຈຳສົກຮຽນ 2025-2026
ສໍາລັບ ຊັ້ນ ມ.4 ໄດ້ຈັດຂຶ້ນໃນວັນທີ 10-12 ມິຖຸນາ 2026 (ສອບເສັງ 5 ວິຊາ) ມີນັກສອບເສັງທັງໝົດ 71,427 ຄົນ (ເພີ່ມຂຶ້ນ 2,263 ຄົນ), ຈັດສອບເສັງໃນ 588 ສູນ (3,578 ຫ້ອງ) ແລະ ຊັ້ນ ມ.7 ຈະຈັດຂຶ້ນໃນວັນທີ 17-19 ມິຖຸນາ 2026 (ສອບເສັງ 5 ວິຊາ) ມີນັກສອບເສັງທັງໝົດ 40,722 ຄົນ (ຫຼຸດລົງ 1,035 ຄົນ), ຈັດສອບເສັງໃນ 278 ສູນ (2,022 ຫ້ອງ).
ໃນການສອບເສັງ,ກະຊວງ ສສກ ໄດ້ເນັ້ນຢ້ຳໃຫ້ຄະນະກຳມະການທຸກຂັ້ນໃນທົ່ວປະເທດເພີ່ມທະວີຄວາມເຂັ້ມ
ງວດ ເພື່ອຮັບປະກັນໃຫ້ການສອບເສັງດຳເນີນໄປດ້ວຍຄວາມໂປ່ງໃສ, ຍຸຕິທຳ, ສະກັດກັ້ນການທຸຈະລິດ ແລະ ການຮົ່ວໄຫຼຂອງຂໍ້ສອບຢ່າງເດັດຂາດ.
ຈາກ, ກະຊວງສຶກສາ

ການ​ຢ້ຽມຢາມ ສ​ປ​ປ ເກົາ​ຫຼີ​ຂອງ​ ທ່ານ ສີ​ຈິ້ນ​ຜິງ ໄດ້ເພີ່ມ​ເນື້ອ​ໃນ​ໃໝ່​ແຫ່ງ​ຍຸກ​ສະ​ໄໝ ແລະ ​ຂັບ​ເຄື່ອນ​ອັນ​ເຂັ້ມ​ແຂງ​ເຂົ້...
10/06/2026

ການ​ຢ້ຽມຢາມ ສ​ປ​ປ ເກົາ​ຫຼີ​ຂອງ​ ທ່ານ ສີ​ຈິ້ນ​ຜິງ ໄດ້ເພີ່ມ​ເນື້ອ​ໃນ​ໃໝ່​ແຫ່ງ​ຍຸກ​ສະ​ໄໝ ແລະ ​ຂັບ​ເຄື່ອນ​ອັນ​ເຂັ້ມ​ແຂງ​ເຂົ້າ​ໃນມິດ​ຕະ​ພາບ​ຈີນ-ສປ​ປ ເກົາ​ຫຼີ​ທີ່​ມີ​ມູນ​ເຊື້ອ
ລະ​ຫວ່າ​ງວັນ​ທີ 8 ຫາ 9 ມິ​ຖຸ​ນາ 2026, ໂດຍ​ຕອບ​ສະ​ໜອງ​ຕາມ​ຄຳ​ເຊີນ​ຂອງ​ທ່ານ ກິມ​ເຈິງ​ອຸນ ເລ​ຂາ​ທິ​ການ​ໃຫຍ່​ພັກແຮງ​ງານເກົາ​ຫຼີ, ປະ​ທານ​ກິດ​ຈະ​ການແຫ່ງ​ລັດ​ແຫ່ງ ສ​ປ​ປ ເກົາ​ຫຼີ. ທ່ານ ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ຄອມ​ມູ​ນິດ​ຈີນ, ປະ​ທານ​ປະ​ເທດ​ ສ​ປ ຈີນ​ໄດ້​ເດີນ​ທາງ​ໄປ​ຢ້ຽມ​ຢາມ ສ​ປ​ປ ເກົ​າ​ຫຼີ​ທາງ​ລັດ​ຖະ​ກິດ.
ໃນ​ໄລ​ຍະ​ຢ້ຽມ​ຢາມ, ທ່ານ ສີ​ຈິ້ນ​ຜິງ ໄດ້​ແລກ​ປ່ຽນຄວາມ​ເຫັນ​ຢ່າງ​ເລິກ​ເຊິ່ງ​ກັບ​ທ່ານ ກິມ​ເຈິງ​ອຸນ, ສອງ​ຝ່າຍ​ໄດ້​ບັນ​ລຸ​ຄວາມ​ຮັບ​ຮູ້​ທີ່​ເປັນ​ເອ​ກະ​​ພາບ​ກັນ​ທີ່​ສຳ​ຄັນ​ໃໝ່​ຕ່າງ​ໆ. ຫາງ​ສຽງ​ຈີນ ແລະ ຕ່າງ​ປະ​ເທດ​​ໄດ້​ຕີ​ລາ​ຄາ​ສູງ​ຕໍ່​ການ​ຢ້ຽມ​ຢາມ​ຄັ້ງ​ນີ້, ເຫັນ​ວ່າ​​ການ​ຢ້ຽມ​ຢາມແມ່ນ​ດຳ​ເນີນ​ໃນ​ເວ​ລາ​ອັນສຳ​ຄັນ​​ຍິ່ງ, ຄວາມ​ໝາຍ ແລະ ຜົນ​ສະ​ທ້ອນ​ທາງ​ຍຸດ​ທະ​ສາດ​ລື່ນກ​າຍ​ຂອບ​ເຂດ​ສອງ​ຝ່າຍ​ຢ່າງ​ຫຼວງ​ຫຼາຍ, ຜົນ​ສຳ​ເລັດ​ຕົ້ນ​ຕໍ​ໄດ້​ສະ​ແດງ​ອອກ​ໃນ 3 ດ້ານ​ຄື:
ໜຶ່ງ, ຜູ້​ນຳ​ສູງ​ສຸດ​ຂອງ​ສອງ​ພັກ ສອງລັດ​ໄດ້​ຊີ້​ນຳ​ນຳ​ພາ​ທິດ​ທາງລວມ​ໃຫ້​ແກ່ການ​ພົວ​ພັນ​ລະ​ຫວ່າງ​ຈີນກັບ​ ສ​ປ​ປ ເກົາ​ຫຼີ​​ຂະ​ຫຍາຍ​ຕົວກ້າວ​ໄປ​ໜ້າ​​ພ້ອມ​ກັບ​ຍຸກ​ສະ​ໄໝ.
ສອງ, ລົງ​ເລິກ​ການ​ຮ່ວມ​ມື​ທີ່​ຕິດ​ແທດ​ຕົວ​ຈິງ ແລະ ການ​ແລກ​ປ່ຽນ​ຢ່າງ​ມີ​ໄມ​ຕີ​ຈິດ​ມິດ​ຕະ​ພາບ​ໃນ​ຂົງ​ເຂດ​ຕ່າງໆ, ເພີ່ມ​ແຮງ​ຂັບ​ເຄື່ອນໃໝ່​ໃຫ້​ແກ່​ພາ​ລະ​ກິດ​ສັງ​ຄົມ​ນິ​ຍົມ​ຂອງ​ສອງ​ປະ​ເທດ.
ສາມ, ກຳ​ເອົາ​ກະ​ແສ​ຟອງ​ແຫ່ງ​ຍຸກ​ສະ​ໄໝ ແລະ ​ທ່າ​ອ່ຽງ​ລວມຂອງ​ປະ​ຫວັດ​ສາດ​ຢ່າງ​ໜັກ​ແໜ້ນ, ເພີ່ມ​ພະ​ລັງ​ແຮງ​ທາງບວກ​ໃຫ້​ແກ່​ການ​​ສົ່ງ​ເສີມສັນ​ຕິ​ພາບ ແລະ ການ​ພັດ​ທະ​ນາ​ຂອງ​ພາກ​ພື້ນ​ກໍ​ຄື​ຂອງ​ໂລກ.
ການ​ຢ້ຽມ​ຢາມ​ຄັ້ງ​ນີ້​ຂອງ​ທ່ານ ສີ​ຈິ້ນ​ຜິງ ​ພໍ​ດີ​ຖືກ​ກັບ​ໂອ​ກາດຄົບ​ຮອບ 65 ປີ​ແຫ່ງການ​ລົງ​ນາມ “ສົນ​ທິ​ສັນ​ຍາ​ມິດ​ຕະ​ພາບ, ການ​ຮ່ວມ​ມື ແລະ ຊ່ວຍ​ເຫຼືອ​ເຊິ່ງ​ກັນ​ແລະ​ກັນ​​ລະ​ຫວ່າງຈີນ-ສ​ປ​ປ​ເກົາ​ຫຼີ”. ໂດຍ​ຜະ​ເຊີນ​ໜ້າ​ກັບ​ສະ​ພາບ​ການ​ປ່ຽນ​ແປງ​​ແບບ​ບໍ່​ເຄີຍ​ມີ​ມາ​ກ່ອນ​ໃນ​ຮອບ​ຮ້ອຍ​ປີ​ທີ່​ເລັ່ງ​ຜັນ​ແປ​ໄວ​ຂຶ້ນ ແລະ ສະ​ຖາ​ນະ​ການ​ສາ​ກົນ​ທີ່​ວຸ້ນ​ວາຍສັບ​ສົນ, ຜູ້​ນຳ​ສູງ​ສຸດ​ທັງ​ສອງ​ປະ​ເທດ​ໄດ້​ຮ່ວມ​ກັນ​ວາງ​ແຜນ​ພັດ​ທະ​ນາ, ຮ່ວມ​ກັນ​ສົ່ງ​ເສີມ​ສັນ​ຕິ​ພາບ, ເພື່ອ​ເພີ່ມ​ເນື້ອ​ໃນ​ໃໝ່​ແຫ່ງ​ຍຸກ​ສະ​ໄໝ ແລະ ​ແຮງ​ຂັບ​ເຄື່ອນ​ອັນ​ເຂັ້ມ​ແຂງ​ເຂົ້າ​ໃນ​ມິດ​ຕະ​ພາບ​ຈີນ-ສ​ປ​ປ​ ເກົາ​ຫຼີທີ່​ມີ​ມູນ​ເຊື້ອ.

ໝີແພນດາ​ໂຕທຳອິດທີ່​ເກີດ​ຢູ່ອິນໂດເນເຊຍເຕີບ​ໃຫຍ່ຢ່າງແຂງແຮງ ວັນທີ 9 ມິຖຸນານີ້, ສວນສັດປ່າອິນໂດເນເຊຍໄດ້ຈັດກິດຈະກຳ ເພື່ອ​ແຈ້ງ...
10/06/2026

ໝີແພນດາ​ໂຕທຳອິດທີ່​ເກີດ​ຢູ່ອິນໂດເນເຊຍເຕີບ​ໃຫຍ່ຢ່າງແຂງແຮງ
ວັນທີ 9 ມິຖຸນານີ້, ສວນສັດປ່າອິນໂດເນເຊຍໄດ້ຈັດກິດຈະກຳ ເພື່ອ​ແຈ້ງ​ໃຫ້​ຮູ້ສະ​ພາບ​ການເຕີບໂຕຂອງ "ຣີໂອ" ໝີແພນດາໂຕທຳອິດທີ່​ກຳ​ເນີດ​ຢູ່ອິນໂດເນເຊຍ​.
ມື້ດຽວກັນ, "ຣີໂອ" ປາກົດຕົວ​ໃນ​ສວນ​ ເຊິ່ງ​ໄດ້ດຶງດູດຄວາມສົນໃຈຈາກ​ບັນ​ດາສື່ມວນຊົນແລະນັກທ່ອງທ່ຽວ. ປັດຈຸບັນ "ຣີໂອ" ​ໄດ້ເຕີບ​ໃຫຍ່​ຂຶ້ນຢ່າງແຂງແຮງ.
ລັດຖະມົນຕີກະຊວງປ່າໄມ້ອິນໂດເນເຊຍ ພ້ອມດ້ວຍທີ່ປຶກສາດ້ານວັດທະນະທຳສະຖານທູດຈີນປະຈຳອິນໂດເນເຊຍ ແລະແຂກຜູ້ມີກຽດອື່ນໆ ໄດ້ເຂົ້າຮ່ວມກິດຈະກຳດັ່ງກ່າວ.
ພໍ່ແມ່ຂອງ​ໝີ​ແພນ​ດາ "ຣີໂອ" ທີ່ເດີນທາງຈາກຈີນ​ໄປຮອດສວນສັດປ່າຂອງ ອິນໂດເນເຊຍໃນເດືອນກັນຍາ​ປີ 2017 ເພື່ອເຂົ້າຮ່ວມໂຄງການຮ່ວມມືອະນຸລັກໝີແພນດາລະຫວ່າງຈີນ-ອິນໂດເນເຊຍ. ໃນວັນທີ 27 ພະຈິກ 2025, ພວກມັນໄດ້ເກີດລູກໂຕທຳອິດຢູ່ອິນໂດເນເຊຍ ​ທີ່​ຕັ້ງຊື່​ວ່າ "​ຣີໂອ" ເຊິ່ງເປັນການສິ້ນ​ສຸດປະຫວັດສາດ​ທີ່​ບໍ່​ເຄີຍ​ມີການປະ​ສົມ​ພັນໝີແພນດາທຽມຂອງອິນໂດເນເຊຍ.

Address

Saphanthong Neua Village, Sisattanak District, Vientiane Capital

Telephone

861068892148

Website

Alerts

Be the first to know and let us send you an email when CMG FM93 posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share