Econews Laos, Vientiane (2026)

06/11/2025

🌎ຂ່າວໃຫຍ່ໃນເວທີໂລກ! ທຳນຽບຂາວພາຍໃຕ້ປະທານນາທິບໍດີ ປະທານາທິບໍດີ ໂດນັລ ທຣຳ (Donald John Trump) ຢືນຢັນວ່າຈະບໍ່ສົ່ງຜູ້ແທນລະດັບສູງເຂົ້າຮ່ວມການປະຊຸມສະພາບພູມອາກາດໂລກຄັ້ງທີ 30 ຫຼື COP30 (30th Conference of the Parties to the United Nations Framework Convention on Climate Change) ທີ່ ປະເທດ ເບຣຊິນ ໃນເດືອນພະຈິກ ປີ 2025 ນີ້.

🏭ການຕັດສິນໃຈຄັ້ງນີ້ເປັນການເນັ້ນຢ້ຳຈຸດຢືນຂອງລັດຖະບານທີ່ເບິ່ງວ່າ ນະໂຍບາຍໂລກຮ້ອນ ເປັນການຫຼອກຫຼວງ ແລະ ເປັນໄພຕໍ່ຄວາມໝັ້ນຄົງທາງເສດຖະກິດຂອງຊາດ. ໂດຍລັດຖະບານສະຫະລັດເລືອກທີ່ຈະເດີນໜ້າສົ່ງເສີມເຊື້ອເພີງຟອສຊິວ (Fossil fuel) ຢ່າງເຕັມທີ່ ພ້ອມມຸ່ງເນັ້ນການເຈລະຈາເລື່ອງພະລັງງານກັບຜູ້ນຳປະເທດອື່ນແບບຕົວຕໍ່ຕົວແທນເວທີພະຫຸພາຄີ.

🌎ເຖິງວ່າລັດຖະບານກາງບໍ່ເຂົ້າຮ່ວມ ແຕ່ນັກການເມືອງທ້ອງຖິ່ນ, ຜູ້ວ່າການລັດ ແລະ ຜູ້ທີ່ເຄື່ອນໄຫວກ່ຽວກັບວຽກງານສິ່ງແວດລ້ອມຫຼາຍຮ້ອຍຄົນຢືນຢັນທີ່ຈະເດີນທາງໄປເຂົ້າຮ່ວມກອງປະຊຸມ COP30 ເພື່ອສະແດງໃຫ້ໂລກເຫັນວ່າ ຄວາມພະຍາຍາມດ້ານວຽກງານການປ່ຽນແປງດິນຟ້າອາກາດໃນລະດັບທ້ອງຖິ່ນຂອງສະຫະລັດ ຍັງຄົງເດີນໜ້າຕໍ່ໄປ.

#ພາວະໂລກຮ້ອນ

31/10/2025

💰 ຮຸ້ນກູ້ສີຂຽວ (Green Bond) ຄື ກາສານໜີ້ (Debt Intrument) ຊະນິດໜຶ່ງທີ່ອອກໂດຍອົງກອນ ຫຼື ບໍລິສັດ ເພື່ອລະດົມທຶນ ສຳລັບການນຳໄປໃຊ້ໃນໂຄງການ ຫຼື ກິດຈະກຳທີ່ເປັນມິດຕໍ່ສິ່ງແວດລ້ອມ (Green Projects) ໂດຍສະເພາະ ເຊິ່ງໂຄງການເຫຼົ່ານີ້ຈະຕ້ອງໃຫ້ຜົນປະໂຫຍດດ້ານບວກກັບສິ່ງແວດລ້ອມຢ່າງຊັດເຈນ ແລະ ຕ້ອງມີການລາຍງານຜົນການໃຊ້ເງິນຢ່າງໂປ່ງໃສ.

💰ຮຸ້ນກູ້ສີຂຽວ ມັກຈະຖືກນຳໄປໃຊ້ກັບໂຄງການ ທີ່ຢູ່ໃນໝວດໝູ່ດັ່ງລຸ່ມນີ້ເຊັ່ນ:
– ພະລັງງານທົດແທນ (Renewable Energy): ໂຄງການໂຮງງານໄຟຟ້າພະລັງງານນ້ຳ, ພະລັງງານລົມ ຫຼື ພະລັງງານແສງຕາເວັນ.
– ປະສິດທິພາບພະລັງງານ (Energy Efficiency): ການປັບປຸງອາຄານ ຫຼື ຂະບວນການຜະລິດໃຫ້ໃຊ້ພະລັງງານແບບມີປະສິດທິພາບ.
– ການຂົ່ນສົ່ງທີ່ຍືນຍົງ (Sustainable Transportation): ໂຄງການລົດໄຟ ຫຼື ໂຄງສ້າງພື້ນຖານສຳຫຼັບການຂົ່ນສົ່ງທີ່ບໍ່ກໍ່ໃຫ້ເກີດມົນລະພິດ.
– ການຈັດການນ້ຳ ແລະ ສິ່ງເສດເຫຼືອ: ໂຄງການບຳບັດນ້ຳເປື້ອນ ຫຼື ການຈັດການຂີ້ເຫຍື້ອທີ່ໄດ້ມາດຕະຖານ.

💰ທັງນີ້, ຂໍ້ດີຂອງຮຸ້ນກູ້ສີຂຽວທີ່ເປັນ ໂອກາດສຳຫຼັບຜູ້ອອກ ແລະ ຜູ້ລົງທຶນແມ່ນມີດັ່ງນີ້:

💸 ສຳລັບຜູ້ອອກຮຸ້ນກູ້ ການອອກຮຸ້ນກູ້ຖືເປັນໂອກາດໃນການຂະຫຍາຍຖານນັກລົງທຶນ ແລະ ກອງທຶນທົ່ວໂລກທີ່ເນັ້ນການລົງທຶນແບບຍືນຍົງ (ESG Fund) ໂດຍສະເພາະ ເຊິ່ງເປັນກຸ່ມທີ່ມີຈຳນວນເງິນຂະໜາດໃຫຍ່ເຮັດໃຫ້ຜູ້ອອກຮຸ້ນສາມາດເຂົ້າເຖິງແຫຼ່ງເງິນທຶນໃໝ່ໆໄດ້. ນອກຈາກນີ້, ຜູ້ອອກຮຸ້ນຍັງອາດຈະໄດ້ຮັບອັດຕາດອກເບ້ຍທີ່ຕ່ຳກວ່າຮຸ້ນກູ້ທົ່ວໄປ, ທີ່ສຳຄັນຄືການຊ່ວຍເສີມສ້າງພາບລັກຄວາມຮັບຜິດຊອບຕໍ່ສິ່ງແວດລ້ອມ ແລະ ສັງຄົມ (CSR/ESG) ໃຫ້ກັບອົງກອນ ເພື່ອຍົກລະດັບສູ່ມາດຕະຖານສາກົນ.

💸 ໃນສ່ວນຂອງຜູ້ລົງທຶນ ສາມາດໄດ້ຮັບຜົນຕອບແທນໃນຮູບຂອງດອກເບ້ຍຕາມປົກກະຕິພ້ອມກັບການມີສ່ວນຮ່ວມ ແລະ ສະໜັບສະໜູນໂຄງການດ້ານສິ່ງແວດລ້ອມໂດຍກົງ ເຊິ່ງເປັນທາງເລືອກທີ່ຕອບໂຈດຄວາມຕ້ອງການ “ສ້າງຄວາມແຕກຕ່າງ” ຂອງນັກລົງທຶນຍຸກໃໝ່ ການເພີ່ມຮຸ້ນກູ້ສີຂຽວໃນພອດຟໍລິໂອ (Portfolio) ຊ່ວຍໃນການຈະຈາຍຄວາມສ່ຽງໄປສູ່ສັບສິນທີ່ສອດຄ້ອງກັບແນວໂນ້ມການປ່ຽນແປງຜ່ານດ້ານພະລັງງານ ແລະ ຄວາມຍືນຍົງຂອງໂລກໃນໄລຍະຍາວ. ນອກຈາກນີ້ ຜູ້ອອກຮຸ້ນກູ້ ຖືກບັງຄັບໃຫ້ລາຍງານການໃຊ້ເງິນທຶນ ແລະ ຜົນກະທົບຂອງໂຄງການຢ່າງລະອຽດ ເຮັດໃຫ້ຜູ້ລົງທຶນໝັ້ນໃຈໃນຄວາມໂປ່ງໃສ.

💰ສ່ວນຂໍ້ເສຍຂອງຮຸ້ນກູ້ສີຂຽວເຊິ່ງກໍເປັນ ຄວາມທ້າທາຍ ແລະ ຕົ້ນທຶນແຝງ ແມ່ນມີດັ່ງນີ້:

💸 ຮຸ້ນກູ້ສີຂຽວກໍ່ມີຄວາມທ້າທາຍສຳຫຼັບຜູ້ອອກຮຸ້ນກູ້ ໂດຍຜູ້ອອກຕ້ອງແບກຮັບພາລະ ແລະ ຄ່າໃຊ້ຈ່າຍເພີ່ມເຕີມໃນການຈ້າງໜ່ວຍງານພາຍນອກ ມາກວດສອບ ແລະ ປະເມີນຄວາມເຂົ້າກັນໄດ້ຂອງໂຄງການກັບມາດຕະຖານສີຂຽວ ລວມເຖິງພາລະໃນການຈັດທຳລາຍງານຜົນກະທົບເປັນປະຈຳ. ນອກຈາກນີ້, ເງິນທີ່ລະດົມໄດ້ຖືກຜູກມັດໃຫ້ໃຊ້ໃນໂຄງການສີຂຽວຕາມທີ່ລະບຸໄວ້ເທົ່ານັ້ນ ເຮັດໃຫ້ຜູ້ອອກບໍ່ມີຄວາມຍືດຍຸນໃນການນຳໄປໃຊ້ເປັນເງິນທຶນໝຸນວຽນ ແລະ ທີ່ສຳຄັນຄືມີຄວາມສ່ຽງດ້ານ Greenwashing ຫາກໂຄງການຖືກກວດສອບພົບວ່າບໍ່ໄດ້ເປັນມິດຕໍ່ສິ່ງແວດລ້ອມແທ້ ອາດຈະສົ່ງຜົນກະທົບຢ່າງຮຸນແຮງຕໍ່ຊື່ສຽງຂອງອົງກອນ.

💸 ສຳລັບຜູ້ລົງທຶນ ຄວາມທ້າທາຍຫຼັກຄືຄວາມຊັບຊ້ອນໃນການປະເມີນຄວາມເປັນສິຂຽວຂອງໂຄງການເຮັດໃຫ້ຕ້ອງໃຊ້ເວລາ ແລະ ຄວາມຊ່ຽວຊານໃນການວິເຄາະເພື່ອປ້ອງກັນການຖືກຕວົະ ຫຼື ການກ່າວອ້າງເກີນຄວາມເປັນຈິ່ງ. ນອກຈາກນີ້, ຕະຫຼາດຮຸ້ນກູ້ສີຂຽວ ໃນປະເທດກຳລັງພັດທະນາອາຈະມີຂະໜາດນ້ອຍ ແລະ ມີປະລິມານການຊື້ຂາຍໜ້ອຍກວ່າເມື່ອທຽບກັບຮຸ້ນພາກເອກະຊົນທົ່ວໄປ ແລະ ໃນບາງກໍລະນີທີ່ເກີດພາວະ Greenium ຜູ້ລົງທຶນອາດຈະຕ້ອງຍອມຮັບອັດຕາດອກເບ້ຍທີ່ເປັນຕົວເງິນທີ່ຕ່ຳກວ່າ ເພື່ອແລກກັບການສ້າງຜົນກະທົບດ້ານບວກກັບສິ່ງແວດລ້ອມ.

💰ຮຸ້ນກູ້ສີຂຽວ ເປັນເຄື່ອງມືທາງການເງິນແຫ່ງອານາຄົດທີ່ເຊື່ອມໂຍງລະຫວ່າງ ຜົນຕອບແທນທາງການເງິນ ກັບ ຄວາມຮັບຜິດຊອບຕໍ່ສິ່ງແວດລ້ອມ ໄດ້ຢ່າງຊັດເຈນ ໂດຍມີບົດບາດສຳຄັນໃນການລະດົມທຶນເພື່ອການປ່ຽນຜ່ານໄປສູ່ເສດຖະກິດຄາບອນຕ່ຳທົ່ວໂລກ.

27/10/2025

🦟 ປະເທດອິດສະລັງ (Islande ຫລື Iceland), ເປັນປະເທດໜຶ່ງໃນສະຖານທີ່ຈຳນວນໜ້ອຍໃນໂລກທີ່ບໍ່ເຄີຍມີຍຸງມາກ່ອນ, ໄດ້ລາຍງານການຄົ້ນພົບຍຸງຢູ່ໃນດິນແດນຂອງຕົນເອງເປັນຄັ້ງທຳອິດ.

🦟 ການພົບເຫັນນີ້ສະແດງໃຫ້ເຫັນເຖິງການປ່ຽນແປງທາງດ້ານລະບົບນິເວດຄັ້ງໃຫຍ່ທີ່ນັກວິທະຍາສາດຫຼາຍຄົນເຊື່ອມໂຍງກັບ ວິກິດການສະພາບອາກາດ, ເຊິ່ງເຮັດໃຫ້ປະເທດມີອຸນຫະພູມສູງຂຶ້ນໄວກວ່າເຂດຊີກໂລກເໜືອເຖິງສີ່ເທົ່າ. ຍຸງ Culiseta annulata ຊະນິດທີ່ສາມາດທົນຕໍ່ຄວາມໜາວໄດ້ ຈຳນວນສາມໂຕຖືກພົບໂດຍຜູ້ທີ່ສົນໃຈໃນແມງໄມ້ຢູ່ຮ່ອມພູ Kjós, ໃກ້ກັບເມືອງ Reykjavík ແລະ ໄດ້ຮັບການຢັ້ງຢືນໃນຕໍ່ມາໂດຍສະຖາບັນປະຫວັດສາດທຳມະຊາດອິດສະລັງ.

🦟ເຖິງແມ່ນວ່າຍຸງຊະນິດນີ້ສາມາດຢູ່ລອດໃນລະດູໜາວໄດ້ໂດຍການອາໄສໃນອາຄານ ແລະ ອາດຈະມາກັບສິນຄ້າຂົນສົ່ງ, ແຕ່ການປະກົດຕົວຂອງມັນສະແດງໃຫ້ເຫັນເຖິງທ່າອ່ຽງການຂະຫຍາຍທີ່ຢູ່ອາໄສຂອງແມງໄມ້ໄປທາງເໜືອເນື່ອງຈາກອຸນຫະພູມສູງຂຶ້ນ.

🦟 ການມາເຖິງຂອງຍຸງເຮັດໃຫ້ ອິດສະລັງ ສູນເສຍຄວາມໂດດເດັ່ນທີ່ບໍ່ມີຍຸງມາເປັນເວລາດົນນານ, ເຊິ່ງປະຈຸບັນຍັງເຫຼືອພຽງແຕ່ທະວີບອັງຕາກຕິກເທົ່ານັ້ນທີ່ບໍ່ມີຍຸງ. ໃນອະດີດ, ລັກສະນະສະເພາະຂອງປະເທດອິດສະລັງຈະມີອາກາດໜາວຕິດຕໍ່ກັນຫາຍປີ ແລະ ບໍ່ມີແຫຼ່ງນ້ຳນິ່ງ ຫຼື ຂັງ ເຮັດໃຫ້ຍຸງບໍ່ສາມາດຕັ້ງຖິ່ນຖານໄດ້ຢ່າງຖາວອນ. ແນວໃດກໍ່ຕາມ, ຊ່ວງອາກາດຮ້ອນທີ່ເປັນສະຖິຕິໃໝ່ເມື່ອບໍ່ດົນມານີ້ ແລະ ລະດູໜາວທີ່ອ່ອນລົງກຳລັງສ້າງສະພາບແວດລ້ອມທີ່ເໝາະສົມໃຫ້ຍຸງອາໄສຢູ່ໄດ້.

🦟ເຖິ່ງແມ່ນວ່າຍຸງສາຍພັນ Culiseta annulata ບໍ່ໄດ້ຖືກຖືວ່າເປັນພາຫະຫຼັກໃນການນຳພະຍາດເຂດຮ້ອນໄປຍັງອິດສະລັງ, ແຕ່ການຄົ້ນພົບນີ້ເປັນການເຕືອນຢ່າງຊັດເຈນວ່າພາວະໂລກຮ້ອນກຳລັງປ່ຽນແປງລະບົບນິເວດຕ່າງໆຢ່າງໄວວາ ແລະ ສ້າງຄວາມກັງວົນກ່ຽວກັບຜົນກະທົບຕໍ່ສາທາລະນະສຸກ ແລະ ສິ່ງແວດລ້ອມໃນອະນາຄົດ.

18/10/2025

ຍັງທັນຢູ່! ໄປຮ່ວມງານໄດ້ຮອດວັນທີ 19 ຕຸລານີ້ ສຳລັບງານ “ປ່ຽນເສດເປັນສິນ” ຫຼື Waste to Wonder ທີ່ຈັກໂດຍອົງການ Swisscontact Lao PDR.

ໃນງານນອກຈາກຈະໄດ້ຊົມຊິ້ນງານສິລິປະທີ່ສ້າງສັນຂຶ້ນຈາກສິ່ງເສດເຫຼືອ ແລະ ຄວາມຄິດສ້າງສັນ, ທ່ານຍັງສາມາດຊື້ສິນຄ້າທີ່ເປັນມິດກັບສິ່ງແວດລ້ອມໄດ້ຈາກຕະຫຼາດສີຂຽວ ຫຼື Green Market ໄດ້.

ງານຈັດຢູ່ທີ່ ສູນການຄ້າ Naga Mall (PARKSON).
ເຂົ້າຮ່ວມໄດ້ໂດຍບໍ່ເສຍຄ່າ.

17/10/2025

📊ໃນຍຸກທີ່ທຸລະກິດໃຫ້ຄວາມສຳຄັນກັບຄວາມຮັບຜິດຊອບຕໍ່ສັງຄົມ ແລະ ສິ່ງແວດລ້ອມຫຼາຍຂຶ້ນ ຄຳວ່າ ຄວາມຮັບຜິດຊອບຕໍ່ສັງຄົມຂອງອົງກອນ ຫຼື Cooperate Social Responsibility (CSR) , ຄວາມຍືນຍົງ ຫຼື Sustainability ແລະ ສິ່ງແວດລ້ອມ, ສັງຄົມ, ແລະການປົກຄອງ Environmental, Social, and Governance (ESG), ຈຶ່ງກາຍມາເປັນທີ່ຮູ້ຈັກກັນເປັນວົງກວ້າງ ບົດຄວາມນີ້ເຮົາຈະມາເບິ່ງຄວາມແຕກຕ່າງແລະ ບົດບາດຂອງທັງສາມ ເພື່ອໃຫ້ອົງກອນຕ່າງໆສາມາດນຳໄປໃຊ້ໄດ້ຢ່າງມີປະສິດທິພາບ.

🌏CSR ຄືແນວຄິດທີ່ທຸລະກິດລວມເອົາຄວາມຫ່ວງໃຍຕໍ່ສັງຄົມ ແລະ ສິ່ງແວດລ້ອມເຂົ້າໄປໃນຂະບວນການດຳເນີນງານພາຍໃຕ້ຫຼັກຈະລິຍະທຳ ມັກຈະເຫັນໃນຮູບແບບຂອງກິດຈະກຳເພື່ອສັງຄົມເຊັ່ນ: ການບໍລິຈາກ, ໂຄງການອາສາ, ເຊິ່ງອາດຈະບໍ່ໄດ້ເຊື່ອງໂຍງໂດຍກົງກັບກົນລະຍຸດຫຼັກທຸລະກິດ ໂດຍເນັ້ນທີ່ການສ້າງພາບລັກທີ່ດີ ແລະ ການເປັນພົນລະເມືອງທີ່ດີຂອງອົງກອນ.

🌎Sustainability ຄືເປົ້າໝາຍສູງສຸດທີ່ອົງກອນຕ້ອງການບັນລຸນັ້ນຄືການດຳເນີນທຸລະກິດທີ່ສາມາດຕອບສະໜອງຄວາມຕ້ອງການຂອງຄົນໃນປັດຈຸບັນ ໂດຍບໍ່ກະທົບຕໍ່ຄົນຮຸ່ນຫຼັງ ທີ່ຄວບຄຸມທັງມິຕິເສດຖະກິດ, ສັງຄົມ ແລະ ສິ່ງແວດລ້ອມ, ເນັ້ນການສ້າງຄວາມດຸນດ່ຽງ ເພື່ອໃຫ້ທຸລະກິດເຕີບໃຫຍ່ໄດ້ຢ່າງໝັ້ນຄົງໃນໄລຍະຍາວ.

🌍ESG - ເປັນຫຼັກການກອບການປະເມີນເພື່ອວັດຜົນ ແລະ ສະທ້ອນເຖິງການດຳເນີນການດ້ານຄວາມຍືນຍົງຂອງທຸລະກິດ ໂດຍສະເພາະຈາກທັດສະນະຂອງນັກລົງທຶນ, ປະກອບດ້ວຍ 3 ມິຕິຫຼັກ ໄດ້ແກ່:
Environmental (ສິ່ງແວດລ້ອມ): ການບໍລິຫານຈັດການຜົນກະທົບຕໍ່ສິ່ງແວດລ້ອມ, ເຊັ່ນ: ການຫຼຸດກາສເຮືອນແກ້ວ ແລະ ການໃຊ້ພະລັງງານສະອາດ.
Social (ສັງຄົມ): ຄວາມສຳພັນກັບພະນັກງານ, ຊຸມຊົນ ແລະ ສັງຄົມ, ເຊັ່ນ: ສະຫວັດດີການພະນັກງານ, ຄວາມຫຼາກຫຼາຍທາງເພດ, ແລະ ຄວາມຮັບຜິດຊອບຕໍ່ລູກຄ້າ.

Governance (ການຄຸ້ມຄອງບໍລິຫານ): ການບໍລິຫານຈັດການອົງກອນທີ່ດີເຊັ່ນ: ໂຄງສ້າງຄະນະກຳມະການທີ່ໂປ່ງໃສ ແລະ ການຕໍ່ຕ້ານການສໍ້ໂກງ.

📊ຫົວໃຈສຳຄັນຂອງ ESG ຄືເນັ້ນການບູລະນາການປະເດັນດ້ານສິ່ງແວດລ້ອມ, ສັງຄົມ ແລະ ການຄຸ້ມຄອງບໍລິການ, ເຂົ້າກັບກົນລະຍຸດຫຼັກຂອງທຸລະກິດ ໂດຍມີຕົວຊີ້ວັດທີ່ເປັນຮູບປະທຳ ແລະ ສາມາດວັດຜົນໄດ້ (Materiality Assessment). ມັນໄດ້ຊ່ວຍໃຫ້ນັກລົງທຶນໃຊ້ເປັນຂໍ້ມູນປະກອບການຕັດສິນໃຈ ເພື່ອເລືອກລົງທຶນໃນບໍລິສັດທີ່ມີການບໍລິຫານຈັດການຄວາມສ່ຽງ ແລະ ໂອກາດດ້ານຄວາມຍືນຍົງທີ່ດີ.

🌱ສະຫຼຸບຄວາມແຕກຕ່າງ ກໍຄື CSR ເປັນການ “ເຮັດດີ” ເພື່ອສັງຄົມ, Sustainability ຄື “ເປົ້າໝາຍ” ທີ່ຕ້ອງການໄປໃຫ້ເຖິງ ແລະ ESG ຄື “ເຄື່ອງມື” ໃນການວັດຜົນ ແລະ ປະເມີນວ່າອົງກອນກ້າວໜ້າສູ່ເປົ້າໝາຍຄວາມຍືນຍົງໄດ້ດີພຽງໃດ, ໂດຍສະເພາະໃນທັດສະນະຂອງນັກລົງທຶນ. ທັງສາມແນວຄວາມຄິດນີ້ລ້ວນແຕ່ມີຄວາມສຳຄັນ ແລະ ສົ່ງເສີມເຊິ່ງກັນ ແລະ ກັນ, ເພື່ອສ້າງທຸລະກິດທີ່ເຕີບໃຫຍ່ຢ່າງເຂັ້ມແຂງ ແລະ ຍືນຍົງ.

16/10/2025

🪱 ການລ້ຽງຂີ້ກະເດືອນແມ່ນວິທີການທຳມະຊາດທີ່ປ່ຽນຂີ້ເຫຍື້ອອິນຊີໃຫ້ກາຍເປັນຝຸ່ນທີ່ມີຄຸນຄ່າ ແລະ ຊ່ວຍປັບປຸງດິນໃຫ້ມີຊີວິດຊີວາຂື້ນ. ມັນເປັນວິທີການທີ່ງ່າຍ ແຕ່ເຕັມໄປດ້ວຍປະໂຫຍດທາງສິ່ງແວດລ້ອມ ແລະ ເສດຖະກິດ.

🪱ການຝຶກອົບຮົມການລ້ຽງຂີ້ກະເດືອນ ໂດຍກຸ່ມ Grow Coffee Ground-GCG ນີ້ ຜູ້ເຂົ້າຮ່ວມຈະໄດ້ຮຽນຮູ້ທັງທິດສະດີ ແລະ ການປະຕິບັດໂຕຈິງ ຈາກຜູ້ຊຳນານຈາກທ້ອງຖິ່ນ. ທ່ານຈະເຂົ້າໃຈວ່າຂີ້ກະເດືອນເປັນພື້ນຖານຂອງລະບົບນິເວດທີ່ດີ ເພາະມັນຊ່ວຍຍ່ອຍສານອິນຊີ, ຮັກສາຄວາມຊຸ່ມຊື່ນໃນດິນ, ແລະ ສ້າງຈຸລະພາບທີ່ເປັນປະໂຫຍດຕໍ່ການເຕີບໂຕຂອງພືດ. ນອກຈາກນີ້, ທ່ານຈະໄດ້ຮຽນຮູ້ການນຳໃຊ້ກາກກາເຟທີ່ໃຊ້ຊົງແລ້ວ, ມາເຮັດເປັນຝຸ່ນອີກດ້ວຍ.

🪱ຝຸ່ນຂີ້ກະເດືອນແມ່ນອຸດົມໄປດ້ວຍສານອາຫານ ແລະ ສາມາດໃຊ້ໃນການປູກຜັກອິນຊີ ຫຼື ພືດປະດັບໄດ້ໂດຍບໍ່ຈຳເປັນຕ້ອງເພິ່ງເຄມີ.
ການລ້ຽງຂີ້ກະເດືອນບໍ່ພຽງແຕ່ຊ່ວຍຫຼຸດຂີ້ເຫຍື້ອຈາກຄົວເຮືອນ ແຕ່ຍັງເປັນທາງເລືອກໃໝ່ໃນການສ້າງລາຍໄດ້. ຜົນຜະລິດຈາກການລ້ຽງສາມາດນຳໄປຂາຍໄດ້ ທັງຕົວຂີ້ກະເດືອນ ແລະ ຝຸ່ນຂີ້ກະເດືອນ ຊຶ່ງເປັນທີ່ນິຍົມໃນຕະຫຼາດການກະສິກຳອິນຊີ.

🪱ການຝຶກອົບຮົມນີ້ຈະຈັດຂຶ້ນໃນວັນທີ 26 ຕຸລາ 2025 ເວລາ 09:00–12:00, ທີ່ສະມາຄົມ ສົ່ງເສີມການຮຽນຮູ້ ແລະ ພັດທະນາ ທັກສະໄວໜຸ່ມໃນຊຸມຊົນ (ສຮພຊ), ບ້ານ ໜອງໄຮ, ເມືອງ ຫາດຊາຍຟອງ, ນະຄອນຫຼວງວຽງຈັນ. ຜູ້ຮ່ວມຈະໄດ້ຮັບປະສົບການທີ່ປະຕິບັດໄດ້ຈິງ ແລະ ຄຳແນະນຳຈາກຜູ້ມີປະສົບການໃນດ້ານການລ້ຽງຂີ້ກະເດືອນແບບທຳມະຊາດ.

🪱ຈຳນວນຜູ້ເຂົ້າຮ່ວມມີຈຳກັດ 20 ຄົນ ແລະ ປິດຮັບສະໝັກໃນວັນທີ 22 ຕຸລາ 2025.

ຜູ້ສົນໃຈສາມາດລົງທະບຽນໄດ້ທີ່ລິ້ງໃນຄອມເມັ້ນ.

01/09/2025

🌎 ການເຈລະຈາຄັ້ງສຳຄັນເພື່ອຮ່າງສົນທິສັນຍາສະບັບທຳອິດຂອງໂລກທີ່ຄວບຄຸມມົນລະພິດຈາກປລາສຕິກ ຕ້ອງສິ້ນສຸດລົງໂດຍບໍ່ມີຂໍ້ສະຫຼຸບໃນວັນທີ 15 ສິງຫາ 2025 ທີ່ນະຄອນຫຼວງເຈນີວາ, ປະເທດສະວິດສະແລນ ໂດຍຜູ້ແທນຈາກ 185 ປະເທດບໍ່ສາມາດຫາຂໍ້ຕົກລົງຮ່ວມກັນໄດ້ໃນປະເດັນສຳຄັນທີ່ກ່ຽວກັບການ ຈຳກັດການຜະລິດປລາສຕິກໃໝ່ ແລະ ການຄວບຄຸມສານເຄມີອັນຕະລາຍທີ່ໃຊ້ໃນການຜະລິດປລາສຕິກ.

🌎 ການເຈລະຈາຄັ້ງນີ້ເປັນສ່ວນໜຶ່ງຂອງການປະຊຸມຄະນະກຳມະການເຈລະຈາລະຫວ່າງລັດຖະບານ (INC-5.2) ເຊິ່ງມີເປົ້າໝາຍໃນການສ້າງເຄື່ອງມືທາງກົດໝາຍທີ່ມີຂໍ້ຜູກມັດລະດັບນາໆຊາດ ເພື່ອແກ້ໄຂບັນຫາມົນລະພິດຈາກປລາສຕິກຕະຫຼອດຮອດວົງຈອນຊີວິດຂອງຜະລິດຕະພັນຕັ້ງແຕ່ການຜະລິດໄປຈົນຮອດການຈັດການສິ່ງເສດເຫຼືອ.

🌎 ປະເດັນທີ່ຍັງເປັນຂໍ້ຄັດແຍ້ງມີຄື:

– ການຈຳກັດການຜະລິດ: ກຸ່ມປະເທດຜູ້ຜະລິດນ້ຳມັນ ແລະ ປີໂຕຣເຄມີ ລວມເຖິງບາງປະເທດທີ່ເພິງພາການຜະລິດປລາສຕິກເປັນຈຳນວນຫຼາຍ ບໍ່ເຫັນດີກັບການກຳນົດເພດານການຜະລິດປລາສຕິກໃໝ່ໂດຍຢືນຢັນວ່າສົນທິສັນຍາຄວນເນັ້ນໜັກໄປໃນຂະບວນການ ຜະລິດຄືນໃໝ່ ຫຼື Recycle ແລະ ການຈັດການສິ່ງເສດເຫຼືອທີ່ດີຂຶ້ນ.

– ການຄວບຄຸມສານເຄມີ: ມີຂໍ້ຄັດແຍ້ງກ່ຽວກັບວິທີການຈັດການສານເຄມີອັນຕະລາຍທີ່ພົບໃນປລາສຕິກ ເຊິ່ງເປັນປະເດັ່ນທີ່ຫຼາຍປະເທດຕ້ອງການໃຫ້ມີກົດໝາຍທີ່ເຂັ້ມງວດ.

– ການຕັດສິນໃຈ: ມີຄວາມເຫັນທີ່ແຕກຕ່າງກັນໃນເລື່ອງຫຼັການການຕັດສິນໃຈ ໂດຍບາງປະເທດຢືນຢັນວ່າທຸກການຕັດສິນໃຈຕ້ອງຜ່ານ “ຄວາມເຫັນດີເຫັນພ້ອມ” ເຊິ່ງເຮັດໃຫ້ກຸ່ມປະເທດທີ່ນ້ອຍ ສາມາດສະກັດກັ້ນມາດຕະການທີ່ສ່ວນໃຫຍ່ເຫັນດີ.

🌎 ເຖິງແມ່ນວ່າ, ທ່ານ ນາງ Inger Andersen ຜູ້ອຳນວຍການບໍລິຫານໂຄງການສິ່ງແວດລ້ອມແຫ່ງສະຫະປະຊາຊາດ (UNEP) ຈະແດງຄວາມຜິດຫວັງທີ່ຍັງບໍ່ສາມາດບັນລຸຂໍ້ຕົກລົງໄດ້ ແຕ່ເພິ່ນຢືນຢັນວ່າການເຮັດວຽກເພື່ອແກ້ໄຂບັນຫາມົນລະພິດຈາກປລາສຕິກຈະຍັງດຳເນີນຕໍ່ໄປ ເພາະວ່າມົນລະພິດທາງປລາສຕິກໄດ້ປົນເປື້ອນຢູ່ໃນແຫຼ່ງນ້ຳ, ດິນ ແລະ ລວມເຖິງຮ່າງກາຍມະນຸດ.

29/07/2025

ຮ່ວມຟັງ-ຮ່ວມຮຽນ-ຮ່ວມຂັບເຄື່ອນ! 🌱
ງານສາທາລະນະໃນຊ່ວງແລງຂອງໂຄງການ ໄວໜຸ່ມລາວ ໃນພະລະກິດປົກປັກຮັກສາທຳມະຊາດ

ມາພົບກັບຜູ້ນຳຂອງອົງການດ້ານການອະນຸລັກຊັ້ນນຳ ເຊັ່ນ WCS, WWF, IUCN, Free the Bears, ECC, Saola Foundation ແລະ LCTW
ໃນວົງສົນທະນາຫົວຂໍ້:
“ສ້າງການເຄື່ອນໄຫວດ້ານການອະນຸລັກ: ພວກເຮົາເຮັດວຽກແນວໃດ?, ເປັນຫຍັງຈຶ່ງສຳຄັນ?, ແລະພວກເຈົ້າສາມາດມີສ່ວນຮ່ວມຢ່າງໃດ?”

📅 ວັນສຸກ 01 ສິງຫາ 2025
🕔 17:00–19:00
📍 Lab de Lines
💬 ລົງທະບຽນໂດຍຄອມເມັນໃຕ້ໂພສນີ້
🆓 ເຂົ້າຮ່ວມຟຣີ!

JOIN US for an inspiring evening! 🌍
As part of the Lao Youth on a Mission for Nature Conservation program, we’re hosting a public panel discussion with leaders from WCS, WWF, IUCN, Free the Bears, ECC, Saola Foundation, and LCTW.

🗣️ Topic:
“Building a Conservation Movement: How We Work, Why It Matters, and Where You Come In”

📅 Friday, 01 August 2025
🕔 17:00–19:00
📍 Lab de Lines
💬 Register by commenting on this post
🆓 Free entry – All are welcome!

Let’s learn, connect, and act for nature! 🌿

Wilhelma Zoologisch-Botanischer Garten Stuttgart
Denver Zoo Conservation Alliance
Association Anoulak / Econews Laos

28/07/2025

ວັນທີ 16 ເດືອນກໍລະກົດ 2025 ບໍລິສັດ AGL ປະກັນໄພລາວ ໄດ້ຈັດການອົບຮົມພະນັກງານພາຍໃນ ພາຍໃຕ້ຫົວຂໍ້ “Turn AGL into Your Eco-Friendly Workplace” ຫຼື ປ່ຽນ AGL ເປັນສະຖານທີ່ທີ່ເປັນມິດຕໍ່ສິ່ງແວດລ້ອມ ໂດຍມີເປົ້າໝາຍໃຫ້ທຸກພາກສ່ວນໃນອົງກອນເຂົ້າໃຈຄວາມສຳຄັນຂອງການຫຼຸດຜ່ອນຜົນກະທົບສິ່ງແວດລ້ອມ ແລະ ເປັນຜູ້ລົງມືປະຕິບັດດ້ວຍຕົນເອງ.

ງານເລີ່ມຂຶ້ນດ້ວຍການກ່າວເປີດໂດຍ ທ່ານ ສຽງ ໄຊຍະສານ COO & CIO ຂອງ ບໍລິສັດ AGL ປະກັນໄພລາວ ກ່ຽວກັບວິໄສທັດຂອງບໍລິສັດທີ່ມຸ່ງໜ້າສູ່ການຍືນຍົງ. ຈາກນັ້ນ, ພະນັກງານ 100 ຄົນ ກໍໄດ້ເຂົ້າຮ່ວມກິດຈະກຳການແຂ່ງຂັນແຍກຂີ້ເຫຍື້ອຕາມປະເພດຢ່າງຖືກຕ້ອງ ແລະ ວ່ອງໄວເຊິ່ງເປັນກິດຈະກຳມ່ວນຊື່ນ ແລະ ໄດ້ຄວາມຮູ້. ຖັດມາແມ່ນການບັນຍາຍສັ້ນເພື່ອເພີ່ມຄວາມຮູ້ກ່ຽວກັບປັນຫາສິ່ງແວດລ້ອມໃນໂລກ ແລະ ບົດບາດຂອງສຳນັກງານສີຂຽວ ຕໍ່ດ້ວຍການສະແດງວິດີໂອ “Beat Plastic Pollution” ທີ່ຜະລິດໂດຍ Econox Laos ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ.

ໃນຊ່ວງ “Eco-Habit Challenge Campaign” ທີ່ສ້າງຄວາມສະຫນຸກສະຫນານນັ້ນ, ພະນັກງານໄດ້ຖືກແບ່ງເປັນທີມເພື່ອລົງມືຄິດແຄມເປນປ່ຽນພຶດຕິກຳເພື່ອການດຳລົງຊີວິດ ແລະ ເພື່ອສະຖານທີ່ເຮັດວຽກທີ່ຍືນຍົງ.

ນອກຈາກນີ້ ບໍລິສັດ AGL ສະທ້ອນໃຫ້ເຫັນວ່າ ພວກເຂົາໄດ້ນຳແນວຄິດສີຂຽວມາປະຕິບັດໂຕຈິງ ຜ່ານ “10 ຂັ້ນຕອນຂຽວ” ໃນສຳນັກງານ ເຊິ່ງປະກອບມີ: ປະຢັດໃນການໃຊ້ເຈ້ຍ ແລະ ອຸປະກອນສຳນັກງານ, ແຍກຂີ້ເຫຍື້ອຢ່າງຖືກຕ້ອງ, ປິດໄຟ ແລະ ອຸປະກອນອິເລັກໂທຣນິກຍາມບໍ່ໃຊ້ງານ, ສົ່ງສານສື່ຜ່ານອີເມວແທນເຈ້ຍ, ປູກຈິດສຳນຶກຂຽວ ໃຫ້ແຜ່ຂະຫຍາຍຕໍ່ໄປໃນສັງຄົມ, ໃຊ້ຂວດນ້ຳ ແລະ ຈານສ່ວນໂຕແທນຂອບບັນຈຸປລາສຕິກ, ເລືອກການເດີນທາງທີ່ບໍ່ສ້າງມົນພິດ ເຊັ່ນ ປັ່ນລົດຖີບ ຫຼື ລົດຈັກ

ບໍລິສັດ AGL ປະກັນໄພລາວ ໃຫ້ຄວາມສຳຄັນກັບຄວາມຮັບຜິດຊອບຂອງທຸລະກິດ ທີ່ບໍ່ແມ່ນແຕ່ກ່ຽວກັບກຳໄລ ແຕ່ເປັນການໃສ່ໃຈຫຼາຍຂຶ້ນຕໍ່ໂລກໃບນີ້ ແລະ ຊຸມຊົນຮອບຂ້າງ.

15/07/2025

ລອງເອົານິ້ວຈິ້ມນ້ອງນາກນໍ້າເບິ່ງ

🦦

13/07/2025

⛰️ ຜົນສຳເລັດອັນເປັນປະຫວັດສາດຂອງປະເທດລາວ ໃນວັນທີ 13 ກໍລະກົດ 2025 ນີ້, ປ່າສະຫງວນແຫ່ງຊາດຫີນໜາມໜໍ່ ໄດ້ຖືກຮັບຮອງເຂົ້າເປັນມໍລະດົກໂລກຂອງອົງການ UNESCO ຢ່າງເປັນທາງການ, ໃນກອງປະຊຸມຄັ້ງທີ 47 ຂອງຄະນະກຳມະການມໍລະດົກໂລກ. ມັນສະແດງໃຫ້ເຫັນວ່າສາກົນໄດ້ຮັບຮູ້ເຖິງຄວາມສຳຄັນທາງທໍາມະຊາດທີ່ໂດດເດັ່ນຂອງປ່າສະຫງວນແຫ່ງຊາດດັ່ງກ່າວ ອັນຄວາມສໍາຄັນທັງທາງດ້ານນິເວດວິທະຍາ ແລະ ວັດທະນະທໍາໃນລະດັບໂລກ.

⛰️ ປ່າສະຫງວນແຫ່ງຊາດຫີນໜາມໜໍ່ ຕັ້ງຢູ່ເມືອງບົວລະພາ ແຂວງຄຳມ່ວນ ກວມເອົາເນື້ອທີ່ທັງໝົດ 82,000 ເຮັກຕາ ຂອງແຫຼ່ງຫີນປູນ, ຖ້ຳ ແລະ ລະບົບນິເວດປ່າໄມ້ທີ່ຫຼາກຫຼາຍ. ເຊື່ອມຕໍ່ໂດຍກົງກັບປ່າສະຫງວນແຫ່ງຊາດ ຟອງຍາ-ເກບັງ ຂອງຫວຽດນາມ - ຮ່ວມກັນສ້າງເປັນໜຶ່ງໃນບັນດາເຂດປົກປັກຮັກສາຂ້າມຊາຍແດນທີ່ພົ້ນເດັ່ນທີ່ສຸດໃນອາຊີຕາເວັນອອກສ່ຽງໃຕ້.

⛰️ ຜົນສໍາເລັດອັນສຳຄັນນີ້ແມ່ນມາຈາກການຮ່ວມມືຫຼາຍປີລະຫວ່າງລັດຖະບານ ສປປ ລາວ, ອົງການ UNESCO, ແລະ IUCN, ເຊັ່ນດຽວກັນກັບການມີສ່ວນຮ່ວມກັບຊຸມຊົນທ້ອງຖິ່ນ ແລະ ພາກສ່ວນກ່ຽວຂ້ອງຂອງຊົນເຜົ່າພື້ນເມືອງໃນເຂດດັ່ງກ່າວ. ປ່າສະຫງວນແຫ່ງຊາດຫີນໜາມໜໍ່ ບໍ່ພຽງແຕ່ເປັນຊັບສົມບັດທາງທໍາມະຊາດເທົ່ານັ້ນ, ແຕ່ຍັງເປັນສັນຍາລັກຂອງການອະນຸລັກຂ້າມຊາຍແດນ ແລະ ການຮ່ວມມືໃນພາກພື້ນ.

⛰️ ຜູ້ຕາງໜ້າຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກ່າວວ່າ:

“ນີ້ແມ່ນຄວາມພາກພູມໃຈຂອງປະເທດລາວ ແລະ ເປັນໄຊຊະນະຂອງທຳມະຊາດ. “ປ່າສະຫງວນແຫ່ງຊາດຫີນໜາມໜໍ່ບໍ່ພຽງແຕ່ເປັນພູມສັນຖານທີ່ສວຍສົດງົດງາມເທົ່ານັ້ນ ແຕ່ຍັງເປັນຕົວຢ່າງການດຳລົງຊີວິດຂອງຄົນ ແລະ ທຳມະຊາດທີ່ຈະເລີນຮຸ່ງເຮືອງໄປພ້ອມກັນ.”

⛰️ ດ້ວຍການລົງຊື່ດັ່ງກ່າວ, ປ່າສະຫງວນແຫ່ງຊາດຫີນໜາມໜໍ່ໄດ້ກາຍເປັນມໍລະດົກໂລກແຫ່ງທີ 4 ຂອງອົງການ UNESCO ຂອງລາວ, ຖັດຈາກຫຼວງພະບາງ ແລະ ວັດພູຈຳປາສັກ, ແລະ ເປັນສະຖານທີ່ທຳມະຊາດແຫ່ງທຳອິດທີ່ໄດ້ຮັບການຮັບຮອງ.

ອຸທິຍານແຫ່ງຊາດ ຫີນໜາມໜໍ່ / Hin Nam No National Park

UNESCO IUCN

09/07/2025

ຂ່າວດ່ວນ! ໃນວັນທີ 9 ກໍລະກົດ ນີ້, ທາງເພຈເຟສບຸກຂອງອົງການອະນຸລັກໝີລາວ ຫຼື Free The Bears ໄດ້ໃຫ້ຮູ້ວ່າ ທາງກົມກວດກາປ່າໄມ້ຂອງ ແຂວງອຸດົມໄຊ ຍຶດໄດ້ລູກໝີ 2 ໂຕ ທີ່ໄດ້ຖືກລັກລອບຈັບຜິດກົດໝາຍ. ສະມາຊິກຂອງທີມງານດູແລໝີຂອງອົງການດັ່ງກ່າວກຳລັງກະກຽມອອກເດີນທາງຈາກຫຼວງພະບາງເພື່ອຮັບເອົາໝີນ້ອຍ 2 ໂຕນີ້ ເຂົ້າໃນການດູແລຕໍ່ໄປ.

ທ່ານສາມາດຕິດຕາມຂ່າວ ແລະ ຊ່ວຍເຫຼືອໝີນ້ອຍ ທັງ 2 ແລະ ສັດປ່າອື່ນໆທີ່ຖືກຊ່ວຍເຫຼືອໄດ້ຜ່ານອົງການ Free the Bears

Econews Laos

06/11/2025

31/10/2025

27/10/2025

18/10/2025

17/10/2025

16/10/2025

01/09/2025

29/07/2025

28/07/2025

15/07/2025

13/07/2025

09/07/2025

Address

Website

Alerts

Contact The Business

Shortcuts

Share

Category