http://www.smereview.pinimpro.com/

SME Review, 10100, Vientiane (2026)

02/06/2026

ເປີດນຳໃຊ້! ຫ້ອງກວດກາວິໄຈ ແລະ ຢັ້ງຢືນຄຸນນະພາບແຮ່ທາດ ກ່ອນການສົ່ງອອກ.
———————————
ໃນວັນທີ 29 ພຶດສະພາ 2026 ຜ່ານມາ, ກະຊວງການເງິນ ແລະ ຂະແໜງການທີ່ກ່ຽວຂ້ອງ, ໄດ້ຈັດກອງປະຊຸມເຜີຍ ແຜ່ແນະນໍາກ່ຽວກັບການຈັດຕັ້ງປະຕິບັດວຽກງານຂອງຫ້ອງກວດກາວິໄຈ ແລະ ຢັ້ງຢືນຄຸນນະພາບແຮ່ທາດກ່ອນການ ສົ່ງອອກຢູ່ປາຍທາງທົ່ວປະເທດ ຊຶ່ງທັງຫມົດມີ 32 ດ່ານໃນທົ່ວປະເທດ. ໃນນີ້, ສຳລັບຢູ່ແຂວງຄຳມ່ວນ ແລະ ແຂວງ ສາລະວັນ ແມ່ນຢູ່ 3 ຈຸດຄື: ຢູ່ດ່ານສາກົນນາເພົ້າ, ດ່ານສາກົນຂົວມິດຕະພາບ3 ແລະ ດ່ານສາກົນລະໄລ.
ຈຸດປະສົງ, ກໍ່ເພື່ອເຜີຍແຜ່ແນະນໍາກ່ຽວກັບການຈັດຕັ້ງປະຕິບັດວຽກງານຂອງຫ້ອງກວດກາວິໄຈ ແລະ ຢັ້ງຢືນຄຸນນະ ພາບແຮ່ທາດກ່ອນການສົ່ງອອກຢູ່ປາຍທາງ,ຊຶ່ງໃນໄລຍະຜ່ານມາເຫັນວ່າ: ການຄຸ້ມຄອງກວດກາຄຸນນະພາບ ແລະ ມາດຕະຖານການສົ່ງອອກແຮ່ທາດຍັງບໍ່ທັນຮັດກຸມ, ການຄຸ້ມຄອງການເກັບກໍາຂໍ້ມູນການສົ່ງອອກແຮ່ທາດແຕ່ລະຊະ ນິດຍັງບໍ່ທັນລວມສູນ ແລະ ຍັງບໍ່ທັນມີພາກສ່ວນໃດ? ເຮັດໜ້າທີ່ໃນການຄຸ້ມຄອງວຽກງານດັ່ງກ່າວຢູ່ປາຍທາງ (ດ່ານພາສີສາກົນ ທົ່ວປະເທດ ແລະ ຈຸດສະຖານີລົດໄຟ).
ສະນັ້ນ, ການສ້າງຕັ້ງຫ້ອງກວດກາວິໄຈ ແລະ ຢັ້ງຢືນຄຸນນະພາບແຮ່ທາດກ່ອນການສົ່ງອອກປະຈໍາຢູ່ດ່ານສາກົນ ແລະ ສະຖານີລົດໄຟ, ເພື່ອແນໃສ່ການສ້າງຄວາມເຂັ້ມແຂງດ້ວຍຕົນເອງໃນການກວດກາວິໄຈ ແລະ ຢັ້ງຢືນແຮ່ທາດ ແລະ ແຮ່ຫາຍາກອື່ນໆ...ຕາມທິດການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່, ເປັນການປະກອບສ່ວນ ເຂົ້າໃນວຽກງານການຄຸ້ມຄອງ, ການສົ່ງອອກຜະລິດຕະພັນແຮ່ ທາດ ແລະ ຮັບປະກັນຄວາມຖືກຕ້ອງ, ຄວາມໂປ່ງໃສ ຂອງການຢັ້ງຢືນການກວດສອບວິໄຈແຮ່ທາດຢູ່ປາຍທາງ ດ້ວຍການນໍາໃຊ້ເຄື່ອງມືເຕັກໂນໂລຊີ ທີ່ທັນສະໄໝ, ຮັບປະ ກັນຄວາມຖືກຕ້ອງໃນການສົ່ງອອກແຮ່ທາດ, ເພື່ອຮັບປະກັນເຮັດໃຫ້ລັດຖະບານໄດ້ຮັບຜົນປະໂຫຍດສູງສຸດຈາກ ການເກັບລາຍຮັບເຂົ້າງົບປະມານ, ໂດຍສອດຄ່ອງກັບການຈັດຕັ້ງປະຕິບັດວາລະແຫ່ງຊາດ, ຄໍາສັ່ງຂອງລັດຖະບານ ແລະ ສ້າງລາຍ ຮັບໃຫ້ປະເທດຊາດຢ່າງຍືນຍົງ.
ການຈັດຕັ້ງປະຕິບັດວຽກງານດັ່ງກ່າວ, ໂດຍອີງຕາມແຈ້ງການ ຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 617/ຫສນຍ, ລົງວັນທີ 15 ພຶດສະພາ 2026 ໃນການກະກຽມຈັດຕັ້ງປະຕິບັດວຽກງານ ກວດກາຄຸນນະພາບແຮ່ທາດກ່ອນການສົ່ງອອກຢູ່ປາຍທາງ.
ດັ່ງນັ້ນ, ຄະນະຮັບຜິດຊອບໄດ້ສົມທົບກັບພະແນກການຂອງແຂວງ ສົມທົບກັບຫ້ອງກວດກາວິໄຈ ແລະ ຢັ້ງຢືນ ຄຸນນະພາບແຮ່ທາດກ່ອນການສົ່ງອອກຢູ່ປາຍທາງທົ່ວປະເທດ ແລະ ໜ່ວຍງານກ່ຽວຂ້ອງ, ໄດ້ເປີດນໍາໃຊ້ຫ້ອງ ກວດກາວິໄຈ ແລະ ຢັ້ງຢືນຄຸນນະພາບແຮ່ທາດກ່ອນການສົ່ງອອກຢູ່ປາຍທາງທົ່ວປະເທດ.
ໃນກອງປະຊຸມ, ຍັງໄດ້ຮັບຟັງການເຜີຍແຜ່ບັນດານິຕິກຳຕ່າງໆທີ່ຕິດພັນກັບຫ້ອງກວດກາວິໄຈ ແລະ ຢັ້ງຢືນຄຸນນະພາບ ແຮ່ທາດ ກ່ອນການສົ່ງອອກຢູ່ປາຍທາງທົ່ວປະເທດ ແລະ ກະກຽມເປີດຫ້ອງກວດ ກາຄຸນນະພາບແຮ່ທາດກ່ອນສົ່ງ ອອກຢູ່ປາຍທາງປະຈໍາດ່ານພາສີສາກົນທົ່ວປະເທດ ຫ້ອງການພາສີປະຈຳສະຖານີລົດໄຟ ລວມທັງໝົດ 31 ດ່ານ ດັ່ງນີ້:
1.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ຂົວມິດຕະພາບ I;
2.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ຂົວມິດຕະພາບ II;
3.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ຂົວມິດຕະພາບ III;
4.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ຂົວມິດຕະພາບ IV;
5.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ນາເພົ້າ;
6.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ລະໄລ;
7.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ນໍ້າກັ່ນ;
8.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ບໍ່ເຕັນ;
9.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ລານຕຸຍ;
10.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ນໍ້າໂສຍ;
11.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ປ່າຮ່າງ;
12.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ບ້ານມອມ;
13.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ພູເກືອ;
14.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ດາກຕະອອກ;
15.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ແດນສະຫວັນ;
16.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ນໍ້າພາວ;
17.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ປາກຊັນ;
18.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ນໍ້າເງິນ;
19.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ປາງມອນ;
20.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ພູດູ່;
21.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ວັງເຕົ່າ;
22.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີປະເພນີ ໜອງມ້າ;
23.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ຂົວມິດຕະພາບ ນໍ້າເຫືອງ;
24.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ດ່ານພາສີສາກົນ ທ່າບົກ-ທ່ານາແລ້ງ;
25.ຫ້ອງການກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ວຽຈັນໃຕ້;
26.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ວັງວຽງ;
27.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ກາສີ;
28.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ໂພນໂຮງ;
29.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ຫຼວງພະບາງ;
30.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ນາເຕີຍ;
31.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ຫ້ອງການພາສີປະຈຳສະຖານີລົດໄຟ ເມືອງໄຊ;
32.ຫ້ອງກວດກາຄຸນນະພາບແຮ່ທາດກ່ອນສົ່ງອອກຢູ່ປາຍທາງ ທົ່ວປະເທດ (ຫ້ອງທົດລອງສູນກາງ).
ທີ່ມາ: ເນື້ອໃນ-ພາບ (ກະຊວງການເງິນ)

06/05/2026

ກອງປະຊຸມສາມັນຜູ້ຖືຮຸ້ນ ປະຈໍາປີ 2025 ທະນາຄານ ຮ່ວມພັດທະນາ ມະຫາຊົນ
--------------------------
ໃນຕອນເຊົ້າ ວັນທີ 29 ເມສາ 2026 ຜ່ານມາ, ທະນາຄານຮ່ວມພັດທະນາ ມະຫາຊົນ, ໄດ້ເປີດກອງປະຊຸມສາມັນຜູ້ຖືຮຸ້ນ ປະຈໍາປີ 2025 ໂດຍການເປັນປະທານຂອງ ທ່ານ ວິໄລ ສີພະພອນ, ປະທານສະພາບໍລິຫານ ທະນາຄານ ຮ່ວມພັດທະນາ ມະຫາຊົນ, ມີສະມາຊິກພາບໍລິຫານ, ຄະນະອໍານວຍການ, ຕາງໜ້າສໍານັກງານຄະນະກໍາມະການຄຸ້ມຄອງຫຼັກຊັບ, ຕະຫຼາດຫຼັກ ຊັບລາວ, ຕາງໜ້າບໍລິສັດກວດສອບບັນຊີພາຍນອກ ແລະ ຜູ້ຖືຮຸ້ນ.
ໃນກອງປະຊຸມ, ມີຜູ້ຖືຮຸ້ນເຂົ້າຮ່ວມດ້ວຍຕົນເອງ 50 ທ່ານ ເຊິ່ງລວມເປັນຈຳນວນຮຸ້ນ 658,184,634 ຮຸ້ນ ຫຼື ເທົ່າກັບ 87.758 % ຂອງຈຳນວນຮຸ້ນທັງໝົດ; ມີຜູ້ຖືຮຸ້ນທີ່ໄດ້ມອບສິດ 1 ທ່ານ ຊຶ່ງລວມເປັນຈໍານວນຮຸ້ນ 30,359,975 ຮຸ້ນ ຫຼື ເທົ່າກັບ 4.048%; ມີຜູ້ເຂົ້າຮ່ວມທາງອອນລາຍຈຳນວນ 308 ຄົນ ເຊິ່ງລວມເປັນຈຳນວນຮຸ້ນ 14,357,091 ຮຸ້ນ ຫຼື ເທົ່າກັບ 1.941%.
ລວມອົງປະຊຸມທັງໝົດມີຜູ້ຖືຮຸ້ນເຂົ້າຮ່ວມ 359 ຄົນ ເຊິ່ງລວມເປັນຈຳນວນຮຸ້ນ 702,901,700 ຮຸ້ນ, ຫຼື ເທົ່າກັບ 93.720% ຈາກຜູ້ຖືຮຸ້ນທີ່ມີທັງໝົດ 2,054 ຄົນ. ຊຶ່ງລວມເປັນຈໍານວນຮຸ້ນ 750,000,000 ຮຸ້ນ. ສໍາລັບຮຸ້ນທີ່ບໍ່ໄດ້ເຂົ້າຮ່ວມກອງປະຊຸມ ມີຈໍານວນ 47,098,300 ຮຸ້ນ ເທົ່າກັບ 6.28 % ຂອງຈໍານວນຮຸ້ນ ທຄຮ ທັງໝົດ.
ໃນພິທີ, ທ່ານ ວິໄລ ສີພະພອນ, ປະທານສະພາບໍລິຫານ ທຄຮ ໄດ້ກ່າວຕ້ອນຮັບ ແລະ ກ່າວເປີດກອງປະຊູມຢ່າງເປັນທາງການ, ຈາກນັ້ນ ທ່ານ ສາຄອນ ຍໍພັນໄຊ, ຜູ້ອໍານວຍການ ທຄຮ ກໍໄດ້ດໍາເນີນວາລະກອງປະຊຸມ ເຊິ່ງລວມມີ 10 ວາລະ ດັ່ງນີ້:
- ວາລະທີ 1: ພິຈາລະນາ ແລະ ຮັບຮອງເອົາ ບົດບັນທຶກກອງປະຊຸມສາມັນຜູ້ຖືຮຸ້ນ ປະຈໍາປີ 2024;
- ວາລະທີ 2: ພິຈາລະນາ ແລະ ຮັບຮອງເອົາ ແຜນເພີ່ມທຶນຈົດທະບຽນ ໂດຍການນໍາໃຊ້ສ່ວນເພີ່ມມູນຄ່າຮຸ້ນ (Share Premium) ເພື່ອອອກຮຸ້ນລາງວັນ (Bonus Issue) ໃຫ້ແກ່ຜຸ້ຖືຮຸ້ນເດີມ;
- ວາລະທີ 3: ພິຈາລະນາ ແລະ ຮັບຮອງເອົາ ຜົນການດໍາເນີນງານ ແລະ ບົດລາຍງານຖານະການເງິນ ປະຈໍາປີ 2025;
- ວາລະທີ 4: ພິຈາະນາ ແລະ ຮັບຮອງເອົາ ແຜນການດໍາເນີນທຸລະກິດ ປີ 2026;
- ວາລະທີ 5: ພິຈາລະນາ ແລະ ຮັບຮອງເອົາ ການລົງທຶນໃນກອງທຶນສ່ວນບຸກຄົນ;
- ວາລະທີ 6: ພິຈາລະນາ ແລະ ຮັບຮອງເອົາ ການຮ່ວມທຶນສ້າງຕັ້ງບໍລິສັດລາວ ບໍລິຫານຊັບສິນ ຈໍາກັດ (Lao Asset Management Company);
- ວາລະທີ 7: ພິຈາລະນາ ແລະ ຮັບຮອງເອົາ ແຜນການຈ່າຍເງິນປັນຜົນ ປະຈໍາປີ 2025 ຂອງ ທຄຮ;
- ວາລະທີ 8: ພິຈາລະນາ ແລະ ຮັບຮອງເອົາ ການແຕ່ງຕັ້ງບໍລິສັດກວດສອບບັນຊີພາຍນອກ ປີ 2026;
- ວາລະທີ 9: ພິຈາລະນາ ແລະ ຮັບຮອງເອົາ ການປັບປຸງໂຄງຮ່າງການຈັດຕັ້ງ ຂອງ ທຄຮ;
- ວາລະທີ 10: ພິຈາລະນາ ແລະ ຮັບຮອງເອົາ ກົດລະບຽບຂອງ ທຄຮ (ສະບັບປັບປຸງ).
ກອງປະຊຸມໄດ້ດໍາເນີນວາລະຢ່າງຄົບຖ້ວນ ຊຶ່ງໄດ້ພິຈາລະນາ ແລະ ຮັບຮອງເອົາ ທັງໝົດ 10 ວາລະ ແລະ ກອງປະຊຸມ ໄດ້ມີມະຕິຮັບຮອງດ້ວຍຄະແນນສຽງສ່ວນຫຼາຍຂອງຜູ້ຖືຮຸ້ນທີ່ເຂົ້າຮ່ວມ. ໃນນັ້ນ, ກອງປະຊຸມໄດ້ຮັບຮອງເອົາແຜນການ ຈ່າຍເງິນປັນຜົນ ປະຈຳປີ 2025 ຂອງ ທຄຮ ຄື: ຈ່າຍເງິນປັນຜົນ 800 ກີບ/ຮຸ້ນ, ລວມມູນຄ່າເງິນປັນຜົນທັງໝົດ 600,000,000,000 ກີບ ໂດຍໄດ້ກໍານົດມື້ຈ່າຍເງິນປັນຜົນ ແມ່ນວັນທີ 25 ພຶດສະພາ 2026.
ໃນຕອນທ້າຍຂອງກອງປະຊຸມ, ທ່ານ ວິໄລ ສີພະພອນ, ປະທານສະພາບໍລິຫານ ທຄຮ ກໍໄດ້ກ່າວປິດກອງປະຊຸມຢ່າງເປັນ ທາງການ, ພ້ອມທັງໄດ້ອວຍໄຊໃຫ້ພອນແດ່ຜູ້ເຂົ້າຮ່ວມກອງປະຊຸມຈົ່ງມີສຸຂະພາບແຂງແຮງ, ປະສົບຜົນສໍາເລັດໃນທຸລະກິດ ຂອງຕົນ ໃຫ້ມີການຂະຫຍາຍຕົວຍິ່ງໆຂຶ້ນໄປ ຕາມຄໍາຂວັນຂອງທະນາຄານຮ່ວມພັດທະນາ ມະຫາຊົນ ກໍຄື “ເຕີບໃຫຍ່ໄປພ້ອມກັນ”.

09/04/2026

👏🤝👍ບໍລິສັດ Pinim Pro

04/04/2026

ຄະນະສະເພາະກິດ! ກົມມາດຕະຖານ ແລະ ວັດແທກ ກວດພົບໂຮງງານຜະລິດນໍ້າມັນເຊື້ອໄຟ ທີ່ບໍ່ໄດ້ຄຸນນະພາບ ແລະ ປະລິມານການຜະລິດທີ່ນໍາເຂົ້າດ້ວຍສານມາກເກີ, ພ້ອມທັງພົບຄ່າຊັນເຟີສູງ 1.331PPM ເກີນມາດຕະຖານທີ່ກໍານົດ.
------------------------
ໄລຍະນີ້, ຂ່າວນໍ້າມັນເຊື້ອໄຟນັບວ່າເປັນປະເດັນຮ້ອນທີ່ສັ່ງຄົມໃຫ້ຄວາມສົນໃຈຫລາຍທີ່ສຸດ, ເນື່ອງຈາກ ການຄຸມເຂັ້ມຂອງເຈົ້າຫນ້າທີ່ໃນການຕິດຕາມ-ກວດກາເປັນປົກກະຕິ ແລະ ຕໍ່ເນື່ອງ. ຫລ້າສຸດ, ໃນຕອນ ເຊົ້າວັນທີ 4 ເມສາ 2026, ຄະນະຮັບຜິດຊອບຄຸ້ມຄອງຄຸນນະພາບນ້ຳມັນເຊື້ອໄຟ ພ້ອມດ້ວຍຫ້ອງ ກວດກາຄຸນນະພາບ ແລະ ຄຸ້ມຄອງບໍລິມາດນ້ຳມັນ (ກົມມາດຕະຖານ ແລະ ວັດແທກ) ໄດ້ລົງກວດກາ ໂຮງງານເປົ້າໝາຍແຫ່ງໜຶ່ງຢູ່ເຂດເສັ້ນທາງເລກທີ 13 ໃຕ້, ນະຄອນຫລວງວຽງຈັນ ທີ່ສົງໄສວ່າເປັນແຫຼ່ງ ຜະລິດນ້ຳມັນບໍ່ໄດ້ມາດຕະຖານ.
ຜ່ານກວດກາຕົວຈິງພົບວ່າ: ໂຮງງານດັ່ງກ່າວໄດ້ມີການຕິດຕັ້ງເຄື່ອງຈັກ ເພື່ອບົດຂີ້ເຫຍື່ອພລາສຕິກ ແລະ ກັ່ນນ້ຳມັນເຄື່ອງເກົ່າ ເພື່ອຜະລິດເປັນນ້ຳມັນເຊື້ອໄຟ ໂດຍບໍ່ມີໃບອະນຸຍາດດຳເນີນທຸລະກິດ, ບໍ່ໄດ້ຜ່ານ ການກວດກາຢັ້ງຢືນຄຸນນະພາບ ແລະ ບໍ່ໄດ້ເສຍພາສີ-ອາກອນຕາມລະບຽບກົດໝາຍ. ນອກນັ້ນ, ໃນສະຖານທີ່ດັ່ງກ່າວ ຍັງພົບນ້ຳມັນທີ່ຜະລິດສຳເລັດຮູບແລ້ວຈຳນວນຫຼວງຫຼາຍທີ່ກຽມຈະນຳໄປຈຳໜ່າຍ ຕາມປ້ຳນ້ຳມັນທົ່ວໄປ.
ຜ່ານການວິໄຈພົບວ່າ: ນ້ຳມັນດັ່ງກ່າວມີຄ່າຊັນເຟີ (Sulfur Content) ສູງເຖິງ 1,331 ppm. ຊຶ່ງເກີນ ມາດຕະຖານທີ່ກຳນົດໄວ້ຫຼາຍເທົ່າຕົວ. ຖ້າການນຳໃຊ້ນ້ຳມັນທີ່ມີຄ່າຊັນເຟີສູງ ຈະສົ່ງຜົນເສຍໂດຍກົງຕໍ່ເຄື່ອງຈັກ ເຊັ່ນ: ເຮັດໃຫ້ເຄື່ອງຈັກເປື້ອນໄວ, ອາໄຫຼ່ ແລະ ຊິ້ນສ່ວນຕ່າງໆຂອງເຄື່ອງຈັກຊຸດໂຊມໄວ, ເກີດມີຄວັນດຳຫຼາຍ ແລະ ອາຍຸການໃຊ້ງານຂອງເຄື່ອງຈັກສັ້ນລົງ.
ຕໍ່່ບັນຫາດດັ່ງກ່າວ, ເຈົ້າໜ້າທີ່ໄດ້ຢຶດຂອງກາງ ແລະ ດຳເນີນມາດຕະການຕາມລະບຽບການ. ພ້ອມນັ້ນ ກໍໄດ້ແຈ້ງເຕືອນມາຍັງພໍ່ແມ່ປະຊາຊົນ ແລະ ຜູ້ຊົມໃຊ້ ໃຫ້ມີສະຕິໃນການເລືອກຊື້ນ້ຳມັນ. ຫາກພົບເຫັນ ຄວາມຜິດປົກກະຕິ ຫຼື ສົງໄສແຫຼ່ງຜະລິດທີ່ບໍ່ຖືກຕ້ອງ ສາມາດແຈ້ງໄດ້ທີ່ ສາຍດ່ວນ: 1513.
ເຈົ້າຫນ້າທີ່ຊ່ຽວຊານດ້ານຄຸນນະພາບນໍ້າມັນເຊື້ອໄຟ ຍັງໃຫ້ຮູ້ຕື່ມວ່າ: ການກວດພົບໂຮງງານກັ່ນນ້ຳມັນ ຈາກຂີ້ເຫຍື່ອພລາສຕິກ ແລະ ນ້ຳມັນເຄື່ອງເກົ່າ ຢູ່ນະຄອນຫຼວງວຽງຈັນ ບໍ່ແມ່ນພຽງແຕ່ການ ລະເມີດກົດໝາຍທຸລະກິດທົ່ວໄປ, ແຕ່ມັນຄືການສ້າງສົ່ງຜົນກະທົບຕໍ່ເສດຖະກິດ ແລະ ສັງຄົມ ຢ່າງມະຫາສານ ເປັນຕົ້ນແມ່ນ:

1. ຜົນເສຍທາງດ້ານເສດຖະກິດ (Economic Impact):

- ລັດສູນເສຍລາຍຮັບ: ການລັກລອບຜະລິດ ແລະ ຈຳໜ່າຍໂດຍບໍ່ເສຍພາສີ-ອາກອນ ເຮັດໃຫ້ລັດຖະບານສູນເສຍງົບປະມານທີ່ຈະນຳມາພັດທະນາປະເທດຊາດ.
- ຄວາມເສຍຫາຍຕໍ່ຊັບສິນສ່ວນບຸກຄົນ ແລະ ວິສາຫະກິດ: ເມື່ອເຄື່ອງຈັກ, ລົດຂົນສົ່ງ ຫຼື ເຄື່ອງຈັກກະສິກຳເພພັງກ່ອນກຳນົດ ຍ້ອນນ້ຳມັນບໍ່ໄດ້ມາດຕະຖານ, ຜູ້ຊົມໃຊ້ຕ້ອງແບກຫາບຄ່າສ້ອມ ແປງທີ່ສູງຂຶ້ນ, ສົ່ງຜົນໃຫ້ຕົ້ນທຶນການຜະລິດ ແລະ ການຂົນສົ່ງເພີ່ມຂຶ້ນໂດຍບໍ່ຈຳເປັນ.
-ຜົນກະທົບຕໍ່ຕ່ອງໂສ້ການສະໜອງ: ປ້ຳນ້ຳມັນທີ່ຮັບຊື້ນ້ຳມັນເຖື່ອນມາຈຳໜ່າຍ ອາດຈະໄດ້ກຳໄລ ໄລຍະສັ້ນ, ແຕ່ໃນໄລຍະຍາວຈະເສຍຄວາມເຊື່ອໝັ້ນຈາກລູກຄ້າ ແລະ ອາດຖືກສັ່ງປິດກິດຈະການ.
2. ຜົນເສຍທາງດ້ານສັງຄົມ ແລະ ສິ່ງແວດລ້ອມ (Social & Environmental Impact):

-ມົນລະພິດທາງອາກາດ: ນ້ຳມັນທີ່ມີຄ່າຊັນເຟີ (Sulfur) ສູງເຖິງ 1,331 ppm (ເກີນມາດຕະຖານ ຫຼາຍເທົ່າຕົວ) ເມື່ອຖືກເຜົາໄໝ້ຈະປ່ອຍອາຍພິດ ແລະ ຄວັນດຳທີ່ເປັນອັນຕະລາຍຕໍ່ລະບົບຫາຍໃຈ ຂອງຄົນໃນສັງຄົມ ແລະ ກໍ່ໃຫ້ເກີດຝຸ່ນລະອອງ PM 2.5.
-ຄວາມປອດໄພ: ໂຮງງານກັ່ນນ້ຳມັນທີ່ບໍ່ໄດ້ມາດຕະຖານ ມັກຂາດລະບົບຄວາມປອດໄພ ແລະ ການປ້ອງກັນທີ່ຖືກຕ້ອງ, ເຊິ່ງມີຄວາມສ່ຽງສູງທີ່ຈະເກີດການລະເບີດ ຫຼື ໄຟໄໝ້ ລາມໄປເຖິງຊຸມຊົນ ໃກ້ຄຽງ.
3. ຜົນກະທົບຕໍ່ປະຊາຊົນ (Impact on Citizens):

-ຜູ້ບໍລິໂພກຄືຜູ້ຮັບເຄາະ: ປະຊາຊົນທີ່ເຕີມນ້ຳມັນໂດຍບໍ່ຮູ້ຕົວ ວ່າເປັນນ້ຳມັນເຖື່ອນ ຕ້ອງເສຍເງິນ ໃນລາຄາປົກກະຕິ ແຕ່ໄດ້ສິນຄ້າທີ່ທຳລາຍຊັບສິນ (ລົດ) ຂອງຕົນເອງ.
-ສຸຂະພາບ: ການສູດດົມຄວັນພິດຈາກການເຜົາໄໝ້ນ້ຳມັນທີ່ບໍ່ສະອາດໃນໄລຍະຍາວ ສົ່ງຜົນເສຍຕໍ່ ສຸຂະພາບຂອງທັງຜູ້ຂັບຂີ່ ແລະ ຜູ້ທີ່ອາໄສຢູ່ແຄມທາງ.
ທີ່ມາ: ຫ້ອງກວດສອບ ຄຸນນະພາບ ນຳ້ມັນເຊື້ອໄຟ ທົ່ວປະເທດ

03/04/2026

ຄະນະສະເພາະກິດ ກະຊວງ ອຄ ເຂັ້ມງວດ! ສະກັດກວດພົບ ແລະ ຍຶດນ້ຳມັນບໍ່ໄດ້ມາດຕະຖານ ຢູ່ແຂວງບໍລິຄຳໄຊ.............................................
ເພື່ອເປັນການຈັດຕັ້ງປະຕິບັດມາດຕະການຄຸ້ມຄອງພະລັງງານໃຫ້ມີຄວາມຊັດເຈນ ແລະ ໂປ່ງໃສ. ຫລ້າສຸດເມື່ອວັນທີ 3 ເມສາ 2026 ນີ້, ຫ້ອງກວດກາຄຸນນະພາບ ແລະ ຄຸ້ມຄອງບໍລິມາດນ້ຳມັນເຊື້ອໄຟ (ໂດຍການນຳໃຊ້ລະບົບສານມາກເກີ), ກະຊວງອຸດສະຫະກຳ ແລະ ການຄ້າ ໄດ້ສົມທົບກັບພາກສ່ວນກ່ຽວຂ້ອງລົງຕິດຕາມກວດກາເປົ້າໝາຍສົງໄສ, ຢູ່ເຂດເສັ້ນທາງນອກຕົວເມືອງ ແຂວງບໍລິຄຳໄຊ.
ລາຍລະອຽດການເຂົ້າສະກັດກັ້ນ:
**********
ຈາກການຕິດຕາມຢ່າງໃກ້ຊິດ, ເຈົ້າໜ້າທີ່ໄດ້ກວດພົບລົດບັນທຸກນ້ຳມັນເຊື້ອໄຟຄັນຫນຶ່ງ, ຊຶ່ງມີພຶດຕິກຳຂົນສົ່ງນ້ຳມັນໄພໂລໄລສິດ (Pyrolysis Oil) ເພື່ອນຳໄປຈຳໜ່າຍໃຫ້ແກ່ສັງຄົມ ໂດຍບໍ່ຜ່ານຂະບວນການກວດກາດ້ານຄຸນນະພາບຕາມລະບຽບກົດໝາຍ.
ດັ່ງນັ້ນ, ຄະນະສະເພາະກິດຈຶ່ງໄດ້ດຳເນີນການອາຍັດລົດບັນທຸກ ແລະ ນ້ຳມັນດັ່ງກ່າວໄວ້ເພື່ອເປັນຫຼັກຖານ ແລະ ດຳເນີນຄະດີຕາມຂັ້ນຕອນ.

#ຜົນການວິເຄາະທາງເຕັກນິກ ພົບວ່າ:
---------
ຄວາມສ່ຽງທີ່ໜ້າເປັນຫ່ວງ
ຈາກການນຳເອົາຕົວຢ່າງນ້ຳມັນໄປກວດສອບທາງຫ້ອງວິໄຈ ເພື່ອວັດແທກຄຸນນະພາບຕາມມາດຕະຖານແຫ່ງຊາດ ແລະ ສາກົນ, ຜົນປາກົດວ່ານ້ຳມັນດັ່ງກ່າວມີຄ່າຕົວເລກທີ່ "ບໍ່ຜ່ານມາດຕະຖານ" ຢ່າງຮຸນແຮງ ດັ່ງນີ້:
ຄ່າຈຸດວາບໄຟ (Flash Point): < 30°C (ມາດຕະຖານຄວາມປອດໄພແມ່ນຕ່ຳເກີນໄປ, ເຮັດໃຫ້ມີຄວາມສ່ຽງສູງຕໍ່ການເກີດອັກຄີໄພ ຫຼື ລະເບີດໃນຂະນະຂົນສົ່ງ ແລະ ນຳໃຊ້).
ສ່ວນປະລິມານສານມາດ (Sulfur Content): 1,331 ppm (ສູງກວ່າມາດຕະຖານຫຼາຍເທົ່າຕົວ, ສົ່ງຜົນເສຍຕໍ່ເຄື່ອງຈັກ ແລະ ສ້າງມົນລະພິດທາງອາກາດຢ່າງຮຸນແຮງ).
ຈຸດສໍາຄັນສຸດທ້າຍ (T90): > 360°C (ສະແດງເຖິງການເຜົາໄໝ້ທີ່ບໍ່ສົມບູນ, ເຮັດໃຫ້ເຄື່ອງຈັກເກີດຂີ້ໝ້ຽງ, ເປ່ເພໄວ ແລະ ຫຼຸດປະສິດທິພາບການເຮັດວຽກ).
ຜົນກະທົບຕໍ່ເສດຖະກິດ ແລະ ສັງຄົມ:
*********
ການປ່ອຍໃຫ້ນ້ຳມັນທີ່ບໍ່ໄດ້ມາດຕະຖານເຫຼົ່ານີ້ອອກສູ່ທ້ອງຕະຫຼາດ, ບໍ່ພຽງແຕ່ເປັນການເອົາປຽບຜູ້ບໍລິໂພກ ແລະ ສ້າງຄວາມເສຍຫາຍຕໍ່ພາຫະນະ-ເຄື່ອງຈັກການຜະລິດເທົ່ານັ້ນ, ແຕ່ຍັງສົ່ງຜົນກະທົບຕໍ່ລະບົບເສດຖະກິດມະຫາພາກ ໂດຍສະເພາະແມ່ນການສ້າງຄວາມບໍ່ເປັນທຳໃນການແຂ່ງຂັນທາງທຸລະກິດ ແລະ ການຈັດເກັບພັນທະເຂົ້າງົບປະມານແຫ່ງຊາດ.
ຫ້ອງກວດກາຄຸນນະພາບ ແລະ ຄຸ້ມຄອງບໍລິມາດນ້ຳມັນເຊື້ອໄຟ ໃຫ້ຄຳໝັ້ນສັນຍາວ່າ: ຈະເພີ່ມທະວີການກວດກາໃຫ້ເຂັ້ມງວດໃນທົ່ວປະເທດ ເພື່ອຮັບປະກັນໃຫ້ພະລັງງານທີ່ນຳໃຊ້ໃນ ສປປ ລາວມີຄຸນນະພາບສູງສຸດ.
ແຈ້ງເຕືອນເຖິງພໍ່ແມ່ປະຊາຊົນ ແລະ ຜູ້ປະກອບການ:
************
ຫາກພົບເຫັນຄວາມຜິດປົກກະຕິ ຫຼື ສົງໄສກ່ຽວກັບຄຸນນະພາບ ແລະ ບໍລິມາດນ້ຳມັນເຊື້ອໄຟ, ທ່ານສາມາດແຈ້ງສາຍດ່ວນ 1513 (ໂທຟຣີ ຕະຫຼອດ 24 ຊົ່ວໂມງ) ເພື່ອຮ່ວມກັນເປັນຫູເປັນຕາໃຫ້ແກ່ພາກລັດ.
ບົດສະຫຼຸບການຈັດຕັ້ງປະຕິບັດ:
ການເຄື່ອນໄຫວຂອງຫ້ອງກວດສອບຄຸນນະພາບນ້ຳມັນເຊື້ອໄຟ ບໍ່ໄດ້ເປັນພຽງວຽກງານເຕັກນິກສະເພາະດ້ານ, ແຕ່ແມ່ນກົນໄກຍຸດທະສາດທີ່ຕິດພັນກັບຄວາມໝັ້ນຄົງທາງເສດຖະກິດຂອງ ສປປ ລາວ.
ການຮັກສາມາດຕະຖານນ້ຳມັນ ໝາຍເຖິງການຮັກສາສະຖຽນລະພາບຂອງການຜະລິດ ແລະ ການຂົນສົ່ງ, ເຊິ່ງເປັນພື້ນຖານສຳຄັນໃນການຊຸກຍູ້ໃຫ້ GDP ຂອງປະເທດເຕີບໂຕຢ່າງຍືນຍົງໃນໄລຍະຍາວ.
---------
ແຫຼ່ງຂໍ້ມູນອ້າງອີງ: ຫ້ອງກວດສອບຄຸນນະພາບນ້ຳມັນເຊື້ອໄຟ, ກະຊວງອຸດສະຫະກຳ ແລະ ການຄ້າ.

03/04/2026

ກະຊວງປ້ອງກັນຄວາມສະຫງົບ ປະກາດເລື່ອນຊັ້ນໃຫ້ນາຍຕຳຫຼວດຂັ້ນສູງ
------------
ກະຊວງປ້ອງກັນຄວາມສະຫງົບ ໄດ້ຈັດພິທີປະກາດການແຕ່ງຕັ້ງ, ຍົກຍ້າຍ ແລະ ເລື່ອນຊັ້ນໃຫ້ນາຍຕຳຫຼວດຂັ້ນສູງ ຂອງກະຊວງປ້ອງກັນຄວາມສະຫງົບ ໃນວັນທີ 3 ເມສາ 2026 ທີ່ກະຊວງປ້ອງກັນຄວາມສະຫງົບ,ໃຫ້ກຽດເຂົ້າຮ່ວມໂດຍ ພົນເອກ ວິໄລ ຫຼ້າຄໍາຟອງ ກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ພົນໂທ ວັນທອງ ກອງມະນີ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ.
ໃນນີ້, ແຕ່ງຕັ້ງນາຍຕຳຫຼວດຂັ້ນສູງ ຈໍານວນ 5 ສະຫາຍ ຄື:
******************
- ສະຫາຍ ພົນຕີ ສຸລິນະ ແກ້ວປະເສິດ ເປັນຮອງລັດຖະມົນຕີ ທັງເປັນຫົວໜ້າກົມໃຫຍ່ການເມືອງປ້ອງກັນຄວາມສະຫງົບ,
- ສະຫາຍ ພົນຕີ ໜູຈອນ ກ້ອນທອງດຳ ເປັນຮອງລັດຖະມົນຕີ ກະຊວງປ້ອງ ກັນຄວາມສະຫງົບ
-ສະຫາຍ ພົນຈັດຕະວາ ກອງສະຫວັດ ບຸນລ້ຽງ ເປັນຮອງລັດຖະມົນຕີ ທັງເປັນຫົວໜ້າກົມໃຫຍ່ຕຳຫຼວດ,
-ສະຫາຍ ພົນຈັດຕະວາ ອານຸເດດ ຄູນຄຳ ເປັນຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ,
- ສະຫາຍ ພົນຈັດຕະວາ ອຸດົມ ສີສົງຄາມ ເປັນຫົວໜ້າກົມໃຫຍ່ພະລາທິການ ກະຊວງປ້ອງ ກັນຄວາມສະຫງົບ.

ປະກາດມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງຮອງເລຂາຄະນະພັກ,ປະທານຄະນະກວດກາພັກ, ກຳມະການປະຈຳພັກ, ກຳມະການຄະນະບໍລິຫານງານພັກ ກະຊວງປ້ອງກັນຄວາມສະຫງົບ ຄື:
************
-ບົ່ງຕົວແຕ່ງຕັ້ງ ສະຫາຍ ພົນຈັດຕະວາ ຄອນສະຫວັນ ສົມພາໄຊ ກຳມະການສູນກາງພັກ ເປັນຮອງເລຂາຄະນະບໍລິຫານງານພັກກະຊວງປ້ອງ ກັນຄວາມສະຫງົບ
-ສະຫາຍ ພົນຈັດຕະວາ ແອນ ອຸ່ນອາ ນົງນຸດ ເປັນປະທານຄະນະກວດກາພັກ
-ສະຫາຍ ພົນຈັດ ຕະວາ ອານຸເດດ ຄູນຄໍາ, ສະຫາຍ ພົນຈັດຕະວາ ອຸດົມ ສີສົງຄາມ, ສະຫາຍ ພົນຈັດຕະວາ ສາຍສະໜິງ ສີວິໄລ ແລະ ສະຫາຍ ພົນຈັດຕະວາ ສາລີ ພຸດທະວົງ ເປັນກຳມະການຄະນະບໍລິຫານງານພັກກະຊວງປ້ອງກັນຄວາມສະຫງົບ.

ຈາກນັ້ນ,ກໍໄດ້ປະກາດເລື່ອນຊັ້ນໃຫ້ນາຍຕຳຫຼວດຂັ້ນສູງ ປະກອບມີ: ເລື່ອນຊັ້ນ ພົນຈັດຕະວາ ຂຶ້ນ ພົນຕີ ຈຳ ນວນ 3 ສະຫາຍ ຄື:
************
1. ສະຫາຍ ພົນຕີ ຄອນສະຫວັນ ສົມພາໄຊ ຮອງລັດຖະມົນຕີ ກະ ຊວງປ້ອງກັນຄວາມສະຫງົບ
2. ສະຫາຍ ພົນຕີ ແອນ ອຸ່ນອານົງນຸດ ຮອງລັດຖະມົນຕີ ຫົວໜ້າກົມໃຫຍ່ສັນຕິບານ
3. ສະຫາຍ ພົນຕີ ກອງສະຫວັດ ບຸນລ້ຽງ ຮອງລັດຖະມົນຕີ ຫົວ ໜ້າກົມໃຫຍ່ຕຳຫຼວດ.*********
ພ້ອມກັນນີ້, ກໍໄດ້ປະກາດເລື່ອນຊັ້ນ ພັນເອກ ຂຶ້ນ ພົນຈັດຕະວາ ຈຳນວນ 15 ສະຫາຍ ຄື:
**************
1. ສະຫາຍ ພົນຈັດຕະວາ ເພີນຄຳ ແສງດາລາ ຮອງຫົວໜ້າກົມໃຫຍ່ການເມືອງ.
2. ສະຫາຍ ພົນຈັດຕະວາ ປອ ວຽງໄຊ ທຳມະສິດ ຮອງຫົວໜ້າກົມໃຫຍ່ການເມືອງ.
3. ສະຫາຍ ພົນຈັດຕະວາ ບຸນຫຼວງ ວິໄລສຸກ ຮອງຫົວໜ້າກົມໃຫຍ່ຕຳຫຼວດ.
4. ສະຫາຍ ພົນຈັດຕະວາ ສົມເພັດ ເພົ້າວົງດີ ຮອງຫົວໜ້າກົມໃຫຍ່ຕຳຫຼວດ.
5. ສະຫາຍ ພົນຈັດຕະວາ ຄຳໄພ ຄຳພາວົງສ໌ ຮອງຫົວໜ້າກົມໃຫຍ່ສັນຕິບານ.
6. ສະຫາຍ ພົນຈັດຕະວາ ພັນ ວົງພະໄຕ ຮອງຫົວໜ້າກົມໃຫຍ່ສັນ ຕິບານ.
7. ສະຫາຍ ພົນຈັດຕະວາ ສຸພັນທອງ ໄຄ້ຍະວົງ ຫົວໜ້າກົມກວດກາ-ກວດການ.
8. ສະຫາຍ ພົນຈັດຕະວາ ບຸນທົງ ສີດາວົງ ຫົວໜ້າກອງບັນຊາການປ້ອງກັນສູນກາງ.
9. ສະຫາຍ ພົນຈັດຕະວາ ດວງຈັນ ໄຊວຸດ ຫົວໜ້າກອງບັນຊາການ ປກສ ແຂວງອຸດົມໄຊ.
10. ສະຫາຍ ພົນຈັດຕະວາ ຄຳສິນ ຜິວວັນນາ ຫົວໜ້າກອງບັນຊາ ການ ປກສ ແຂວງໄຊຍະບູລີ.
11. ສະຫາຍ ພົນຈັດຕະວາ ອຸໄດ ອິນສຸວັນ ຫົວໜ້າກອງບັນຊາ ການ ປກສ ແຂວງໄຊສົມບູນ.
12. ສະຫາຍ ພົນຈັດຕະວາ ຈັນໄຊ ນັນທະວົງ ຫົວໜ້າກອງບັນຊາ ການ ປກສ ແຂວງຄຳມ່ວນ.
13. ສະຫາຍ ພົນຈັດຕະວາ ລຳພົງ ໄຊທອງ ຫົວໜ້າກອງບັນຊາ ການ ປກສ ແຂວງສະຫວັນນະເຂດ.
14.ສະຫາຍ ພົນຈັດຕະວາ ບຸນອ່ຽງ ພັນວົງສາ ຫົວໜ້າກອງບັນ ຊາການ ປກສ ແຂວງຈຳປາສັກ.
15. ສະຫາຍ ພົນຈັດຕະວາ ສັກສິດ ສີພັນດວງ ຫົວໜ້າກອງບັນ ຊາການ ປກສ ແຂວງອັດຕະປື.
ນອກນັ້ນ, ຍັງປະກາດຍົກຍ້າຍ ພະນັກງານການນໍາຊັ້ນສູງ ໄປຮັບໜ້າທີ່ໃໝ່ ຄື: ພົຈວ ປອ ຄຳແຟງ ວັນດີໄຊ ຫົວໜ້າກົມຄົ້ນວິທະຍາສາດ ແລະ ປະຫວັດສາດ ກະຊວງປ້ອງກັນຄວາມສະຫງົບ ໄປຮັບໜ້າທີ່ໃໝ່ຢູ່ ສະພາແຫ່ງ ຊາດ.
ທີ່ມາ:ຄວາມສະຫງົບ Lao Security News

31/03/2026

ລັດຖະບານ ຊຸດທີ X "ເດັດດ່ຽວແກ້ໄຂສະພາບເວົ້າຫຼາຍເຮັດໜ້ອຍ" ມຸ່ງໜ້າຮັບໃຊ້ປະຊາຊົນ
.............

ເພື່ອຈັດຕັ້ງຜັນຂະຫຍາຍມະຕິກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ວ່າດ້ວຍການຮັບຮອງເອົາການເລືອກຕັ້ງນາຍົກລັດຖະມົນຕີ, ໂຄງປະກອບກົງຈັກລັດຖະບານ, ການແຕ່ງຕັ້ງຮອງນາຍົກລັດຖະມົນຕີ ແລະ ສະມາຊິກລັດຖະບານ, ໃນຕອນເຊົ້າ ວັນທີ 30 ມີນານີ້, ທີ່ສໍານັກງານນາຍົກລັດຖະມົນຕີ ໄດ້ເປີດກອງປະຊຸມຄັ້ງປະຖົມມະລືກ ຂອງຄະນະລັດຖະບານ ຊຸດທີ X ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມຢ່າງຄົບຖ້ວນ.

ກອງປະຊຸມຄັ້ງນີ້, ດໍາເນີນເປັນເວລາ 1 ວັນເຄິ່ງ ໂດຍຈະໄດ້ພ້ອມກັນຄົ້ນຄວ້າ, ປຶກສາຫາລື, ປະກອບຄຳເຫັນ ແລະ ພິຈາລະນາ ຕໍ່ບັນດາຫົວຂໍ້ທີ່ສໍາຄັນ ຄື:

ຮ່າງແຜນດໍາເນີນງານຂອງລັດຖະບານຊຸດທີ X (2026-2030);

ຮ່າງລະບຽບການ ແລະ ກົນໄກການເຮັດວຽກຂອງລັດຖະບານຊຸດທີ X;

ຮ່າງຂໍ້ຕົກລົງ ວ່າດ້ວຍແບ່ງຄວາມຮັບຜິດຊອບ ຂອງທ່ານນາຍົກ-ຮອງນາຍົກລັດຖະມົນຕີ;

ຮ່າງຂໍ້ຕົກລົງແບ່ງຄວາມຮັບຜິດຊອບໃຫ້ບັນດາກະຊວງ, ອົງການລັດທຽບເທົ່າກະຊວງລົງຊ່ວຍນະຄອນຫຼວງວຽງຈັນ ແລະ ບັນດາແຂວງທົ່ວປະເທດ;

ບັນຊີໂຄງການລະດັບຊາດໄລຍະ 5 ປີ (2026-2030) ທີ່ດຶງດູດການລົງທຶນຈາກພາກເອກະຊົນ;

ແຜນຜັນຂະຫຍາຍການປະຕິບັດນະໂຍບາຍ ແລະ ມາດຕະການສົ່ງເສີມລົດໄຟຟ້າ (EV) ກໍຄືການນໍາໃຊ້ພະລັງງານທາງເລືອກອື່ນໆຢູ່ ສປປ ລາວ;

ບັນຊີໂຄງການລະດັບຊາດທີ່ເປັນການລົງທຶນຂອງລັດ.

ກອງປະຊຸມ ໄດ້ເປີດຂຶ້ນໃນທ່າມກາງບັນຍາກາດ ທີ່ສະພາບແວດລ້ອມພາກພື້ນ ແລະ ສາກົນຍັງສືບຕໍ່ຜັນແປຢ່າງສັບສົນໂດຍສະເພາະຂໍ້ຂັດແຍ່ງຂອງບັນດາປະເທດໃຫຍ່ ແລະ ບັນດາປະເທດຕາເວັນອອກກາງ ເຮັດໃຫ້ມີຜົນກະທົບໂດຍກົງຕໍ່ການສະໜອງ ແລະ ລາຄານໍ້າມັນເຊື້ອໄຟຂອງປະເທດເຮົາ, ຊຶ່ງໝາຍຄວາມວ່າ ລັດຖະບານ ຊຸດທີ X ໄດ້ເລີ່ມຕົ້ນການປະຕິບັດໜ້າທີ່ ໃນສະພາບແວດລ້ອມທີ່ເຄັ່ງຮ້ອນ ແລະ ສິ່ງທ້າທາຍຫຼາຍດ້ານ ເປັນຕົ້ນ: ຄວາມໝັ້ນຄົງທາງດ້ານພະລັງງານ; ການຫັນເປັນດີຈີຕອນ ແລະ ຊັບພະຍາກອນມະນຸດ; ການບໍລິຫານ ແລະ ກົນໄກຈຳນວນໜຶ່ງ ທີ່ຍັງອຸດຕັນການຈັດຕັ້ງປະຕິບັດແນວ ທາງຂອງພັກ-ລັດ ກໍຄືບັນດາມະຕິ, ຄໍາສັ່ງ ແລະ ແຈ້ງການຂອງລັດຖະບານ ບໍ່ມີປະສິດທິຜົນເທົ່າທີ່ຄວນ; ໄພພິບັດທໍາມະຊາດ ແລະ ການປ່ຽນແປງຂອງສະພາບດິນຟ້າອາກາດ ແລະ ອື່ນໆ. ດ້ວຍເຫດນັ້ນ ສະມາຊິກລັດຖະບານ ຊຸດທີ X ຕ້ອງໄດ້ຮ່ວມແຮງຮ່ວມໃຈກັນປະຕິບັດໜ້າທີ່ ໃນພາລະກິດທີ່ຖືກມອບໝາຍຈາກປະຊາຊົນລາວບັນດາເຜົ່າ ໂດຍປະຕິບັດຕາມທິດຊີ້ນໍາ ຂອງສະຫາຍ ເລຂາທິການໃຫຍ່ ຄື: ສ້າງລັດຖະບານຊຸດທີ X ຫັນເຂົ້າສູ່ “ການເວົ້າໃຫ້ໄປສູ່ການກະທໍາຕົວຈິງ”, ຕ້ອງເດັດດ່ຽວແກ້ໄຂສະພາບ “ເວົ້າຫຼາຍເຮັດໜ້ອຍ ຫຼື ບໍ່ເຮັດ, ເວົ້າມີວາທະສິນຈົບງາມ, ເປັນຕາຟັງ ແຕ່ເຮັດຫຍັງບໍ່ໄດ້ ຫຼື ບໍ່ໄດ້ເຮັດຫຍັງອອກມາໃຫ້ເປັນຜົນໄດ້ຮັບ ຫຼື ເກີດຜົນທີ່ສາມາດຈັບຕ້ອງໄດ້...”; ເປັນເຈົ້າການຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ X ແລະ ບັນດາມະຕິຂອງສະພາແຫ່ງຊາດ ວາງອອກດ້ວຍຄວາມຮັບຜິດຊອບສູງ.

ໃນໂອກາດດັ່ງກ່າວ, ທ່ານ ນາຍົກລັດຖະມົນຕີ ຮຽກຮ້ອງມາຍັງບັນດາທ່ານສະມາຊິກລັດຖະບານ ຈົ່ງໄດ້ພ້ອມກັນເອົາໃຈໃສ່ຄົ້ນຄວ້າ ແລະ ປະກອບຄໍາເຫັນຢ່າງເລິກເຊິ່ງ ແທດກັບສະພາບຄວາມເປັນຈິງ ຂອງແຕ່ລະບັນຫາ ດ້ວຍການສະເໜີທັດສະນະຢ່າງກົງໄປກົງມາ, ກະທັດຮັດ, ມີຈຸດສຸມ ເພື່ອເຮັດໃຫ້ກອງປະຊຸມຄັ້ງນີ້ ບັນລຸຕາມຄາດໝາຍທີ່ວາງໄວ້. ພິເສດ ກອງປະຊຸມຄັ້ງນີ້ ຍັງຈະໄດ້ຮັບຟັງການໂອ້ລົມ ຈາກສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ເພື່ອເປັນເຂັມຊີ້ທິດເຍືອງທາງ, ເປັນກໍາລັງໃຈ ໃຫ້ແກ່ລັດຖະບານຊຸດໃໝ່.

(ຂ່າວ-ພາບ: ກົມປະຊາສຳພັນ ຫສນຍ)

31/03/2026

ແຂວງຈຳປາສັກ ປະກາດສ້າງຕັ້ງ "ຕາແສງ" ສຳເລັດ 100% ທົ່ວແຂວງ ລວມທັງໝົດ 46 ແຫ່ງ!
________________________________________
ຖືເປັນບາດກ້າວທີ່ສຳຄັນໃນການປັບປຸງກົນໄກການບໍລິຫານລັດໃຫ້ໃກ້ຊິດກັບປະຊາຊົນຫຼາຍຂຶ້ນ. ໃນທ້າຍເດືອນມີນາ 2026 ນີ້, ແຂວງຈຳປາສັກ ໄດ້ປະກາດສ້າງຕັ້ງຕາແສງຢ່າງເປັນທາງການສຳເລັດແລ້ວ 100% ໃນທົ່ວແຂວງ ເຊິ່ງລວມມີທັງໝົດ 46 ຕາແສງ ຄອບຄຸມທັງ 9 ເມືອງ ແລະ 1 ນະຄອນ.
ລາຍຊື່ 46 ຕາແສງ ທີ່ປະກາດສ້າງຕັ້ງສຳເລັດມີດັ່ງນີ້:
1 ຕາແສງສະໜາມໄຊ
2 ຕາແສງເກົ່າເກິ່ງ
3 ຕາແສງປາກຊ່ອງ
4 ຕາແສງດອນຕະຫຼາດ
5 ຕາແສງກະດັນ
6 ຕາແສງໜອງແຕ້
7 ຕາແສງຄອນ
8 ຕາແສງສຸຂຸມາ
9 ຕາແສງປະທຸມພອນ
10 ຕາແສງໜອງຜຳ
11 ຕາແສງຫາດຊາຍຄູນ
12 ຕາແສງເວີນ
13 ຕາແສງໜອງວຽນ
14 ຕາແສງເຊນ້ຳນ້ອຍ
15 ຕາແສງດອນໂຂງ
16 ຕາແສງອຸທຸມ
17 ຕາແສງມ່ວງ
18 ຕາແສງອຸດົມສິນ
19 ຕາແສງຈຳປາສັກ
20 ຕາແສງຂະເໝົາ
21 ຕາແສງສະຜ່າຍ
22 ຕາແສງນາດີ
23 ຕາແສງອີ່ຕູ້
24 ຕາແສງບຸ່ນ
25 ຕາແສງວັງເວີນ
26 ຕາແສງປາກເຊ
27 ຕາແສງທ່ຽງສຳພັນ
28 ຕາແສງໜອງໃສ
29 ຕາແສງນ້ຳອ້ອມ
30 ຕາແສງກອງຕູນ
31 ຕາແສງໂຊກອຳນວຍ
32 ຕາແສງຫົວແຊ
33 ຕາແສງບຸ່ງຄ້າ
34 ຕາແສງໂພນທອງ
35 ຕາແສງພະໂພ
36 ຕາແສງຄັນເກີງ
37 ຕາແສງໜອງດູ່
38 ຕາແສງດົງຍາງ
39 ຕາແສງໜອງງາ
40 ຕາແສງກະດັນ
41 ຕາແສງສາມປາງ
42 ຕາແສງແກ້ງເກີຍ
43 ຕາແສງສັກເມືອງ
44 ຕາແສງກຸດຈິກ
45 ຕາແສງສຳຫຼຽງ
46 ຕາແສງຫ້ວຍແຮ່
ຂໍສະແດງຄວາມຍິນດີ ແລະ ຊົມເຊີຍຕໍ່ຜົນສຳເລັດໃນການຈັດຕັ້ງປະຕິບັດວຽກງານຄັ້ງນີ້ ເພື່ອເປັນການຍົກລະດັບການບໍລິການພໍ່ແມ່ປະຊາຊົນໃຫ້ມີຄວາມສະດວກ ແລະ ວ່ອງໄວກວ່າເກົ່າ.
📌 ຝາກກົດ Like, ກົດ Share ເພື່ອສົ່ງຕໍ່ຂໍ້ມູນຂ່າວສານດີໆ ໃຫ້ສັງຄົມໄດ້ຮັບຊາບນຳກັນ!
#ແຂວງຈຳປາສັກ #ສ້າງຕັ້ງຕາແສງ
#ໜັງສືພິມຈຳປາໃໝ່
🙏 ຂໍຂອບໃຈທຸກທ່ານທີ່ຕິດຕາມຂ່າວສານ. ຝາກກົດ ແຊຣ໌ ເພື່ອສົ່ງຕໍ່ຂໍ້ມູນດີໆໃຫ້ສັງຄົມໄດ້ຮັບຊາບນຳກັນ.
__________________________
#ໜັງສືພິມຈຳປາໃໝ່
: ມົນທຽນ ໄຊຍະສິດ

31/03/2026

ອັດຕາເງິນເຟີ້ໃນເດືອນມີນາ 2026 ໄດ້ດີດຕົວຂຶ້ນເກືອບຕົວເລກ ຢູ່ທີ່ 9.7% ເຊີ່ງເປັນອັດຕາສູງສຸດໃນຮອບເກືອບໜື່ງປີ (ນັບຈາກເດືອນເມສາ ຢູ່ທີ 11,1%)

3 ໝວດສິນຄ້າທີ່ລາຄາເພີ່ມຂຶ້ນສູງສຸດ (ປີຕໍ່ປີ):

1. ໝວດສິນຄ້າ ແລະ ບໍລິການອື່ນໆ: ເພີ່ມຂຶ້ນສູງເຖິງ 39.8% (ຕົ້ນຕໍແມ່ນມາຈາກລາຄາຄໍາຮູບປະພັນທີ່ເພີ່ມຂຶ້ນເຖິງ 77.7%).

2. ໝວດຄົມມະນາຄົມ ແລະ ຂົນສົ່ງ: ເພີ່ມຂຶ້ນ 18.1%.

3. ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ: ເພີ່ມຂຶ້ນ 17.2%.

ປັດໄຈສຳຄັນທີ່ເຮັດໃຫ້ເງິນເຟີ້ເດືອນນີ້ເພີ່ມສູງ ແມ່ນມາຈາກ ລາຄານໍ້າມັນ ເປັນຫຼັກ.

• ຜົນກະທົບຈາກຕ່າງປະເທດ: ສະພາບຄວາມບໍ່ສະຫງົບຢູ່ຕາເວັນອອກກາງ ສົ່ງຜົນໃຫ້ລາຄານໍ້າມັນດິບໃນຕະຫຼາດໂລກປັບຕົວສູງຂຶ້ນ.

• ລາຄານໍ້າມັນພາຍໃນ: ພຽງແຕ່ໄລຍະວັນທີ 1-24 ມີນາ, ມີການປັບລາຄານໍ້າມັນເຊື້ອໄຟເຖິງ 8 ຄັ້ງ. ໃນນັ້ນ ນໍ້າມັນກະຊວນເພີ່ມຂຶ້ນເຖິງ 110.6% ແລະ ແອັດຊັງທຳມະດາເພີ່ມຂຶ້ນ 80.2% ເມື່ອທຽບກັບທ້າຍເດືອນກຸມພາ.

ຜົນກະທົບຕໍ່ຄ່າຄອງຊີບ:

ເມື່ອນໍ້າມັນແພງ, ຄ່າຂົນສົ່ງກໍແພງຕາມ! ເຮັດໃຫ້ລາຄາປີ້ຍົນ ແລະ ປີ້ລົດເມຕຽງນອນ ກໍມີການປັບລາຄາຂຶ້ນ. ນອກຈາກນີ້ ລາຄາສິນຄ້າຫຼາຍລາຍການກໍ່ມີການປັບລາຄາເພີ່ມຂື້ນຕາມ.

ແຕ່ເຖິງວ່າລາຄາສິນຄ້າຈະເພີ່ມຂຶ້ນ, ແຕ່ສະເຖຍລະພາບຂອງ ຄ່າເງິນກີບ ໃນປະຈຸບັນຍັງຖືວ່າປ່ຽນແປງພຽງເລັກນ້ອຍ ເມື່ອທຽບກັບເງິນໂດລາ ແລະ ເງິນບາດ ເຊິ່ງຊ່ວຍຫຼຸດຜ່ອນແຮງກົດດັນຈາກສິນຄ້ານຳເຂົ້າໄດ້ບາງສ່ວນ

ພ້ອມນັ້ນ, ການກຳນົດອັດຕາເງິນເຟີ້ໃນປີນີ້ບໍ່ໃຫ້ເກີນໜື່ງຕົວເລກ (ຕໍ່າກວ່າ 10%) ແມ່ນມີຄວາມທ້າທາຍພໍສົມຄວາມຄວນ ເພາະສະຖານະການເສດຖະກິດຍັງບໍ່ມີຄວາມແນ່ນອນສູງ ໂດຍສະເພາະລາຄານໍ້າມັນເຊິ່ງເປັນຕົ້ນທຶນຫຼັກໃນການຂັບເຄື່ອນເສດຖະກິດ

31/03/2026

👏👏👏

SME Review

02/06/2026

06/05/2026

09/04/2026

04/04/2026

03/04/2026

03/04/2026

31/03/2026

31/03/2026

31/03/2026

31/03/2026

Address

Telephone

Website

Alerts

Shortcuts

Share

Category