15/08/2026
تعليقاً على كل الكلام الذي قيل وكتب بخصوص مهرجانات عيد السيدة، نسأل:
شو يللي صار؟
مين لعب بالإعدادات (Settings) حتى صار عيد رقاد والدة الإله عبارة عن سهرات بفقرا، فاريا، كفرذبيان، وغيرهم؟
سهرات للساعة ٧ أو ٨ الصبح أكيد ما بيشبهوا العيد.
أي جيل ينمو ويكبر؟
صارو يشترو البطاقات ب ٢٠٠$ و ٣٠٠$ ويطلعوا يسهروا ويرقصوا ويسكروا للصبح.
ما تفهموني غلط، أنا مش ضد السهر والفرح والرقص بس ضد نربط "بمناسبة عيد السيدة" سهرة مع ال دي جي فلان أو سهرة مع الفنان فلان.
في شهر آب تقام مهرجانات متنوعة في مختلف المناطق . أكيد مش غلط.. ولكن لا تربطوا عيد السيدة بهذه المهرجانات.
كل عيد والجميع بخير.
