Aztag Daily

15/08/2026

Դ. Դասակարգի Ախոյեանութիւն. Այսօր` ՀՄԸՄ Պէյրութ – Տինամօ Պէյրութ
Այսօր յետմիջօրէի ժամը 15:00-ին, Անսարի դաշտին վրայ, ՀՄԸՄ Պէյրութ շատ կարեւոր մրցում մը ունի կատարելիք Տինամօ Պէյրութի դէմ, Պէյրութի շրջանի կիսաւարտականին գծով:

Դ. դասակարգի մրցումներու ծիրին մէջ, ՀՄԸՄ Պէյրութ, որ իր երեք մրցումներուն ալ կրցած է յաղթել` 15 կոլ նշանակելով եւ ստանալով միայն 1 կոլ, պիտի փորձէ իր 4-րդ յաղթանակը արձանագրել` հասնելով Պէյրութի շրջանի աւարտականին: Խումբը շատ լաւ խմբային խաղ կը կիրարկէ, Օմար Հուսարի, Իսա Օսման եւ Հայտար Հայտար յարձակողական եռեակը փայլուն ելոյթներ կ՛ունենան:

Հուսարի 7 էսիսթ ձեռք ձգած է 5 կոլերու կողքին, մինչ Հայտար Հայտար իր կարգին 5 կոլ նշանակած է: Օսման 3 կոլ եւ 4 էսիսթ կատարած է: Այս եռեակին ետին խմբապետ Աւագ Պալապանեան եւ ձախ կողմէն Կի Խանճեան, ինչպէս նաեւ պահեստի մարզիկներէն Մարք Հաժ Անդրանիկի դէմ (վերջին մրցումին) բարձր մակարդակ ցուցաբերեցին, եւ կը սպասուի, որ այսօր ալ պատրաստ ըլլան որքան ժամանակ որ մասնակցին:

Պէտք է մարզիկները իրենց առաւելագոյնը տան` անպայման յաղթանակ կերտելու համար: Կիսաւարտականի միւս մրցումը իրար դէմ պիտի հանէ Անդրանիկն ու Շեպիպեթ Մազրաան, որուն անունով կը մասնակցի Պի. Էֆ. Էյ. ակադեմիան:

ՀՄԸՄ-ի համակիրներէն կը սպասուի մեծ թիւերով ներկայ գտնուիլ դաշտ` քաջալերելու համար տղաքը, որոնց մեծ մասը տակաւին երիտասարդ է եւ կարիքը ունի քաջալերանքի:

Այսօր յետմիջօրէի ժամը 15:00-ին, Անսարի դաշտին վրայ, ՀՄԸՄ Պէյրութ շատ կարեւոր մրցում մը ունի կատարելիք Տինամօ Պէյրութի դէմ, Պէյրութի շրջանի

14/08/2026

Օսմանեան Դրամատան Գրաւման 130-Ամեակ. Պանք Օթոմանը` Հայ Ազատագրական Պայքարի Վճռականութեան Խորհրդանիշ
Պանք Օթոմանի գրաւումը Հայ յեղափոխական դաշնակցութեան ցուցական առաջին վճռական գործողութիւնն էր, որ դարձաւ ազգային ազատագրական պայքարի վճռականութեան խորհրդանիշ եւ գերագոյն անձնազոհութեան բացառիկ օրինակ:

Հայկական գաւառներուն մէջ օսմանեան պետութեան քաղաքական հայահալած քաղաքականութիւնը եւ հայութեան անլուր տառապանքները ծանրագոյն աստիճանի հասած էին:

Հայութեան նկատմամբ կիրարկուող պետական ջարդարարական քաղաքականութեան դէմ զինուած դիմադրութիւնը հետզհետէ կազմակերպուած բնոյթ ստացաւ:

Սուլթան Համիտի կառավարութիւնը հայերու ազատագրական շարժումը ճնշելու եւ Հայկական հարցին վերջ տալու նպատակով 1895-1896-ին 300 հազար հայեր կոտորեց:

Շարունակութիւն՝

Պանք Օթոմանի գրաւումը Հայ յեղափոխական դաշնակցութեան ցուցական առաջին վճռական գործողութիւնն էր, որ դարձաւ ազգային ազատագրական պայքարի վճռա

14/08/2026

Պանք Օթոմանը Եւ Հայ Լումայափոխները
Ուշադրութեան արժանի է «լումայափոխ» սահմանումը, որ ուղղակիօրէն կը նշանակէ «պանքեր», այսինքն` տնտեսական եւ դրամական ծառայութիւններ մատուցող հաստատութիւն: Այս իմաստով գործածուած է անիկա Օսմանեան կայսրութեան մէջ` ԺԸ. եւ ԺԹ. դարաշրջաններուն: Ուրեմն, «պանքը կամ դրամատունը» միջազգային պատմութեան մէջ շատ հին հաստատութիւն մըն է, որուն արմատները կը հասնին մինչեւ ՆՔ 10000 – 9500 թուականները, երբ մարդկային ընկերութիւնը որսորդութենէն անցաւ գիւղատնտեսական հասարակարգի:

Աւելի ուշ, երբ ընկերութեան հարստութիւնը, ինչպէս` հացահատիկը, ոսկին ու արծաթը, սկսաւ կուտակուիլ հեթանոսական տաճարներուն մէջ, տաճարները ստանձնեցին դրամատուներու դերակատարութիւնը` որպէս ընկերութեան կարիքները հոգացող հաստատութիւններ (ՆՔ 4500 – 350): Այս իրողութիւնը հաստատուած է նաեւ տաճարներու արձանագրութիւններով, որոնք կը ծառայեն` որպէս յուշագրութիւններ, պատուէրներ, փոխանակագիրներ եւ հաշուեցուցակներ:

Շարունակութիւն՝

https://www.aztagdaily.com/archives/699369

14/08/2026

Քրիստինէ Վարդանեան Հաստատեց` Ցեղասպանութեան Ճանաչումը Նոր Ցեղասպանութիւններու Կանխարգիլման Գործիքակազմ Է
13 օգոստոսի Ազգային ժողովի նիստին ընդդիմադիր «Հայաստան» դաշինքի պատգամաւոր Քրիստինէ Վարդանեան անդրադարձաւ նոյն նիստին «Քաղաքացիական պայմանագիր»-ի պատգամաւորներուն կողմէ հնչած այն արտայայտութեան, թէ Հայաստան կարիք չունի Հայոց ցեղասպանութեան միջազգային ճանաչման գործընթացին, աւելի՛ն. շեշտուեցաւ, որ անիկա վտանգաւոր է Հայաստանի համար:

«Արդեօք միջազգային ճանաչման գործընթացը Թուրքիոյ նկատմամբ ատելութեան հետեւա՞նք է», հարցուց ան ու պատասխանեց, որ Ցեղասպանութեան ճանաչումը անհրաժեշտ է նախ եւ առաջ ինքնին Հայաստանի Հանրապետութեան, քանի որ անիկա երկրի ապահովութիւնը երաշխաւորելու առանցքային բաղադրիչներէն մէկն է:

Շարունակութիւն՝

13 օգոստոսի Ազգային ժողովի նիստին ընդդիմադիր «Հայաստան» դաշինքի պատգամաւոր Քրիստինէ Վարդանեան անդրադարձաւ նոյն նիստին «Քաղաքացիական պայմ

14/08/2026

Կիսասարկաւագական Ձեռնադրութիւն Զմմառու Մայրավանքին Մէջ
Նախագահութեամբ եւ օրհնութեամբ Ռաֆայէլ Պետրոս ԻԱ. կաթողիկոս պատրիարքին` Տանն Կիլիկիոյ կաթողիկէ հայոց, շաբաթ, 8 Օգոստոս 2026-ի երեկոյեան ժամը 5:00-ին, Զմմառու Փոխման Ս. Կուսին մայր եկեղեցւոյ կամարներուն ներքոյ տեղի ունեցաւ կիսասարկաւագական հանդիսաւոր ձեռնադրութիւն:

Երեկոյեան ժամերգութեան աւարտին` ձեռամբ հոգեւոր տիրոջ, կիսասարկաւագութեան ձեռնադրութիւն ստացան Ս. Իգնատիոս Մալոյեան դպրեվանքի ժառանգաւորներ Յովիկ Գոյունեան, Յակոբ Ժամկոչեան եւ Աբրահամ Իսահակեան:

Շարունակութիւն՝

https://www.aztagdaily.com/archives/699383

14/08/2026

Խմբագրական. Պանք Օթոման Եւ Խոստումներ (130-Ամեակ)
Պանք Օթոմանի գործողութեան 130-ամեակին այժմէական հնչեղութիւն հաղորդելու որեւէ փորձ այսօր ոչ այնքան գործողութեան նախորդած ժամանակահատուածի պայմաններուն, գործողութեան հետապնդած գաղափարական նպատակներուն կամ ընդհանրապէս հետեւանքներուն մասին մտածել կու տայ, որքան դրամատունը գրաւած ազատատենչներուն հետ ռուս եւ եւրոպացի ներկայացուցիչներու վարած բանակցութիւններուն:

Ռուսիոյ եւ Եւրոպայի երկիրներու դիւանագիտական ներկայացուցիչները իրենց շահերէն մեկնած փորձած են դիրքորոշուիլ, բանակցիլ, տարհամոզել եւ ելքեր առաջարկել` խոստումներու տեսքով:

Շարունակութիւն՝

https://www.aztagdaily.com/archives/699485

13/08/2026

Աւելի Քան Հարիւր Երիտասարդներ Համախմբուեցան Սուրբ Աստուածածին Վանքին Մէջ
2026 տարին Արամ Ա. հայրապետին կողմէ հռչակուած է «Հոգեւոր կեանքի վերանորոգման տարի»: Արդարեւ, մայրավանքի Երիտասարդական բաժանմունքը կազմակերպեց աղօթական կեանքի նուիրուած միօրեայ երիտասարդական համագումար մը, շաբաթ, 8 օգոստոս 2026-ին, օրհնութեամբ Արամ Ա. վեհափառ հայրապետին:

Առաւօտեան ժամը 9:00-ին Պիքֆայայի Սուրբ Աստուածածին վանքին մէջ համախմբուեցան լիբանանահայ երիտասարդական զանազան միութիւններէ 100 երիտասարդներ: Համագումարին իրենց մասնակցութիւնը բերին դպրեվանքի ընծայարան բաժնի աշակերտները, ինչպէս նաեւ` Հայ եկեղեցւոյ համալսարանական ուսանողներու միութենէն, Լիբանանի հայոց թեմի դպրաց դասերէն եւ կիրակնօրեայ վարժարաններէն, Հայ մարմնակրթական ընդհանուր միութենէն, Տխրունի ուսանողական-երիտասարդական միութենէն, Թէքէեան մշակութային միութենէն, Այնճարի Սուրբ Պօղոս եկեղեցւոյ «Յոյսի բանակ»-ի յանձախումբէն, Հայ աւետարանական Ջանից ընկերակցութենէն եւ Սուրբ Նշան մայր եկեղեցւոյ երիտասարդականէն երիտասարդներ:

Շարունակութիւն՝

https://www.aztagdaily.com/archives/698996

13/08/2026

Սաղաթէլեան. «Իշխանափոխութեան Հարցը Կը Շարունակէ Մնալ Օրակարգ»
«Այս իշխանութիւնը սպառնալիք է հայկական պետականութեան համար, հետեւաբար, նոր գումարման խորհրդարանին մէջ, այս փուլին, այս իշխանութեան գոյութեան պայմաններուն մէջ, մեր երկրին առջեւ կանգնած մարտահրաւէրները ոչ միայն չեն վերացած, այլեւ անոնք օրէ-օր կ՛աւելնան: Հետեւաբար, իշխանափոխութեան հարցը կը շարունակէ մնալ օրակարգ»: Այս մասին Ազգային ժողովին մէջ լրագրողներու հետ զրոյցի ընթացքին ըսաւ ՀՅԴ Հայաստանի Գերագոյն մարմինի ներկայացուցիչ, «Հայաստան» խմբակցութեան պատգամաւոր Իշխան Սաղաթէլեան:

Շարունակութիւն՝

«Այս իշխանութիւնը սպառնալիք է հայկական պետականութեան համար, հետեւաբար, նոր գումարման խորհրդարանին մէջ, այս փուլին, այս իշխանութեան գոյութ�

12/08/2026

Եկեղեցին Անջատ Է ՊետութենէնՏԻԳՐԱՆ ՃԻՆՊԱՇԵԱՆ

Պատմականօրէն աննախընթաց իրողութեան մը ականատես եղանք ուրբաթ, 7 օգոստոսին: Ամենայն Հայոց կաթողիկոսը եւ Հոգեւոր Գերագոյն խորհուրդի վեց եպիսկոպոսներ ներկայացան Հայաստանի Հանրապետութեան դատարան: Անոնք ամբաստանուած էին դատական որոշումի մը գործադրութիւնը խոչընդոտելու յանցանքով: Բացատրենք, թէ ի՛նչ խոչընդոտած էին:

Ամենայն Հայոց կաթողիկոսի հրաժարականի պահանջին, որ ձեւակերպուած էր վարչապետ Նիկոլ Փաշինեանի եւ Հայաստանի գործող իշխանութիւններուն կողմէ, միացան տասը եպիսկոպոսներ: Նիկոլ Փաշինեան եւ իրեն գործակից եպիսկոպոսները կը պահանջեն Հայ առաքելական եկեղեցւոյ բարեկարգումը` առանց յստակօրէն ըսելու, թէ ի՛նչ կը հասկնան բարեկարգում ըսելով: Անորոշ բարեկարգումի պահանջը քաղաքական դիրքորոշման մը ծխածածկոյթ էր:

Շարունակութիւն՝

https://www.aztagdaily.com/archives/698989

12/08/2026

Ակնարկ. Մեքքայի Եռակողմը` Տարբեր Դիտանկիւններով
Փաքիստանի արտաքին գործոց նախարարին յայտարարութիւնը Մեքքայի եռակողմին մասին, թէ` «շրջանի երկիրները յանգած են այն եզրակացութեան, որ անվտանգութեան ապահովման հարցերուն մէջ կարելի չէ յոյսը Միացեալ Նահանգներու խոստումներուն վրայ դնել, եւ այդ պատճառով որոշած են յենիլ սեփական կարելիութիւններու վրայ», ծխածածկոյթ է ամբողջ գործընթացին շարժառիթներուն եւ նպատակներուն վրայ:

«Պաշտպանութեան համաձայնագիր» ձեւակերպումը կը պարզէ անոր անվտանգային բնոյթը: Հիմա փորձենք հասկնալ, թէ որմէ՞ կ՛ուզեն պաշտպանուիլ այս երեք երկիրները: Բնականաբար առաջին ուղղութիւնը կ՛երթայ Թեհրանին, որուն պաշտօնական ներկայացուցիչները երկու ուշագրաւ յայտարարութիւն կատարած են:

Շարունակութիւն՝

https://www.aztagdaily.com/archives/699034