17/08/2026
ஒரு முஸ்லிம் பெண் தாதியர் அல்லது முஸ்லிம் சிற்றூழியர் தாராளமாக ஹிஜாப் அணியலாம். இதில் எந்தத் தடையும் இல்லை. சிறுவயது முதலே ஹிஜாப் அணிந்த சகோதரிகளைப் பார்த்து அதை கழற்று எனக்çற எவருக்கும் எந்த உரிமையும் இல்லை. அருகதையும் கிடையாது. ஹிஜாப் இலங்கையில் எங்கேயும் அனுமதிக்க மறுக்கப்பட்டால் உடனயாக நீதிமன்றத்தை நாடி அகிம்சா வழியில் உங்கள் உரிமையை உறுதிப்படுத்துங்கள்.
எங்கே ஆடை விடயத்தில் உரிமை மறுக்கப்பட்டாலும் அதை தாமதிக்காது பொது வெளியில் பகிரங்கப்படுத்துங்கள். உங்களுடைய உரிமை மீறலுக்கு எதிராக நீங்கள் துணிந்து செயற்படாவிட்டால் மற்றுமொருவரின் உரிமை மீறலுக்கும் நீங்கள் வழியேற்படுத்துகிறீர்கள் என்பதை ஞாபகத்திற் கொள்ளுங்கள்.
பொது நிர்வாக சுற்றறிக்கை 13/2019 (I)2019 ஜூன் 26ஆம் தேதி வெளியிடப்பட்ட Public Administration Circular 13/2019(I) – Attire of Public Officers-ல், மத வழக்கப்படி ஆடை அணியும் அரச உத்தியோகத்தர்களுக்கு முக்கியமான ஏற்பாடு உள்ளது.
மத சம்பிரதாயத்தின் அடிப்படையில் ஆடை அணியும் உத்தியோகத்தர்கள், வழக்கமான அலுவலக ஆடையுடன் தங்களுடைய மத அடையாளத்தைப் பேணுவதற்கான மேலதிக ஆடையை அணியலாம் எனக் குறிப்பிடப்பட்டுள்ளது. ஆனால் முகம் தெளிவாக அடையாளம் காணக்கூடிய வகையில் இருக்க வேண்டும்.
