24/07/2025
📚සීනි මුරුක්කු
✍ Kasun Mahendra Heenatigala
🔖සරසවි ප්‍රකාශකයෝ
📖පිටු 312
💰මිල 1200/=
"ගොළු හදවතේ දම්මි සුගත්ට දුන්නෙ වෙරළු.චූටි දෙවේ, මං ඒ සන්ධියේ අපේ නෝනට දුන්නේ සීනි මුරුක්කු. ආදරේ ඇඹුල් නෑ කෙල්ලෙ. හරි ආදරේ පැණි රහයි!"
පසුගිය වසරේ කොළඹ ජාත්‍යන්තර පොත් ප්‍රදර්ශනයේ අතිශය ජනප්‍රියත්වයට පත්ව අලෙවි වූ කෘතියක් වන මෙම සීනි මුරුක්කු කෙටිකතා සංග්‍රහය ජනප්‍රිය ලේඛක කසුන් මහේන්ද්‍ර හීනටිගලයන්ගේ කුළුදුල් නිර්මාණයකි. කෙටි කතා 20කින් සැදුම් ලත් මෙම කෘතියේ එකිනෙකට වෙනස් කාලීන සමාජ කතා සාරයන්ගෙන් නිර්මාණය කොට තිබේ. අතිශය ජනප්‍රියත්වයේ උණුසුම තුළ මා ද මෙම කෘතිය මිල දී ගත්ත ද කියවීමට හැකියාව ලැබූයේ පසුගිය දිනවලය.
මෙහි අන්තර්ගත බොහෝ කතා සාරයන් දෙස බැලූ විට සරල ගැමි බස් වහරක් මොහු යොදා ගෙන මෙය ලියා ඇති බවට කියවන විට මා හට හැගුණි. ඇතැම් ප්‍රකාශයන් වහෙන් ඔරෝ නැතිව කෙලින් ම ඉදිරිපත් කර තිබීමත්, අසභ්‍ය වචනත් එලෙසින් ම ලියා ඇති බවක් ද දැනුණි. ඇතැම් කරුණු කාරණා මදක් කියවා යන විට යම් කම්මැලි ස්වභාවයක් ගත්තා ද නොවේ. නමුත් මෙහි ඇතැම් කෙටි කතා අවසානයේ හිසට පොලු පහරක් වදින්නාක් මෙන් අවසන් කොට ලිවීම තුළ ඉතා උසස් ගණයේ කතාවන් ද මෙහි අන්තර්ගත කොට තිබීමේ සලකුණු තිබේ. සමස්ත කෘතිය තුළ හිතට වඩාත් සමීප වූ කතාවන් කිහිපයක් හමු විය. බට්ටා , මරණ සහතික සහ සහතික මරණ ,කහ වත ඇදි කත, ඔරායන් යන කෙටි කතා ඒ අතර වේ.
සමස්තයක් වශයෙන් ගත් කළ කෘතිය තුළ විශාල අඩුපාඩු දැක ගත නොහැකි නමුදු කියවන මගේ ශානරයන්ට යම් තාක් දුරට සමීප නොවන බවක් උසුලනා හෙයින් මන්ද මට මෙය එතරම් සාර්ථක කියවීමක් ලෙස නොහැගේ. නමුත් මෙය තවකෙකුට උසස් කියවීමක් විය හැක. එය එකිනෙකාට සාපේක්ෂ බව ද කිව යුතු ය.
✍ උපුටා ගැනීම
Hansika Liyanage ෆේස්බුක් ගිණුමෙනි.
