28/05/2026
🔴කළුතරදී මෝටර් රථයකින් පැමිණි පිරිසක්
ව්යාපාරිකයෙකුට වෙඩි තබයි
බරපතළ තුවාල ලබා නාගොඩ රෝහලට
ඇතුළත් කළ ව්යාපාරිකයා ජීවිතක්ෂයට
කළුතර, මුස්ලිම් පල්ලිය පාර, වෙට්ටුම කඩේ ප්රදේශයේදී අද (28) උදෑසන සිදු වූ දරුණු වෙඩි තැබීමකින් ප්රමුඛ පෙළේ මුස්ලිම් ව්යාපාරිකයෙකු අවාසනාවන්ත ලෙස ජීවිතක්ෂයට පත්ව තිබේ. ප්රදේශයේ සාමකාමී වාතාවරණය මුළුමනින්ම බිඳ දමමින් අද උදෑසන 8.59ට පමණ මෙම ද්වන්ධ වෙඩි ප්රහාරය එල්ල වී ඇති බව කළුතර පොලිස් ආරංචි මාර්ග තහවුරු කරයි.
පොලීසිය විසින් සිදු කරන ලද මූලික විමර්ශනවලදී අනාවරණය වී ඇත්තේ, අදාළ ව්යාපාරිකයා සිය යතුරුපැදියෙන් මාර්ගයේ ගමන් කරමින් සිටි අවස්ථාවේදී ඔහු පසුපස ලුහුබැඳ ආ මෝටර් රථයකින් පැමිණි නාඳුනන තුවක්කුකරුවෙකු විසින් මෙම වෙඩි ප්රහාරය සෘජුවම එල්ල කර ඇති බවයි. වෙඩි වැදීමෙන් සිරුරේ ස්ථාන කිහිපයකටම බරපතළ තුවාල ලබා ලේ විලක් මැද ඇද වැටුණු ව්යාපාරිකයාව වහාම ප්රදේශවාසීන්ගේ සහාය ඇතිව කළුතර නාගොඩ ශික්ෂණ රෝහල වෙත ඇතුළත් කිරීමට පියවර ගත්ත ද, රෝහලට ඇතුළත් කිරීමෙන් අනතුරුව ඔහු අවාසනාවන්ත ලෙස මියගොස් තිබේ.
මෙම ඝාතනය කිසියම් සංවිධානාත්මක අපරාධ කල්ලියක කොන්ත්රාත්තුවක් මත හෝ පෞද්ගලික පලිගැනීමක් මත සිදු වූවක් ද යන්න පිළිබඳව විවිධ පැති ඔස්සේ පුළුල් පරීක්ෂණ ක්රියාත්මක වේ. සිද්ධියට සම්බන්ධ ප්රධාන සැකකරුවන් සහ ඔවුන් පැමිණි මෝටර් රථය වහාම හඳුනාගෙන අත්අඩංගුවට ගැනීම සඳහා කළුතර ජ්යෙෂ්ඨ පොලිස් අධිකාරීවරයාගේ සෘජු උපදෙස් මත කළුතර පොලීසියේ විශේෂ විමර්ශන කණ්ඩායම් තුනක් (03) මේ වන විටත් ප්රදේශය පුරා විශේෂ මෙහෙයුම් සහ පරීක්ෂණ ආරම්භ කර ඇත.
゚viralシfypシ゚ ゚viralシfypシ゚viralシalシ ゚viralシ2025fyp ゚viralシ ゚viralシ2024fypreels #සිංහලනිවුස්
