16/07/2026
මාධ්ය ඒකක සවිබල ගැන්වීමේ මාධ්ය පුහුණු වැඩසටහනක් බදුල්ලේදී...
========================
බදුල්ල දිස්ත්රික්කයේ ප්රාදේශීය ලේකම් කාර්යාලවල හා පළාත් පාලන ආයතනවල මාධ්ය ඒකක සවිබල ගැන්වීමේ මාධ්ය පුහුණු වැඩසටහන බදුල්ල දිස්ත්රික් ලේකම් සුනිල් ගලගම මහතාගේ ප්රධානත්වයෙන් කාර්යාලයීය ශ්රවණාගාරයේදී අද (16) පැවැත්විණි.
ප්රාදේශීය මට්ටමේ සංවර්ධන තොරතුරු වඩාත් වේගවත්ව, නිවැරදිව හා කාර්යක්ෂමතාවයෙන් යුතුව ජනතාව වෙත ළං කිරීමට නව මාධ්ය භාවිතා කිරීමත්, ප්රජාවට සමීප වෙමින් ප්රාදේශීය තොරතුරු රාජ්ය මට්ටමේ තොරතුරු හා සංවර්ධන තොරතුරු ප්රජාවට වැදගත් ලෙසින් ලබාදිය යුත්තේ කෙසේද, එම තොරතුරු විධිමත් පරිදි ජනගත කළ හැකි ආකාරයන් පිළිබඳවත් දැනුවත් කෙරිණි.
මාධ්ය භාවිතය හා බලය පිළිබඳව ජනාධිපති මාධ්ය උපදේශක ජ්යෙෂ්ඨ මාධ්යවේදී චන්දන සූරියබණ්ඩාර මහතා විසින් සිදු කළ දේශනයේදී, ජනතාව සිටින තැනට රජයේ පණිවිඩය රැගෙන යෑම වගකීම ලෙස සලකා ප්රජාව බලගැන්වීමේ කාර්ය සිදු කළ යුතු අතර ඒ සඳහා කෘතිම බුද්ධිය යහපත් ලෙස භාවිතයට ගත යුතු බවද දැන්වීය.
සංවර්ධන ක්රියාවලියේ නව මානයන් සොයා යමින් ප්රාදේශීය මාධ්යකරණයේ නියැලෙන්නන් ලෙස කටයුතු කළ යුතු බව ලේක්හවුස් ආයතනයේ කර්තෘ මණ්ඩල අධ්යක්ෂ සිසිර යාපා මහතා විසින් ප්රකාශ කළ අතර රාජ්ය ආයතනයක සමාජ මාධ්යක් ලෙස ප්රජාවට සමීප විය යුත්තේ කෙසේද, රජයේ වැඩපිළිවෙළ ජනතාව අතරට ගෙන හා හැකි ආකාරයන් සහ ජනතාවගේ එදිනෙදා කාර්යයන් පහසුවෙන් සිදු කර ගැනීම සඳහා රාජ්යයාන්ත්රණය තුළින් කටයුතු කළ හැකි ආකාරයන් පිළිබඳව තාක්ෂණික කරුණු රැසක් ක්ලීන් ශ්රී ලංකා වැඩසටහනේ අධ්යක්ෂ මාධ්ය හා තොරතුරු ගිහාන් බුද්ධික වීරසිංහ මහතා විසින් දැනුවත් කළේය.
රජයේ ප්රවෘත්තිය අධ්යක්ෂ ජනරාල් එච්.එස්.කේ.ජේ. බණ්ඩාර, ජනාධිපති මාධ්ය උපදේශක ජ්යෙෂ්ඨ මාධ්යවේදී චන්දන සූරියබණ්ඩාර, ලේක්හවුස් ආයතනයේ කර්තෘ මණ්ඩල අධ්යක්ෂ සිසිර යාපා ක්ලීන් ශ්රී ලංකා වැඩසටහනේ අධ්යක්ෂ මාධ්ය හා තොරතුරු ගිහාන් බුද්ධික වීරසිංහ යන මහත්වරුන් විසින් සම්පත්දායකත්වය ලබා දුන් වැඩසටහන සඳහා බදුල්ල දිස්ත්රික්කයේ ප්රාදේශීය ලේකම් කාර්යාලවල මාධ්ය ඒකක නිලධාරින් හා පළාත් පාලන ආයතනවල මාධ්ය නිලධාරීන් සම්බන්ධ විය.
මෙම අවස්ථාවට බදුල්ල අතිරේක දිස්ත්රික් ලේකම් (ඉඩම්), සහකාර අධ්යක්ෂ (සන්නිවේදන) ඇතුළු මහත්ම මහත්මීන් පිරිසක් හා රාජ්ය නිලධාරීන් පිරිසක් එක්ව සිටියහ.
දිස්ත්රික් මාධ්ය ඒකකය - බදුල්ල
