21/06/2026
සිනහ වෙලා ඉන්න කියලා දෙන මිනිස්සු…
මේ ලෝකෙ රිදුණු, බිඳුණු, කඳුළු වලින් තෙමුණු හිතක් සනසන්න පුළුවන් ලස්සන මිනිස්සු ඉන්නවා. ඒ මිනිස්සු හරිම වෙනස්. හරිම මායාකාරයි. ඔවුන්ගේ හිතවල තියෙන්නේ සාමාන්ය මිනිස්සුන්ට තේරුම් ගන්න අමාරු තරම් ලස්සන ආදරයක්.
ඒ මිනිස්සු මිනිස්සුන්ට ආදරේ කරනවා. ආපස්සට කිසිම දෙයක් බලාපොරොත්තු නොවී. ප්රශංසාවක් නැතුවත්, ලාභයක් නැතුවත්, වාසියක් නැතුවත්. අම්මා කෙනෙක් තමන්ගේ දරුවා දිහා බලන ආදරයෙන්. තාත්තා කෙනෙක් තමන්ගේ දරුවා වෙනුවෙන් නිහඬව කැපවෙන ආදරයෙන්.
සමහරවිට ඔයාට තාම එහෙම මනුස්සයෙක් හමු වෙලා නැතුව ඇති. තවත් සමහරුන්ට එහෙම හදවතක් ජීවිතේ දවසක හමු වෙලා ඇති. ඒත් එක දෙයක් නම් ඇත්ත… ඒ මිනිස්සු බෙදන ආදරේ හරිම පුදුමාකාරයි.
අපි ෆිල්ම් වල දකින, කතා පොත්වල කියවන ඒ ලස්සන හිත් ඇත්ත ජීවිතේත් ඉන්නවා. කෙනෙක් වැටෙනකොට අත දෙන්න. කෙනෙක් අඬනකොට අහගෙන ඉන්න. කෙනෙක් හිනාව අමතක කරලා ඉන්නකොට ආයෙත් සිනහ වෙන්න මතක් කරලා දෙන්න. ඒ වගේ මිනිස්සු ඇත්තටම ඉන්නවා.
හැබැයි ඒ වගේ හිත් හඳුනාගන්නත් වාසනාවක් ඕන. සමහර හදවත් වලට ඒ ආදරේ දරාගන්න බැරි වෙනවා. ඒ සැලකිල්ල, ඒ රැකබලා ගැනීම, ඒ සොයා බැලීම්, ඒ කැපකිරීම් තේරුම් ගන්න බැරි වෙනවා. මොකද ඒවාට හුරු නැති හිතකට ඒ තරම් නිර්මල ආදරයක් විශ්වාස කරන්නත් අමාරුයි.
ඒත් පුදුම දේ තමයි… ඔවුන්ගේ ආදරේ වෙනස් වෙන්නේ නැහැ. නොසලකා හැරියත්, වැරදි තේරුම් ගත්තත්, අගය නොකළත්… ඒ ලස්සන මිනිස්සුන්ගේ හදවතේ ආදරේ එහෙම්මමයි. ඔවුන් තවමත් යහපතම පතනවා. තවමත් සිනහවක් බෙදනවා. තවමත් කෙනෙක්ගේ දවස ලස්සන කරන්න උත්සාහ කරනවා.
ඒක හරිම පුදුමයි.
ඇත්තටම ප්රාර්ථනා ඉෂ්ට වෙනවා නම්, මම ප්රාර්ථනා කරන්නේ මේ ලෝකේ හැමෝටම හමු වෙන්න ඕන ඒ වගේ මිනිස්සු. තමන්ගේ දුක අමතක කරලා අනුන්ගේ හිනාව වෙනුවෙන් ජීවත් වෙන මිනිස්සු. අඳුරු දවසක ආලෝකයක් වෙලා එන මිනිස්සු. “කමක් නෑ… හිනාවෙලා ඉන්න” කියලා හිතට හයියක් දෙන මිනිස්සු.
මොකද සතුට කියන්නේ හැමෝටම ලැබෙන දෙයක් නෙවෙයි. ඒත් සතුට බෝ කරන මිනිස්සු නම් මේ ලෝකේ ඉන්නවා.
ඒ වගේ මිනිස්සු හමුවෙන එක ජීවිතේ ලැබෙන ලස්සනම වාසනාවක්. ❤️🌸
“ජීවිතේකට හමු වෙන්න ඕනෙ, සිනහ වෙලා ඉන්න කියලා දෙන මිනිස්සු…” ✨💛
(කරුණාකර කතෘ අයිතිය සුරකින්න)
✍ චතුරංගි ජයවික්රම
