04/01/2026
මොඩියුල ගැටලුව තව දුරටත් නාඩගමක් හෝ විකාරයක් නොවීමට නම්,
නව අධ්යාපන ප්රතිසංස්කරණ යටතේ හදුන්වා දුන් මොඩුයුලවල II වන වාරයට හා III වාරයට අදාළ මොඩුයුල මුද්රණය සඳහා තවමත් අනුමැතිය ලැබී නැත. එය මේ මොහොතේ ප්රබල අවස්ථාවක් ලෙස සලකා,
දැනට සඟවා තබා ගෙන ඇති II හා III වාරවලට අදාළ මොඩුයුල කඩිනමින් මහජන අදහස් ලබා ගැනීමට ප්රමාණවත් කාලයක් සඳහා ප්රසිද්ධ කිරීම බොහෝ ගැටලුවලට පිළියමක් ලෙස හැඟී යයි.
සාම්ප්රදායික ලෙස රහස්ය ලේඛනයක් ලෙස සඟවා තබාගෙන අවසාන මොහොතේ මුද්රණය කොට බෙදා හැරීම මගින් මුළු අධ්යාපනයම පඹගාලක පටලවා ඇත.මන්ද මෙය සමාජ මාධ්ය අතිශයින් ප්රබල 21 වන සියවස බව බලධාරීන්ට නොවැටහීම කණගාටුවට කරුණකි.
දැන් ද පමානොවී, ඉතිරි වාර දෙකෙහි හෝ මෘදු පිටපත් මහජන අදහස් ලබා ගැනීමට වේදිකාවක් සකසා එයින් ලැබෙන අදහස් හා යෝජනා නැවත සමාලෝචන කර නිවරදිව සකසා මුද්රණයට යැවීම මගින් මේ ඇතිවන ගැටලු වලින් 90% කට ආවරණයක් ලබා ගත හැක. ඉන්පසු බුකී ඔස්තාර්ලාට ද කීමට කිසිත් නැත.
මෙවැනි ක්රියාවලියක අවසානයේ දෙයක් සිදුවනු ඇත.
එනම්, ඇත්තටම අධ්යාපනය ගැන මෙලෝම දෙයක් නොදන්නේ ජාතික අධ්යාපන ආයතනයම වග මහජනතාව ඉදිරියේ සැබෑ ලෙසම නිරුවත් වීමයි. ඒ තුළ ඊනියා පුහු ඒකාධිකාරියක සිටින එවැනි ආයතනවලට මෙන්ම එම ආයතනවල අනපනත් වලට මුවා වී ජාමේ රැකගෙන සිටින තක්කඩි නිලධාරීන්ටද ප්රතිසංස්කරණ කඩිනමින් අවශ්යය වන බව සැමට පසක්වනු ඇත.
මේ සියවසේ අපි මනාව ප්රගුණ කළ යුතු චින්තන කුසලතාව වන්නෙ අන්යමක් නොව, " කිසිම දේක අපි පොරක් නොව අපිට වඩා පොරවල් ඕනි තරම් එළියෙ ඉන්නවා" යැයි සිතා කටයුතු කිරීමය.එසේ සිතීමෙන් බොහෝ ප්රශ්නවලට පිළිතුරු ලැබෙනු ඇත.
