02/09/2025
අද 2025 සැප්තැම්බර් 02 වෙනිදා. විශිෂ්ඨ දැවැන්ත නිර්මාණයක ශ්‍රේෂ්ඨ නිමයුම්කරුවාණන් අපෙන් සමුගෙන අදට වසර 52 යි. වසර 52ක කාලයක් ගත වුනත් ඒ නිර්මාණ දෙවෙනි කිරීමට කිසිවෙකුටත් සමත් වෙලා නැහැ. වසර 52ක් ගියත් අදත් ඒ නිර්මාණ රසවිදින්න ඇගිලි ගැන ගැන ඉන්නවා. මේ කියන්නේ වෙන කවුරුත් ගැන නෙමේ
අර්දාව ඇතුළුව වෙනමම ෆැන්ටසි විශ්වයක් නිර්මාණය කල,
ලෝක ෆැන්ටසි සාහිත්‍ය නවමු මගකට රැගෙන ගිය,
නුතන ෆැන්ටසි කලාවේ පියා ලෙස හදුන්වන
මහාචාර්ය ජෝන් රෝනාල්ඩ් රුවෙල් ටෝල්කින් එහෙම නැත්තම්
ජේ. ආර්. ආර්. ටෝල්කින් නම්
ඒ ශ්‍රේෂ්ඨ නිර්මානකරුවාණන් ගැනයි. එතුමා 1973 සැප්තැම්බර් මස 02 දින එංගලන්තයේ බෝන්මත් වලදී සිය ජිවිතයෙන් සමුගන්නේ 81 වෙනි වියේදී.
වර්ෂ 1892 ජනවාරි මස 03 වන දින දකුණු අප්‍රිකාවේ බ්ලුම්ෆොන්ටේන් වලදී මෙලව එලිය දකින ටෝල්කීනයන් කුඩා කාලයේදීම පවුලේ ය සමග එංගලන්තයට සංක්‍රමණය වෙනවා. පළමු ලෝක යුද්ධයට හමුදා නිලධාරියෙක් සේ එක්වන ටෝල්කින් ලෝක යුද්ධයෙන් පසුව ඔක්ස්ෆර්ඩ් සරසවියට ඇතුලත් වී කිරිතිමත් මහාචාර්ය වරයෙකු බවට පත්වනවා. ඒවගේමයි
(1892-1973) පැරණි හා මධ්‍යකාලීන ඉංග්‍රීසි පිළිබඳ විශේෂ දැනුමක් ඇති ඉංග්‍රීසි භාෂාවේ ප්‍රධාන විශාරදයෙක් බවට පත්වෙනවා. ඔක්ස්ෆර්ඩ් විශ්ව විද්‍යාලයේ ඇන්ග්ලෝ සැක්සන් (පැරණි ඉංග්‍රීසි) පිළිබඳ දෙවරක් මහාචාර්යවරයා බවට පත්වන මෙතුමා තරුණ කාලයේදීම සිය ෆැන්ටසි නිර්මාණකරණය අරම්භ කරනවා.1937 දී ‘The Hobbit’ නමින් පළමු කෘතිය එළිදක්වන මෙතුමා ඉන් වසර 12 කට පසු එතුමාගේ විශිෂ්ඨම නිර්මාණය වන ‘The Lord of the Rings’ ග්‍රන්ථ මාලාවේ පළමු ග්‍රන්ථය 1954 ජුලි මස 29 දින එලි දක්වනවා. ලොව පුරා පාඨකයින් ආදරයෙන් වලදගන්න මෙම ග්‍රන්ථය ෆැන්ටසි ලොව උඩු යටිකුරු කිරීමට සමත් වෙනවා. එතෙක් ලෝකයේ ෆැන්ටසි කලාවට සාහිත්‍ය තුල තැනක් හිමි වුයේ නැත. නමුත් Lord of the Rings ග්‍රන්ථයෙන් පසුව ෆැන්ටසි කලාවට සාහිත්‍ය තුල තැනක් විවතුන් අතර තැනක් නිර්මාණය විය. අද ඔයා රස විදින වෙන කිසිදු ෆැන්ටසි නිර්මාණයක් රස විදින්න නොලැබෙන්න තිබ්බා එදා මහාචාර්ය ටෝල්කින්ගේ මේ Lord of the Rings ග්‍රන්ථ ලෝකය තුල පෙරලියක් සිදු නොකරා නම්. ඒ හේතුව නිසා මෙතුමාව නුතන ෆැන්ටසි කලාවේ පියාලෙස සලකනවා.
1973 සැප්තැම්බර් මාසෙ 02 වෙනිදා 81 වෙනි වියේදී තම ජීවිතයෙන් සමුගත්තත් මෙතුමා නිර්මාණය කරපු ඒ ෆැන්ටසි නිර්මාණ වලින් පාඨකයන් පුදුම කිරීමට මේ දක්වාම හැකිවී තියෙනවා. දහස් ගණන් ලක්ෂ ගණන් පාඨකයන් මේ නිර්මාණ රසවිදිනවා. ඒ වගෙමයි චිත්‍රපට, ටීවී සිරිස්, පරිඝනක ක්‍රීඩා වගේ විවිධ දේවල් මේ නිර්මාණ ඇසුරු කරගෙන නිර්මාණය කරනවා විතරක් නෙමේ මුළු ලෝකෙම ඒ දේවල් ආදරයෙන් වැළඳ ගන්නවා. සිය ජිවිතයෙන් සමුගෙන වසර 52ක් ගත වුනත් කොතරම් ලෝකේ ෆැන්ටසි නිර්මාණ කරුවන් බිහි උනත් අදටත් හෙටටත් හැමදාටමත් මහාචාර්ය ජේ. ආර්. ආර්. ටෝලකින් නිර්මාණයන් දෙවෙනි කිරීමට කිසිවෙකුටත් හැකියාවක් ලැබෙන්නේ නැහැ.
#නිමා
