14/08/2026
පළවෙනි වතාවට අම්මා කෙනෙක් වෙනවා කියන්නේ ජීවිතයේ පුදුමාකාරම සුන්දර අත්දැකීමක්. ඒ වගේම දුක, සතුට, බය, බලාපොරොත්තුව, නොදන්නා හැඟීම් ගොඩක් එකට මිශ්ර වෙච්ච අලුත්ම ගමනක්.
අම්මා කෙනෙක් වෙන්න කලින් මම හිටියේ එක ජීවිතයක්. ඒත් මගේ ලොකු දෝණි මේ ලෝකෙට බිහිවුණ දවසේ ඉඳන් මම සම්පූර්ණයෙන්ම වෙනස් කෙනෙක් වුණා. එයාගේ පුංචි ඇඟිලි, පළවෙනි අඬන හඬ, මාව අල්ලගත්ත ඒ පුංචි අත… ඒ හැම මොහොතක්ම අදටත් මගේ හිතේ නොමැකෙන මතක.
අම්මා කෙනෙක් වුණාම නිදි නැති රෑවල් තිබුණා, බය හිතුණු දවස් තිබුණා, “මම හරිද?” කියලා හිතාගෙන අඬපු වෙලාවලුත් තිබුණා. ඒත් ඒ හැමදේකටම වඩා එයාගේ එකම එක සිනහවක් මගේ මුළු ලෝකෙම ආලෝකවත් කළා.
මේ තියෙන්නේ මගේ ජීවිතය වෙනස් කරපු දවස. මගේ ලොකු දෝණි මේ ලෝකෙට ආපු දවස. 💕👶
අම්මලා හැමෝටම තමන්ගේ පළවෙනි දරුවා බිහිවුණ දවස කවදාවත් අමතක වෙන්නේ නැහැ නේද? ❤️
Prof. Probhodana Ranaweera , Ninewells Hospital
