18/10/2023
ජනප්‍රිය ටෙලිනාට්‍ය අධ්‍යක්ෂ ධනුෂ්ක රත්නායක මහතාගේ මූලිකත්වයෙන් ආරම්බ කෙරුනු වීණාවී ඇක්ටින් ඇකඩමියෙ පලමු සහ තෙවන කණ්ඩායම සදහා වූ රංගන පාඨමාලාවේ සම්මාන සහ සහතිකපත් ප්‍රධානෝත්සවය පසුගිය ඉරිදා උත්කර්ශවත් අන්දමින් පැවැත්වුණා. වීණාවී ඇක්ටින් ඇකඩමි ආරම්භ කෙරුණේ ශ්‍රී ලාංකීය රංගන ක්ෂේත්‍රයට, දක්ෂ, පුහුණු මෙන්ම විනයවත් රංගන ශිල්පීන් බිහි කිරීමේ මුලික පරමාර්ථයෙන්.
මෙම සම්මාන ප්‍රදාන උත්සවය පැවැත්වුණේ, පාඨමාලාවේ සිසුන් විසින් ම නිර්මාණය කළ කෙටි චිත්‍රපට විනිශ්චයට ලක් කිරීමෙන් අනතුරුවයි. මේ සඳහා, ටෙලිනාට්‍ය සහ චිත්‍රපට අධ්‍යක්ෂ, තිර රචක අරුණ ජයවර්ධන මහතා,
ටෙලිනාට්‍ය අධ්‍යක්ෂ සහ තිර රචක හසුන් සමීර මහතා, තිර රචක සහ ටෙලිනාට්‍ය අධ්‍යක්ෂ ප්‍රියනාත් විදානපතිරන මහතා, ටෙලිනාට්‍ය අධ්‍යක්ෂ ශාන් ජයරත්න මහතා, චිත්‍රපට අධ්‍යක්ෂ සහ තිර රචක ෂමීර රංගන නාඔටුන්න මහතා, ටෙලිනාට්‍ය අධ්‍යක්ෂ සහ තිර රචක සුපුන් රත්නායක මහතා, තිර රචක සහ ටෙලිනාට්‍ය අධ්‍යක්ෂ අසංක සායක්කාර මහතා යන අය විනිශ්චයෙන් දායක වුණා.
මෙම සහතික පත් සහ සම්මාන ප්‍රදානෝත්සවයට ප්‍රවීණ රංගන ශිල්පිනී සමනලී ෆොන්සේකා මහත්මිය සහ රංගන ශිල්පී යශ් වීරසිංහ මහතාද සහබාගී වුනා. හෝමාගම ස්පෙස් පාර්ක් පරිශ්‍රයේදි පැවැත්වුණු මෙම සම්මාන ප්‍රදානෝත්සවය, ඉතාමත් විචිත්‍රවත් ස්වභාවයක් ඉසිලුවා.
එදින සම්මානයට සහ ඇගයීමට පත් මෙම අංකුර රංගන ශිල්පීන්, හෙට දිනයේ ශ්‍රී ලාංකීය තිර මාධ්‍ය කලාවන් උසස් රංගනයෙන් ඔප්නංවන, මහා රූක්ෂ ගස් බවට පරිවර්තනය වනු ඇති.
