16/06/2026
டிக்டொக் குழு உரையாடலின்போது ஏற்பட்ட வாய்த்தர்க்கத்தின் பின்னர் 14 வயதுடைய சிறுவர் ஒருவனை வாலிபர்கள் இருவர் தாறுமாறாகத் தாக்கும் காணொளியொன்று சமூக வலைதளங்களில் வைரலாகியுள்ளது.
தாக்குதல் நடாத்தும் வாலிபர்களில் ஒருவர் கைதுசெய்யப்பட்டுள்ளதாக ஏறாவூர் பொலிஸார் தெரிவித்தனர்.
டிக்டொக் குழு உரையாடலின்போது ஒரு வாலிபர் மற்றவர்களைத் திட்டிவிட்டு வலைதளத்திலிருந்து வெளியேறிச்சென்றுள்ளார். இதையடுத்து அந்த வாலிபர்கள் சந்தேகத்தின்பேரில் இச்சிறுவனை அழைத்துக்கொண்டு மீராகேணி பிரதேச காட்டுப் பகுதியில் வைத்து கையிலானாலும் காலினாலும் தாக்கியுள்ளதுடன் தலைக்கவசத்தினாலும் தாறுமாறாகத் தாக்கியுள்ளனர்.
தாக்குதலிற்குள்ளான சிறுவன் வைத்தியசாலையில் அனுமதிக்கப்பட்டு மருத்துவ சிகிச்சையின் பின்னர் வீட்டிற்குச் சென்றுள்ளார்.
தாக்குதல் நடாத்தும் சம்பவம் சமூகவலை தளங்களில் வைரலானதும் ஏறாவூர் பொலிஸார் தாக்குதல் நடாத்தும் நபர்களை அடையாளங்கண்டு ஒருவரைக்கைது செய்துள்ளனர். மற்றைய நபரை பொலிஸார் தேடிவருவதாகத் தெரிவிக்கப்படுகிறது,
இதேவேளைஇ காணொளியில் காணப்படுகின்ற ஏனைய வாலிபர்களும் இத்தாக்குதல் சம்பவத்துடன் சம்பந்தப்பட்டிருக்கலாமென சந்தேகிக்கப்படுகிறது.
