CPRD-Sri Lanka Ports Authority

25/04/2026

ශ්‍රී ලංකා වරාය අධිකාරියේ මෙහෙයුම් කටයුතු වඩාත් කාර්යක්ෂම කිරීමට UNODC වෙතින් නවීන තාක්ෂණික උපකරණ පරිත්‍යාගයක්!

එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලයේ (UNODC) ගෝලීය මුහුදුබඩ අපරාධ වැඩසටහන (GMCP) මගින් ශ්‍රී ලංකා වරාය අධිකාරිය වෙත Raman analytical instruments (මධ්‍යසාර හා මත්ද්‍රව්‍ය හඳුනාගැනීමේ නවීන උපකරණ) ඒකක 02 ක් පරිත්‍යාග කරන ලදී.
ලේසර් කිරණ මගින් රසායනික සංයුතීන් සහ අණුක ව්‍යුහයන් හඳුනාගත හැකි මෙම උපකරණ, UNODC හි ජාතික ව්‍යාපෘති සම්බන්ධීකාරක දුෂාන්ති ප්‍රනාන්දු මෙනවිය විසින් ශ්‍රී ලංකා වරාය අධිකාරියේ සභාපති ආචාර්ය පරාක්‍රම දිසානායක මහතා වෙත නිල වශයෙන් භාර දෙන ලදී.
මෙම අවස්ථාවට එයාර් වයිස් මාර්ෂල් දිල්ෂාන් වසගේ මහතා ඇතුළු වරාය අධිකාරියේ උසස් නිලධාරීන් පිරිසක් සහභාගී වූහ.
-------------------------------------------
The Global Maritime Crime Programme (GMCP) of the United Nations Office on Drugs and Crime (UNODC) had donated 02 units of Raman analytical instruments (Drug Detectors), which uses laser light to identify chemical compositions and molecular structures by measuring vibrational modes.

Those Detectors were officially handed over to the Chairman Dr. Parakrama Dissanayaka by Ms. Dushanthi Fernando (National Project Coordinator - GMCP-UNODC). Air Vice Marshal Dilshan Wasage & other SLPA officials were present on this occasion.

21/04/2026

ශ්‍රී ලංකා වරාය අධිකාරියේ සන්නිවේදන හා මහජන සම්බන්ධතා කොට්ඨාශය සිංහල දෙමළ නව අවුරුදු උදාව සැමරීම හා නව වසරේ වැඩ ආරම්භ කිරීම 2026.04.20 දින සිදුකරන ලදි.

14/04/2026

02/04/2026

කොළඹ වරායේදී විශේෂ ඒකාබද්ධ ආපදා පෙරහුරුවක්!...

රසායනික, ජෛව විද්‍යාත්මක, විකිරණශීලී සහ න්‍යෂ්ටික (CBRN) ආපදා තත්ත්වයකදී ක්‍රියාත්මක විය යුතු ආකාරය පිළිබඳ විශේෂ ඒකාබද්ධ පෙරහුරුවක් 2026 මාර්තු 31 වන දින කොළඹ වරාය පරිශ්‍රයේදී සාර්ථකව පවත්වන ලදී. ශ්‍රී ලංකා නාවික හමුදාව සහ ශ්‍රී ලංකා වරාය අධිකාරිය (SLPA) එක්ව මෙම අභ්‍යාසය සංවිධානය කර තිබුණි.
වරාය වැනි කාර්යබහුල පරිසරයක සිදුවිය හැකි අනතුරුදායක ද්‍රව්‍ය කාන්දු වීම් හෝ එවැනි හදිසි ආපදා තත්ත්වයන් හඳුනා ගැනීම, පුද්ගලයින් ඉවත් කිරීම, මුදාගැනීමේ මෙහෙයුම් සහ විෂහරණ ක්‍රියාවලීන් (Decontamination) මෙහිදී ප්‍රායෝගිකව අත්හදා බලන ලදී.
මෙම විශේෂ පෙරහුරුව සඳහා ශ්‍රී ලංකා නාවික හමුදා CBRN ඒකකය: තාක්ෂණික මෙහෙයුම් සහ විෂහරණ කටයුතු,වරාය අධිකාරී ගිනි නිවීමේ ඒකකය: ගිනි නිවීම් සහ හදිසි මුදාගැනීම්,වරාය වෛද්‍ය අංශයේ ගිලන්රථ ඒකකය: ආපදාවට ලක්වූවන්ට ප්‍රථමාධාර සැපයීම සහ රෝහල්ගත කිරීමට දායක විය.
මෙම පෙරහුරුව නිරීක්ෂණය කිරීම සඳහා රසායනික අවි සම්මුතිය ක්‍රියාත්මක කිරීමේ ජාතික අධිකාරිය (NACWC), ආපදා කළමනාකරණ මධ්‍යස්ථානය (DMC), පරන්තන් කෙමිකල්ස් සමාගම, කොළඹ ජාත්‍යන්තර බහාලුම් පර්යන්තය (CICT) සහ වරාය ආරක්ෂක අංශයේ නියෝජිතයෝ එක්වූහ.
-------------------------------------------
A Joint CBRN (Chemical, Biological, Radiological, Nuclear) Emergency Response Exercise was conducted by the Sri Lanka Navy & Sri Lanka Ports Authority at the Port of Colombo on 31st March 2026. Detection, Evacuation, Rescue and Decontamination Procedures were practically exercised by the SLPA Fire Brigade, SL Navy CBRN Team and the SLPA Medical Division's Ambulance Unit. Officials from the National Authority for the Implementation of the Chemical Weapons Convention (NACWC) of Sri Lanka, Disaster Management Centre (DMC) of Sri Lanka, SLPA Security Division, Paranthan Chemicals Company Limited and Colombo International Container Terminal (CICT) were present as Exercise Observers.

30/03/2026

පුරා වසර 41 ක කාලය​ක් වරාය අධිකාරියේ ජය බහළු (J.C.T) අංගන 1-2 හි ගැන්ට්‍රි දොඹකර ක්‍රියාකරු ලෙ​ස​ සේවය කර විශ්‍රාම දිවියට එළබෙන K.K.S.සතරසිංහ මහ​තා​ට, සුවබර විශ්‍රාම දිවියකට සමස්ත වරාය සේවකයන් වෙනුවෙන්, ශ්‍රී ලංකා වරාය අධිකාරියේ සන්නිවේදන හා මහජන සම්බන්ධතා කොට්ඨාශයේ සුභ පැතුම්....

17/03/2026

ශ්‍රී ලංකා වරාය අධිකාරියේ මුස්ලිම් මජ්ලි​ස් මගින් සංවිධානය කරන ලද වාර්ෂික රාමසාන් ඉෆ්තාර් (රාමසාන් උපවාසය අත්හැරීමේ) උත්සවය පසුගියදා මරදාන "සව්සා" (Sausha) උත්සව ශාලාවේදී උත්කර්ෂවත් අයුරින් පැවැත්විණි.

මෙම උත්සව‍ය සඳහා ශ්‍රී ලංකා වරාය අධිකාරියේ උප සභාපති තුමා, අතිරේක කළමනාකාර අධ්‍යක්ෂවරුන් , ඉහළ කළමනාකාරිත්වයේ නිලධාරීන්, වෘත්තීය සමිති නියෝජිතයින් ඇතුලු වරායේ මුස්ලිම් සේවක මහත්ම මහත්මීන් විශාල පිරිසක් සහභාගී විය.
---------------------------------------------
இலங்கைத் துறைமுக அதிகார சபையின் வருடாந்த இப்தார் நிகழ்வு மருதானை சவ்சா மண்டபத்தில் கோலாகலமாக நடைபெற்றது

இலங்கைத் துறைமுக அதிகார சபையின் முஸ்லிம் மஜ்லிஸினால் ஏற்பாடு செய்யப்பட்ட வருடாந்த ரமழான் இப்தார் (நோன்பு துறக்கும்) நிகழ்வு அண்மையில் மருதானை "சவ்சா" (Saus) மண்டபத்தில் மிகவும் கோலாகலமாக நடைபெற்றது.

இந்நிகழ்வில் இலங்கைத் துறைமுக அதிகார சபையின் உப தலைவர், மேலதிக மேலாண்மை பணிப்பாளர்கள், உயர் மட்ட முகாமைத்துவ அதிகாரிகள், தொழிற்சங்க பிரதிநிதிகள் மற்றும் துறைமுக அதிகார சபையின் முஸ்லிம் உத்தியோகத்தர்கள் என பெருமளவிலானோர் கலந்துகொண்டனர்.

11/03/2026

සීමාවෙන් ඔබ්බට - "Over The Barrier" ග්‍රන්ථය එළිදැක්වී​ම 📖

ශ්‍රී ලංකා වරාය අධිකාරියේ ජයබහලු පර්යන්තයේ (JCT) සහකාර අධිකාරී (මෙහෙයුම්) අජිත් ගුණවික්‍රම මහතා විසින් රචිත "Over The Barrier" (සීමාවෙන් ඔබ්බට) පර්යේෂණාත්මක ග්‍රන්ථය පසුගිය 2026 මාර්තු 10 වන දින ශ්‍රී ලංකා වරාය අධිකාරි​යේ උප සභාපති ඉංජිනේරු, හේරත් එම් ජයවර්ධන මහතා​ගේ ප්‍රධානත්වයෙන්, මහපො​ළ සමුද්‍රීය විද්‍යායතනයේදී එළිදක්වන ලදී.

වරායක බහලු පර්යන්ත මෙහෙයුම් ක්‍රියාවලියේ සංකල්ප, සමුද්‍රීය වෙළඳාම, නෞකා මෙහෙයුම්, භාණ්ඩ හැසිරවීම, සුහුරු වරාය(SMART PORT) සංකල්ප ඇතුළු නවීන වරායකට අත්‍යවශ්‍ය කරන දැනුම් සම්භාරයක් සහිත මෙම ග්‍රන්ථය, වරාය පිළිබඳ උනන්දුවක් දක්වන වෘත්තිකයන්ට සහ අධ්‍යයනය කරන සියලු දෙනාටම වැදගත් කරුණු රාශියකින් පරිපූර්ණ වූවකි.
කඩුල්ල ප්‍රකාශනයක් ලෙස එළි දක්වා ඇති මෙම ග්‍රන්ථය ලංකාවේ ප්‍රධාන පොත් අලෙවිසැල් වලින් මිලදී ගත හැකි අතර, 0714778866 අංකය අමතා වැඩිදුර තොරතුරු ලබාගත හැකිය.

11/03/2026

පුරා වසර 31 ක කාලය​ක් වරාය අධිකාරියේ නැව්බඩු මෙහෙයුම් යාන්ත්‍රික අලුත් වැඩියා අංශ​යේ සේවය කර විශ්‍රාම දිවියට එළබෙන H.K.ආනන්ද මහතා​ට, සුවබර විශ්‍රාම දිවියකට සමස්ත වරාය සේවකයන් වෙනුවෙන්, ශ්‍රී ලංකා වරාය අධිකාරියේ සන්නිවේදන හා මහජන සම්බන්ධතා කොට්ඨාශයේ සුභ පැතුම්....