17/06/2026
💔😢මාරයා පරදා පුතු සුරැකි මිරිස්සේ වීර අම්මා: චතුරංගි සොයුරියට අජරාමර නිවන් සුව!
මාතර, මිරිස්ස හේන්වල ප්රදේශයේදී තම කුඩා පුතු සමඟ යතුරුපැදියකින් ගමන් කරමින් සිටියදී එය ඇලකට පෙරළීමෙන් සිදු වූ අනතුරකින් මිරිස්ස මධ්ය මහා විදුහලේ සේවය කළ චතුරංගි සොයුරිය අවාසනාවන්ත ලෙස මෙලොවින් සමුගෙන තිබේ. තමන් දියේ ගිලී මියයන මොහොතේදී පවා, මාරයා සමඟ සටන් කරමින් තම ලේ කිරි කර පෙවූ ආදරණීය පුතුගේ ජීවිතය යතුරුපැදිය මත තබා බේරාගැනීමට ඇය සමත්ව ඇත. අම්මාවරුන්ගේ ආදරය සදාකාලික බවත්, දරුවෙකු වෙනුවෙන් මවක් ඕනෑම කැපකිරීමක් කිරීමට සූදානම් බවත් ලෝකයටම පසක් කර දෙමින් ඇය සමුගත්තද, ඇයගේ ඒ මාතෘත්වයේ උත්තරීතර ආදරය කිසිදා මිය නොයනු ඇත.
තම ජීවිතයට වඩා ලෝකයේ වටිනාම වස්තුව වූ පුතු ආරක්ෂිතව තබා යන්නට ගිය මේ වීර අම්මා, මාරයා හමුවේ ශාරීරිකව පරාජය වුවද මාතෘත්වයේ අසිරිමත් සෙනෙහසින් මාරයාවද පරදවා ජයගෙන අවසානය. තවමත් ලෝකය දෙස අහිංසකව බලා සිටින ඒ පුංචි පුතුට ආදරණීය මවකගේ සෙනෙහස අහිමි කළ මේ ශෝකී පුවත මුළු මහත් සමාජයකම දෑස් කඳුළින් තෙත් කර තිබේ. දරුවෙකු වෙනුවෙන් සසරක් පුරා පෙරුම් පුරන මහා ගුණකඳක් වූ, දිවියෙන් සමුගත් ඒ වීරවත් චතුරංගි සොයුරියට පරම රමණීය අජරාමර නිවන් සම්පත්තියම අත් වේවා!
