හාවාTalk

20/09/2025

කාලයක් අපි හැමෝම ආදරේ කරපු එයාලා ❤️

20/09/2025

ජූනි 23 -- සුබයිඩා හසන් ( Zubaida Hassan) දරුණු ලෙස පිළිස්සුම් තුවාල ලබන විට ඇයට වයස අවුරුදු 9ක් පමණි. 2001 අගෝස්තු මාසයේදී, තම පවුලේ භූමිතෙල් උදුන දල්වමින් සිටියදී එය පුපුරා ගොස් ඇගේ සිරුරට ගිනි ඇවිලුණි.

ඇෆ්ගනිස්ථානයේ ඇය ජීවත් වූ දුරස්ථ ප්‍රදේශයේ වෛද්‍යවරුන් හිඟ බැවින්, විශේෂඥ වෛද්‍ය ප්‍රතිකාර නොමැතිව, කැලැල් පටක මගින් සුබයිඩාගේ මුහුණ සහ එක් අතක් ඇගේ පපුවටම සම්බන්ධ වී, ඇයව දරුණු ලෙස විරූපී කළේය.

සිනාසීම ඇයට කළ නොහැකි වූ අතර, එම කුඩා දැරියට දෑස් පියා ගැනීමටවත් නොහැකි විය. ඇගේ පියා ඇයව ඉරානයේ රෝහලකට රැගෙන ගිය නමුත්, දින 20ක නේවාසික ප්‍රතිකාරවලින් පසු වෛද්‍යවරුන් ඔහුට පැවසුවේ ඔවුන්ට කළ හැකි දෙයක් නොමැති බවත්, ඇති එකම විකල්පය දැරියට මිය යාමට ඉඩ හැරීම බවත්ය.

ඒ වෙනුවට, සුබයිඩාගේ පියා උදව් පතා ඇයව කාබුල් නුවර පිහිටි එක්සත් ජනපද හමුදා කඳවුරකට රැගෙන ගියේය. විවිධ බාධක ජය ගනිමින්, හමුදා වෛද්‍යවරුන්ගේ, රාජ්‍ය දෙපාර්තමේන්තුවේ, රතු කුරුස සංවිධානයේ සහ 'ළමා පිළිස්සුම් පදනමේ' (Children's Burn Foundation) සහාය ඇතිව, අවසානයේදී ඇයව එක්සත් ජනපදයට ගෙන එන ලදී.

එක්සත් ජනපදයට පැමිණි පසු, පසුගිය ජූනි මාසයේ සිට කැලිෆෝනියාවේ, ෂර්මන් ඕක්ස් හි පිහිටි ෂර්මන් ඕක්ස් රෝහලේ 'ග්‍රොස්මන් පිළිස්සුම් මධ්‍යස්ථානයේදී' (Grossman Burn Center) සුබයිඩා ප්‍රතිකාර ලැබුවාය. එහිදී වෛද්‍ය පීටර් ග්‍රොස්මන් සහ ඔහුගේ වෛද්‍ය කණ්ඩායම විසින් ඇයට සිදු කිරීමට නියමිතව තිබූ සංකීර්ණ සැත්කම් දොළහෙන් පළමුවැන්න සිදු කරන ලදී.

භයානක විරූපී වීමක්

“අපි මෙතෙක් දැක ඇති භයානකම සිදුවීම්වලින් එකක් තමයි මේක. ඒ වගේම එය ඉතා කම්පන සහගත, හදවතට තදින්ම දැනෙන දෙයක්,” යනුවෙන් ග්‍රොස්මන් ABCNEWS හි 'Good Morning America' වැඩසටහනට පැවසීය.

"කිසිදු ප්‍රමාණවත් ප්‍රතිකාරයක් නොමැති විට, ශරීරය විසින්ම කැලැල් පටක වර්ධනය කරමින් සුව වීමට උත්සාහ කරනවා," ඔහු පැවසීය. "සුබයිඩාගේ මුහුණේ තිබූ කැලැල් පටක, ඇගේ පපුවේ තිබූ කැලැල් පටක දෙසට පහළට ඇදී තිබුණා. කැලැල් පටකවලට සමේ ඇති ප්‍රත්‍යස්ථතාව නොමැති නිසා, එය ඇගේ මුඛය සහ ඇසිපිය පහළට ඇද දමා තිබුණා. මෙම සම්පූර්ණ විරූපී තත්ත්වය ඇති වීමට මාස හයක් පමණ ගත වී තිබුණා."

නමුත්, ප්‍රතිකාර සඳහා යොදාගත හැකි නිරෝගී පටක තවමත් ඉතිරිව තිබූ බව ග්‍රොස්මන් පැවසීය. පළමු ශල්‍යකර්මයේදී, වෛද්‍යවරුන්ට සුබයිඩාගේ මුහුණ ඇගේ පපුවෙන් වෙන් කිරීම සඳහා කැලැල් පටකවල ගැඹුරු ස්ථර කපා දැමීමට සිදු විය. වසරකට වැඩි කාලයකට පසු පළමු වතාවට ඇගේ මුහුණ නැවත මතු විය.

“ඇයව තම පවුලෙන් වෙන් නොකර, වසරක් ඇතුළත නැවත ගමරට යැවීමේ ඉලක්කයක් අපට තිබූ නිසා, අපි වසර තුනක පමණ ශල්‍යකර්ම ප්‍රමාණයක් එක වසරකට සම්පිණ්ඩනය කළා,” යනුවෙන් ග්‍රොස්මන් පැවසීය.

වසර දෙකක් වැනි කෙටි කාලයක් තුළ, එම දැරිය වේදනාකාරී සැත්කම් 10කට භාජනය වූ නමුත්, ඇගේ සිරුරේ චලනය වීමේ හැකියාවෙන් කොටසක් නැවත ලබා ගැනීමටත්, නව සිනහවක් හිමි කර ගැනීමටත් ඇය සමත් වූවාය. ඇගේ මව අසල නොසිටි නිසා, වෛද්‍යවරයාගේ පවුල විසින් ඇයව පිළිගත් අතර, ඔවුන් ඇයට සැලකුවේ තම දියණියකට මෙනි.

2017 වසරේදී ඇය සම්පූර්ණයෙන්ම වෙනස් වූ අයෙකු ලෙස නැවත සියරට පැමිණි අතර, අද වන විට ඇය ධෛර්යයේ සහ නොපසුබට උත්සාහයේ ආදර්ශයක් ලෙස සිහිපත් කරනු ලබයි.

Prepared by Chaminda Lakmal Kalubovila using the Internet.

සටහන - Chaminda Lakmal Kalubovila ✍️
(මුල් හිමිකරුගෙ කතෘ අයිතිය සුරකින්න)

19/09/2025

පිස්සෙකුගේ ප්‍රේමය ❤️

මීට කලකට ඉහතදී ගාල්ල ප්‍රධාන බස් නැවතුම්පලේ නිතරම දකින්නට සිටි සිහි විකල් වූ මිනිසෙකි. පිස්සෙක් ලෙස සමාජය හැඳින්වූ ඔහු එදිනෙදා බස් නැවතුම්පලට යන එන සියලු දෙනාගේ දෑසට හසු වූ චරිතයකි. නමුත් කාගේ හෝ දැඩි අවධානයක් ඔහුට ලැබුනේ නැත. කිසිවෙකුට ඔහුගෙන් හානියක්නම් නොවීය. නමුත් ඇතැම් තරුණ කොලු ගැටවු මෙන්ම නොහික්මුණු මිනිසුන් අතින් ඔහුට සිදු වූ තාඩන පීඩන වලනම් නිමක් නොවීය. මා පාසල් ඇරී නිවසට ඒම සඳහා එම වකවානුවේ ගාලු බස් නැවතුමට නිතරම යන එන බැවින් මෙම මිනිසා මා හට ඉතා හුරු පුරුදු දර්ශනයක් විය. ඔහුට ඇතැම් මිනිසුන් අතින් සිදු වූ මේ තාඩන පීඩන දැක මා කලකිරුණු වාර අනන්තය. ඇතැමෙක් ඔහුට නම්පට බැඳීය. තවකෙක් අත ඇති යමකින් ඔහුට දමා ගැසුවේය. ඒ සියල්ල ඉවසා වදාරන මේ මිනිසා එවන් අවස්ථාවක අසරණව ඉවත්ව යන්නේ කිසිදු ප්‍රතිචාරයක් නොදක්වමින් වීම විටෙක හද කම්පා කරවයි. කෑමක් බීමක් කියා හරි හමන් දෙයක් ඔහුට ලැබුනේ නැත. බස් නැවතුම ඉදිරිපස වූ කඩ පේලියේ තේ කඩයකින් ලැබෙන යමක් සපමින් සිටින අයුරු බොහෝවිට දැකගත හැකි විය. මොහුගේ පිටුපස කිසියම් කතාවක් ඇති බව මා හට අවබෝද වුවත් එය සෙවීමට තරම් අවශ්‍යතාවක් මට ඇති වූයේ නැත.

හැම විටෙකම ඔහු අත වූ මල්ලකි. ඒ මල්ල තුළින් ලියුම් කඩදාසි වැනි යමක් එළියට ගන්නා ඔහු කොහේ හෝ මුල්ලකට වී ඒවා කියවයි. එවන් අවස්ථාවක ඔහුගේ මුහුණේ කිසියම් සිනහවක සේයාවක් ඇඳීයන අයුරු මම පැහැදිලිව නිරීක්ෂණය කළෙමි. හදිසියේ යමෙකු ඔහු ආසන්නයට පැමිණේනම් කළබලයෙන් ඔහු එම ලියුම් කඩදාසිය තම මල්ල තුළට ඔබා ගනී. ඒවායේ ඇත්තේ මොනවාද කියා එවන් අවස්ථාවක මා සිතූ නමුත් යළි එම සිදුවීම අමතකව යයි. සුනාමිය හේතුවෙන් විනාශ වූ ගාලු බස් නැවතුම ඒ වන විට වූයේ තාවකාලිකව ගොඩනැගූ බස් නැවතුමක් ලෙසයි. මේ ආකාරයට කාලයක් ගතවිය. ගාලු බස් නැවතුම නවීකරණය කොට නව නැවතුම්පලක් සඳහා මුල්ගල තබන ලදී. පරණ ගොඩනැගිල්ල බිමට සමතලා විය. තාවකාලිකව බස් රථ නැවත්වීමේ ස්ථානය වෙනත් ස්ථානයකට ගෙනගියෙන් එහි සිටි සිඟන්නන්, පිස්සන් වැනි හරිහමන් තැනක් නැති මිනිසුන්ට වෙනත් ස්ථාන සොයා ගැනීමට සිදු විය. මාගේ කතාවේ එන මේ මිනිසාටද සිදු වූයේ වෙනත් තැනක් සොයා ගැනීමටයි. අනතුරුව නගරයේ තැන තැන ඇවිදින ඔහුගේ දර්ශනය හැමවිටම දැකගත හැකි විය.

වරක් මා බස් නැවතුම ඉදිරියෙහි වූ ඇපල් කඩ පේලිය අසල මිතුරෙක් පැමිණෙන තුරු රැඳී සිටියෙමි. එම අවස්ථාවේ මේ මිනිසා ඉක්මන් ගමනින් පාර දිගේ එන අයුරු මා හට දැකගත හැකිවිය. ඔහුට පිටුපසින් වූ පිරිසක් ඔහුට උසුළු විසුළු කරන ආකාරයද දර්ශනය විය. එම අවස්ථාවේ ඒ අසල වූ කඩයක සිටි තරමක් මැදි වියෙහි මෙන් පෙනුමක් තිබූ මිනිසෙකු ඒ දෙස බලා " පවු අහිංසක මිනිහා දැන් ඉන්න තැනක්වත් නැහැ. කොහොම ඉන්න පුළුවන් කොල්ලෙක්ද? "යනුවෙන් පැවසීය. මේ මිනිසා ඔහු පිළිබඳව යමක් දන්නවා ඇතැයි මට සිතුනි. මම ඔහු හා කතාවට වැටුනෙමි. මිනිසෙකුගේ ඇතුලාන්තය පිළිබඳව නොදන්නා කරුණු ගණනාවක් ඔහුගෙන් මට දැනගන්නට හැකි විය. මේ ඔහුගේම වචනයෙන් පැවසූ දෙයයි.

ඔහොම පෙනුනට ඔය මනුස්සයට වයස අවුරුදු 30කට වැඩි නැහැ. දැන් අවුරුදු පහකටත් වැඩිය කාලෙක ඉඳන් තමයි ස්ටෑන්ඩ් එකේ නිදාගන්නේ. ඔහොම ඉන්න ඕන මනුස්සයෙක් නෙමෙයි. කාත් කවුරුවත් නැති කෙනෙකුත් නෙමෙයි.

ඇයි මෙයා කොහේ කෙනෙක්ද...? මොකද්ද ඔහොම වෙන්න තරම් හේතුව...? මම ඇසුවෙමි.

ඔය කෙනාගේ අම්මයි තාත්තයි දෙන්නම ගුරුවරු. හොඳ ඉස්කෝලවල තමයි දෙන්නම ඉගැන්නුවේ. දෙන්නම පෙන්ෂන් ගිහින්. මේ වැඩි දුරක නෙමෙයි ගෙවල් තියෙන්නේ. ඒ මිනිස්සු මං පෞද්ගලිකවත් දන්නවා.

ඉතිං ඇයි එයාලා මේ මනුස්සයා ගැන හොයලා බලන්නේ නැත්තේ..?

හොයලා බැලුවා. ප්‍රතිකාරත් දුන්නා. අංගොඩ ඉස්පිරිතාලේ නවත්තගෙන බෙහෙත් කරා. ඒත් මේ යකා පැනල එනවා. අන්තිමේදී ගෙදර නවත්තගත්තා. එහෙම ඉන්නෙත් නැතුව තමයි මේ බස් ස්ටෑන්ඩ් එකට ඇවිල්ලා නැවතිලා ඉන්නේ....

ඉතිං මට හේතුව කිවුවේ නැහැනේ මොකද්ද කියලා....?

ඔය කෙනාට ඉස්කෝලේ යන කාලේ ඉඳන් තිබුන ප්‍රේම සම්බන්දයක් තිබුණා. දෙන්නම ඉගෙනගන්න හරි දක්ෂයිලු. දෙන්නම ගාල්ලේ හොඳ ඉස්කෝල දෙකක ඉගෙනගෙන තියෙන්නේ. ඒ නිසා මේ සම්බන්දෙට ගෙවල් වලින් උනත් වැඩිය ප්‍රශ්න දාලා නැහැ. ඒ ඒ දෙමවුපියෝ උනත් දන්න අඳුනන මිනිස්සු. මේ දෙන්නා උසස් පෙළ කරන්නත් එකටමයි පංති ගිහින් තියෙන්නෙත්...

ඉතිං මොකද වෙලා තියෙන්නේ....? මම ඇසුවේ මා තුළ වූ නොඉවසිලිමත් බව නිසාමය.

ඔය දෙන්නා ඉස්සර මුණ ගැහෙනවයි කියන්නේ ඔන්න ඔය පිටිපස්සෙන් තිබුන වක්වැල්ල බස් ඇවිත් නවත්තන තැනදී. දැකලා තියෙනවා නේද ඔය මනුස්සයා ඉන්නෙම ඔතන කියලා...?

ඔව් ඔව්... ඔතනට වෙලා ලියුම් වගේ දෙයක් කියවනවා මං නිතරම දැකලා තියෙනවා...

අන්න හරි. ඒත් අවාසනාව කියන්නේ දවසක් දෙන්නා එක්ක ඔහොම කතා කර කර ඉඳලා ඒ ගෑනු ළමයා කහ ඉරෙන් පාරේ එහා පැත්තට මාරු වෙන්න ගිහිං තියෙනවා. ඒත් එක්කම අනික් පැත්තෙන් වේගෙන් ආපු වෑන් එකකට ඒ ළමයා යට වෙනවා හිතුවේ නැති විදිහට. එයා එතනම මැරුණා. සිද්ධිය දැකපු අය කියන්නේ කෙල්ල කොල්ලට අත වන වන තමයි පාර මාරු වෙලා තියෙන්නේ කියලා. ඉතිං ඒ ළමයට තේරිලා නැහැ වාහනයක් එන බවක්. මෙහා පැත්තේ ඉඳපු කොල්ලා ඉස්සරහම කෙල්ලා යටකරගෙන ගියපු එකේ ෂොක් එක මෙයාට දරුණුවට වදින්න ඇති. ඒ වෙලාවේ මිනිය බදාගෙන පාර මැද්දේ කෑ ගැහුවලු. ටික වෙලාවකින් සිහි නැති උනාලු.

එදා ඉඳන්ද මෙයාට මේ දේ උනේ...?

ඒ සිද්ධියෙන් පස්සෙත් කෙල්ලගේ මරණේ වැඩ වලටත් මෙයා ගිහින් ඒ හැම දේමත් කරලා තියෙනවා. ටිකෙන් ටික තමයි ඔය තත්වේ ඇති වෙලා තියෙන්නේ. ඉගෙනීම සම්පුර්ණ කඩාකප්පල් වෙලා කල්පනා කර කර ඉන්න තත්වෙකට වැටිලා. අන්තිමේ දෙමවුපියෝ කරන්න තියෙන හැම දේම කරා. ඉතිං අන්තිමට ඔන්න ඕකයි සිද්ද උනේ.

මොනවද අර ලියුම්...? මං දැකලා තියෙනවා මුල්ලකට වෙලා හිනාවෙවී කියවන හැටි.....

මිනිස්සු කියන්නේ ඉස්සර ඒ කෙල්ලගෙන් ලැබුණ ලියුම්ලු අර මල්ලේ තියෙන්නේ. දවසක්දා වැරදිලා වැටිලා තිබුණ ලියුමක් අපේ කොල්ලෙක් කියවලා තියෙනවා. කෙල්ලෙක්ගෙ අත් අකුරින් ලියලා තිබුණ ලස්සන ලියුමක්ලු. එදා දවසෙම ඔය මනුස්සයා ඔය ලියුම හෙව්වලු පිස්සුවෙන් වගේ ඇවිද ඇවිද... පස්සේ ඒක ඒ මනුස්සයටම දුන්න මම කියලම. ඒක දෙන වෙලාවේ හරි අහිංසක විදිහට හිනා වෙලා මොනවද කියනවා මට ඇහුනා. හරි සතුටෙන් වගේ ඒක අරං ගියපු විදිහ මට තවම මතකයි.

මෙකී සිදුවීම් මාලාව සිනමාපටයක් සේ මාගේ මනසේ ඇඳෙන්නට උනා. පිටුපස හැරී අත වනමින් යන තරුණියගේ සිනහවත්, එක් වරම පැමිණි වෑන් රථය ඇයව යට කරගෙන ඉදිරියට ඇදෙන අයුරුත්, අනපේක්ෂිත මොහොතක සිදු වූ දෙයින් කම්පනයට පත් වූ තරුණයාගේ විලාපයත් සිතුවම් පටක් මෙන් මා මනසේ ඇඳී යන්නට උනේ විදුලියක් මෙන් කම්පනයක් මා තුළද ඇති කරමිනි. ...........................................................................................................

වසර ගණනක් ගෙවී ගිය අතර නව බස් නැවතුම්පලද ඉදි වී අවසන් විය. මා නගරයෙන් පිටවී සිටි සමයේ මට එම සිදුවීම අමතක විය. දිනක් මා ගාලු බස් නැවතුමට පැමිණි මොහොතේ මා හට ඒ සිදුවීම නැවත සිහි විය. වෙනදා මෙන් සිහි මද මිනිසා පෙනෙන්නට නැති බව මට හැඟුනි. ඔහු පිළිබඳව සොයා බැලීමට සිතක් පහල වූ අතර ඒ ගැන ඇසීමට හොඳම පුද්ගලයා ඇපල් වෙළඳාම් කරන වෙළෙන්දා බව සිහි වුනෙන් ඔහුව සොයා ගැනීමට සිදු විය. වෙනදා ඇපල් කඩ පේලිය තිබූ තැන නගර සභාවේ නියෝග මත වෙන ස්ථානයකට ගෙනගිය බැවින් තරමක් දුර ඇවිද ගොස් ඔහුව සොයා ගැනීමට සිදු විය. ඔහුව සොයා ගැනීම එතරම් අපහසුවක් වූයේ නැත.

මා දැක පුරුද්දක් ඇති නිසා ඔහුට මාව හඳුනාගැනීමට හැකි විය. ආගිය තොරතුරු කතාකොට මම ඔහුගෙන් සිහි මද මිනිසා ගැන ඇසුවෙමි.

මොකද අර මනුස්සයට උනේ...? දැක්කෙම නැහැ කාලෙකින්. කොහේ ගිහිල්ලද දන්නේ නැහැ....

අනේ ඒ මනුස්සය දැන් අවුරුදු දෙකකට විතර උඩදී කෝච්චියට යටවෙලා මළා..., ඇලෝසියස් පිට්ටෙනිය ළඟ තිබිලා මිනිය හම්බු උනා. මාත් ගියා බලන්න. මනුස්සයගේ මල්ලේ තිබුණ ලියුම් කඩදහි සී සී කඩ තිබුණා. ඒවා අතටම දිය උන කොල කෑලි.... වැටිලා ඉන්න වෙලාවේ අතෙත් ගුලිකරගෙන තිබුනේ ලියුමක්. මේ මනුස්සයාගේ කතාව දන්නේ නැති ගොඩක් මිනිස්සු ඒ දේවල් වලට හිනා උනා. ඒත් මට හිතෙන්නේ ඒ මනුස්සයට සන්තකේටම කියලා තිබුනෙත්,ජීවිතේම වෙලා තිබුනෙත් ඒ ලියුම් කොල කෑලි ටික විතරයි..... එක අතකින් හොඳයි.එයා යන්න ඕන තැනට ගියා....

මගේ උගුර සිරවී යන්නාක් මෙන් හැඟීමක් ඇති විය. පෙරකී සිදුවීම් මාලාව යලි යලිත් මාගේ මතකය කළඹන්නට විය. ඔහුගේ මනස් ලෝකය තුළ ඔහු මවාගත් ප්‍රේමය කවරාකාරදැයි මම නොදනිමි. එහෙත් පිස්සෙකුගේ ප්‍රේමය උදාරතර නොවනු ඇතැයි පැවසිය හැක්කේ කාටද....?

සටහන - අයේෂ් ලියනගේ ✍️
(මුල් හිමිකරුගෙ කතෘ අයිතිය සුරකින්න)

19/09/2025

අපි මැරෙන්නෙ අඳුරෙ වෙන්න පුලුවන්, ඒත් අපි මැරෙන්නෙ එකිනෙකා පුර්ණ ආදරය ලබපු තෘප්තිමත් මිනිස්සු විදිහටයි...🖤

- The English Patient - 🎥

19/09/2025

අසාමාන්‍ය අයුරින් හෝඩුවාවක් නොමැතිව අතුරුදහන් වූ තමන්ගේ දුවගේ නිරුවත් ඡායාරූප වසර 7කට පස්සේ වර්තමානයේ ඇගේ ඡායාරූප ලෙස නම් කරමින් ඊමේල් මගින් ලැබුනොත් කොහොමට තියේද..?

මේක සිද්ධ වෙන්නේ 2005 අවුරුද්දේ දීයි.. මේ ඡායාරූප වල ඉන්නවා යැයි පවසා තිබුනේ 1998 වසරේ මාර්තු මස 24 වැනි දා කැරිබියන් මුහුදේ ගමන් කළ යාත්‍රාවක දී අතුරුදහන් වූ අවුරුදු 23ක් වූ ඇමී ලින් බ්‍රැඩ්ලින් වන අතර ඇය අතුරුදහන් වූවේ ඇගේ දෙමාපියන් සහ මල්ලී සමගින් ගිය යාත්‍රා සංචාරයකදීයි.

ඇයගේ අතුරුදහන් වීම සිදුවන්නේ නැවේ ඔවුන්ගෙ පවුලට අයිතිව තිබූ කැබින් කාමරයෙහි සඳළුතලයෙදී වන අතර, ඇයව අවසන් වතාවට උදෑසන 5.30 ට පමණ එහි විවේකීව සිටිනවා දැක තිබුනේ ඇගේ පියායි. ඉන් පසුව සජීවීව ඔවුන් ඇමීව දකින්නේ නෑ.

කොහොම නමුත් මේ ඇමීගේ අද්භූත අතුරුදහන් වීම ආන්දෝලනාත්මක වෙන්නේ නැවේ පාලන අධිකාරිය ඇමීගේ පවුලේ අයට ඇය සෙවීමට උදව් නොකිරීමත් , නැව තුල අස්සක් මුල්ලක් නෑර ඇය සෙව්වත් ඇය සොයාගැනීමට කිසිවෙකුට හැකි නොවීමත් එක්කයි.

ආත්මාරක්ෂක සටන් ක්‍රම සේම හොදින් පිහිනන්න පුලුවන් කම නිසා පවුලේ අය ඇය මුහුදට වැටී ගිලී මිය ගියා යැයි නොපිලිගත් අතර පසුව නැව බිමට ආව පසුව පවුලේ අය මේ සම්බන්ධයෙන් පොලිසියට දැනුම් දෙනවා. පොලිසිය කෙතරම් උත්සාහ කරත් ඇමීගේ මේ අතුරුදහන්වීම විසදන්න ඔවුන්ට හැකි වෙන්නේ වන්නේ නෑ.

ඇය අතුරුදහන් වෙලා අවුරුද්දකට පස්සේ නාවුක හමුදාවේ අයකුට සමාජ ශාලාවක දී ඇමී ලින් බ්‍රැඩ්ලි යනුවෙන් තමන් හඳුන්වා ගත් ගණිකාවක් හමු වූ බවත්. මාධ්‍යට මුදාහල ඇමීගේ ඡායාරූපවල තුබූ ඇමීගේ පච්චා සලකුණු වලට සමාන මේ ගණිකාව ඔහුට පවසා තුබුනේ ඇය එතැන බලහත්කාරයෙන් රදවාගෙන සිටින බවයි.

මෙය ප්‍රභල සාක්ෂියක් වුවත් අවසානයේ ඒ සමාජ ශාලාවෙනුත් පොලීසියට ඇමීව හොයා ගන්න වෙන්නේ නෑ. මේ හේතු කාරණා නිසා ඇගේ මරණයේ අභිරහස සොයාගන්නට පොලීසියට හැකි වෙන්නෙ නෑ.

මේ අතරයි 2005 වසරේදී බ්‍රැඩ්ලි පවුලට ඇමීට සමාන පෙනුමක් තිබූ ඡායාරූප සහිත ඊමේල් පණිවිඩයක් ලැබෙන්නේ.

නිරුවතින් සහ අඩනිරුතින් තිබූ මේ ඡායාරූපවල සදහන් වූවේ ඇය ඇමී ලින් බ්‍රැඩ්ලින් වන බවත්, ඇය තවමත් ජීවත් වන බවකුයි. ඒ වගේම පවුල්‍රෙ අය විසින් ඇගේ ශරීර ලක්ෂන අනුව මේ සිටින්නෙ ඔවුන්ගේ අතුරුදහන් වූ දරුවා වග පිළිගත්තත් පුදුමයට මෙන් ඒ පිළිබඳ ව කිසිදු සාධනීය තොරතුරක් සොයාගන්නට කිසිවකුත් මේ වන විටත් සමත් වී නැහැ.

ඉතින් මේ ඇනීගේ අතුරුදහන් වීම තවමත් පවතින්නේ නොවිසදුන අභිරහස් අතුරුදහන් වීමක් ලෙසටයි...💔

සටහන - Mmp Ranaweera ✍️
(මුල් හිමිකරුගෙ කතෘ අයිතිය සුරකින්න)

19/09/2025

ඝාතකයාගේ කරමතින් සුසානයට ගිය ලේඛකයා - මැක්සිම් ගොර්කි ✍️❤️

මේ ඓතිහාසික සේයාරුවකි. සේයාරුවේ දකුණුපස දේහයක් ඔසවාගෙන සිටින්නේ සෝවියට් සමූහාණ්ඩුවේ නායකයා වන ජෝෂප් ස්ටාලින්ය. ඔහු ඔසවාගෙන සිටින්නේ මහා ලේඛක මැක්සිම් ගෝර්කිගේ දේහයයි. එවක ඇතැම් බටහිර පුවත්පත් මෙම අවමංගල්‍ය පුවත වාර්තා කරද්දී ඊට යෙදූ උදෘතය වූයේ " ඝාතකයාගේ කරමතින් සුසානයට ගිය ගෝර්කි" යන්නය. බටහිර පුවත්පත් එසේ යෙදුවේ ගෝර්කිගේ මරණය ස්වභාවික මරණයක් නොව ඝාතනයක් බවට සැක සංකා පැතිර ගිය නිසාය. බොහෝ දෙනෙකුගේ ඇඟිල්ල දිගු වූයේ ස්ටාලින් දෙසටය. ඇතැමුන් ට්‍රොස්කිවාදීන් දෙසටද ඇඟිල්ල දිගු කළේය. නමුත් ස්ටාලින්ගේ කලබලකාරී හැසිරීම නිරීක්ෂණය කළ දේශපාලන විශ්ලේෂකයින් කීවේ මෙය සෘජුවම ස්ටාලින්ගේ අනුදැනුම ඇතිව සිදු වූවක් බවය.

ඒකාධිපතියකු වූ ස්ටාලින් හට දේශපාලන ඝාතන අරුමයක් නොවූවත් ගෝර්කිට අත තබන්නට හේ බිය වූ බව කියැවේ. වී.අයි ලෙනින්ගේ සමීපතම ලේඛකයා වන ගෝර්කි වටා මහා ජන ගඟක් ඒකරාශී වී සිටීම ස්ටාලින්ට රිස්සුවේ නැති බවත් පැවසේ. එසේම ලෙනින්ගේ මරණින් පසු ස්ටාලින් ගෙන ගිය පාලනය පිළිබඳව ගෝර්කි දැක්වූ විරෝධාකල්ප ඉවසන්නට ස්ටාලින් අසමත් වූ බව ඔහුගේ හිතෛෂීහු පසු කලෙක අනාවරණය කළහ. නමුත් එළිපිට ගෝර්කි හා නොගැටී සිටින්නට තරම් ස්ටාලින් දේශපාලනික කපටියකු වූවේය.

මේ වකවානුව වන විට ගෝර්කි විසින් ලෝකයට නව සාහිත්‍ය ධාරාවක් හඳුන්වා දුන්නේය. එය Socialist realism හෙවත් සමාජවාදී යථාර්ථවාදය නම් විය. ඔහුගේ ලියැවිල්ල හැමවිටම ජනතාවාදී සහ සමාජවාදී අදහස්වලට අවංක විය. ගෝර්කි කිසිවිටෙකත් දේශපාලන නායකයින් රකින හෙන්චයි මාදිලියේ ලේඛකයකු වූයේ නැත. ලෙනින්,ට්‍රොස්කි සහ ස්ටාලින් යන තිදෙනාටම වරින් වර ඔහුගේ දරුණු විචාරයන්ට මුහුණ දෙන්නට සිදු වූහ. ඔහු රුසියාවේ ප්‍රමුඛම සඟරා කිහිපයක කතුවරයා විය. ලේඛනය ප්‍රබලම මාධ්‍ය වූ ඒ වකවානුවේ ඔහුගේ වදන් රුසියානුවන්ගේ දේශපාලන දැක්ම කෙරෙහි තදින් බලපාන්නක් විය. එයම ඔහුගේ ජීවිතය අවසන් වන්නටත් හේතු වන්නට ඇත.

1934 වසරේදී ස්ටාලින්ගේ දේශපාලන භීෂණය උග්‍ර මට්ටමකට පැමිණියේය. මේ වකවානුවේ එරට බොල්ෂෙවික් පක්ෂ පතාකයකු වූ සර්ජි කිරෝව් ඝාතනය වූ අතර වැඩි දිනක් නොගොස් මැක්සිම් ගෝර්කි නිවාස අඩස්සියට පත්විය. මෙය කිසිදු මාධ්‍යයක හෝ පළ නොවූ අතර ඉතා රහසේම ගෝර්කි නිවාස අඩස්සියට පත් කරනු ලැබීය. ගෝර්කිට අත තැබීම ජන කැළඹීමකට හේතුවක් වන බව ස්ටාලින් පාලනය හොඳින්ම දැන සිටියේය. අවසානයේ හුවා දැක්වූයේ ඔහු කිසියම් රෝගයකින් පීඩා විඳින බවකි. ජනතාව කම්පාවට පත්වී ඔහුට ඉක්මන් සුව ප්‍රර්ථනා කළ නමුත් ගෝර්කි කිසිදා සුව වූයේ නැත. 1936 වසරේ ජුනි 18 වැනිදා ඔහු මියගිය බව ඔහුගේ වෛද්‍යවරු හෙළිකර සිටියහ.

තැන තැන මේ ගැන කසුකුසු ඇතිවිය. වෛද්‍යවරුන් ලවා කාලයක් මුළුල්ලේ ගෝර්කි අඩපණ කොට ඝාතනය කරවූ බව ප්‍රචාරය විය. සෝවියට් විරෝධී බටහිර මාධ්‍ය විසින් මේ ගැන රහස් බොහොමයක් හෙළි කරනු ලැබීය. කෙසේහෝ අවසානයේ මෙය ඝාතනයක් බවට ඔප්පුවන සාක්ෂි රැසක් එළියට පැමිණියේ ස්ටාලින් සෘජුවම මීට සම්බන්ධ බව ඔප්පු කරමිනි. එවක සෝවියට් දේශයේ බුද්ධි තොරතුරු ආයතනය වූ NKVD ප්‍රධානියා වූ හෙන්රික් යගෝඩාගේ සහචරයින් ගෝර්කි ඝාතනය පසුපස සිටිනා බව හෙළිදරව් විය.

අම්මා ලියූ ගෝර්කිගේ ඝාතනය ලෝක ඉතිහාසයේ තවත් එක දේශපාලන ඝාතනයක් පමණි. දේශපාලන ඝාතනයකට පසු ඝාතකයාම ගුණ වයන්නේ, මල්වඩම් එවන්නේ,කරමතින් ගෙන යන්නේ හෘද සාක්ෂියෙන් ගැලවීමක් නැති නිසාමය. මේ ඉතිහාසය පුරාම දේශපාලන ඝාතකයන්ට බිලි වූ බහුතරය නිරායුධ මිනිසුන්ය. ඝාතකයා වැඩියෙන්ම බිය වන්නේද ඒ නිරායුධ විචාරකයාටය.

සටහන - අයේෂ් ලියනගේ ✍️
(මුල් හිමිකරුගෙ කතෘ අයිතිය සුරකින්න)

18/09/2025

මේ පාට පාටින් පෙන්නන ලෝකේ තියන ඕනම රටක හැම Tv channel එකක්ම live බලන්න පුලුවන්...😍

අවශ්‍ය රට ක්ලික් කරපු ගමන් ඒ රටේ තියන චැනල් ලිස්ට් එකම බලාගන්න පුලුවන්. එතනින් කැමති එකක් තෝරගෙන බලන්න පුලුවන්. ලංකාවෙ චැනල්ම බලලා කම්මැලි නම් ඔන්න ට්‍රයි කරලා බලන්න පහල ලින්ක් එකෙන් 👇🏻

https://tv.garden/

18/09/2025

18/09/2025

"ඔයා ඇහුවා නේද එයාට ශිවුලි කියලා නම දැම්මේ ඇයි කියලා..?

රෑට පිපෙන සේපාලිකා මල් වලට එයා ගොඩක් ආසා කලා..ශිවුලි හැම අවුරුද්දෙම ඔක්තෝබර් එනකම් බලං හිටියා..ඒ මාසේ ඉදන් තමයි ඒ මල් පිපෙන්න පටන් ගන්නේ..මුළු රෑ පුරාම ඒවා ගහෙන් හැලෙනවා..ශිවුලි එයාගේ සීයා එක්ක ගහ යට ඉදං එව්වා ඇහින්දා..."🌸

සේපාලිකා මල් වලටත් තියෙන්නේ බොහොම පොඩි කාලයක් රෑට පිපිලා රෑටම පරවෙන්නත් කලින් නටුවෙන් ගැලවිලා ගහ යටට වැටිලා යනවා..ශිවුලිත් ඒ වගේ පරවෙන්න කලින් වැටුනා...💔

October - 🎥
©️ හාවාTalk

18/09/2025

ඒයාලා වෙනුවෙන් කෙනෙක්...🥹❤️

ඇමරිකා එක්සත් ජනපදයේ ගිණිනිවන හමුදාවේ එක් මෙහෙයුම් බට කන්ඩායමකට සුරතලුන්ගේ දිවි රැකීම වෙනුවෙන් නිලධාරීන් සේවයේ යොදවා තිබෙනවා.

ගිනි ගන්නා ස්‍තානයේ මිනිසුන් අනිත් සේවකයන් විසින් අවධානයෙන් බේරා ගන්න අතර තුරදී මේ සේවකයිගේ කාර්‍ය වන්නේ නිවසේ වෙසෙන සුරතලුන් බේරා ගැනීම පමනයි.

ඒ වූ භටයෙකු විසින් බේරාගත් මේ අහිසක පූසා සහ එයාගේ අහිංසක බැල්ම දිහා බැලුවාම ඒක මොනතරම් වටිනවාද කියලා ඔයාට තේරේවි...😥

සටහන - Mmp Ranaweera ✍️
(මුල් හිමිකරුගෙ කතෘ අයිතිය සුරකින්න)

17/09/2025

Great achievement is usually born of great sacrifice, and is never the result of selfishness...🏆️❤️

Michelle Dilhara 🌹