පොලා - POLA

18/03/2025

දන්නවනම් දන්න ලබ්බ කියන්න ඕනෑ......
- ඥානසාර හිමි......

02/03/2025

දහසය වසකට පසු...
දළදා ප්‍රදර්ශනය
අප්‍රේල් 18 -27 දක්වා.....

සමස්ත ලෝක බෞද්ධයාගේ මුදුන් මල්කඩ ලෙසින් සැලකෙන මහනුවර ඓතිහාසික ශ්‍රී දළදා මාලිගාවේ වැඩවසන උතුම් ශ්‍රී දළදා වහන්සේ මහජන ප්‍රදර්ශනය සඳහා වන දළදා දැක්ම වසර 16 ට පසු ලබන අප්‍රේල් 18 සිට පුරා දින දහයක් පුරා පැවැත්වේ.
ඒ අනුව 18 පස්වරු 3.00 ට ආරම්භ කෙරෙන දළදා ප්‍රදර්ශනය එදින පස්වරු 5.30 ට අවසන්ව පසුදා (19) සිට අප්‍රේල් 27 දක්වා සෑම දිනකම මධ්‍යන 12.00 සිට පස්වරු 5.30 දක්වා ප්‍රදර්ශනය කෙරේ.
ජනාධිපති අනුර කුමාර දිසානායක මහතා විසින් දළදා ප්‍රදර්ශනයක් පැවැත්වීම සඳහා මල්වතු අස්ගිරි මහනාහිමිවරුන්ගෙන් කරන ලද ඉල්ලීමක් මත උන්වහන්සේලාගේ අනුශාසනා පරිදි මෙම දළදා ප්‍රදර්ශනය පැවැත්වේ.
ඓතිහාසික ශ්‍රී දළදා මාලිගාවේ අද (02) සවස පැවති විශේෂ මාධ්‍ය හමුවකදී දළදා මාලිගාවේ දියවඩන නිලමේ ප්‍රදීප් නිලංග දෑල මහතා නිල වශයෙන් මේ බව දැනුම් දුන්නේය.

✍️
පොලා - POLA

28/02/2025

දේශබන්දු අත්අඩංගුවට ගන්න නියෝග ......

හිටපු පොලිස්පති දේශබන්දු තෙන්නකෝන් මහතා අත්අඩංගුවට ගන්නා ලෙස මාතර මහේස්ත්‍රාත් අධිකරණය විසින් අද (28) සවස නියෝග කරනු ලැබ ඇත.
2023 දෙසැම්බර් 31 දා මාතර පැලෑන ප්‍රදේශයේ හෝටලයක් ඉදිරිපිට සිදු වූ වෙඩි තැබීමේ සිද්ධිය සම්බන්ධයෙන් සිදු කරන විමර්ශනවලට අදාළව මෙම නියෝගය නිකුත් කෙරිණි.
මෙයට අමතරව කොළඹ අපරාධ කොට්ඨාසයේ ස්ථානාධිපතිවරයා ඇතුළු හය දෙනෙකු අත්අඩංගුවට ගන්නා ලෙස නියෝග කර ඇත.

✍️
පොලා - POLA

28/02/2025

"අයවැය ලේඛනයේ ප්‍රතිපත්ති රාමුව
රනිල්ගේ ......
පිටකවරය අනුරගේ......"
හිටපු අමාත්‍ය ආචාර්ය බන්දුල ගුණවර්ධන සමගින්.....
'වෙනස් මානයකින්.....
දේශපාලනයේ කෙලින් කතාව'
"180"

Sinha TV ඔස්සේ
.....





#පොලාගේලියවිල්ල





Bandula Gunawardena
Bandula Gunawardena

දේශපාලනයේ නොදුටු යථාර්තය Sinha TV 180 | බන්දුල ගුණවර්ධන | Bandula Gunawardhane | 2024.02.25 | Ep 35 ...

25/02/2025

දිවි රඟ මඬලින් බැස යන....
කලාකරුවාණෙනි සුබ ගමන් !

19/02/2025

ගනේමුල්ලේ සංජීව අධිකරණය තුළදී වෙඩි කා නසී.....

අලුත් කඩේ අධිකරණ සංකීර්ණයේ සිදු වූ වෙඩි තැබීමකින් මෙයට සුළු මොහොතකට පෙර සංවිධානාත්මක අපරාධ කල්ලි නායක ගනේමුල්ලේ සංජීව නමැත්තා මරමුවට පත්ව ඇත.
මිනී මැරුම් රැසක් , මහා පරිමාණ මත්ද්‍රව්‍ය ජාවාරම් ඇතුළු අපරාධ චෝදනා රාශියක් ඔහුට එල්ල වී තිබේ.
පොලිස් භාරයේ සිට නඩු කටයුත්තක් සඳහා
අලුත් කඩේ මහේස්ත්‍රාත් අධිකරණය වෙත රැගෙන ආ අවස්ථාවේ මෙම වෙඩිතැබීම සිදුව ඇතිි අතර නීතිඥයෙකු ලෙසින් පැමිණි පුද්ගලයෙකු මෙලෙස වෙඩි තබා ඇති බවට පොලිසිය සැක කරයි.
✍
පොලා - POLA

14/02/2025

Sinha TV
විසංවාදයෙන් තොර සංවාදාත්මක......
"කරළියක පෙරළිය"
'පෙරළිය'
දේශපාලන සංවාදය.....

ජාතික ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී නීතිඥ සුසන්ත දොඩාවත්ත මහතා.....

හිටපු ජනාධිපති මහින්ද රාජපක්ෂ මහතාගේ නිල මාධ්‍ය ප්‍රකාශක නීතිඥ මනෝජ් ගමගේ මහතා ......
සමගින් ,,,,,,,
Sinha TV
ඔස්සේ......


#පොලාගේලියවිල්ල

විසංවාදයෙන් තොර සංවාදයකකරලියක පෙරලිය.....Sinha TV Karaliyaka Peraliya | Susantha Dodawatta Vs. Manoj Gamage | 2025.02.13 | Ep 07 ...

07/02/2025

" අත උසාවියේ ....
බුලත් කොළය උසාවියේ.....
පුටුව කොතනද ?
පොදු ජන එක්සත් පෙරමුණේ නායකත්ව මණ්ඩල සභාපති හිටපු අමාත්‍ය අනුර ප්‍රියදර්ශන යාපා සමගින්.....
'වෙනස් මානයකින්.....
දේශපාලනයේ කෙලින් කතාව'
Sinha TV
"180" දේශපාලන සංවාදය ඔස්සේ ......
ලබන අඟහරුවාදා (11) රාත්‍රී 7.30 ට හමුවෙමු.





#පොලාගේලියවිල්ල

04/02/2025

" පොහොට්ටුවට මොකද වුණේ "

අද (04 ) නිදහස් දා .....
ශ්‍රී ලංකා පොදු ජන පෙරමුණේ මහලේකම් නීතිඥ සාගර කාරියවසම් සමගින්.....
'වෙනස් මානයකින්.....
දේශපාලනයේ කෙලින් කතාව'
Sinha TV
"180" දේශපාලන සංවාදය සමගින්...
රාත්‍රී 7.30 ට හමුවෙමු.





#පොලාගේලියවිල්ල

25/01/2025

කුරිරු එල්.ටී.ටී.ඊ.ය උතුම් දළදා මැදුර ලෙයින් තෙත් කර අදට 27 වසරයි !

ලොව පුරා බොදු බැතිමතුන්ගේ මුදුන් මල්කඩ බඳු ඓතිහාසික ශ්‍රී දළදා මාළිගයට එල්.ටී.ටී.ඊ ය විසින් බෝම්බ ප්‍රහාරයක් එල්ල කර අද (25) ට විසි හත් වසරකි.
1998 ජනවාරි 25 වැනිදා අලුයම මෙම ම්ලේච්ච ,කුරිරු ප්‍රහාරය එල්.ටී.ටී.ඊ. විසින් එල්ල කළ අතර ඉන් 17 දෙනෙකු මියගොස් 25 කට අධික පිරිසක් තුවාල ලැබීය.
1983-2009 වකවානුවේ උතුරු /නැගෙනහිරට වෙනම ඊලම් රාජ්‍යයක් වෙනුවෙන් ත්‍රස්තවාදී කණ්ඩායමක් ලෙස පෙනී සිටිමින් එල්.ටී.ටී.ඊ. ය සිදුකළ අති බිහිසුණු ම්ලේච්ඡ ප්‍රහාර අතර මෙම පහරදීම ම්ලේච්චම ප්‍රහාරයයි.චන්ද්‍රිකා බණ්ඩාරනායක කුමාරතුංග ජනාධිපතිනිය එවක මෙරට සේනාධිනායිකාව ලෙස කටයුතු කළ අතර රාජ්‍ය ආරක්ෂක නියෝජ්‍ය අමාත්‍යවරයා ලෙස ජෙනරාල් අනුරුද්ධ රත්වත්තේ මහතා කටයුතු කළේය.සිද්ධියෙන් පසු රත්වත්තේ මහතා එම තනතුරෙන් ඉවත් වූ අතර ජනාධිපතිනිය එය භාර නොගැනීමත් සමඟ පසුව යළි ඔහු එම තනතුරේම කටයුතු කළේය.
නෙරන්ජන් විජයරත්න මහතා එවක මහනුවර ශ්‍රී දළදා මාලිගාවේ දියවඩන නිළමේ ලෙස කටයුතු කෙරිණි.
මහනුවරදී පැවැත්වීමට නියමිතව තිබූ 50 වෙනි ජාතික නිදහස් දින සැමරුම් උළෙල කඩා කප්පල් කිරීමට මෙම ප්‍රහාරය එල්ල කළ බව කියැවේ.
දළදා මැදුරෙහි ඉදිරිපස කොටස හානියට පත්වෙමින් සැදැහැවත්හු ඇතුළු 17 ක පිරිසක් ජීවිතක්ෂයට පත්වූ,
විසිපහකට අධික ප්‍රමාණයක් තුවාල ලැබූ,
වාහන තුනක් ගිනිබත් වූ මෙම ප්‍රහාරයෙන් පසු දිනම
ශ්‍රී ලංකාව තුළ එල්.ටී.ටී.ඊ. සංවිධානය තහනම් කෙරිණි.සිද්ධියෙන්
කුපිත වූ ජනයා හින්දු සංස්කෘතික මැඳුර ඇතුළු ස්ථාන කිහිපයකට හානි කිරීමක්ද සිදුවිය.
මෙම බෝම්බ ප්‍රහාරය එල්ලවීමෙන් පසු රුපියල් මිලියන එකසිය පනහක පමණ වියදමින් ශ්‍රී දළදා මාළිගය යළි ප්‍රතිසංස්කරණය කෙරිණි. මෙම දැවැන්ත ප්‍රහාරයේ බලපෑම මත ඒ අවට කිලෝමීටර් පහක් පමණ දුරින් වූ ඇතැම් ගොඩනැඟිලිවලටද හානි සිදුව තිබිණි.
දළදා මාළිගා පරිශ්‍රය තුළ සිදුවූ මෙම සිදුවීමේ දී අවට මාර්ග බාධකවල සිටි හමුදා භටයන්ටද වෙඩි තබා පුපුරන ද්‍රව්‍ය තොගය රැගත් ට්‍රක් රථය මාළිගාවේ පිවිසුම් අංගනය වෙත කඩාවැදී තිබිණි. අධි පුපුරන ද්‍රව්‍ය කිලෝ තුන්සීයකට වඩා ඇතුළත් වූ ට්‍රක් රථය ප්‍රධාන පිපිරීම් දෙකකින් විනාශ වී තිබූ බවට පසුව කළ පර්යේෂණවලදී තහවුරු විය.
සිද්ධියෙන් පසු ඇතැම් පිරිස් ප්‍රකෝපකාරී ලෙස කටයුතු කළ අතර ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය වහාම ජනතාව අමතා ඉල්ලා සිටියේ ඉවසීමෙන් කටයුතු කරන ලෙසය. 1998 නිදහස් සැමරුම චාල්ස් කුමරු සහ විදෙස් සම්භාවනීය අමුත්තන්ගෙන් සමන්විතව මහනුවරදී පැවැත්වීමට එවක රජය විසින් සැලසුම් කර තිබිණ.මෙරට අවසන් රාජධානිය කන්ද උඩරට නිසාවෙනුත් නිදහස ලබා පනස් වසරක් ගෙවී තිබූ නිසාත් මහනුවරදී නිදහස් උළෙල සැමරීමට සංවිධානය කර තිබිණ.

බෝම්බ ප්‍රහාර එල්ල වීමත් සමඟ නිදහස් උළෙල කොළඹදී පැවැත්විය. මෙම ප්‍රහාරයට සම්බන්ධ බවට තහවුරු වූ එල්.ටී.ටී.ඊ. සාමාජිකයෝ තිදෙනෙකුට 2003 දී මහනුවර මහාධිකරණය විසින් මරණ දණ්ඩනය නියම කෙරිණි.
2009 මැයි 19 දා එල්.ටී.ටී.ඊ. සංවිධානය මුළුමනින්ම පරාජය කිරීමත් සමඟ දශක තුනක් පුරා මෙරට මිනිස් ජීවිත විශාල ප්‍රමාණයක් බිලි ගනිමින් මෙලෙස පැවැති ම්ලේච්ච, කුරිරු අමානුෂික ප්‍රහාර අවසන් කිරීමට හැකි වූ අතර සේනාධිනායකයා ලෙස පස් වෙන විධායක ජනාධිපති මහින්ද රාජපක්ෂ මහතා ඒ සඳහා නායකත්වය දුන් අතර ගෝඨාභය රාජපක්ෂ මහතා ආරක්ෂක ලේකම් ලෙසද සරත් ෆොන්සේකා මහතා යුද හමුදාපති ලෙසත් එවක කටයුතු කළහ.

✍️
ඉන්දික පොල්කොටුව

31/12/2024

2025
ට ..........