28/07/2025
මීට වසර මිලියන 13කට පෙර විසූ යෝධ, දරුණු විලෝපිකයෙකු වූ terror bird කෙනෙකුගේ ෆොසිලකරණය වූ පාදයක අස්ථියක් අධ්‍යයනය කරමින් සිටි විද්‍යාඥයින් ඊටත් වඩා විශාල විලෝපිකයෙකුගේ, එනම් කිඹුලෙකු වැනි දැවැන්ත කයිමනෙකුගේ (Caiman) දත් සලකුණු සොයාගෙන ඇත. ත්‍රිමාණ ස්කෑන් පරීක්ෂණ භාවිතයෙන්, පර්යේෂකයන් terror bird ට ජීවිතය අහිමි වූ එම මාරාන්තික හමුවීම නැවත ප්‍රතිනිර්මාණය කර ඇත.
කොලොම්බියාවෙන් සොයාගත් මෙම දුර්ලභ සාක්ෂියෙන් පෙනී යන්නේ මෙම ඉහළ පෙළේ විලෝපිකයන් පුරාණ වගුරු බිම්වල පැවැත්ම සඳහා දරුණු ලෙස සටන් කර ඇති බවයි. මීටර් 5ක් පමණ දිග මෙම caiman, ජලය අසලදී terror bird ට සැඟවී පහර දී ඇති අතර, terror birdsලා තර්ජනවලින් තොරව ආධිපත්‍යය දැරූ බවට වූ අදහසට මෙය අභියෝග කරයි.
ප්‍රධාන විද්‍යාඥ ඇන්ඩ්‍රෙස් ලින්ක් (Andres Link) ප්‍රකාශ කළේ, “මේ කුඩා අස්ථිය මීට වසර මිලියන ගණනකට පෙර පැවති ජීවිතය පිළිබඳ විශාල කතාවක් සම්පූර්ණ කරනවා” යනුවෙනි.
Science Ceylon Follow කරලා තියාගන්න ❤️😌
