Helanka News (2026)

02/03/2026

අලි කමේනි ඝාතනයට රුසියානු ප්‍රතිචාරය: පුටින් “නරුම ඝාතනයක්” ලෙස හඳුන්වයි

ඉරානයේ උත්තරීතර නායකයා වන Ali Khamenei ඝාතනය සම්බන්ධයෙන් Vladimir Putin සිය ශෝකය පළ කර තිබේ.

අයතුල්ලා අලි කමේනි සහ ඔහුගේ පවුලේ සාමාජිකයින් ඝාතනය දැඩි ලෙස හෙළා දුටු පුටින් ප්‍රකාශ කර ඇත්තේ, එක්සත් ජනපදය සහ ඊශ්‍රායල හමුදා මගින් මූලික මානව සදාචාරය හා ජාත්‍යන්තර නීතිය උල්ලංඝනය කර ඇති බවයි.

ජාත්‍යන්තර නීතිය උල්ලංඝනය කරමින් සිදුකළ මෙම ක්‍රියාව “නරුම ඝාතනයක්” ලෙස රුසියානු ජනාධිපතිවරයා හැඳින්වීය.

තවද, මොස්කව් සහ ටෙහෙරාන් අතර මිත්‍ර සබඳතා ශක්තිමත් කිරීම සඳහා ප්‍රධාන දායකත්වයක් ලබාදුන් විශිෂ්ට රාජ්‍යතාන්ත්‍රිකයෙකු ලෙස අලි කමේනි රුසියාව තුළ සිහිපත් කරනු ඇති බවත් ඔහු සිය ශෝක පණිවිඩයේ සඳහන් කළේය.

සෙනසුරාදා (28) සිදුකළ එක්සත් ජනපද-ඊශ්‍රායල ඒකාබද්ධ ගුවන් ප්‍රහාර හේතුවෙන් ඉරාන නායකත්වය ඔවුන්ගේ උත්තරීතර නායකයා සහ ඔහුගේ දියණිය, බෑණා, ලේලිය සහ මුණුපුරා ඝාතනය වූ බව නිල වශයෙන් තහවුරු කළ පැය කිහිපයකට පසුව රුසියානු පාර්ශවයෙන් ප්‍රථම ප්‍රතිචාරය ලෙස මෙම ප්‍රකාශය නිකුත් කර ඇත.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
👉 https://whatsapp.com/channel/0029VbBtKC1HVvTTptL97b1Y

01/03/2026

𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 : ඉන්ධන සැපයුමට බාධාවක් නැහැ – ඛනිජ තෙල් නීතිගත සංස්ථාව

අප්‍රේල් සහ මැයි මාස සඳහා ඇණවුම් කර ඇති ඉන්ධන තොග ලැබීමේ කිසිදු ප්‍රමාදයක් ඇති නොවන බව ලංකා ඛනිජ තෙල් නීතිගත සංස්ථාව පවසයි.

එහි සභාපති ඩී.ජේ. රාජකරුණා මහතා අද (01) පැවැති මාධ්‍ය සාකච්ඡාවකට එක්වෙමින් ප්‍රකාශ කළේ, අදාළ ඉන්ධන තොග ඉන්දියාවෙන් සහ සිංගප්පූරුවෙන් මෙරටට ලැබීමට නියමිත බවය.

එමෙන්ම මැදපෙරදිග කලාපයේ මේ වනවිට පවතින ගැටුම්කාරී තත්ත්වය ශ්‍රී ලංකාවේ ඉන්ධන සැපයුමට කිසිදු බාධාවක් ඇති නොකරනු ඇති බව ද ඔහු වැඩිදුරටත් සඳහන් කළේය.

ඒ අනුව ජනතාවට ඉන්ධන හිඟයක් සම්බන්ධයෙන් භීතියට පත්විය යුතු නොවන බව ද එම මාධ්‍ය හමුවේ අවධාරණය කෙරුණි.

"අපි මේක කියන්නේ වගකීමක් සහිතව. ඒ නිසා පෝළීම්වල ඉන්න එකේ තේරුමක් නැහැ. අපි අද (01) තෙල් බෙදාහරින්න නෙවෙයි හිටියේ. ජනතාව තෙල් පරිභෝජනය කරන නිසා ඉන්ධන බෙදාහැරීමේ කටයුතු කරන සියලු සේවකයන් අපි සේවයට කැඳෙව්වා. දැන් තෙල් නිකුත් කිරීම ආරම්භ කළා. ඒ වගේම හෙට (02) පෝය දිනයක් වුණත්, ‌තෙල් සැපයුම් කරනවා.

අපි සියලුම පිරවුම්හල්වලට කියලා තියෙනවා බූලිවලට තෙල් සපයන්න එපා කියලා. බූලිවලට තෙල් අරන් ගිහින් අලෙවි කරන්න උත්සහ කළොත්, අපි නීතිය ක්‍රියාත්මක කරනවා."

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
👉 https://whatsapp.com/channel/0029VbBtKC1HVvTTptL97b1Y

01/03/2026

𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 : ඉරාන රාජ්‍ය මාධ්‍යයෙන් ප්‍රකාශයක්: අයතුල්ලා අලි කමේනි ඝාතනය වූ බවට වාර්තා

ඉරාන රාජ්‍ය මාධ්‍ය පළමු වරට ප්‍රකාශ කර ඇත්තේ, එරට උත්තරීතර නායකයා වන Ali Khamenei ඝාතනයට ලක්ව ඇති බවයි.

එම වාර්තා අනුව, මෙම ප්‍රහාරයෙන් ඔහුගේ දියණිය, බෑණා සහ මුනුපුරා ද ජීවිතක්ෂයට පත්ව ඇති බව ඉරාන මාධ්‍ය සඳහන් කර තිබේ.

Fars News Agency වාර්තා කර ඇත්තේ, ඊයේ දිනයේදී රාජකාරි ඉටු කරමින් සිටියදී ඔහුගේ කාර්යාලය තුළදී මෙම ඝාතනය සිදුව ඇති බවය.

එමෙන්ම, මෙම සිද්ධිය හේතුවෙන් ඉරානය තුළ දින 40ක මහජන ශෝක කාලයක් ප්‍රකාශයට පත් කිරීමට තීරණය කර ඇති බව ද එරට මාධ්‍ය වාර්තා කරයි.

මෙයට පෙර ඊශ්‍රායල අගමැතිවරයා සහ අමෙරිකානු ජනාධිපතිවරයා ද අලි කමේනි ඝාතනයට ලක්ව ඇති බවට අදහස් පළ කර තිබුණද, ඒ සම්බන්ධයෙන් ඉරානය එම අවස්ථාවේදී ප්‍රතික්ෂේප කර තිබුණි.

මෙම සිද්ධිය සම්බන්ධයෙන් ජාත්‍යන්තර අවධානය යොමු වී ඇති අතර, තවදුරටත් නිල තහවුරු කිරීම් බලාපොරොත්තුවෙන් පවතී.

𝐇𝐞𝐥𝐚𝐧𝐤𝐚 𝐍𝐞𝐰𝐬නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
👉 https://whatsapp.com/channel/0029VbBtKC1HVvTTptL97b1Y

13/02/2026

තලංගම අකුරේගොඩ වෙඩිතැබීමෙන් නීතීඥවරයෙක් සහ බිරිඳ ඝාතනයට

තලංගම, අකුරේගොඩ ප්‍රදේශයේ පිහිටි සුපිරි වෙළෙඳසැලක් ඉදිරිපිට අද (13) පස්වරුවේ සිදුවූ වෙඩිතැබීමකින් නීතීඥවරයෙකු සහ ඔහුගේ බිරිඳ ජීවිතක්ෂයට පත්ව තිබේ.

පොලිසිය සඳහන් කළේ, ඝාතනයට ලක්වූ නීතීඥවරයා “කරන්දෙණිය සුද්දා” ලෙස හැඳින්වෙන අපරාධකරුවෙකුගේ අධිකරණ කටයුතු සඳහා පෙනී සිටි අයෙකු බවයි. එමෙන්ම, ඔහු සිය සේවාදායකයා සම්බන්ධ තොරතුරු “ලොකු පැටී” නමින් හඳුන්වන අපරාධකරුවෙකුට ලබාදීම හේතුවෙන් කරන්දෙණිය සුද්දා විසින් මෙම ඝාතනය මෙහෙයවා ඇති බවට ආරක්ෂක අංශ සැක පළ කරයි.

අද පස්වරු 5ට පමණ, සුපිරි වෙළඳසැල ඉදිරිපිට නවතා තිබූ ජීප් රථයක් තුළ සිටි අඹුසැමි යුවළ ඉලක්ක කර මෙම වෙඩිතැබීම සිදුකර තිබේ. මෝටර් රථයකින් පැමිණි පිරිසක් T-56 වර්ගයේ ගිනිඅවියකින් වෙඩි ප්‍රහාර 10ක් පමණ එල්ල කර පලාගොස් ඇති බව පොලිසිය සඳහන් කළේය.

එම වෙඩි ප්‍රහාරයෙන් මෝටර් රථයේ සිටි අඹුසැමි යුවළ එම ස්ථානයේදීම ජීවිතක්ෂයට පත්ව තිබේ.

ඝාතනයට ලක්වූයේ පිටිගල පදිංචි මල්වාරච්චි නම් නීතීඥවරයෙකු සහ ඔහුගේ බිරිඳයි.

සිද්ධිය සම්බන්ධයෙන් තලංගම පොලිසියේ කණ්ඩායම් තුනක් ඇතුළු පොලිස් කණ්ඩායම් කිහිපයක් විමර්ශන ආරම්භ කර තිබේ.

මෙම වෙඩිතැබීමත් සමඟ, වසරේ මේ දක්වා කාලය තුළ සිදුවූ වෙඩිතැබීම් 7කින් පුද්ගලයින් 7 දෙනෙකු මියගොස් ඇති අතර, සිව්දෙනෙකු තුවාල ලබා ඇති බව පොලිසිය වැඩිදුරටත් සඳහන් කළේය.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
👉 https://whatsapp.com/channel/0029VbBtKC1HVvTTptL97b1Y

#තලංගම #අකුරේගොඩ #වෙඩිතැබීම

07/02/2026

පදිංචිකරුවන් ආරක්ෂා කිරීමේ පනත් කෙටුම්පත පිළිබඳ දැඩි විවාදයක්

පදිංචිකරුවන් ආරක්ෂා කිරීමේ පනත් කෙටුම්පත හරහා නිවෙස් හිමිකරුවන් බරපතළ අගතියකට ලක්විය හැකි බවට විවිධ පාර්ශ්ව චෝදනා එල්ල කරමින් සිටියි. කෙසේවෙතත් නීති ක්ෂේත්‍රයේ ප්‍රවීණයින් පෙන්වා දෙන්නේ, පදිංචිකරුවන්ගේ අයිතිවාසිකම් සුරක්ෂිත කිරීම සඳහා මෙම පනත් කෙටුම්පත අත්‍යවශ්‍ය බවයි.

කුලී හෝ බදු පදනම මත නිවාස සහ අනෙකුත් පරිශ්‍ර බාහිර පාර්ශ්ව වෙත ලබාදීම ඕනෑම සමාජයක දක්නට ලැබෙන සාමාන්‍ය ක්‍රියාවලියකි. එහිදී හිමිකරු සහ පදිංචිකරු අතර ඇතිවිය හැකි ගැටලු වැළැක්වීම සඳහා නීතිමය රාමු සකස් කිරීම අත්‍යවශ්‍ය වේ.

ඒ අනුව ශ්‍රී ලංකාවේ 2023 අංක 1 දරණ “බද්දට දී ඇති පරිශ්‍රවල සන්තකය ආපසු ගැනීමේ විශේෂ විධිවිධාන පනත” ඇතුළු නීති කිහිපයක් මේ වනවිට ක්‍රියාත්මක වේ.

මෙවන් පසුබිමක වත්මන් ආණ්ඩුව විසින් පාර්ලිමේන්තුවට ඉදිරිපත් කළ පදිංචිකරුවන් ආරක්ෂා කිරීමේ පනත් කෙටුම්පත පිළිබඳ දැඩි කතාබහක් මතුව ඇත. එහි පූර්විකාව අනුව මෙම කෙටුම්පතේ මූලික අරමුණ වන්නේ පදිංචිකරුවන් අත්තනෝමතික ලෙස පරිශ්‍රවලින් ඉවත් කිරීම වැළැක්වීම සඳහා නීතිමය ආරක්ෂණයක් හඳුන්වාදීමයි.

කෙසේවෙතත් මෙම පනත් කෙටුම්පත පිරිසකට හානිදායක බවට අදහස් පළව ඇති අතර, පාර්ලිමේන්තු මන්ත්‍රී ෆයිසර් මුස්තාෆා මහතා මෙය “යකාගේ නීතියක්” ලෙසද හැඳින්වීය.

පනත් කෙටුම්පතේ 2 වැනි වගන්තිය අනුව, නීත්‍යනුකූලව බදු හෝ කුලී ගිවිසුමක් යටතේ පරිශ්‍රයක රැඳී සිටින බදු ගැනුම්කරුවෙකු හෝ කුලී නිවැසියෙකුට මෙම නීතිය අදාළ වේ.

එමෙන්ම පදිංචිකරුට කලින් ලබා දී ඇති පහසුකම්, අත්‍යවශ්‍ය සැපයුම් හෝ විදුලිය, ජලය වැනි උපයෝගිතා සේවාවන් අත්හිටුවීම, නැවැත්වීම හෝ නිසි තත්ත්වයෙන් පවත්වාගෙන යාම ප්‍රතික්ෂේප කිරීම ඉඩම් හිමියකුට කළ නොහැකි බවද කෙටුම්පතේ සඳහන් වේ.

4 වැනි වගන්තිය මඟින් ගෙහිමියා හෝ ඔහු විසින් බලය ලබා දෙන තැනැත්තෙකු විසින් සෘජුව හෝ වක්‍රාකාරයෙන් අලාභ හානි සිදුකරමින් පදිංචිකරු පරිශ්‍රයෙන් ඉවත් කිරීමට උත්සාහ කිරීම තහනම් කර ඇත.

එසේම 5 වැනි වගන්තිය මගින් අධිකරණ ආඥාවක් නොමැතිව පදිංචිකරුවෙකු පරිශ්‍රයෙන් නෙරපීම කළ නොහැකි බව පැහැදිලිව සඳහන් වේ. එවැනි නීතිවිරෝධී ක්‍රියා සඳහා ඉඩම් හිමියකුට එරෙහිව නීතිමය ක්‍රියාමාර්ග ගැනීමට පදිංචිකරුට බලය දී ඇත.

මේ අතර මෙම පනත් කෙටුම්පතට එරෙහිව මූලික මිනිස් අයිතිවාසිකම් පෙත්සම් කිහිපයක් මේ වනවිට ශ්‍රේෂ්ඨාධිකරණය හමුවේ ගොනු කර ඇති බව වාර්තා වේ.

මෙම තත්ත්වය සම්බන්ධයෙන් අදහස් දක්වමින් අධිකරණ අමාත්‍ය හර්ෂණ නානායක්කාර මහතා පවසා ඇත්තේ, මෙම පනත් කෙටුම්පත පිළිබඳව තවමත් අවසන් තීරණයකට එළඹ නොමැති බවයි.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
👉 https://whatsapp.com/channel/0029VbBtKC1HVvTTptL97b1Y

#පදිංචිකරුවන්ආරක්ෂාකිරීම #නවපනත්කෙටුම්පත #නීතිමයවිවාද #නිවාසනීතිය

07/02/2026

𝐒𝐭𝐨𝐫𝐲 : බලවතුන්ගේ රහස් දූපත: එප්ස්ටයින් ලිපිගොනු (𝐄𝐩𝐬𝐭𝐞𝐢𝐧 𝐅𝐢𝐥𝐞𝐬) මගින් හෙළිවන ලෝකයේ අඳුරු පැත්ත

ලෝකයේ බලවත්ම දේශපාලඥයන්, ප්‍රකෝටිපති ව්‍යාපාරිකයන් සහ සුපිරි තරු රහසිගතව හමුවන, බාහිර ලෝකයට තහනම් වූ අද්භූත දූපතක් තිබේ යැයි කිසිවෙකු පැවසුවහොත් ඔබ එය විශ්වාස කරනවාද? මෙය හොලිවුඩ් චිත්‍රපටයක කතාවක් නොව, මෑතකදී ප්‍රසිද්ධියට පත් වූ "එප්ස්ටයින් ලිපිගොනු" (Epstein Files) හරහා කරළියට පැමිණි ලෝකයේ අතිශය පිළිකුල් සහගත සහ අඳුරු සත්‍යයකි.

කවුද මේ ජෙෆ්රි එප්ස්ටයින්?

ජෙෆ්රි එප්ස්ටයින් යනු ඇමරිකානු මූල්‍ය ක්ෂේත්‍රයේ දැවැන්තයෙකු ලෙස පෙනී සිටි ප්‍රකෝටිපතියෙකි. නමුත් ඔහුගේ සැබෑ මුහුණුවර වූයේ බාලවයස්කාර දැරියන් ලිංගික ජාවාරම සඳහා යොදාගත් මහ මොළකරු වීමයි. ඔහු සතුව "Lo**ta Express" නමින් හැඳින්වුණු පෞද්ගලික ජෙට් යානයක් සහ කැරිබියන් මුහුදේ "Little St. James" නම් පෞද්ගලික දූපතක් තිබුණි. මෙම දූපත ලෝකය පුරා ප්‍රසිද්ධ වූයේ "පාපයේ දූපත" (Pe*****le Island) ලෙසිනි.

අබිරහස් "ලිපිගොනු" වල ඇතුළාන්තය

මෑතකදී ඇමරිකානු අධිකරණය විසින් ප්‍රසිද්ධ කරන ලද ලිපිගොනු යනු එප්ස්ටයින්ගේ සහකාරිය වූ ගිස්ලේන් මැක්ස්වෙල්ට එරෙහිව පවරා තිබූ නඩුවකට අදාළ සාක්ෂි සටහන් වේ. මෙහි පිටු දහස් ගණනක් පුරා ලෝකයේ අතිශය බලවත් පුද්ගලයන් 150කට අධික පිරිසකගේ නම් සඳහන් වේ.

මෙහි ඇති විශේෂත්වය වන්නේ, මෙහි නම සඳහන් වූ පමණින් ඔවුන් සියලු දෙනා අපරාධකරුවන් නොවීමයි. නමුත් එප්ස්ටයින් වැනි ජාවාරම්කරුවෙකු සමඟ ලෝකයේ ඉහළම පුරවැසියන් පැවැත්වූ සමීප සබඳතාවය මගින් ප්‍රශ්න කෙරෙන්නේ ලෝකයේ ප්‍රභූ පැලැන්තියේ ඇති සදාචාරාත්මක පරිහානියයි.

ලිපිගොනු අතර සිටින "ලෝක පූජිත" නාමයන්
මෙම ලිපිගොනු වල සඳහන් වන සමහර නම් ලෝකයම මවිතයට පත් කිරීමට සමත් විය:

බිල් ක්ලින්ටන් සහ ඩොනල්ඩ් ට්‍රම්ප්: හිටපු ඇමරිකානු ජනාධිපතිවරුන් දෙදෙනාගේම නම් මෙහි සඳහන් වේ. ක්ලින්ටන් එප්ස්ටයින්ගේ යානයෙන් ගමන් කර ඇති බවත්, ට්‍රම්ප් ඔහු සමඟ සමීප ඇයි හොඳයිය පැවැත්වූ බවත් මෙහි සඳහන් වේ.

ඇන්ඩෘ කුමාරයා: බ්‍රිතාන්‍ය රාජකීය පවුලේ සාමාජිකයෙකු වන මොහුට එරෙහිව බාලවයස්කාර දැරියක් අපයෝජනය කළ බවට සෘජු චෝදනා එල්ල විය. මේ හේතුවෙන් ඔහුට සිය රාජකීය පදවි නාම පවා අහිමි විය.

ස්ටීවන් හෝකින්: ලොව අග්‍රගන්‍ය විද්‍යාඥයාගේ නම පවා මෙහි තිබීම බොහෝ දෙනෙකුට ප්‍රහේලිකාවක් විය. ඔහු එප්ස්ටයින්ගේ දූපතේ පැවති විද්‍යා සම්මන්ත්‍රණයකට සහභාගී වී තිබේ.

බිල් ගේට්ස්: මයික්‍රොසොෆ්ට් නිර්මාතෘවරයාද එප්ස්ටයින්ව කිහිප වතාවක් හමු වී ඇති බව මෙමගින් තහවුරු විය.

කුමන්ත්‍රණ සහ අබිරහස් මරණය

2019 වසරේදී එප්ස්ටයින් අත්අඩංගුවට පත් වූ අතර, නඩු විභාගය අතරතුර ඔහු නිව්යෝර්ක් බන්ධනාගාරයේදී මියගොස් සිටියදී හමු විය. බලධාරීන් එය "සියදිවි නසාගැනීමක්" ලෙස හැඳින්වූවද, අදටත් ලෝකය පුරා පවතින ප්‍රබල මතය වන්නේ බලවතුන්ගේ රහස් රැක ගැනීම සඳහා ඔහුව ඝාතනය කළ බවයි. "Epstein didn't kill himself" යන්න අදටත් අන්තර්ජාලය තුළ අතිශය ජනප්‍රිය පාඨයක් වී ඇත්තේ ඒ නිසාය.

අවසාන සටහන

එප්ස්ටයින්ගේ සහකාරිය වූ ගිස්ලේන් මැක්ස්වෙල් දැනට වසර 20ක සිරදඬුවමක් විඳිමින් සිටියි. එහෙත් "එප්ස්ටයින් ලිපිගොනු" මගින් පෙන්වා දෙන්නේ දණ්ඩන මුක්තිය භුක්ති විඳින බලවත් පිරිසක් තවමත් ලෝකයේ ඉහළින්ම වැජඹෙන බවයි. මුදලට සහ බලයට ඕනෑම අඳුරු අපරාධයක් වසාගත හැකි යුගය අවසන් කිරීමට මෙම හෙළිදරව්ව සමත් වේද යන්න කාලය විසින් විසඳනු ඇත.

විශේෂ සටහන: මෙම ලිපියේ සඳහන් කරුණු අධිකරණ ලේඛන සහ ජාත්‍යන්තර මාධ්‍ය වාර්තා මත පදනම් වේ.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

#බලවතුන්ගේරහස් #රහස්ලිපිගොනු #ලෝකයේඅඳුරුපැත්ත

07/02/2026

𝐓𝐞𝐜𝐡 𝐑𝐞𝐯𝐢𝐞𝐰𝐬: Snapdragon 8 Elite Gen 5 සහ Snapdragon 8 Gen 5 අතර වෙනස

Qualcomm සමාගම සිය ප්‍රමුඛතම ස්මාර්ට්ෆෝන් ප්‍රොසෙසර සඳහා නව නම් කිරීමේ රටාවක් හඳුන්වා දී ඇති අතර, ඒ අනුව Snapdragon 8 Elite Gen 5 සහ Snapdragon 8 Gen 5 අතර පැහැදිලි වෙනසක් දක්නට ලැබේ. සරලව කියනවා නම්, Elite යනු උපරිම බලය සහිත Premium මාදිලිය වන අතර, Gen 5 යනු ඉහළ කාර්යසාධනයක් සහ සාධාරණ මිලක් සමඟ පැමිණෙන Flagship Chipset එකකි.

⚡ CPU – වේගය සහ කාර්යසාධනය

දෙකෙහිම නව Oryon CPU තාක්ෂණය භාවිතා වුවද, වේගය වෙනස් වේ.

Snapdragon 8 Elite Gen 5: ප්‍රධාන Core එක 4.61GHz දක්වා ඉහළ යාමෙන් ලෝකයේ වේගවත්ම ස්මාර්ට්ෆෝන් අත්දැකීමක් ලබා දෙයි.

Snapdragon 8 Gen 5: 3.8GHz වේගයකින් දෛනික භාවිතය සහ Gaming සඳහා ඉතා හොඳ කාර්යසාධනයක් සපයයි.

🎮 GPU – Gaming සහ Graphics

Elite Gen 5: Adreno 840 GPU සමඟ 20%කට වඩා වැඩි Graphics වේගයක් සහ Ray Tracing වැනි උසස් තාක්ෂණයන්.

Gen 5: බලවත් GPU එකක් වුවද, Elite මාදිලියට වඩා මඳක් අඩු කාර්යසාධනයක්.

🤖 AI – කෘත්‍රිම බුද්ධිය

Elite Gen 5: “Agentic AI” සඳහා නිර්මාණය කර ඇති අතර 37%කින් වේගවත් NPU එකක්.

Gen 5: හොඳ AI හැකියාවන් තිබුණත් Elite තරම් ඉහළ නැත.

📸 Camera & Video

Elite Gen 5: 8K 60fps වීඩියෝ පටිගත කිරීම සහ උසස් ISP.

Gen 5: 8K 30fps හෝ 4K 120fps දක්වා සහාය.

🔍 ප්‍රධාන වෙනස්කම් සාරාංශය

උපරිම වේගය: 4.61GHz vs 3.8GHz

GPU: Adreno 840 (Elite) vs Standard Adreno

Modem: X85 vs X80

භාවිතය: Premium Flagships vs Value Flagships

📱 Chipset අනුව දුරකථන

Snapdragon 8 Elite Gen 5:
Samsung Galaxy S26 Ultra, Xiaomi 16 Pro, OnePlus 15, ASUS ROG Phone 10

Snapdragon 8 Gen 5:
OnePlus 15R / 15T, Samsung Galaxy S26, Nothing Phone (4), Xiaomi 16T Pro

✅ ඔබ තෝරාගත යුත්තේ?

Elite Gen 5: Professional Gaming, High-end Video Creation, Premium Experience අවශ්‍ය නම්.

Gen 5: වේගවත්, බැටරි කාර්යක්ෂම සහ සාධාරණ මිලක් අවශ්‍ය නම්.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

06/02/2026

𝐆𝐨𝐬𝐬𝐢𝐩 : 🚁 නවීන හෙලිකොප්ටර් යානයක් මිලදී ගැනීමට ඩඩ්ලි සිරිසේන – 2026 සිංගප්පූරු ගුවන් ප්‍රදර්ශනයට සහභාගී වෙයි

ශ්‍රී ලංකාවේ ප්‍රමුඛ පෙළේ ව්‍යාපාරිකයෙකු වන ඩඩ්ලි සිරිසේන මහතා, නවීන මාදිලියේ හෙලිකොප්ටර් යානයක් මිලදී ගැනීම සම්බන්ධ මූලික සාකච්ඡා ආරම්භ කිරීමේ අරමුණින් 2026 සිංගප්පූරු ගුවන් ප්‍රදර්ශනයට සහභාගී වී තිබේ.

මෙම ගුවන් ප්‍රදර්ශනය ලෝකයේ නවතම ගුවන් හා අභ්‍යවකාශ තාක්ෂණ නිරූපණය කරන ප්‍රමුඛ ජාත්‍යන්තර වේදිකාවක් ලෙස සැලකෙන අතර, එහිදී සිරිසේන මහතා නව හෙලිකොප්ටර් මාදිලි සහ අනාගත වාණිජ අවස්ථා පිළිබඳව අවධානය යොමු කර ඇත.

මෙම අවස්ථාවට එක්වෙමින් ඔහු, තම අනාගත ව්‍යාපාරික සැලසුම් සහ ගුවන් ප්‍රවාහන ක්ෂේත්‍රය තුළ නව ආයෝජන පිළිබඳ බලාපොරොත්තුද ප්‍රකාශ කර ඇත.

"මා බොහෝ කැපකිරීම් මධ්‍යයේ මගේ ජීවිතයේ සෑම සිහිනයක්ම පාහේ සැබෑ කරගෙන තිබෙනවා. මගේ ඊළඟ හීනය තමයි මේක. ඉතා ඉක්මනින් මගේ හෙලිකොප්ටර් සිහිනයත් මම සැබෑ කරගන්නවා."

මෙම ප්‍රදර්ශනය අතරතුර ඔහු වෘත්තීය කණ්ඩායම සමඟ එක්ව ලොව සුප්‍රකට Bell Textron සමාගමේ නියෝජිතයන් හමුවී මූලික සාකච්ඡා පවත්වනු ලැබීය.
ඒ සඳහා ශ්‍රී ලංකාවේ බෙල් (Bell) වාණිජ ගුවන් යානා අලෙවි නියෝජිත ආයතනය වන සෙලෝන් එයරොනොටිකල් සර්විසස් (Ceylon Aeronautical Services - CAS) ආයතනයේ සහයෝගය හිමි විය.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

04/02/2026

ශිරන්ති රාජපක්ෂ FCID කැඳවීම ගැන පොහොට්ටුවෙන් නිවේදනයක්

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

04/02/2026

78 වැනි ජාතික නිදහස් දිනය අදයි.

"ගොඩනගමු ශ්‍රී ලංකා" මැයෙන් 78 වැනි ජාතික නිදහස් දින සැමරුම් උත්සවය කොළඹ නිදහස් චතුරස්‍ර පරිශ්‍රයේදී අද පැවැත්වීමට සියලු කටයුතු සූදානම් කර තිබේ.

මෙවර නිදහස් උත්සවය සඳහා ශ්‍රී ලංකා යුද හමුදාවෙන් නිලධාරීන් 287දෙනෙක් සහභාගි වීමට නියමිතව තිබේ.

යුද හමුදාව පැවසුවේ සෙසු නිලයන් 4,298 නිදහස් උත්සවය සඳහා එක්වීමට නියමිත බවය.

නිදහස් දින ප්‍රධාන අචාර පෙළ පාලිය සඳහා නාවික හමුදාවේ අංශය 8ක් නියෝජනය කරමින් නිලධාරින් එක්වීමට නියමිත බව නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් මහතා පැවසුවේය.

මෙවර නිදහස් උත්සවය සඳහා ගුවන් හමුදාව නියෝජනය කරමින් නිලධාරීන් 62ක් සහ සෙසු නිලයන් 521 දෙනෙකු ඇතුළුව 583 දෙනෙකු එක්වීමට නියමිත බව ගුවන් හමුදා මාධ්‍ය ප්‍රකාශක ගෘප් කැප්ටන් එරන්ද ගීගනගේ මහතා පැවසුවේය.

01/02/2026

🎬 Apocalypto සිනමාපටයෙන් ලෝකය ජයගත් නළුවා ජෙරාඩෝ ටරාසේනා අභාවප්‍රප්ත වෙයි

ජාත්‍යන්තර සිනමා ප්‍රේක්ෂකයන්ගේ විශාල ආකර්ෂණයක් දිනාගත් Apocalypto අමෙරිකානු සිනමාපටයේ දුෂ්ඨ චරිතයට රංගන දායකත්වය ලබාදුන් මෙක්සිකානු නළුවෙකු සහ නර්තන ශිල්පියෙකු වූ ජෙරාඩෝ ටරාසේනා අභාවප්‍රප්ත වී තිබේ.

විදෙස් මාධ්‍ය වාර්තා කරන පරිදි, ඊයේ (31) දිනය වන විට ඔහු මිය යන අවස්ථාවේදී වයස අවුරුදු 55ක් වූ බව සඳහන් වේ. ඔහුගේ අභාවය පිළිබඳව නිල ප්‍රකාශයක් නිකුත් කර ඇති නමුත්, මරණයට හේතුව හෝ වෛද්‍ය තොරතුරු තවමත් මාධ්‍ය වෙත අනාවරණය කර නොමැත.

1970 මාර්තු 27 වන දින මෙක්සිකෝ නගරයේ උපත ලැබූ ජෙරාඩෝ ටරාසේනා, නාට්‍ය හා රංගන කලාව පිළිබඳ උපාධිධාරියෙකු ලෙස කලා ක්ෂේත්‍රයට පිවිසියෙකි.

1990 දශකයේ අගභාගයේ සිට 2000 දශකයේ මුල් භාගය දක්වා කාලය තුළ ඔහු චිත්‍රපට හා නාට්‍ය රංගනය තුළ කැපී පෙනෙන දක්ෂතා පෙන්නුම් කළ අතර, ජාත්‍යන්තර වශයෙන් ඔහුට වැඩිම කීර්තිය හිමි වුණේ මෙල් ගිබ්සන් අධ්‍යක්ෂණය කළ Apocalypto (2006) සිනමාපටය හරහාය.

එම චිත්‍රපටයේදී ඔහු නිරූපණය කළ ගෝත්‍රික රණශූර චරිතය ලෝකය පුරා සිනමා රසිකයන්ගේ සිත් දිනාගත් අතර, එය ඔහුගේ වඩාත්ම කැපී පෙනෙන තිර රංගනයක් ලෙස සැලකේ.

Apocalyptoට අමතරව, Man on Fire (2004) සහ The Mexican (2001) වැනි ප්‍රසිද්ධ චිත්‍රපටවලද ජෙරාඩෝ ටරාසේනා සිය රංගන දායකත්වය ලබාදී ඇත.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

01/02/2026

UK පුරවැසියන්ට වීසා නැතිව චීනයට යෑමට අවස්ථාවක්

දින 30කට අඩු කාලයක් සඳහා චීනයට සංචාරය කරන එක්සත් රාජධානියේ පුරවැසියන්ට වීසා රහිතව එරටට ඇතුළු වීමට අවස්ථාව ලබාදීමට චීනය එකඟ වී තිබේ.

මෙම තීරණය ගෙන ඇත්තේ එක්සත් රාජධානියේ අගමැති කියර් ස්ටාමර් මහතා විසින් සිදු කළ චීන සංචාරයේ ප්‍රතිඵලයක් ලෙසයි.

ඒ අනුව, ව්‍යාපාරික කටයුතු සඳහා හෝ සංචාරකයින් ලෙස දින 30කට අඩු කාලයකට චීනයට පැමිණෙන එක්සත් රාජධානියේ පුරවැසියන්ට, වීසා බලපත්‍රයක් නොමැතිව එරට තුළ රැඳී සිටීමේ හැකියාව හිමි වේ.

මේ වනවිට චීනය මෙම වීසා රහිත ගමන් පහසුකම ප්‍රංශය, ජර්මනිය, ඔස්ට්‍රේලියාව ඇතුළු රටවල් 50කට අධික සංඛ්‍යාවකට ලබාදී ඇත.

𝐇𝐞𝐥𝐚𝐧𝐤𝐚 𝐍𝐞𝐰𝐬 නිරන්තර යාවත්කාලීන තොරතුරු ලබාගැනීම සඳහා අපගේ 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 එක 𝐅𝐨𝐥𝐥𝐨𝐰 කර, 𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 එක හා සම්බන්ධ වන්න.
https://whatsapp.com/channel/0029VbBtKC1HVvTTptL97b1Y

Helanka News

02/03/2026

01/03/2026

01/03/2026

13/02/2026

07/02/2026

07/02/2026

07/02/2026

06/02/2026

04/02/2026

04/02/2026

01/02/2026

01/02/2026

Address

Website

Alerts

Contact The Business

Shortcuts

Share