17/09/2025
ආතල් එකට මිනී මරන පෝසත් යාළුවෝ දෙන්නා...
ඔබ කවදා හරි අහලා තියෙනවද... ලෝකයේ "ශතවර්ෂයේ අපරාධය" කියලා හඳුන්වන සිදුවීමක් ගැන? මේ අපරාධය ප්රසිද්ධ වුණේ ඒක කොච්චර බිහිසුණුද කියන එක නිසා නෙවෙයි. ඒක කරපු අය නිසා. මේ කතාව ඇහුවොත් ඔබටත් පුදුම හිතෙයි.
1924 මැයි 21 වැනිදා චිකාගෝ නගරයේ හිටපු ව්යාපාරිකයෙක් වුණ ජේකබ් ෆ්රෑන්ක්ස් මහතා තමන්ගේ නිවසට එනකොට රෑ 6ට විතර ඇති. ඔහු හිටියේ ටිකක් මහන්සියෙන්. ඒත් ගෙදර ආපු ගමන් ඔහුට දකින්න ලැබුණේ ඔහුගේ බිරිඳ ෆ්ලෝරා කලබල වෙලා ඉන්න හැටි. හේතුව, ඔවුන්ගේ බාල පුතා 14 හැවිරිදි බොබී ෆ්රෑන්ක්ස් හවස 5ට කලින් ගෙදර එන්න තිබුණත්, තවමත් ඇවිත් නොතිබීමයි. ෆ්ලෝරා පුතා ගැන තිබුණ බය නිසා කලබල වුණත්, ජේකබ් හිතුවේ ඒක බොබීගේ සුපුරුදු පුරුද්දක් කියලා.
බොබී කියන්නේ දක්ෂ, කරුණාවන්ත, මහන්සිවෙලා වැඩ කරන දරුවෙක්. ඔහු පාසලේ හොඳම දරුවා වුණා වගේම විවාද කණ්ඩායමේත් ඉදිරියෙන්ම හිටියා. නමුත් වෙලාවට ගෙදර නොඑන එක ඔහුට තිබුණ පුරුද්දක්. ජේකබ් හිතුවා බොබී සමහරවිට ඔහුගේ ඥාති සහෝදරයා වන රිචඩ්ගේ ගෙදර ටෙනිස් ගහන්න ගිහින් ඇති කියලා.
ජේකබ් පුතාව හොයාගෙන රිචඩ්ගේ ගෙදරට ගියත්, ටෙනිස් පිට්ටනිය හිස්ව තිබුණා. ඊට පස්සේ ජේකබ් ගෙදර එනකොට ෆ්ලෝරා බයෙන් ගැහි ගැහී හිටියා. ඇය බොබීගේ යාළුවෙක්ට කතා කරලා විස්තර අහලා තිබුණා. බොබී හවස 5ට විතර ගෙදර එන්න පිටත් වුණා කියලා ඒ යාළුවා කියලා තිබුණා. නමුත් දැන් රෑ 6.30ටත් ඔහු ගෙදර ඇවිත් නැහැ. ජේකබ්ට තේරුණා මේක සාමාන්ය දෙයක් නෙවෙයි කියලා.
පුතා ගැන බය වැඩි වුණ නිසා ඔහු තමන්ගේ මිත්රයෙක් වුණ රාජ්ය සභා සෙනෙට් මන්ත්රීවරයාට කතා කරලා උදව් ඉල්ලුවා. දෙන්නා එකතුවෙලා බොබීව හෙව්වත්, ඔහු හිටියේ නැහැ. ජේකබ් සහ ඔහුගේ මිත්රයා කලබලයෙන් ගෙදර ආවා. ගෙදර එනකොට එයාලට දකින්න තිබුනේ බිම ඇදගෙන වැටිලා ඉන්න එක. ඇය අසලම දුරකථනයද බිම වැටී තිබුණා. සිහිය ආවට පස්සේ ෆ්ලෝරා කිව්වේ, කවුදෝ නොදන්නා කෙනෙක් කතා කරලා බොබීව පැහැරගත්තා කියලා. ඔවුන් පොලීසියට මේ ගැන කිව්වොත් බොබීට හානියක් කරන බවට තර්ජනය කරලා තිබුණා.
▫️අබිරහස් සිරුරක් සහ පුදුමාකාර හෝඩුවාවක්
ජේකබ් සහ ඔහුගේ මිත්රයා පොලීසියට මේ ගැන කිව්වා. ඒත් හැමදේම රහසිගතව කරන්න කියලා ඔවුන් පොලීසියට භාර දුන්නා. ඒ අතරතුර පැහැරගත්ත අය ඩොලර් 10,000ක් ඉල්ලලා ජේකබ්ට ලිපියක් එව්වා. ජේකබ් මුදල් සූදානම් කරගෙන හිටියත්, පොලීසියට ලැබුණ පුදුමාකාර හෝඩුවාවක් නිසා මුළු සිද්ධියම එළි වුණා.
මීට සති දෙකකට කලින් මොරිසන් හෝටලයේ කාමරයක් කුලියට ගත්ත මෝටන් ඩී. බැලර්ඩ් කියන පුද්ගලයෙක් සහ ඔහුගේ මිත්රයෙක් වන ලුවිස් මේසන්, බොබී නැතිවුණ දවසේ කාරයකින් බොබීව අරගෙන ගිහින් තිබුණා. ලුවිස් ටෙනිස් ගැන කතා කරන්න බොබීව කාරයට නග්ගවා ගත්තත්, කාරය ඇතුළේ බොබීට පිහියකින් පහර දීලා මරලා තිබුණා. මේ වෙලාවේ මෝටන් කිසිම දෙයක් නොවුණා වගේ කාරය එළෙව්වා.
ඔවුන් දෙදෙනාම බොබීගේ සිරුර ඉන්දියානා ප්රාන්තයට අරගෙන ගිහින් කානුවකට දාලා ආපසු ආවා. නමුත් මෝටන් බොබීගේ සිරුර දමනකොට අත්වැරැද්දකින් ඔහුගේ කණ්නාඩි එහි දමා ගිහින් තිබුණා. මේ කණ්නාඩි විශේෂ වර්ගයක ඒවා. මේ කණ්නාඩි විකුණන එකම කඩය හරහා පොලීසියට මෝටන්ව අල්ලගන්න පුළුවන් වුණා.
පොලීසිය මෝටන්ව අල්ලගත්තහම ඔහු ලුවිස්ට වරද පටවන්න හැදුවත්, සතියකට පස්සේ ඔවුන් දෙදෙනාම අපරාධය කළ බව පාපොච්චාරණය කළා.
▫️වරද පිළිගැනීමක් සහ බුද්ධිමතුන්ගේ දඬුවම
මෝටන්ගේ සැබෑ නම නේදන් ලියෝපෝල්ඩ්. ඔහු වයස 19දී භාෂා 5ක් කතා කරපු බුද්ධිමතෙක්. ඔහුගේ IQ මට්ටම මනින්න බැරි තරම් ඉහළයි. ඔහු හාර්වඩ් විශ්වවිද්යාලයට යන්න සූදානම් වෙලා හිටියේ.
ලුවිස්ගේ සැබෑ නම රිචඩ් ලෝබ්. ඔහු බොබීගේ ඥාති සහෝදරයා. ඔහුත් දක්ෂයෙක්. මිචිගන් විශ්වවිද්යාලයේ ලාබාලම උපාධිධාරියා වුණේ ඔහුයි.
මේ දෙන්නාම පොලීසියට කිව්වේ ඔවුන් මේ අපරාධය කළේ සල්ලිවලට නෙවෙයි කියලා. ඔවුන් දෙදෙනාම විශ්වාස කළා තමන් අසාමාන්ය ලෙස දක්ෂ නිසා ඕනෑම අපරාධයක් කරන්න පුළුවන් කියලා. බොබීව තෝරාගත්තේ ඔහු පහසු ඉලක්කයක් වුණ නිසා.
ඔවුන් දෙදෙනාටම ජීවිතාන්තය දක්වා සිර දඬුවම් නියම වුණා. බොබීගේ පවුලට මේ කම්පනය දරාගන්න බැරි වුණා. බොබීගේ පියා ඔහුගේ මරණයෙන් අවුරුදු 4කට පස්සේ මිය ගියා. නේදන්ව 1936 දී සිරගෙදරදී මරා දැමුවා.
මේ සිදුවීම පිටුපස සිටි කුරිරු මිනීමරුවන්ගේ බුද්ධිය සහ ඔවුන්ගේ පසුබිම නිසා, මෙම අපරාධය ලෝකයේ "ශතවර්ෂයේ අපරාධය" ලෙස අදටත් හඳුන්වනවා.
මේ කතාවෙන් අපිට තේරෙනවා, අධික ධනය හා බුද්ධිය විතරක් හොඳ මිනිසුන් බිහි කරන්නේ නැහැ කියලා. ඔබේ අදහස මොකක්ද?
