08/08/2026
කියවීමේ පුරුද්ද ගොඩනගන්න වැඩපිළිවෙළක්... පෙළ ගැසෙමු...කියවීම් සංස්කෘතියක් ගොඩනැගීමට උරදෙමු!
‘පොත් කියවීමේ පුරුද්ද' ජීවන කුසලතාවයකි. මෙම ජීවන කුසලතාවය අනෙක් හැම දෙයක් වගේම, කුඩා කල සිට ක්රමානුකූලව ගොඩනැගිය යුතු, වර්ධනය කළ යුතු ය. මේ නිසා දරුවන්ගේ කියවීමේ පුරුද්ද ගොඩනැගීම සඳහා මුල් ළමාවියේ සහ ප්රාථමික ශ්රේණි දරුවන් සඳහා විධිමත් ක්රමවේදයක්,වැඩපිළිවෙලක් තිබීම අත්යවශ්ය වේ . ලෝකයේ කියවීම ප්රවර්ධනය කරන බොහෝ රටවල මෙවැනි විශේෂ වැඩසටහන් ක්රියාත්මක කරනු ලබයි.
IBMC Lanka අප ආයතනය ද දරුවන්ගේ කියවීමේ පුරුද්ද ගොඩනැගීමේ අරමුණින්, පසුගිය වර්ෂවල විවිධ වැඩසටහන් ක්රියාත්මක කළ අතර මෙම වර්ෂයේ ආරම්භයේ සිට පෙර පාසල් දරුවන් ,දෙමාපියන් සහ ගුරුභවතුන් සඳහා වැඩසටහන් රැසක් දියත් කර ඇත.
'පාසලට පෙර පොත් 100 ක් හඬනගා කියවමු
Let's Read Aloud 100 books before school
වැඩසටහන IBMC Lanka අප ආයතනය ක්රියාත්මක කිරීමට සැලසුම් කරන තවත් එක් ව්යාපෘතියකි.
2021 වර්ෂයේ පොළොන්නරුව දිස්ත්රික්කයේ, මැදිරිගිරිය ප්රාදේශීය ලේකම් කොට්ඨාශය තුළ ' කතන්දර ඉස්කෝලේ' නමින් වැඩසටහනක් ආරම්භ කර ඇති අතර එය තමන්කඩුව ප්රාදේශීය ලේකම් කොට්ඨාසයේ සිගිති පෙර පාසලේ සුජානි ගුරුතුමිය සහ ලංකාපුර ප්රාදේශීය ලේකම් කාර්යාලයේ මුල් ළමාවිය සංවර්ධන නිලධාරි පවිත්රා දර්ශනී මහත්මිය විසින් හදුන්වා දී ඇත. මෙම සංකල්පය ඕස්ට්රේලියාවේ පාසල් පුස්තකාලයක සේවය කරන හෙල්මලි ගුණතිලක මහත්මියගේ මඟ පෙන්වීම මත එක් පෙර පාසලක වර්ෂයක කාලයක් පුරා ක්රියාත්මක කර එහි සාර්ථකත්වය මත මැදිරිගිරිය ප්රාදේශීය ලේකම් කොට්ඨාශය තුළ පෙර පාසල් හතළිහක මේ වන විට ක්රියාත්මක වෙමින් පවති.
කාලීන වශයෙන් ඉතා වැදගත් මෙවන් උතුම් කර්ත්යවයක් ආරම්භ කිරීම සඳහා සහයෝගය දුන් සැමට සහ කැපවීම් කළ සැමට අපගේ ගෞරවනීය ප්රණාමය පුද කළ යුතුය. විශේෂයෙන් මෙම ව්යාපෘතිය සාර්ථක කර ගැනීම සඳහා මැදිරිගිරිය ප්රාදේශීය ලේකම් කාර්යාලයේ හිටපු ලේකම්තුමා, මුල් ළමාවිය සංවර්ධන නිලධාරිනි, ආශා දිල්රුක්ෂි මහත්මිය, මුල් ළමාවිය ගුරුභවතුන් ,මැදිරිගිරිය සමුපකාර සමිතිය,ඕස්ට්රේලියාවේ පදිංචි ශ්රී ලාංකික පිරිස්, මුල් ළමාවිය සංවර්ධන උපදේශක සුනිල් සෝලන් ආරච්චි මහතා , දෙමාපියන්, ඇතුළු පරිත්යගශිලි ආයතන සහ පුද්ගලයන් රැසකගේ සහයෝගය ලැබී ඇත.
IBMC LANKA අප ආයතනය , මෙම සංකල්පය තව දුරටත් ව්යාප්ත කරමින් , මුල් ළමාවිය සංවර්ධනය නිලධාරිනි, ආශා මහත්මියගේ පෙන්වීම අනුව කෑගල්ල දිස්ත්රික්කයේ ක්රියාත්මක කිරීමට නියමිතය. ඔබ පළාතේ දෙමාපියන් සහ පෙර පාසල් ගුරුභවතුන් වෙනුවෙන් දැනුවත් කිරීමේ වැඩසටහන් , දරුවන්ට හඬනගා කතන්දර කියාදීමේ වැඩසටහන් කරවා ගැනීමට අවශ්ය නම් හෝ මුල් ළමාවිය වෙනුවෙන්ම නිර්මාණය කරන ලද පොත් ලබා ගැනීමට අවශ්ය නම් දන්වන්න .
Phone/WhatsApp 076 000 8920
E-mail: [email protected] See less
