01/03/2026
ඔන්න ඉතින් තවත් අලුත් දවසක්..
2026 අවුරුද්දේ මාර්තු මාසයත් පටන්ගත්තා.
මාස දෙකක් ගත වෙලා ඉවරයී..
චුට්ටක් නැවතිලා හොඳ හුස්මක් අරන් කල්පනා කරලා බලන්න ගතවුණු මාස දෙකක කාලය ගැන හිතනකොට ඔයාට ඔයා ගැන සතුටු වෙන්න පුළුවන් ද කියලා?
මේ අවුරුද්ද ට ඔයා හදපු සැලසුම් ක්රියාත්මක කරන්න පටන් ගත්තද? දැන් ඒ සැලසුම් වල ඔයා මොනවගේ දුරක් ඇවිල්ලද?
මේ 2026 අවුරුද්දත්, ගත වෙලා ගිය අනිත් හැම අවුරුද්දක්ම වගේ මුලින් තිබුණු බලාපොරොත්තු, අරමුණු තිබුණ වීදියටම ඊළඟ අවුරුද්දටත් අරන් යන කාලයක් කර නොගෙන, ඒ බලාපොරොත්තු වෙනුවෙන් හදපු සැලසුම් ක්රියාත්මක කරලා තරමක් දුරට හරි සාර්ථකත්වය සමරන අවුරුද්දක් කරගන්න ඒ වගකීම තියෙන්නේ අපි අතේමයී..
ඒ වගේම,
මං හැමදාම කියනවා වගේ ඔයාගේ සතුට තියෙන්නේ ඔයා ළඟමයී..
ඒක ඇත්තටම ඔයා අඳුනගත්ත දවසට, ඔයාට හිතෙයී සතුටු උල්පතක් ළඟ තියාගන අපරාදෙ දුක් වෙවී ගත කරපු කාලේ කියලා.
ඉතින්,
අද මාර්තු මාසේ පළවෙනි දවස..
තවත් වතාවක් මතක් කරන්න ඔයාගේ අරමුණු, බලාපොරොත්තු සහ ඔයා දවසක ගතකරන්න හීන දකින ඔයාගෙ Lifestyle එක..
තවමත් ප්රමාද නෑ.. මාස දෙකක් විතරයී මේ අවුරුද්දේ ගත වෙලා තියෙන්නෙ තවම.. ඔයාට තව මාස දහයක්ම ඉතිරියී..
පොතක් පෑනක් අරන්, නිහඬ නිස්කලංක වෙලාවක් හොයාගන හිතේ තියන සැලසුම් පිළිවෙලකට ලියන්න..
ඔලුවේ විතරක් හැම දෙයක්ම තියන් ඉන්න ගියොත්, ඔයාටත් නොදැනිම ඒ දේවල් එකින් එක මගහැරෙනවා..
අපේ හිත කියන්නේ සිතුවිලි දහස් ගණන් උපදින, නැතිවෙලා යන තැනක්.
ඒ නිසා, කිසිම සැලසුමක් හිතේ විතරක් තියන් ඉන්න එපා!
මේක ඔයා වෙනුවෙන් කරන වැඩක්!
මතක තියාගන්න.. ඒ පෑනයී පොතයී එක්ක ඔයා ඒ ගත කරන පුංචි විනාඩි කීපයක කාලය කියන්නේ, ඔයා ඔයා වෙනුවෙන් කරන ආයෝජනයක්.. ඔයා ඔයාගෙ ආනාගතය වෙනුවෙන් කරන වටිනාම ආයෝජනයක්.. ඔයා ඔයාගේ සාර්ථකත්වයේ ගමන ආර්ම්භ කරන හැරවුම් ලක්ෂ්යය තමයී එතන..
ඉතින්..
ජීවිතේ වෙනස් කරන ඒ විනාඩි කීපය, කිසිම භාහිර හේතුවක් මත නැති කරගන්න එපා.. කිසිම භාහිර හෝ අභ්යන්තර හේතුවක් මත කල්දාන්න එපා..
ඔයා මොන වයස් සීමාවක හිටියත්,
හිතන්න...
මේ ගත වෙන්නේ ඔයාගේ ජීවිතේ ලස්සනම කාලේ..
මේ තමයී හොඳම කාලේ..
එහෙනම්..
මාත් එක්ක එකතු වෙලා ඉන්න ඔයාලා හැමෝටම ජය!
Rarera's Vibe
