01/08/2026
කොළඹ වරායට බස්නාහිර දෙසින් නාවික සැතපුම් 17 ක් පමණ ඔබ්බෙන් වූ මුහුදු තීරයේදී වෙළඳ නෞකාවකින් ගිලිහී ගිය හිස් බහාලුම් 17 ක් මුහුදේ පාවෙමින් පවතින බවට ධීවර හා ජලජ සම්පත් දෙපාර්තමේන්තුව විසින් විශේෂ අනතුරු ඇඟවීමක් නිකුත් කර තිබේ.
පවතින මුහුදු දියවැල් රටාව සැලකිල්ලට ගැනීමේදී, මෙම පාවෙන හිස් බහාලුම් බේරුවල සිට මීගමුව හරහා පුත්තලම දක්වා විහිදෙන වෙරළ තීරය දෙසට ගොඩබිම දෙසට පාවී ඒමේ වැඩි සම්භාවිතාවක් පවතින බවද අදාළ නිවේදනයේ වැඩිදුරටත් දක්වා ඇත.
යම් හෙයකින් මෙම පාවෙන බහාලුම් කිසිවක් නිරීක්ෂණය වුවහොත්, ඒ පිළිබඳ තොරතුරු වහාම ධීවර හා ජලජ සම්පත් දෙපාර්තමේන්තුවේ ගුවන් විදුලි පණිවිඩ මධ්යස්ථානය වෙත හෝ ළඟම පිහිටි ධීවර වරාය නිලධාරීන් වෙත දැනුම් දෙන ලෙස වැඩිදුරටත් ඉල්ලා සිටියි.
