Curly & Burly

09/06/2026

මුල්ම වතාවට මම අද අපේ පිටුවෙ මේ ලියමන ලියන්නේ මගේ ජීවිතේම වෙච්ච Curly, ඔයා වෙනුවෙන් ❤️✨️

ඉතින් Curly, මේ දවස මට ඔයා උපන් දවසම විතරක් නෙවෙයි, මගේ ජීවිතේ ලස්සනම පරිච්ඡේදයක් ආරම්භ වුණු දවස 📖💫

Happy Birthday to my fabulous wife, my biggest supporter, my best friend, my adventure partner & the love of my life ❤️😍

Thank you for every sacrifice you've made, every quiet act of love, & every moment you've stood by me 💞

You have a beautiful way of making my world brighter, my heart calmer, and every ordinary day feel a little more special 💫💝

I wish you a life filled with endless happiness, good health, beautiful memories, and every success your heart dreams of 🎁🥰

Just as you have always stood beside me, I promise to stand beside you through every chapter, every dream, every challenge, and every adventure that comes our way 🤗 Your dreams are my dreams, your happiness is my happiness, and your hand is the one I want to hold through all of life's journeys ✨️

My love for you cannot be measured in words, days, or lifetimes. It grows beyond distance, beyond time, beyond forever itself ❤️😘

Happy Birthday, my hun bun ❤️🌹✨

I love you infinity times and more ♾️💕🥹

✍️ Yours loving, Burly

♡ 07.06.2026 ♡

02/06/2026

මට වෙලාවකට හිතෙනවා මං කොච්චර තෘප්තිමත් ජීවිතයක් ගෙව්වත් මට මෙහේ ගෙවන ජීවිතේ පුංචි හිස්තැන් දෙකක් දැනෙනවා කියලා 🥹 එකක් මට මගේ දෙමව්පියෝ ළඟ නැතිකම. අනික පන්සලේ බෝ මළුවේ සිසිලස විඳින්න නැතිකම 🍃

ඉතින් එහෙම හිතෙන වෙලාවට මං මගේ අතීතයට යනවා. පුංචි කාලේ අම්මගෙයි තාත්තාගෙයි අතේ එල්ලිලා වැලි මළුව දිගේ ඇවිදගෙන ගිය හැටි, බෝ පත්‍ර සුළඟට සෙලවෙන නාදයෙන් නැළවුණ හැටි, ඉරිදා උදේට මල් වට්ටියකුත් අතින් අරගෙන අක්කයි අයියයි එක්ක පා ගමනින්ම දහම් පාසල් ගිය හැටි, චුට්ටක් ලොකු වෙද්දි දහම් පාසලේ යාළුවොත් එක්ක වෙසක් කූඩු හදලා මුළු පන්සලම සරසපු හැටි, අදටත් ජීවිතේ නිදහස්ම නිස්කලංකම මතක. ඒ මතක මංපෙතේ ඇවිදිද්දි මට අදටත්, සුළඟත් එක්ක මුහු වෙච්ච පන්සල සිසාරා ගිය ඒ, හඳුන්කූරු සුවඳ දැනෙනවා දැනෙනවා වගේ. ඉතින් මං හිතාගන්නවා ඊළඟ නිවාඩුවට ලංකාවට ගියාම ටිකක් වැඩිවෙලාවක් පන්සලේ ගත කරන්න ඕනේ කියලා. මේ තියෙන්නෙ පහුගිය නිවාඩුවේ එහෙම ගත කරපු හවස්වරුවල අරගත්තු පින්තූර ටිකක් වගේම මතක මංපෙතේ සැරිසරන ගමන් දෙන්නත් එක්කම හදපු වෙසක් කූඩුවල පින්තූර.

✍️ මේ ඔයාලගේ Curly

01/06/2026

Our version of Heavenly Vesak 🪷💫

Send a message to learn more

26/05/2026

අපි හැමෝම කියනවානෙ, හරියටම අවුරුදු තිබ්බේ අපි අම්මයි තාත්තයි එක්ක පුංචි කාලේ අවුරුදු සමරද්දි කියලා. ඉතින් මටත් හිතෙනවා ඒ කතාව ඇත්තම ඇත්තක් කියලා. ඒ ඇත්ත නිසා වෙන්න ඇති ලංකාවෙන් දුර ඈත රටක හිටියත් අප්‍රේල් මාසෙ වෙද්දි තාමත් මාව ලංකාව පැත්තටම තල්ලු වෙලා යන්නෙ. ඉතින් මේ පාර අවුරුද්දට ගෙදර ගියවෙලේ අපි එකතුවෙලා ලෑස්ති කරගත්ත කැවිලි ටිකක් තමයි මේ 💖

ඇත්තටම මට හිතෙන්නෙ අවුරුදු තියෙන්නේ අම්මගෙ වැලඳගැනීම් ඇතුලේ ❤️🥰 තාත්තගෙ අහිංසක හිනාව ඇතුලේ ❤️😍 ඒ දෙකටම ලෝබකම් කරන දරුවන්ගෙ හදවත් ඇතුළෙ ❤️😘

✍️ මේ ඔයාලගෙ Curly

25/05/2026

මගේ අතින්ම හැඩවුණ අපේ අවුරුදු කැවිලි මේසෙ 🌞

08/05/2026

නාරං කැවුම් අපි අවුරුද්දට, ඉස්සර ඉඳන්ම හදපු ජාතියක් නෙවෙයි. මොකද, මං වැඩිය පැණිපොල් දාපු ජාති කන්න ආස කෙනෙක් නෙවෙයි. ඒත් දවසක් අපේ චූටි මාමාගෙ යාලුවෙක් අවුරුද්දෙන් පස්සෙ ගෙනා කැවිලි පාර්සලේකින් මට රසම රස නාරං කැවුමක් හම්බුණා. ඒකට මං කොච්චර ආස වුණාද කිව්වොත් අම්මා ඒ නාරං කැවුම් වලට Reverse Engineering පාරක් දාලා බැලුවා 😋😍 එතකොටයි මං දැනගත්තෙ මට ඒ නාරං කැවුමෙ පැණිපොල් රස highlight නොවුණෙ, ඒක ඇතුලෙ තියෙන රසම රස කිතුල් හකුරු වල රස highlight වුණ නිසා කියලා.

ඉන්පස්සෙ කීප සැරයක්ම අම්මයි මායි ආසම රසට නාරං කැවුම් හැදුවා. අපි බැන්දට පස්සෙ ලංකාවෙ හිටපු, හැම පාරම අවුරුද්දට කෑම හදද්දි Burly ත් අපිත් එක්ක එකතු වුණා. මේ ඉතිං අපි තුන්දෙනාම එකතු වෙලා මේ පාර හදපු රසම රස නාරං කැවුම් ❤️💫

✍️ මේ ඔයාලගෙ Curly

06/05/2026

අවුරුද්දට කලින්ම අපි ලංකාවට ගිය නිසාත් අවුරුදු ඉවර වුණු ගමන්ම ආපහු එන්න නියමිත වෙලා තිබුන නිසාත් පහුගිය දවස්වල අප්ඩේට්ස් මුකුත්ම අරන් එන්න බැරි වුණා.

ඒත් පහුවෙලා හරි මේ කොණ්ඩ කැවුම් හදන වීඩියෝව අරන් ආවේ, ඒ දවස මාව වගේම ඔයාලාවත් මොහොතකට හරි අපේ සුන්දර ළමා කාලෙට එක්කන් යයි කියලා.

මේ පාර අම්මයි මමයි බර්ලියි අපි තුන්දෙනාම එකතුවෙලා තමයි කැවුම් හැදුවේ. ඉතින් කැවුම් හදලා ඉවර වෙනකම්ම බර්ලිට වුණේ, හැමදාමත් වගේ තොරතෝංචියක් නැතුව කියවන මගේ අතීත මතක ගැන අහන් ඉන්න 💖💫 ඉතින් අපි යමු ඒ කතාවට.

ඒ කාලේ අපි කැවිලි හදන්න පටන් ගන්නේ දහවෙනිදා විතර. අපේ ගෙදර මහ ගෙදර වුණ හින්දද මන්ද අපි ඉස්සර ගෙවල් හැත්තෑවකට විතර කැවිලි පිඟන් යවනවා. එච්චර කැවිලි හදන එකත් ලේසි පහසු වැඩක් නෙවෙයිනෙ. අම්මයි මායි කලින් දවසෙම මෝලට ගිහින් හාල් ටික කොටාගෙන ඇවිල්ලා තියෙනවා. ඉතින් දහවෙනිදා උදේම ලොකු අම්මා එයාගේ කැවුම් තාච්චියයි, කූරයි අඩුමකුඩුම සේරමත් අරගෙන අපේ ගෙදර එනවා. සමහරදාට ලොකු අම්මත් එක්ක අක්කත් එනවා. අම්මයි, ලොකු අම්මයි තරඟෙට කැවිලි හදනකන් එයාලට සයිඩ් සපෝට් කරන්නෙ ඉතින් පුංචි අපි තමයි. සයිඩ් සපෝර්ට්ම විතරක් නෙවෙයි කොකිස් වගේ නම් ඒ කාලෙත් අපි තනියෙන් බදිනවා. එදාට ලිප ගාව රස්නෙට ඔරොත්තු දෙන්න කූල්ම කූල් ඔරේන්ජ් බාර්ලි බෝතලේකුත් වරදින් නෑ. ඒ මායි ලොකු අම්මයි දෙන්නම ආසම ජාතිය 🧡 අදටත් ලංකාවට ආවාම ඔරේන්ජ් බාර්ලි බෝතලයක් බොන්නෙ ඒ රස මතක අවදි කරමින්මයි ✨️

කැවුම් බදිද්දි අදටත් නිතරම මතක් වෙන්නේ සීයාව. ඒ කිව්වේ අපේ තාත්තගේ තාත්තව. සීයා හරිම ආසයි උණු උණුවෙ කැවුම් කන්න. කෝඳුරු කැවුම අයින් කරලා, බුද්ධ පූජාවට, පන්සලට, වෙන්කරනකන් සීයා ඉන්නෙ නොඉවසිල්ලෙන්, උණු උණුවේ කැවුම් කන්න. සීයට කිව්වට ඉතින් මාත් වැඩි වෙනසක් නෑ. ඇත්තටම අදටත් මං ආස බදිනකොටම උණු උණුවේ කැවුම් කන්න. එහෙම කනකොට තාමත් ඉස්සර දැනිච්ච ඒ හැඟීමම දැනෙනවා කියලා මට හිතෙනවා.

කොහොම කොහොම හරි දහතුන් වෙනිදා වෙන්න කලින් ඔක්කොම කැවිලි ටික අපි එකතුවෙලා හදාගන්නවා. ඉතින් පුංචි මගේ අවුරුද්ද පටන් ගන්නේ දහවෙනිදා ඉඳන්මයි. අපි හැමෝම කියනවානෙ, හරියටම අවුරුදු තිබ්බේ අපි අම්මයි තාත්තයි එක්ක පුංචි කාලේ අවුරුදු සමරද්දි කියලා. ඉතින් මටත් හිතෙනවා ඒ කතාව ඇත්තම ඇත්තක් කියලා. ඒ ඇත්ත නිසා වෙන්න ඇති ලංකාවෙන් දුර ඈත රටක හිටියත් අප්‍රේල් මාසෙ වෙද්දි තාමත් මාව ලංකාව පැත්තටම තල්ලු වෙලා යන්නෙ. ඔව් ඇත්තටම අවුරුදු තියෙන්නේ අම්මගෙ වැලඳගැනීම ඇතුලේ ❤️🥰 තාත්තගෙ අහිංසක හිනාව ඇතුලේ ❤️😍 ඒ දෙකටම ලෝබකම් කරන දරුවන්ගෙ හදවත් ඇතුළෙ ❤️😘

✍️ මේ ඔයාලගෙ Curly

30/03/2026

මේ අපි දෙන්නා මේ පාර ලංකාවට ආවට පස්සේ ගියපු live concert එකක් ❤️ අපේ relationship එකෙන් අවුරුදු ගානක්ම long distant ඉන්න වුණ නිසා අපට මේ වගේ අවස්ථා ලැබුණෙ හරිම අඩුවෙන් 💝 ඒ නිසා අපි හිතුවා මේ පාර vacation ආවාම අපි දෙන්නගෙ සතුට වෙනුවෙන් දේකුත් කරන්න ඕන කියලා 💫

22/03/2026

මේ අපි ආව දවසෙම අම්මා හදලා දුන්න රසම රස lunch එක ❤️ ආසම විදිහට හින්දපු පරිප්පු තෙම්පරාදුවයි, මිරිසට චිකනුයි, පපඩමුයි, අල කූරු තෙල් දැමුමයි, වත්තෙන්ම කඩාගත්ත කවලම් පලාවයි නියමෙටම අල්ලලා ගියා 🥰💫