11/08/2026
🔴 ශබ්ද දූෂණයට එරෙහිව දැඩි තීරණයක්: වරෙන්තු නැතිවම අත්අඩංගුවට ගැනීමේ බලතල පොලිසියට!
මධ්යම පරිසර අධිකාරිය විසින් පරිසර පනත යටතේ ශබ්ද දූෂණය පාලනය කිරීම සඳහා දැඩි නව රෙගුලාසි මාලාවක් හඳුන්වා දීමට පියවර ගෙන ඇත.
ඒ අනුව, මින් ඉදිරියට ශබ්ද දූෂණය සිදුකිරීම වරෙන්තුවක් නොමැතිව අත්අඩංගුවට ගත හැකි වරදක් ලෙස ප්රකාශයට පත් කෙරේ.
🔶 දැඩි නීතිය ක්රියාත්මක වන ප්රධාන අවස්ථා
▪️වාහන ඝෝෂා
අධික ලෙස ශබ්ද නගන නලා (Horns) සහ නවීකරණය කළ සයිලන්සර් (Modified silencers) භාවිතය.
මගීන්ට පීඩා දෙන බස් සංගීතය, ශබ්ද විකාශන යන්ත්ර
▪️එළිමහන් සාද හා සංදර්ශන
නිසි අවසරයකින් තොරව පවත්වනු ලබන එළිමහන් සංගීත සංදර්ශන සහ ඝෝෂාකාරී රාත්රී සාද.
▪️කර්මාන්ත හා ඉදිකිරීම් පැත්තෙන්
මහජනතාවට පීඩාවක් වන අයුරින් ඝෝෂාකාරීව සිදුකරන කර්මාන්තශාලා මෙහෙයුම් සහ ඉදිකිරීම් කටයුතු.
🔶 නව තීරණයට පදනම් වූ කරුණු
▪️ශබ්ද දූෂණය සම්බන්ධයෙන් පසුගිය කාලය පුරාවට මහජනතාවගෙන් ලැබුණු අධික පැමිණිලි ප්රමාණය.
▪️අධික ඝෝෂාව නිසා රෝගීන්, වැඩිහිටියන් සහ පාසල් දරුවන් මුහුණ දෙන මානසික හා ශාරීරික පීඩාවන් අවම කිරීම.
🔶 ක්රියාත්මක කිරීමේ ක්රමවේදය
මෙම නව රෙගුලාසි ඉදිරියේදී විශේෂ ගැසට් පත්රයක් මගින් ප්රකාශයට පත් කිරීමෙන් අනතුරුව දිවයින පුරා දැඩිව ක්රියාත්මක කිරීමට නියමිතයි.
ඉන්පසු, අධිකරණ වරෙන්තුවක් ලැබෙන තෙක් නොසිට, ක්ෂණිකව ක්රියාත්මක වී සැකකරුවන් අත්අඩංගුවට ගැනීමට පොලිසියට සහ අදාළ පරිසර නිලධාරීන්ට පූර්ණ බලය හිමිවේ.
