15/08/2024
පාට පක්ෂ භේද පසෙකලා
ගල්ගමුවම රනිල් වෙනුවෙන් පෙළ ගැසෙයි...
කුරුණෑගල දිස්ත්‍රික්කයේ වැඩිම ඡන්ද ප්‍රමාණයක් හිමි, භූමි ප්‍රමාණයෙනුත් විශාලතම ආසනයේ ඊයේ අලුත් වැඩක් පටන් ගත්තා.
ඒ මෙවර ජනාධිපතිවරණයේදී ස්වාධීන අපේක්ෂකයෙකු ලෙස තරඟ වැද සිටින වත්මන් ජනාධිපති රනිල් වික්‍රමසිංහ මහතාගේ ජයග්‍රහණය වෙනුවෙන් පක්ෂ පාට, වාද භේද පසෙකලා සියලුම දෙනා එකතුවීමයි.
මෙය සංවිධානය කළේ වත්මන් මහජන පක්ෂ නායක, කුරුණෑගල දිස්ත්‍රික් පාර්ලිමේන්තු මන්ත්‍රී අසංක නවරත්න මහතා, නව සන්ධානය නියෝජනය කරන හිටපු නියෝජ්‍ය අමාත්‍ය තාරානාත් බස්නායක මහතා, එ.ජා.ප. ය නියෝජනය කරන එහි කලාප සංවිධායකයන් වූ නීතිඥ මංජුල සේනානායක මහතා සහ ගල්ගමුව ප්‍රාදේශීය සභාවේ හිටපු විපක්ෂ නායක අමීර් ෆවුස් මහතා, ශ්‍රී ලංකා නිදහස් පක්ෂයේ හා ශ්‍රී ලංකා නිදහස් පක්ෂයේ හිටපු පළාත් පාලන මන්ත්‍රීවරුන් ඇතුළු පිරිසයි.
මේ සඳහා පාර්ලිමේන්තු මන්ත්‍රීවරුන් වන අනුර ප්‍රියදර්ශන යාපා මහතා සහ මංජුලා දිසානායක මහත්මිය ඇතුළු හිටපු පළාත් පාලන සභිකයින්, එක්සත් ජාතික පක්ෂය, ශ්‍රී ලංකා පොදුජන පෙරමුණ, ශ්‍රී ලංකා මහජන පක්ෂය, සමගි ජන බලවේගය, නව සන්ධානය, ශ්‍රී ලංකා නිදහස් පක්ෂය ඇතුළු පක්ෂ ගණනාවක් නියෝජනය කරමින් එම පක්ෂයන්හි ආසනයේ සංවිධායකයින් මෙන්ම කලාප නායකයින් හා කොට්ඨාශ නායකයින් විශාල පිරිසක් එක්ව සිටියා.
රටට හොඳ කලක් හදමු.
නිවැරදි නායකත්වයක් සමග රට ඉදිරියට ගෙනයමු.
