30/07/2026
දෙවිනුවර ❤️
දෙවිනුවර කාවඩි වල ඉතිහාසය ගැන කතා කරද්දි ඒක මේ පෙරහැරට එකතු වෙන්නෙ අදින් වසර 100ක් හෝ 150ක් පමණ කාලයකට පෙර. කාවඩි නර්ථනය ගත්තම ඒක ස්කන්ද කුමාර නැතිනම් කතරගම දෙවියන් වෙනුවෙන් පමණක් සිදුකරන පූජාවක් විදියටයි සලකන්නෙ. ඒත් දෙවිනුවට දේවාලයේදී එය කතරගම සහ විශ්නු දෙවියන් වෙනුවෙන් පවත්වනවා. මුලින්ම දෙවිනුවර දේවාලයේදී මෙම නර්තනය ආරම්භ වෙන්නේ දකුණු ඉන්දියානු වෙලෙන්දන් හා කම්කරුවන් මෙරටට පැමිනීම සමග ඔවුන්ගේ බාරහාර ඔප්පු කිරීම සඳහා තනි තනිව පෙරහැරේ කාවඩි නර්ථනයේ යෙදී තිබෙනවා. ඉන්පසුව මෙය ස්ථිර ලෙස එකතු වෙන්නෙ 1950න් වගේ පස්සෙ. ඊට පස්සෙ කාවඩි නර්ථන කණ්ඩායම් වලට පෙරහැරට එක්තු වෙන්න අවස්ථාව ලැබෙනවා. වර්ථමාණය වන විට භාර හාර සඳහා සහ කණ්ඩායම් සඳහා අවස්ථාව ලැබෙනවා. මේ කණ්ඩායම් බොහොමයක් දෙවිනුවර පෙරහැර සඳහාම නිර්මාණය කරගත් කණ්ඩායම් විදියට දක්වන්න පුලුවන්.
මේ දෙවිනුවර වැඩ ඉන්නෙ දෙවිනුවර ශ්රී උපුල්වන් විශ්නු දෙවියන් කියල සඳහන් උනත් සංකල්පීයව මේ දෙවිවරුන් දෙදෙනෙක්. විශ්නු දෙවියන් යනු හින්දු සංස්කෘතියේ ප්රධාන දෙවිවරුන් තිදෙනාගෙන් එක් අයෙක්. එහෙත් උත්පලවන්න නැත්නම් උපුල්වන් කියන්නෙ නිල් පැහැති ශරීරයක් ඇති සිංහල දෙවි කෙනෙක්. කෙසේ නමුත් නායක්කාර් වංශික රජවරුන් ලංකාවේ පාලණය ඇරඹීමත් සමඟ මෙම දෙවිවරු දෙදෙනාම එක් අයෙක් ලෙස සැලකීමට පටන් ගෙන තිබෙනවා. ඒ ඔස්සේ තමයි අදටත් උපුල්වන් විශ්ණු දෙවියන් ලෙස හඳුන්වන්නේ..
ප්රභාත් ගොඩකන්ද ✍️
