Reading with Sandu

10/07/2026

ආයෙමත් ලැබුණොත් පණ ගැහෙන හදවතක්
මට අවැසි වන්නට ශ්වේත පැහැ නෙළුමක්
මහා සයුර පරදන වැවක් මැද උපතක්
පිපුණාම පිදෙන්නට සෑය ළඟ වරුවක්

සුවඳ පෙති විහිදුවා සෑ මළුවෙ පිදෙන්න
සඳ රැස්වලින් තෙමි තෙමී හිත නිවන්න
සීතලම හුළඟකට සුවඳ මුසු කරන්න
මහා සෑයෙ ගලක් මත පෙති පරව යන්න

මට ඕනි ආයෙමත්,
සුදු නෙළුමක්ව පිපෙන්න.....

📖 සුදු නෙළුමක් වී
✍🏻 අහින්සා පැහැසරණි | අහින්සා පැහැසරණි

08/07/2026

අතිශය භයානක ඝාතන රැසක් සිදු කරන දාම ඝාතකයෙක් ගැන කියවෙන කතාවක්...... ඒ තරම් අමානුශික විදියට මිනිස්සුන්ව මරන්න නම් කොයි තරම් දරුණු පලිගැනීමේ චේතනාවක් ඒ කෙනාගේ හිතේ තියෙන්න ඇති ද?

මේක thriller book එකක් වුනාට අතීතයේ ග්‍රාමීය සමාජයේ කාන්තාවන්ට මුහුණ දීමට සිදුවුණ දරුණු අසාධාරණකම් වගේම දරුණු හිංසනයන් පිළිබදව මේ කතාවෙන් හරිම ලස්සනට විස්තර කරලා තියෙනවා.... ඒ වගේම මේ කතාවේ අවසානය වෙනකන්ම මේ දරුණු මීනිමරුවා කවුද කියන කුතුහලය තියෙනවා....

රෑට කියවන්න එපා කියලා කිව්වට මන් නම් පොත කියෙව්වෙම රෑට 🤭🤭

ඉතින් ඔයාලත් කියවලා බලන්න... මේ දරුණු දාම ඝාතකයා කවුද කියලා ඔයාලයත් හොයා ගන්න පුළුවන් වේවිද කියලා

📖 අවසන් රතු නිවේදනය | The Red Note
✍🏻 මල්ශාන් වලිමුණිගේ | මල්ශාන් වලිමුණිගේ

#අභිරහස්කතා

28/06/2026

ජුනි මස කියවූ පොත් 😊😊

ඔයාලත් මෙතනින් කියවලා තියෙන පොත් ගැන අදහසක් කියාගෙන යන්න.....

27/06/2026

"මට තේරෙන්නේ නෑ.. ඔයාගේ ඇස් දකින හැම වෙලාවක ම
පපුව ඇතුළේ විදුලි කොටනවා...
ඔය කවිකාර ඇස් මාව උමතු කරවනවා...
ඒ නිසා ම ඔය ඇස්වල ම පැටලෙන්න මගේ ඇස් වෙහෙසෙනවා...
මට කියලා දෙන්න.. ඒකට කියන්නේ ආදරය නෙවෙයි ද..?"

26/06/2026

ලොවීනා 📚 📕 ❤️

මවුන්ට් ලැවීනියාවේ සැඟවුණු ආදර කතාව.....

ගල්කිස්ස මවුන්ට් ලැවීනියා වුණු ඒ ලස්සන කතාව තමයි ලොවීනා......

එක පාරක් කියවලා රසයේ අඩුවක් නැතුව ආයේ ආයෙම කියවන්න පුළුවන් පොතක්... ලොවීනා කියන්නේ ආදර කතාවක්. නමුත් වෙනස්ම විදියක ආදර කතාවකි.....

ඇත්තටම එක ආදර කතාවක් විතරක්ම නෙමෙයි තියෙන්නේ. ආදර කතා කිහිපයක්ම මේ කතාව ඇතුලේ තියෙනවා...

ඒ වගේම ආදරය, වේදනාව, බලාපොරොත්තු, මනුශ්‍යත්වය, ඉතිහාසයේ ලංකාවේ සමාජ පසුබිම, අතීත සමාජයේ තිබුණු කුලමල භේදය, අතීත සමාජයේ කාන්තාව මුහුණ දුන් විවිධ අසාධාරණකම් යන සියල්ලම කැටි කරගත් ප්‍රේම වෘතාන්තයක්.....

මොහාන් රාජ් මඩවල මහතාගේ පොත් වලින් මං කියවපු ලස්සනම පොත තමයි මේ ලොවීනා පොත...

*************

📖 ලොවීනා
✍🏻 මොහාන් රාජ් මඩවල| Mohan Raj Madawala

#ලොවීනා

26/06/2026

පොත් කියන්නෙම හිත් නිවන ඔසුවක්...

24/06/2026

ඉරුණු පිටු......

අසෙනි වර්ෂාගේ පොත් වලින් මං කියවපු පළවෙනි පොත..... මේ පොත ගත්තේ පොතේ cover එකේ design එකට ආස වෙලා....

මේ පොතේ කතාව වෙන්නේ තමන්ගේ දෙමව්පියන් ළග මලක් වගේ හැදුනු වැඩුණු තරුණියක් විවාහ වෙලා තමන්ගේ සැමියාගේ නිවසට යනවා.... එම තරුණයාගේ පියා මිය ගියාට පස්සේ අම්මා තමයි දුක් විදලා දරුවන් පෝෂණය කරන්නේ... ඉතින් තමන්ගේ පුතා විවාහ වෙලා බිරිඳව තමන්ගේ නිවසට කැන්දාගෙව ආවට පස්සේ ඒ තරුණියට සැමියගේ අම්මාගෙන් එල්ල වෙන පීඩනය පිළිබඳව තමයි මේ කතාවේ තියෙන්නේ.... ඇත්තටම මේ කතාවේ අද සමාජයේ දක්නට ලැබෙන නැන්දම්මා-ලේලි ගැටුම තමයි කියවෙන්නේ....

මට මේ ⁣කතාවේ හිතට වැදුනම කොටස තමයි නූරි එහෙමත් නැත්නම් නූර්යාගේ අම්මා කිව්ව වදනකට...

"ම⁣ට ඉන්නේ කෙල්ලෝ දෙන්නෙක්. මං නපුරු නැන්දම්මා කෙනෙක් වුනොත් මට බයයි මගෙ කෙ⁣ල්ලෝ දෙන්නටත් එහෙම වෙයි කියලා. මං මගේ දරුවෝ දෙන්නට වෙනවට අකමැති දෙයක් වෙන දරුවෙක්ට දෙන්නේ කොහොමද? අම්මා එයාට ආදරෙන් හිටියම දවසක මගේ දුවල දෙන්නගේ නැන්දම්මලත් ඔයාලය ආදරෙන් ඉදිවී...."

ඉතින් හැම නැන්දම්මා කෙනෙක්ම තමන්ගේ පුතාගේ බිරිඳ ගැන මේ විදියය හිතුවා නම්...... ඒ වගේම හැම ලේලි කෙනෙක්ම තමන්ගේ සැමියාගේ අම්මා තමන්ගේ ම අම්මා විදියට හිතුවා නම් කවදාවත් නැන්දම්මා-ලේලි ගැටුව් ඇති නොවේවි.. ඒ වගේම තමන්ගේ අම්මත් බිරිඳත් අතර කිසිම සැමියෙක්- පුතෙක් අසරණ නොවේවි..

මේ ⁣ඉරුණු පිටු පොතෙන් කතාව අවසන් වෙන්නේ නෑ... මේ පොතේ දෙවෙනි කොටස තමයි "ඉතිරි පිටු" කියන පොත.... ඉතින් ඒ පොතත් කියවලා සම්පූර්ණ කතාව ගැන review එකක් දෙන්නම්.....

📖ඉරුණු පිටු
✍🏻 අසෙනි වර්ෂා
Nohandunanni publishers

23/06/2026

මගේ වලව් කතා collection එකට අලුතින්ම එකතු වුණු පොත තමයි මුතුගල වලව්ව......

මුතුගල වලව්වේ පුංචි හාමු....වීර්ෂාන් මුතුගල සමඟ විවාහ වන දුප්පත් අහිංසක යුවතියක් වන තුරුලි අතර ආදර කතාව තමයි මුතුගල වලව්ව පොතෙන් ගෙන එන්නේ.....

මුතුගල වලව්ව කියන්නේ අභිරහස් රැසකින් පිරුණු ගුප්ත තැනක්..... විවාහයෙන් පස්සේ මේ මුතුගල වලව්වට එන තුරුලිට මුතුගල වලව්වේ සැගවුණු අභිරහස් රැසක් හෙළි කරගන්න පුළුවන් වෙනවා..

මුතුගල වලව්ව කියන්නේ කම්මැලි නැතුව කියව්ව පුළුවන් ලස්සන ම ලස්සන පොතක්....

ඉතින් මං වගේ වලව් කතා කියවන්න කැමති ඔයාලත් කියවලා බලන්න මේ පොත...

**********************

📖 මුතුගල වලව්ව
✍🏻 තිලිනි දහම්යා ගමගේ |Thilini Dahamya Abhi

#වලව්කතා #අභිරහස්කතා

22/06/2026

21/06/2026

" මහ වැස්සකට පුළුවන් ජීවිතයේ ලස්සනම මතකයක් දිය කරලා දාන්න..."

හැබැයි කවදාවත් මහ වැස්සකට බෑ අපරාධයක සාක්ෂි සම්පූර්ණයෙන්ම විනාශ කරලා දාන්න....

අදූගේ මං කියවපු දෙවෙනි පොත මේ..... fb එකේ ගිය කතා කියවලා ආස වෙලා 2025 book fair ගිහින් අදූගේ පොත් 3 ක් අරන් ආවා....

The last mission වගේම මේ පොතත් සුපිරියක්....

ත්‍රාසය, භීතිය, කුතුහලය උපරිමයටම තියෙන පොතක්....

ඒ වගේම අදූගේ හැම කතාවකින්ම වගේ මේ කතාවෙනුත් සමාජයට වැදගත් පණිවිඩයක් දෙනවා....

සාමාන්‍යයෙන් මනුශ්‍යයින් මනසින් උසස් යැයි පැවසුවත් ඇතැම් මිනිසුන්ට තිරිසනෙක්ටත් වඩා අන්ත වෙන්න ගත වෙන්නේ ඉතාමත් කෙටි කාලයක්...... මේක අද සාමාජයේ සුලබව දකින්න වෙන දෙයක්...

ඒ වගේම අද සමාජයේ තරුණ ගැහැණු දරු⁣වෙකුගේ ජීවිතය ඉතාමත් අනාරක්ෂිත තත්ත්වයට පත්වෙලා තියෙනවා....ඒ බව වර්තමානයේ සුලබව සිදුවන ස්ත්‍රි දූෂණ, මිනී මැරීම් වලින් පැහැදිලි වෙනවා.... අදූ කතාවක් තුළින් උනත් එය මනාව දක්වලා තියෙනවා....

ඒ වගේම යුක්තිය ඉෂ්ට කිරීමට ඉන්න පොලිස් නිලධාරීන් සුදු ඇදගත් කළු චරිත තියෙන දේශපාලඥයන්ගේ වාසියට නීතිය වෙනස් කරන ආකාරය, සාක්ෂි විනාශ කරන ආකාරය අපිටත් අද සමාජයේ දකින්න පුලුවන්....

හැබැයි ඒ නිලධාරින් අතරේ යෂ් වගේ යුක්තිය සාධාරණය ඉෂ්ට කරන අවංක නිලධාරීනුත් ඉන්නවා කියලා අපිට අමතක කරන්න බෑ....

මං මේ පොතේ කතාව ගැන විස්තරයක් කරන්නේ නෑ... මේක කියවලාම බලන්න ඕන පොතක්....

තරුණියකගේ අභිරහස් ඝාතනයේ සුලමුල සොයා යන යෂ්මන්ත නම් නිලධාරියාගේ විමර්ෂණය පිළිබඳව ලියවුණු කතාවයි.....

කියවලා බලන්න..... යෂ්ට මනෝජ්ගේ ද සහය ඇතිව මේ දරුණු ඝාතන අභිරහසේ සුලමුල සොයා ගත හැකි වේවිද?

ඒ වගේම ඉදිරියේදි අදූ ඉෂිටත් සධාරණයක් කරයි කියලා බලාපොරොත්තු වෙනවා.....

📖සන්හිල්ස් ඝාතන අභිරහස
✍🏻අංජන දුෂ්‍යන්ත |අදු - Adhu

⭐️⭐️⭐️⭐️⭐️

#අභිරහස්කතා #සිංහලනවකතා