27/05/2023
Design by Clouds Manor
Dm me for orders - 070 116 7747
සුබ උපන්දිනයක් වේවා මහේල !!
පොඩි කාලේ ඉඳන්ම මගේ ක්‍රිකට් ලෝකේ වීරය මහේල. ඒ අපේ ස්කෝලේ කොල්ලෙක් හින්දම විතරක් නෙමෙයි දන්න කියන කාලේ ඉඳන්ම නැෂනල් ලෙවල් එකේ 'පොරක්' නිසා !
ශ්‍රී ලංකා ජාතික කණ්ඩායම අවුරුදු 18ක් නියෝජනය කරපු මහේල ක්‍රිකට් වෙනුවෙන්, ලංකාව වෙනුවෙන් කරපු දේවල් ඔක්කොම හොය හොය ලියන්න ගියොත් මහේලගේ උපන්දිනේ ඉවරත් වෙනකන් ලියන්න පුලුවන්. ඒ හින්දා කෙටියෙන් මහේල ගැන ලියන්නම් !
ශ්‍රී ලංකාව වෙනුවෙන් අවස්තා 652දී ජාතික කණ්ඩායම නියෝජනය කරපු මහේල ලකුණු 25000+ ලබාගෙන තියෙන්නේ ජාත්‍යන්තර ශතක 54ක් සහ අර්ධ ශතක 136ක් එක්කයි. ඒ විතරක් නෙමෙයි සුපිරි පන්දු රකින්නෙක් උණ මහේල උඩපන්දු 440ත් රැකගන්න සමත් උණා. මේ කිව්වේ ඉන්ටර්නැෂනල් ලෙවල් එකේ හොඳේ. ෆර්ස්ට් ක්ලාස් ලෙවල් එකේදී, ෆ්‍රැන්චයිස් ලීග් වලදී මහේල ලකුණු 40,000ට කිට්ටු වෙන්න ගැහුව 'පොරක්' !!
ටෙස්ට් ක්‍රිකට් ජීවිතේ පටන්ගත්ත තරඟෙම මහේල 50ක් ගැහුවට, ඒ මැච් එකේ සනත් මහානාම ඉන්දියාවට අල්ලං ගහපු වාර්තාගත ගැහිල්ල නිසා මහේලව එච්චර කැපිලා පෙණුනේ නෑ. ඒ උණාට ඊට අවුරුදු 9ට පස්සේ සනා මහානාම තිබ්බ රෙකෝර්ඩ් එක මහේල දකුණු අප්‍රිකාවට ගහලා කඩන්නේ සංගා එක්ක. ලෝකේ 4වෙනි වැඩිම ටෙස්ට් ඉණිමේ අයිතිය තියෙන්නෙත් මහේලට වගේම තමයි ලංකාවේ "දීර්ඝ, අභිමානවත් ටෙස්ට් ඉතිහාසයේ ලකුණු 300ක් ගැහුව" දෙවෙනි ක්‍රීඩකයා වෙන්නෙත් මහේල. (තාම ලංකාවේ 300 ගහලා තියෙන්නෙත් තුන්දෙනයි)
විස්සයි විස්ස ලෝකෙදිත් පොල් අඩි වෙනුවට ටයිමින් ප්ලේස්මන්ට් තිබ්බනම් සුපිරී කියලා පෙන්නුව මහේල තමයි තවමත් (සමු අරන් අවුරුදු 10ටත් කිට්ටුයි) විස්සයි විස්ස ලෝක කුසලාන වල වැඩිම ලකුණුලාභියා වෙන්නේ. ඒ වගේමයි ලංකාවේ කෙනෙක් විදියට පළවෙනිම ජාත්‍යන්තර විස්සයි විස්ස ශතකය රැස් කරන්නෙත් මහේල. (තවම ගහලා තියෙන්නෙත් 100 එව්වා දෙකයි)
එක්දින ක්‍රිකට්වල ලංකාව වෙනුවෙන් තුන්වන වැඩිම ලකුණුලාභියා වෙන්නේ මහේල. ඒ විතරක් නෙමෙයි වන්ඩේ වල ඕපනර් කෙනෙක් විදියට සෑහෙන්න හොඳ රෙකෝර්ඩ් එකක් තියෙන (ඇවරේජ් එක 43ක්, ස්ට්‍රයික් රේට් 91ක්) මහේල නායකයෙක් විදියට ඕපනින් පොසිෂන් එක ඩිල්ශාන්ට නොදුන්නනම් ඩිල්ශාන් කෙනෙක් නැති වෙන්න තිබුණා වගේම තමයි මහේල කියන බැටාගේ ෆුල් පොටෙන්ෂල් එකත් දකින්න තිබ්බා. හැබයි මහේල කියන කැප්ටන්ගේ ෆුල් පොටෙන්ෂල් එක තමයි ඒ ❤️
නායකයෙක් විදියට ස්ටැට්ස් අතිනුත් හොඳම නායකයෙක් වෙන මහේල ලංකාවට වැඩිම ටෙස්ට් ජයග්‍රහණ ගෙනාපු නායකයා විදියට සම පළමු ස්ථානයේ ඉන්නේ සනත් එක්ක. දෙන්නගෙම ජයග්‍රහණ ප්‍රතිශතය 60%ක් !!
එක්දින වල දෙවන වැඩිම ජයග්‍රහණ සංඛ්‍යාවක් මහේල යටතේ ලියවෙද්දී මහේලගේ ජයග්‍රහණ ප්‍රතිශතය 58.05ක් ඒ ලංකාවේ නායකයෙක්ට තියෙන දෙවන හොඳම සාමාන්‍යය. (1. සනත්)
පන්දුවාර 20 රටාවේ ලංකාවේ පළවෙනිම නායකයා උණ මහේල පළවෙනිම තරඟයෙන්ම ලංකාවට විස්සයි විස්ස ජයක් ගේන්නේ එංගලන්තය පරද්දලා. මහේල තරඟ 19දී ලංකාව මෙහෙයවලා 12කදී දිනලා තියෙනවා. ඒ ප්‍රතිශතය 65.78ක් විදියට තියාගෙන. මේ තමයි ලංකාවේ හොඳම විස්සයි විස්ස ජයග්‍රහණ ඇවරේජ් එක !!
තව ලියන්න ගියොත් ස්කෝලේ කාලේ ඉඳන්ම ආව විදියයි, නායකයෙක් විදියට කරපු වැඩයි, දැන් ක්‍රිකට් වලට ඒ කාලේ SLPL එකේදිම වයඹ ටීම් එකේ තියං ප්ලෙයර්ස්ලා හැදුව විදියයි, ක්‍රීඩකයෙක් විදියට සමු ගත්තට පස්සේ තිරය පිටිපස්සේ ඉඳන් කරන වැඩ ටිකයි, අයි සී සී එකෙන් Hall of Fame දාපු ඒවයි ගොඩක් ලියන්න පුලුවන්. ඒවා ඔක්කොම ලියන්න ගියොත් උපන්දිනේ ඉවර වෙන නිසා මෙතනින් මේ පෝස්ට් එක නවත්තනවා !
සුබ උපන්දිනයක් වේවා මහේල !!
Happy birthday master Mind Mahela Jayawardena !!
-------------------------------------------------------------------------
Design by - Clouds Manor
#ඉල්ලංයංඅපිගේම
