04/01/2026
අමතක කිරිම..!(කියවලාම බලන්න👇)
එක්තරා රටක රජෙකුට වල් බල්ලන් දස දෙනෙක් සිටියා.වැරදි කළ ඕනෑම සේවකයෙකුට රජතුමා දීපු දඬුවම උනේ වල් බල්ලන්ට කෑමට දැමීම.
දවසක් එක සේවකයෙක්ට,ඔහුට පැවරිලා තිබුණු වැඩ අතපසු වෙලා තිබුණා.රජතුමා මේ ගැන ඉතාම තදින් කිපිලා ඒ සේවකයා බල්ලන්ට කන්න දාන්න කියල අණ කලා.
ඒ වෙලාවෙ බියටත් තැතිගැන්මටත් පත්වෙච්ච සේවකයා මෙහෙම කිවුවා,
“වසර දහයක් දිවා රෑ නොබලා ඔබ වෙනුවෙන් ඔබේ යහපත වෙනුවෙන් තුන් හිතෙන්ම අවංකව කටයුතු කල මට, මගේ කුඩා අතපසු වීමක් නිසා මෙහෙම කරනවාද?
එසේනම්,
මා සේවය කල වසර දහය වෙනුවෙන් මා හට සහනයක් ලබා දෙන්න
මාව ඒ බල්ලන්ට විසි කරන්න කලින් මට දවස් දහයක් ජීවිත දානය දෙන්න එතෙක් මාහට සුපුරුදු විදිහට වැඩ කරන්න දෙන්න ඉන් පසු ඔබතුමාගෙ දඬුවම ක්රියාත්මක කරන්න.”
සේවයකයාගේ ඉල්ලීමට රජු එකඟ උණා හැබයි ඔහුගෙ කෝපයේ අඩුවක් වෙලා තිබුණේ නැහැ.
ඊට පස්සෙ ඒ සේවකයා බල්ලන් බලා ගන්නා මුරකරු වෙත ගිහින් ඉදිරි දින දහය සඳහා තමන් ඔහු සමග රාජකීය බල්ලන්ගේ සේවය කිරීමට කැමති බව කිවුවා.
මුරකරු තරමක් අකමැත්තෙන් නමුත් තමන්ට ඉන් ලැබෙන වාසිය නිසා එකඟ උණා.
සේවකයා බල්ලන්ට කෑම දීම, ඔවුන්ගේ කූඩු පිරිසිදු කිරීම, ඔවුන් ස්නානය කරවීම සහ ඔවුන්ට සියලු ආකාරයේ සුවපහසුව ලබා දීමට සහ ආදරයෙන් සැලකීමට පටන් ගත්තා
දින දහය අවසන් වුනාට පස්සෙ, රජතුමා සුපුරුදු ලෙස දඬුවම සඳහා සේවකයා බල්ලන්ට දමන ලෙස නියෝග ලබාදුන්නා
දඬුවම වෙනුවෙන් ඒ සේවකයාව රුදුරු බල්ලන් විවේක ගනිමින් සිට්න විශාල බලු කූඩුව ඇතුළට විසි කල වහාම බල්ලන් සේවකයාට නගුට වැනීමත් දෙපා ලෙවකන්නත් පටන් ගත්තා. මේ සිදුවීම දැක්ක සියල්ලෝම මවිතයට පත් වුණා.
තමා දුටු දෙයින් වික්ෂිප්ත වූ රජු මෙහෙම ඇහුවා
"මගේ බල්ලන්ට මොකද වෙලා තියෙන්නේ?"
සේවකයා මේ විදිහට පිළිතුරු දුන්නා,
"මම දින දහයක් පමණ බල්ලන්ට සේවය කළා. ඉතාම කෙටි කාලයක් ඔවුන් සමග කටයුතු කලත් ඔවුන් මගේ සේවය අමතක කළේ නැහැ. නමුත් මම ඔබට වසර දහයක් පුරා සේවය කළත් මගේ පළමු වැරැද්දෙන් ඔබට සියල්ලම අමතකවෙලා ගියා!"
රජු තමන්ගේ වරද තේරුම් ගෙන සේවකයා නිදහස් කරන ලෙස නියෝග කළා
ඔබ අකමැති දෙයක් නිසා ඔහු/ඇය කල යහපතෙන් පිරුණු ඉතිහාසය අමතක කරන්න එපා..!
උපුටා ගැනිමකී🎀
